Икенчегә әни булганнан соң шактый вакыт социаль челтәрләрдән һәм иҗат мәйданыннан югалып торган җырчы Чәчкә янә тамашачылары һәм язылучылары белән элемтәдә. Җырчы үзенең өр-яңа җырын тәкъдим итте. Дөрес, әлегә фикер алышу өчен артистның шәхси сәхифәсенә җырның бер өлеше генә урнаштырылган.
«Ниһаять, озын паузадан соң, яңа җыр яздым. Тыңлап карагыз әле. Фикерләрегезне көтәм. ә исемен бергә сайлыйк», – дип язган ул.
«Һәрвакыттагыча, моң чишмәсе. Көтәбез бу җырны», «Шәп», – дип уңай бәя биргән артистның иҗат җимешенә язылучылары. Алар: «Гүзәл яшьлек», «Узган яшьлек», «Кулларымда алсу гөлләрем», – дигән исемнәр дә тәкъдим иткәннәр.
ЧЫГАНАК: https://intertat.tatar/news/cacka-nihayat-ozyn-pauzadan-son-5879115
–
–
