Илсөя Бәдретдинова үзенең инстаграмында Нишләп сез начар комент язучыларны кара списокка кертмисез?» дигән сорауга җавап биргән. «Нишләп кертем инде.. .бөтен инста тарихында өч кешене генә блокка куйдым, чөнки гел сүгенү сүзләре белән язалар иде. Минем биттә балалар да утыра бит…» ди җырчы.
«Кешенең үзенең фикере бар икән — язсын. Әйе, бик сай уйлаучы, дөрес тәрбия алмаган кешеләр бар арабызда. Ләкин ул уйлаганын яза… ябык биттән булса да яза… Беләме-белмиме… анысы мөһим түгел.
Күңелен тынычландыра…
Ә менә шул ямьсез коментлар астына «нравится» куеп ятучыларны мин бөтенләй аңламыйм. Нәрсә бу? Тәртипле булып кыланумы? Үз фикере булмаумы? Качып кына… Астан гына…
Тиздән, югарыда язылган аеруча тәртипле кешеләргә багышлап, махсус, Ренат Галиәскәров белән җыр әзерлибез», дип яза Илсөя Бәдретдинова.