Эльмир Низамов — талантлы композитор икәнен күпләр белә. Музыка белән кызыксынудан тыш, Эльмир ашарга пешерергә дә бик ярата икән.
«Мин кечкенәдән әнинең ашарга пешергәнен күзәтергә яраттым. Әлбәттә, аш пешерү бүлмәсен астын өскә китереп, «булышкан» чакларым да булды.
Үскән саен әлеге кызыксынуым тагын да артты. Ашарга пешерүнең музыка белән дә параллель бар дип уйлыйм. Шулай ук, ашарга пешерү тынычландыра.
Пиццаны күпләр пешергәндер. Бүген мин камырны да үзем бастым. Әлеге процесстан да, нәтиҗәдән дә бик канәгать калдым. Бәлки тиздән ипи дә пешерермен әле», дип яза Эльмир Низамов Инстаграм битендә.