Русиягә килүче Кытай гражданнары өчен визасыз режим якын арада үз көченә керәчәк, дип белдерде Русия Президенты Владимир Путин Шанхай хезмәттәшлек оешмасы әгъзалары булган дәүләтләрнең хөкүмәт башлыклары Советы утырышында катнашучы делегацияләр башлыклары белән очрашу вакытында.

“Безнең яктан якын арада Русиягә килүче Кытай Халык Республикасы гражданнары өчен визасыз үтеп керү чаралары үз көченә кертеләчәк”, – диде ул.

Президентның матбугат секретаре Дмитрий Песков, шулай ук сроклар турындагы сорауга җавап биреп, визасыз режим «бик тиз» кертеләчәк, дип белдерде.

Чыганак: https://kiziltan.ru/articles/politika/2025-11-19/kytaylylar-chen-ishekl-r-rvakyt-achyk-bulachak-4473255

Фото: rutube.ru

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Кытайлылар өчен ишекләр һәрвакыт ачык булачак впервые появилась Tatar Today - татар яңалыклары..

Ел башыннан бирле республикада эшләүче халыкның уртача кереме 18,5 проценттан күбрәккә – чама белән 13 мең сумга арткан. Хезмәт хакы үсү дәвам итә – әмма узган елдагыдан кимрәк дәрәҗәдә. Дәүләт секторында исә хезмәт хаклары уртачадан түбәнрәк, әмма ведомство төгәл генә саннарны әйтми. Республикада 2 миллионнан артыграк кеше эшли. Татарстан Идел буе федераль округында мәшгульлек дәрәҗәсе ягыннан алдынгы урыннарда бара: эшкә сәләтле халыкның 62 проценттан күбрәге рәсми рәвештә эшли. Керемнәрнең тотрыклы үсеше һәм мәшгульлекнең югары дәрәҗәдә булуы, хезмәт хакы арту темпы кимүгә карамастан, Татарстан икътисадының ныклыгы турында сөйли.

Чыганак: https://vatantat.ru/2025/06/173397/
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Татарстанда уртача хезмәт хакы күпме? впервые появилась Tatar Today - татар яңалыклары..

Быел шигырь бәйрәме Камал театрының яңа бинасы каршында була икән. Ничә еллар узган тарихи урыныннан китә! 1964 елдан бирле үткәрелгән – 60 ел бит!!! – бәйрәмне үзәктән сөрәләр. Хәсән Туфаннар нигез салган бәйрәм башта Тукай скверы янындагы һәйкәл янында узган, аннары аны опера театры янындагы Тукай һәйкәле янына күчерәләр. Хәзер шуны мәдәният министры Кабан күленең аръягына күчерә. Язучылар берлеге рәисе шулай дигән, андый чара өчен министрлык җаваплы.

Шигырь бәйрәме кирәклеге хакында Хәсән Туфан мәкаләсе:

Бу бит милләт бәйрәме. Бит бит дәүләтчелек, милли символларының берсе, шуны да аңларлык кеше юкмыни ул мәдәният министрлыгында? Әллә аңлый торып махсус эшлиләрме икән? Татарны үзәктән – Ирек мәйданыннан куып чыгарумы максат? Ничек инде шигырь бәйрәме шигърияткә бернинди катнашы булмаган авангард бина һәм хрущевкалар янында узарга тиеш соң ул? Ирек мәйданында күзләрне “мозолит”мы елга бер тапкыр татар җыелса? Анда бит һәйкәл юк шагыйрьгә.

Нигә менә Пушкин бәйрәме традицион рәвештә Ирек мәйданында уза соң алайса? Нигә яңа төзелгән Собор янына күчермәделәр анысын? Аңа тия алмыйлар, ә татарга – пажалысты. Әле министр бер елны Шигырь бәйрәмен дөм Кырлайга күчермәкче иде – менә министр раслаган аерым исемлек буенча кайбер кешеләр генә автобуста гына барсын Шигырь бәйрәменә, калганнарга ничу йөрергә анда. Анысы барып чыкмаган иде, хәзер монысын күчерәләр.

Моның максаты инде – менә төзеделәр яңа бина, шуның “эшләп киткәнен” күрсәтеп, күзгә төтен җибәрергә кирәк. Безнең министрлык андыйга мачтыр. Бу мәдәният министрының тагын бер ноу-хау инде. Татарның классикасына каныкмаса, йокысы туймыйдыр дигән фикер бар.

Килгәне бармы соң ул Әюпованың үзенең Шигырь бәйрәменә? Сезнең күргәнегез бармы аны? Опера театрындагы “махсуслар” өчен генә бәйрәмдә түгел, чын Шигырь бәйрәмендә? Вчутаки мәдәният министры бит инде ул. Шигырь бәйрәменең эчтәлеген яхшыртырга кирәк, кеше килерлек итәргә, Тукай һәйкәле яныннан куып, татарның карап торган бер бәйрәмен яңа бинага “кеше ияләштерер” өчен кулланырга түгел. Ул Кабан аръягына ничек барырга тиеш соң кеше? Анда транспорт та йөрми. Иң мөһиме – ул хрущевкалар янындагы бинаның Шигырь бәйрәменә нинди катышы бар? Тарихи яктан карасаң, ул урында Тукай бәйрәме бөтенләй узарга тиеш түгел. Символик яктан диюем. Тарихны белгән кешеләр белә ул урында Тукай заманында ни булганын. Министр белмидер инде. Каян белсен ул.

Бар бит мәзәк – “Яһүд автономияле округына указание килә – колхозлар төзегез дигән. Болар бераздан хисап җибәрәләр – колхозларны төзедек, колхозчыларны җибәрегез!” Кабан күленең аръягына күчерделәр дә Камал театрын, хәзер инде татар тормышын да шунда җибәрергә кирәк. Эш күрсәтергә. Әмма дә ләкин халыкны җыярга кирәк икән – башлап үзе оештырсын милли бәйрәм, моңа кадәр татарныкы булган бәйрәмгә кулын сузмасын.

ЧЫГАНАК: https://vk.com/genialno_jomga?from=groups&w=wall-224988922_1245

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Татарны үзәктән куалар – Шигырь бәйрәме Кабан аръягында булачак! впервые появилась Tatar Today - татар яңалыклары..

Дәүләт Думасы депутаты Светлана Бессараб әйтүенчә, киләсе елга Россия бюджеты, элеккечә үк, социаль юнәлешле булып кала. Көнбатыш илләре керткән санкцияләргә карамастан, социаль гарантияләр һәм ташламалар күләме артачак. Аерым алганда, 2025 елда балалы гаиләләр өчен барлык ташламалар, шулай ук кайбер түләүләр күләме үсәчәк. Апрельдә исә социаль пенсияләр 14,73 процентка артачак.

Чыганак: https://vatantat.ru/2024/10/153949/

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Иминият пенсияләре 1 гыйнвардан ничә процентка арта? впервые появилась Tatar Today - татар яңалыклары..

• РусияТикшерү комитетында хезмәт узу тәртибен камилләштерүгә юнәлдерелгән закон;
• Тикшерелүчезатны таможня тикшерүе материаллары белән таныштыру тәртибен төгәлләштерүче закон;
• “Авыл туризмы” төшенчәсен ачыклаучы закон;
• Русия Федерациясе субъектында эшкуар хокукларын яклау буенча вәкаләтле вәкил вәкаләтләрен вакытыннан алда туктату тәртибендә үзгәрешләр;

• Конкуренцияне яклау турындагы законга үзгәрешләр;

• Транспорт чарасының дәүләт номерын яшергән өчен административ җаваплылыкны көчәйтү;

• Таҗикстан Республикасында сәләтле балалар өчен халыкара белем бирү үзәге төзү һәм аның эшчәнлеге турындагы килешүне ратификацияләү.

чыганак: https://omet-rb.com/articles/milli-proektlar/2024-10-15/rusiya-prezidenty-bernich-m-im-zakonga-kul-kuydy-3967763

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Россия Президенты берничә мөһим законга кул куйды впервые появилась Tatar Today - татар яңалыклары..

5 миллион сум һәлак булучының хатынына (иренә), әти-әнисенә һәм балаларына бертигез өлешкә бүлеп биреләчәк. Түләү шулай ук бер ел эчендә ярасыннан һәлак булган тикшерүчеләргә дә кагыла.

Исегезгә төшерәбез: хәзерге вакытта мондый түләү махсус хәрби операция зонасында һәлак булган Федераль иминлек хезмәте, Росгвардия, МЧС, ФСИН, суд приставлары, таможня хезмәткәрләре һәм волонтерларның гаиләләренә бирелә.

Владимир Путин апрель аенда СВОда катнашучыларга һәм аларның якыннарына ярдәм итүгә юнәлдерелгән кайбер указлар һәм законнарга кул куйды. Беренче документ Россия Хезмәт кодексына үзгәрешләр кертә: алар нигезендә, ире һәлак булганнан соң бер ел эчендә хәрби хәрәкәтләр ветераннарының тол хатыннарын эштән җибәрү тыела. Шул ук вакытта тол хатын (тол ир) шушы вакыт эчендә яңа никахка кермәскә һәм үзенең хезмәт бурычларын үтәүне дәвам итәргә тиеш.

Чыганак: https://vatantat.ru/2024/08/148586/

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Владимир Путин СВОга бәйле тагын бер яңалык керткән впервые появилась Tatar Today - татар яңалыклары..

*Цифрлы сумнарны мираска калдырып булачак. Хөкүмәт моның тәртибен билгеләячәк. Мирасны нотариус ярдәмендә генә түгел, бәлки счет ачылган банкта да рәсмиләштерәчәкләр. Варислар цифрлы сумнарны, «тере» һәм электрон акча рәвешендә, ярты ел эчендә алачак.

* Барлык хәбәрләр Дәүләт хезмәтләре порталы аша киләчәк. Дәүләт хезмәтләре һәм төрле социаль ярдәм чаралары алу өчен тапшырылган барлык гаризаларның канәгатьләндерелү-канәгатьләндерелмәвен интернет аша беләчәкбез. Дәүләт хезмәтләре порталында шәхси кабинетта, теге яки бу оешмага онлайн гына түгел, шәхсән мөрәҗәгать иткән очракта да, гаризаны карауның барышы, кабул итүгә чакыру, хезмәтне күрсәтү турында мәгълүматлар чагылдырылачак.

* Банклар бөлгенлеккә төшсә,  кредиторларга (банкка акча салучыларга) акча тизрәк түләнеләчәк. Банкротның аукционда сатылмаган мөлкәте иң элек шуларга түләүгә китәчәк.

* Муниципаль депутатлар җирле хакимиятне булдыруда катнаша алачак. Моннан тыш алар муниципаль хакимият башлыгы урынбасарларын, тармак яки җирле органнар җитәкчеләрен раслау, килештерү мөмкинлеге ала. Муниципаль берәмлек уставында шундый хокук билгеләнәчәк.

* Балаларга бердәм пособие түләүдә яңа кагыйдәләр гамәлгә керә. 17 яшькә кадәрге балага бердәм түләү турында гариза вакытлыча яшәү урыны яки фактта яшәү урыны буенча тапшырылса, мөрәҗәгать итүченең һәм балаларының чынбарлыкта  кайда яшәүләрен тикшерәчәкләр. Моны раслаган документлар сорарга мөмкиннәр. Пособиенең яшәү минимумы кимрәк булган башка субъектта билгеләнү очракларына кагыла бу.

* Банклар һәм микрофинанс оешмалары бурычлылар белән аралашуны яздырып алырга тиеш булачак. Алар әҗәтен түләмәүчеләр белән элемтәгә керү очракларын һәммәсен дә яздырачак. Бу язулар кимендә 3 ел сакланачак. Моңа кадәр коллекторлык оешмаларына шундый бурыч куелган булган.

Чыганак: https://vatantat.ru/2024/08/148346/

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Августта безне нинди үзгәрешләр көтә? впервые появилась Tatar Today - татар яңалыклары..

“Быел махсус хәрби операцияне төгәлләргә җыенабыз. Агымдагы елның көзендә аңа нокта куячагыбызга иманым камил. 2022 елда да, 2023 елда да, 2024 елда да бу хакта әйтә килдем. Дошман да моны белә инде”, – дигән ул.

Алаудинов фикеренчә, Киев хәрби конфликтның ахырына таба якынлашуын аңлый. Украина Президенты Владимир Зеленскийның хатыны Еленаның сугышта “эшләп тапкан” акчасына дөньядагы иң кыйммәтле спорт автомобильләреннән берсе – 4,5 миллион евро торган “Bugatti Tourbillon” автомобилен сатып алуы – моның ачык мисалы. Әмма, аның әйтүенчә, бу машина аларга берничек тә ярдәм итә алмаячак.

Моңа кадәр Алаудинов Россия Генераль штабының стратегия эшләве һәм хәрби хезмәткәрләрнең Украинада махсус хәрби операцияне төгәлләячәк соңгы ыргылышка әзерләнүе турында сөйләп үткән. 0

Чыганак: https://tass.ru/armiya-i-opk/21251389

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Махсус операция кайчан төгәлләнә? впервые появилась Tatar Today - татар яңалыклары..

Өстәмә түләү күләме пенсиянең фиксацияләнгән өлешнең 100 процентын тәшкил итәчәк. 2024 елда ул — 8 мең 134 сум 88 тиен, димәк, түләү 16 269 сумга кадәр артачак.

Өстәмә түләү туган көннән билгеләнә, ләкин июнь аеннан гына түләнә. Моның өчен гариза да бирергә кирәкми — пенсияләр автомат рәвештә арттырылачак.

Моннан тыш, әлеге үзгәрешләр бары тик картлык буенча иминият пенсиясен алучыларга гына кагыла.

чыганак: https://www.pnp.ru/economics/s-1-iyunya-u-nekotorykh-rossiyan-vyrastut-pensii.html

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Июнь башыннан кайбер кешеләрнең пенсиясе ике мәртәбә артача впервые появилась Tatar Today - татар яңалыклары..

Ул дәүләт башлыгының бурычы Россияне саклау, аның халкына хезмәт итү булуын ассызыклады. «Бу изге бурыч, зур мәртәбә булуын аңлыйм. Узган елларда эшемнең асылында шул ятты, эшчәнлегемнең мәгънәсе шунда булды. Киләчәктә дә Россия халкының иминлеге өстен булачагына сүз бирәм», – диде Путин.

Аның сүзләренчә, сайлау нәтиҗәләре Россия барган юлның, курсның дөрес булуын исбатлады. «Бу без җитди каршылыклар, сынаулар белән очрашканда бик мөһим. Гомуми тарихи максатларны аңлыйбыз, кыйммәтләребезне, Россиянең милли мәнфәгатьләрен, иреген саклау өчен нык торуыбызны күрәм. Авырлыкларны җиңеп чыгачакбыз», – диде Президент.

чыганак: https://tatar-inform.tatar/news/putin-kilacakta-da-rossiya-xalkynyn-iminlege-ostenlegena-suz-biram-5887220

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Путин: Киләчәктә дә Россия халкының иминлеге өстенлегенә сүз бирәм впервые появилась Tatar Today - татар яңалыклары..