Бүген Мәскәүдә Җиңү көненә багышланган зур парад тәмамлангач, кечкенә генә конфуз булып алган. Билгесез солдат һәйкәле янына чәчәк салырга дип баручы Владимир Путинның тән сакчылары Президент янына килергә теләгән Бөек Ватан сугышы ветеранының юлына аркылы төшә һәм аны читкә этә башлый.
Бу хәлне күреп алган Путин үзенең сакчыларын туктатып, ветеран янына килә, дип яза РИА Новости. Кулын биреп исәнләшкәч, илбашы ветеранны Александр бакчасыннан йөреп килергә чакыра.