Вконтактеда әлеге хәл уңаеннан видеоязма тарала башлады. Лаеш районында ЮХИДИ хезмәткәрләре полициянең участок инспекторына тиешле документы булмаган өчен штраф салган.
Моңа үч итеп полиция хезмәткәре дә юл сагындагыларның кагыйдә бозуын ачыклаган һәм куркынычсызлык каешы эләктермәгән өчен аларга карата административ хокук бозуны теркәгән. Бу видеоязма интернет буйлап кулдан-кулга йөри.