— Үләсем килә, — ди бу берзаман.
— Килгәч, нигә үлмисең? — дим.
— Әниемне жәллим, ул берүзе кала. Мине үзе генә тәрбияләде, аңа бик авыр булды. Хәзер мин үлсәм, ул да минем арттан үләчәк.
— Психотерапевтларга йөреп карамадыңмы?
— Карадым. Өч ел антидепрессант эчәм. Шулар булмаса, мин берни эшли алмыйм.
— Психиатр, психотерапевтларда консультация дә, медикаментлар да кыйммәт тора бит.
— Кыйммәт. Мин эшлим. Үземне мәҗбүри йөртәм. Берни эшләргә хәл юк. Әллә ниләр эшлисем, тормышны үзгәртәсем килә. Тик минем шушы чәй эчкән кружканы да юарга хәлем калмый. Кешеләр ничек үзенә кием алырга бара икән? Ничек итеп театрларга, киноларга йөри икән? Кемдер спортка да йөри бит әле… Алар бу энергияне каян ала? Мин ниндидер автомат режимда гына яшәп торам: иртән торам, ашыйм, я эшләргә коворкингка барам, я кабат ятам.
— Ә ни өчен үләсең килә: конкрет сәбәпләре бармы?
— Арыдым. Беркемне дә күрәсем килми. Беләсеңме, кешеләр шулкадәр кансыз, миһербансыз…
— Группалы терапияләргә йөрдеңме?
— Йөрмәдем. Кешеләрне күрәсем килми.
— Мин сиңа ничек тә булса ярдәм итә аламмы?
— Юк…

Көне буе шушы кызны уйлап йөреп торам. Шуны уйлап ашыйм, шуны уйлап эшлим. Сезнең шулай автомат режимда яшәгәнегез бармы? Хәлегез булсын өчен, энергия арттыру өчен нишлисез?

Запись “Минем үләсем килә” впервые появилась Tatar Today - татар яңалыклары..

Гаилә утрауда дуслары белән бергә сәяхәт иткәндә, җәнлекләр еш очрый торган юлда туктый. Шул вакытта өч филнең берсе көтмәгәндә агрессия күрсәтә, автомобильгә һөҗүм итә, аны аудармакчы була.

Могҗиза белән генә фаҗига булмый – туристлар барысы да машинадан тиз генә чыккан.

«Без аздан гына тормыш белән хушлашмый калдык. Шри-Ланкага бу сәяхәтне гомердә дә онытмаячакбыз. Хәзер без кыргый фил янына якынлашабыз һәм аны ашату мәхшәргә әйләнәчәген уйлап та карамыйбыз. Ул сине теләсә кайсы мизгелдә таптап изәргә мөмкин…

Улыбыз юлдан яланаяк йөгерде. Ә машина ишексез калды. Болай тәмамланыр дип беребез дә уйламадык», – дип язылган видеодагы титрларда.

ЧЫГАНАК: https://t.me/tatmediaofficial/146192

Запись Шри-Ланкада Казан туристлары утырган машинага кыргый фил һөҗүм иткән впервые появилась Tatar Today - татар яңалыклары..

Гаилә инде Яңа ел бәйрәмнәренә әзерлекне башлап җибәргән. Җырчы сөйләгәнчә, инде чын чыршы сатып алынган. Аны хуҗабикә Гарри Поттер стилендә бизәячәк. Гөлназ бәйрәм өстәлендә булачак иң төп ризыкны да атаган. Аның сүзләренчә, чит илдә яшәвенә карамастан, традиция буенча, бу – каз.

«Әлбәттә, каз! Мин аны бик тәмле пешерәм. Өстәлне бик матур итеп бизим – минем өчен бу бик мөһим», – дигән ул.

Җырчыдан Яңа ел казы рецепты:

«Каз түшкәсенең тышына һәм эченә, мул итеп, кыргыч аша чыгарылган бик күп сарымсак, тоз, кара борыч катнашмасын сыларга. Тозны артык күп җибәрдем дип куркырга кирәкми – каз аны үзенә кирәк кадәр генә ала. Шуннан соң түшкәне азык-төлек пленкасы белән тыгызлап урап, төнгә яки 6 сәгатькә суыткычка куябыз. Түшкә никадәр озаграк торса, шуның кадәр тәмлерәк була. Пешерер алдыннан пленканы алып, казның эченә үзәге алынган алмалар тутырырга, тегәргә яки теш чистарткычлар белән беркетергә.

Иң ахырдан түшкәне «рукав»ка салып, 180 градуслы мичтә үз согында пешерергә. 1,5 сәгатьтән соң, әзерлеген тикшереп карарга. Каз тулысынча әзер булгач, «рукав»ны салдырып, агып төшкән маен каз өстенә сибәргә. Бу – түшкә матур булып кызарсын өчен кирәк. Каз кырыена алдан төрле тәмләткечләр белән буталган бәрәңге салып пешерергә дә була.

Әзер казны матур итеп кисеп, зур тәлинкәгә салырга. Кырыена бәрәңге салырга, өстен яшеллек белән бизәргә һәм кунаклар алдына чыгарырга! Тәмле булсын!»

ЧЫГАНАК: https://chelny-izvest.ru/news/top5/pevica-iz-celnov-gotovit-novogodnego-gusia-v-amerike

Запись Җырчы Гөлназ Батталовадан Яңа ел казы рецепты впервые появилась Tatar Today - татар яңалыклары..

Интернетта таралган видеода күренгәнчә, Нгамбо авылда «Әниләр көне»нә багышлап уздырылган бәйрәмдә «Уфтанма» җырын башкарган. Әнисенә ярдәмгә сәхнәгә кечкенә Ясминә дә чыккан.

Халык бик яраткан яшь киленнең татарча җырлавын, кайберәүләр туган телен белмәгән киленнәргә төрттереп тә алган.

Чыганак: https://kiziltan.ru/articles/yashlek/2025-12-03/tatar-kilene-nindi-teld-yrlyy-4492058

Фото: социаль челтәрдән

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Африка кызы татарча җырлый башлаган впервые появилась Tatar Today - татар яңалыклары..

2017 елда кытайлы Чжан Лиюн ике яшьлек кызының талассемиянең авыр формасы белән авыруын ачыклаган. Булган барлык акчасы дәвалануга тотынылган, әмма ул барыбер җитмәгән. Өметсезлектән ул кызына кабер казыган — мәрхәмәтсезлектән түгел, ә кыз үлемнән курыкмасын өчен.

Бу вакыйга миллионлаган йөрәкләрне тетрәндергән. Халык берләшеп кирәкле сумманы җыйган, ә соңрак Чжанның икенче кызы кендек каны доноры булган һәм сеңлесен коткарган.

Кызны дәваханәдән чыгаргач, әтисе каберне күмеп, шул урынга көнбагышлар утырткан.

Мәхәббәт өметсезлектән көчлерәк — ул хәтта үлемечле авырудан да коткара ала.

Чыганак: https://kiziltan.ru/articles/donja/2025-11-21/tere-kyzyna-kaber-kazygan-4476282

Фото: "Важные новости"

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Тере кызына кабер казыган впервые появилась Tatar Today - татар яңалыклары..

Сиам игезәкләре Эбби һәм Бриттани Хенселларның баласы тууы турындагы хәбәр бөтен дөньяны шаккатырды. Алар эшли торган мәктәп янында папараццилар фото төшереп алган. Кызларның кулында автомобиль өчен балалар бишеге бар.

Аларның берсенең ире Джош Боулинг ягыннан мәгълүматны раслау яки кире кагу булмаган. Һәм менә берничә көннән соң үзләренең социаль челтәрләрендә игезәкләр күңелгә үтеп керә торган көй белән кечкенә бала учы фотосын урнаштырган. “Зур фатыйха”, — дип имзалаганнар Эбби һәм Бриттани социаль челтәрләрдә бу постны.

Исегезгә төшерәбез, Сиам игезәкләре 1990 елның 7 мартында бик сирәк очрый торган авыру — “дицефалик парапагус” белән туган. Ул 50 мең яңа туган баланың берсендә генә очрый. Кызларның дөньяга килүе һәм 30 елдан артык яшәве – гаҗәеп могҗиза, чөнки мондый патологияле балаларның күбесе үле туа. Кызлар өчен бер могҗиза гына аз булып чыккан, күрәсең, хәзер алар яңа тормыш тудырган.

Чыганак: https://kiziltan.ru/articles/donja/2025-10-31/siam-igez-kl-rene-balasy-bar-4449070

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Сиам игезәкләренең баласы бар! впервые появилась Tatar Today - татар яңалыклары..

“SHOT” басмасы хәбәр итүенчә, турист хатын-кыз Каргыджак районындагы кунакханәләрнең берсендә яшәгән. Кичә кунакханә хезмәткәрләре аның берничә сәгать дәвамында номерыннан чыкмавын күреп, борчылган һәм бүлмәгә керергә булган.

Бүлмәгә кергәндә алар хатынның идәндә хәрәкәтсез яткан гәүдәсен тапканнар. Вакыйга урынына ашыгыч ярдәм һәм полиция хезмәткәрләре чакырылган. Табиблар туристның үлгәнлеген раслаган.

Хәзерге вакытта хатынның гәүдәсе Аланья муниципаль моргына китерелгән. Полиция фаҗиганең сәбәпләрен ачыклый.

Чыганак: https://kiziltan.ru/articles/novosti/2025-10-18/t-rkiyad-rusiya-turistyny-le-g-d-se-tabylgan-4432203

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Төркиядә Россия туристының үле гәүдәсе табылган впервые появилась Tatar Today - татар яңалыклары..

Бу әтинең исеме — Зиона Чана. Аның инде оныкларының саны да 3 дистәдән артып киткән. Ир-егетнең планнары һаман зур булган! Ул әле ирешелгәннәрдә тукталырга җыенмавын белдергән булган! Ләкин язмыш башкача хәл иткән — күптән түгел генә 74 яшендә ир вафат булган.

Зиона хөрмәтле һәм танылган шәхес була, гаиләсенең кайгысын хәтта штат министры да уртаклашкан. Бу гаять зур гаиләнең тормышын күрергә дөньяның иң ерак почмакларыннан да килгәннәр. Шуны да билгеләргә кирәк: Чана күпхатынлылыкны гамәлгә кертүчеләрнең лидеры була. Һәм хәзер 400дән артык гаилә аның үрнәге буенча яши.

Чыганак: https://kiziltan.ru/articles/raznoe/2025-10-17/94-balaly-ti-4430504

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись 94 балалы әти впервые появилась Tatar Today - татар яңалыклары..

Малайның үз әнисе 10 бала тапкан, алар арасында Мюррей — уртанчысы. Балаларның исемнәрен бутамас өчен әти-әнисе кызыклы система уйлап тапкан: алар бер елда туган балаларны бер үк хәрефтән башланган исемнәр белән атаган.

“Мин әти-әнием ягыннан никадәр генә игътибар теләсәм дә, алар миңа аны бирә алмады. Балалар шулкадәр күп булганда бу мөмкин дә түгел”, — ди Мюррей.

Чыганак: https://kiziltan.ru/articles/raznoe/2025-10-17/150-tuganly-smer-4430516

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись 150 туганлы үсмер впервые появилась Tatar Today - татар яңалыклары..

Сирәк авыру һәм сөякләрнең югары сынучанлыгы аркасында хатын-кызның буе нибары 70 сантиметр тәшкил иткән. Әмма бу Стейсига өч тапкыр әни булырга комачауламаган. Хәер, һәр йөклелек вакытында ул үз гомерен куркыныч астына куйган. Хатын-кызның организмы бала табу түгел, хәтта йөклелекне дә кичерә алмаска тиеш булган. Бәхеткә, ул әни булу бәхетенә ирешкән.
Кызганычка каршы, өч баланың икесенә әниләренең авыруы күчкән. Стейсиның иренең дә буе кыска. Бу гаиләне күпләр яратмаган һәм авыру бала тудыруда гаепләгән.

Чыганак: https://kiziltan.ru/articles/raznoe/2025-10-17/i-kechken-ana-4430525

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Иң кечкенә ана впервые появилась Tatar Today - татар яңалыклары..