“Безгә һәрвакыт “Сезгә кинода төшәргә кирәк”, дип язалар. Бу көн килеп җитте, ТНВ безне төп рольләргә чакырды. Без Әминәнең әти-әнисен уйнаячакбыз. Улыбыз да булачак әле, Салават моның турында хыялланган иде, бераз әзерләнә дә торырбыз”, – дип язган Гүзәлем.

ТНВ

Запись Гүзәлем: “Салават малай турында хыялланган иде, менә..” впервые появилась Tatar Today - татар яңалыклары..

Өебездә бер бүлмә бар, анда йокларга ятсам һәрвакыт саташып чыгам, куркып уянам. Янәшәдә кемнеңдер басып, күзәтеп торуын сизәм. Билгеле, бу хакта кешегә сөйләп йөргәнем булмады, сәбәпләрен дә ачыкларга тырышмадым. Бу аңлатып булмаслык хәлгә җавапны очраклы рәвештә генә, чираттагы язмам герое белән әңгәмә корган вакытта таптым. Аның белән инде газета укучыларыбыз яхшы таныш. Ул – Чаллы шәһәрендә дистә еллар кешеләрне Коръән аятьләре белән өшкереп дәвалаучы Нуретдин хәзрәт Мирзаев. Бу юлы исә без аның белән инде борынгы заманнардан ук килүче бик начар күренеш – бозым, сихер хакында сөйләшеп алырга булдык. Белемле кеше – калканлы кеше, дип юкка гына әйтмиләр бит. Фән тарафыннан кабул ителмәсә дә, кайвакыт акыл ияләре дә җавап таба алмаган хәлләр һәм алардан саклану хакында белеп торуыбыз беребезгә дә комачау итмәс. Әңгәмәдәшебез дә нәкъ менә шул фикердә.

– Нуретдин хәзрәт, динебез бозым, сихер, күз тию очракларының барлыгын таный. Таный гына түгел, алардан саклану ысулларын да тәкъдим итә. Тик моның өчен «дошманыңны» биш бармагың кебек яхшы белү шарт. Гадәти авырудан тискәре энергия ярдәмендә ясалган чир-зәхмәт нәрсәсе белән аерыла соң?

– Бисмилләһир-рахмәнир-рахим. Әйе, кызганычка каршы, бозым ясаучылар да, аңа юлыгучылар да бар. Сихерләнүнең иң төп билгеләренең берсе – ул тәнеңдә аңлатып булмаслык бер сәбәпсез авыртулар сизү. Алар әле бер, әле икенче урында чиратлашып, кабатланып торырга мөмкин. Мисал өчен, башта синең йөрәгең чәнчеп авыртып ала, 1-2 минуттан инде ашказаның ярсый, аннары кул, аяк буыннары сызлый. Кыскасы, тән буйлап сикереп авырту йөри. Шулай ук кешенең башы әйләнергә, йокысы югалырга, күңелендә тынычсызлык урнашырга мөмкин. Апатия, даими рәвештә төштә куркыныч нәрсәләр күреп, саташып уяну, күзләрнең нуры югалу да начар  энергетика тәэсире була ала. Билгеле, тормышыбыз тәгәрмәчтәй җай гына бармый. Күңелсезлекләргә юлыксаң шундук сихерләгәннәр дип борчылырга кирәкми. Әмма бу проблемаларны җиңә алмасаң, алар үтмәсә яки гел кабатланып торса, уйланырга урын бар.

– Хәзрәт, бозымның әллә нинди төрләре бар дип ишеткәнем бар. Бу дөрестән дә шулаймы?

– Әйе, алар берничә төрле була. Иң киң таралганы – авыру сихере. Кешедә ниндидер хаста барлыкка килә һәм аны һичничек медицина ягыннан ачыклый һәм дәвалый алмаска мөмкиннәр. Аннары инде якын кешеләрне аерырга, дошманлаштырырга теләп яки, киресенчә, кемнедер үзенә карату өчен сөйдергеч бозым ясаучылар да бар. Моннан тыш, сихерне кеше дөньядан ваз кичсен өчен, психик проблемалары башлансын өчен дә ясыйлар. Мисал өчен, кеше нәрсәдәндер курка башларга мөмкин. 

– Ә бозым кешегә ни рәвешле килеп эләгә?

– Хәзер бит без мул тормышта яшибез. Гел бәйрәм итәргә яратабыз, кунакка йөрибез. Таныш булмаганнардан да төрле бүләкләр кабул итеп алабыз. Еш кына бозым нәкъ менә төрле сый, ягъни ризык һәм эчемлекләр аша да керә. Көнчел, хөсетле кешеләр аларның өстенә «әфсен-төфсен» укып бирергә мөмкин. Моннан тыш, капка, фатир ишек төбендә сихерләнгән әйберләр калдырып китү очраклары да бар. Төрле энә-җепләр, булавкалар, тоз, хәтта зираттан туфрак алып кайтып сибеп китүче имансыз затлар да очрый.

– Шундый билгесез нәрсәләргә юлыксаң нишләргә соң?

– Әгәр дә өегездә үзегезгә таныш булмаган нәрсәләр табып аласыз икән, аны шундук чыгарып ташлау җаен карагыз. Тик аңа кулыгыз белән кагылмаска тырышыгыз. Нәрсә белән булса да тотып, беркемгә дә күрсәтми һәм бу хакта сөйләми кеше аягы басмый торган урында калдырыгыз. Иң яхшысы – җиргә күмеп куегыз. Һәм бу эшләрне «бисмилләһ»не әйтеп башкарыгыз. Гомумән, без ишекләрне ачып-ябып атлап чыкканда да, таныш булмаган җирләрдә йөргәндә дә, ризык капканда да һәрвакыт «Бисмилләхир рахмәни рәхим», ягъни «Рәхимле, Мәрхәмәтле Аллаһ исеме белән» дип әйтергә тиешбез. Шул чакта төрле начарлыклардан сакланырбыз. Безнең алдыбыздан да, артыбыздан да, уң ягыбыздан да, сул ягыбыздан да, өстебездән дә, астыбыздан фәрештәләр саклап йөрер. 

– Бозым кешедән-кешегә күчә аламы?

– Кемгә ясалган булса, шуңа гына тәэсир итә. Анасына ясалган бозым баласына, иренә ясалганы хатынына тәэсир итми. Чөнки бу шайтан аркылы башкарыла торган гамәл. Әгәр дә сихерче аңа билгеле бер кешегә генә зыян китерергә кушса, ул шул кешегә генә зарар китерә. 

– Хәзрәт, күз тию дигән нәрсә дә бар бит әле. Ул бозымнан аерыламы?

– Әйе, кемдер бернинди начар ниятсез, сокланып карарга да мөмкин бит. Мисал өчен, әти-әнисе – баласына. Шуңа да күңелгә ятышлы, матур әйбер күргәч, күз тимәсен өчен иң элек «Сөбхан Аллаһ» дияргә кирәк. Билгеле, максатчан рәвештә күз тидедергә теләүчеләр дә булырга мөмкин. Бу очракта шикләнгән кешенең күзенә карарга һәм эчтән генә «Бисмилләхир рахмәни рәхим» дип әйтеп, бераз гына һава өреп куярга киңәш итәм. Шулай ук эчтән генә «уйлаганыгыз кире китсен» дип әйтергә дә мөмкин. Гадәттә, күз тию белән сихернең беренчел билгеләре охшаш була. Авыру тынгысызлана, кәефе китә. Әйтергә кирәк, ике очрак та бертөрле өшкерелә. Һәм динебез кушканча дәвалау бары тик догалар ярдәмендә башкарыла. 

– Өшкерү турында сүз киткәч, бу хакта тәфсилләбрәк сөйләсәгез иде. 

– Гадәттә, күз тигәндә тозлы яки өшкерелгән су белән юынып алу да ярдәм итәргә мөмкин. Яки кеше Фатыйха, Аятел Көрси, Ихлас, әл-Фәләкъ, ән-Нәс сүрәләрен учына укып, тәнен сыпырып, үзен дә өшкереп куя ала. Авыру тирәнгәрәк киткән очракларда инде мәчетләребез каршында эшләүче өшкерүчеләргә мөрәҗәгать итү хәерле. Алар Коръәннең аерым аятьләрен укып дәвалыйлар. Үзем исә кешеләргә төрле начарлыклардан саклану өчен көн саен Юныс Пәйгамбәр догасын укырга киңәш итәм. Ул түбәндәгечә: Лә иләһә иллә әнтә субхәнәкә инни күнтү миназзалимин! Моннан тыш зикер-тәсбихләр әйтү дә хәерле. Мөхәммәд пәйгамбәр: «Әгәр дә бер кеше һәр көнне иртән вә кичен өч тапкыр: «Бисмилләәһил-ләзии ләә йәдурру мәгасмиһи шәй’үн фил-әръдый вә ләә фис-сәмәәәи вә һүәс-Сәмиигүл-Галиим» («Аллаһның исемен телгә алам. Аның исеме әйтелгәч җирдә һәм күктә бернәрсә дә зыян китерә алмый. Ул Ишетүче һәм бөтен нәрсәне Белүче Зат»), – дип әйтсә, аңа ул көнне бернәрсә дә зыян китермәячәк», – дигән.

– Догалар белән дәвалап булмаган бозым очраклары бармы?

– Аллаһы Тәгалә җир йөзендә һәр авырудан дәва бар дигән. Шуңа да кеше беркайчан да өметен өзәргә тиеш түгел. Кемгәдер беренче өшкерүдән үк сихәт иңә, ә кемдер айлар буе  йөрергә мөмкин.  Раббыбыз хаста биргән икән, без сабыр итәргә, тормышыбызны үзгәртергә, ялгыш адымнарыбызны уйлап төзәтергә тиешбез. Коръәндә Аллаһ: «Бәндәләргә төрле бәлаләр, авыртулар җибәреп карыйм. Әгәр алар шушы авыруга сабыр итеп, миннән генә ярдәм сорасалар, мин алар белән бергә булырмын», – ди. Шуңа да күңелебездән булдыра алганча догалар укып йөрик, белмибез икән – өйрәник. Аллаһы Тәгаләгә иман китереп намаз укыган кешедән шайтан курка. Өйләребездә дә изге Коръәнебезнең аудиоязмаларын кушып, тынычлык табыйк. Тынычлык дигәннән, йортларыбызга шайтан ияләшмәсен, фәрештәләр качмасын өчен төрле фотосурәтләр, рәсемнәр куймаска киңәш итәр идем. Күзле уенчыкларны да бала уйнап туйгач, каплана торган савытларга тыгып кую мөһим. Шулай ук йокы бүлмәсендә төрле сыннар, көзге ише әйберләр булмаса йокыларыбыз тыныч булыр. Аларны алып яки каплап куярга кирәк.

– Хәзрәт, бер бүлмәбездә нәкъ менә сез санап киткән әйберләр урнашкан. Инде нигә биредә тынычлап йоклый алмавыбызның сәбәбен дә аңладым. Мөгаен, башкалар да әлеге әңгәмәбездән үзләренә кирәкле файдалы мәгълүмат туплагандыр. Кызыклы җавапларыгыз өчен рәхмәт сезгә. Аллаһы Тәгалә кылган гамәлләребездән разый булсын.

Чыганак: http://shahrichalli.ru/news/din-m-tormysh/nuretdin-khzrt-mirzaev-bozymny-bary-tik-dogalar-beln-gen-chygaralar

Запись Өшкерүче Нуретдин хәзрәт Мирзаев: «Бозымны бары тик догалар…» впервые появилась Tatar Today - татар яңалыклары..

“Мир” кинотеатрында “Балмай” киностудиясендә төшерелгән “Җиде малай” кыска метражлы фильмы күрсәтелде. Фильмны аның авторлары Марсель Мәхмүтов белән Рафил Галимуллин тәкъдим иттеләр.

Фильм бергә уйнап үскән җиде малай турында бара. Егетләрнең берсе колхоз рәисе кызына гашыйк, әмма ата кеше егетне кабул итәргә теләми. Егетләр җырчы Фирдүс Тямаев ярдәмендә гашыйкларны кавыштыралар.

“Бу фильм алга таба ситком жанрына туры китеребрәк эшләнгән эш иде. Моны булачак сериалның демо-версиясе кебегрәк карап була. Аны без Фирдүс Тямаев белән бергә төшердек. 16 сменада төшердек. Бюджеты – 1 млн сум. Әмма ул сериалны төшерү өчен финанслар кирәк. Хәзерге вакытта Мәдәният министрлыгы һәм телеканаллар белән сөйләшүләр бара”, – дип аңлатты авторлар.

Артистлар Марсель Мәхмүтов белән Рафил Галимуллин эстраданы татар кинематографиясен үстерергә тартып була дип саныйлар. “Фирдүс Тямаев безгә клип төшерү буенча мөрәҗәгать итте. Сөйләшә торгач, сюжет фильм булып үсте. Фирдүс Тямаевка фильмны үз концертларында да күрсәтте. Әмма алга таба бергә эшләү турында әлегә әйтә алмыйбыз”, – диде.

Рафил Галимуллин аңлатуынча, Фирдүс Тямаевка да, аның тамашачысына да фильм ошый. “Эстрада артистларының бөтенесе дә концертларында кино күрсәтә алмыйлар, аларның Фирдүснеке кебек зур экраннары да юк. Ләкин эстрада артистларын татар киносы үсешенә күбрәк катнаштырасы иде”, – ди Рафил Галимуллин.

 Мәгълүмат: tatar-inform.tatar

Запись Фирдүс Тямаев татар кинематографиясен үстерүгә үз өлешен кертә впервые появилась Tatar Today - татар яңалыклары..

Автор: Рузилә МӨХӘММӘТОВА
Фото: Рамил Гали, Салават Камалетдинов

Эчтәлек

1. Быел Казан кинофестивале төрле илләрдә уздырыла торган берничә кинофестиваль белән килешүләр төзеде. Килешүләрне имзалау тантаналары матбугат үзәгендә узды. Болар – Италия, Төркия, Швейцария, Казахстанда узучы кинофестивальләр. Әлегә без кинофестиваль җитәкчеләренең хезмәттәшлек итәргә теләкләре турында ишеттек. Әлегә – рәсми сүз һәм имза. Алга таба нәтиҗәләрен дә күрербез дип өметләник. Канн халыкара кинофестивале белән хезмәттәшлек турында килешүләргә кадәр – алга!

2. Кинофестиваль башка елларда төрле форумнар, түгәрәк өстәлләр, бик күп сандагы матбугат конференцияләре белән шыплап тутырылган булса, быел ул яктан җиңеләйде. “Сүз азайды, эш күбәйде” диимме? Параллель программалар, ретроспективалар саны артты. Ягъни, тыңлар өчен сүз түгел, карау өчен кинокартиналар күбрәк тәкъдим ителде. Мисыр киносы, япон киносы, Монголия киносы, Һиндстан киносы…

3. Казан кинофестивале бөтен Татарстан кинематографистлары өчен уртак мәйдан булырга тырыша. Мәсәлән, киләсе елда иң кимендә Милли бәйгедә катнашасы Татарстан фильмнарына быел анонс ясады. Болар – “Остазбикә”, “Әпипә” мюзиклы. Алексей Барыкин үзенең “Водяная” фильмын төшерү тарихын күрсәтте. “Кире” фильмының авторлары белән очрашу оештырылды. Дөрес, алар әлегә Эльмир Низамовның Камил Ларин сүзләренә язылган җыр язмасын тыңлатудан тыш яңа продукция тәкъдим итмәделәр. Тамашачы алдына чыгып… яңа бер нәрсә дә әйтмәделәр. Хәер, премьераның “Кинотавр”да булачагын әйттеләр. Шулай булсын, “Кинотавр” әйбәт кинофестиваль, Канн кинофестивале булмаса да.

Статуэткалар

4. Казан халыкара мөселман киносы фестиваленең гран-приы Казахстанга китте. Статуэтканы сәхнәдән татар егете Айдар Шәриповның әнисе кабул итеп алды һәм режиссерга тапшырырга вәгъдә итте. Адилхан Ержановның “Ласковое безразличие мира” нәфис фильмының премьерасы быел Канн халыкара кинофестивалендә булды. Ул биредә төп конкурсларның берсе булган “Особый взгляд” конкурсында катнашты. Әлеге фильмның Казан кинофестиваленә эләгүендә “Татар-информ”ның да тыйнак кына өлеше бар. Фильмның куючы операторы Айдар Шәрипов – Казан егете. Фильм Канн фестивалендә катнашкач, Айдар Шәриповны котлаган һәм беренчеинтервьюалган матбугат чарасы без идек. Читкәрәк китеп булса да әйтик, республика кинематографиясенә диагноз куйган әлеге интервью зур бәхәсләр тудырды.

“Татар-информ” Казан кинофестивале дирекциясеннән бу фильмга һәм аның операторына игътибар итүен сорады. Кинофестивальнең башкарма директорына рәхмәт – Миләүшә Айтуганова фильмны төп конкурска катнашырга чакырды. Фильмны Казанда аның куючы опеарторы Айдар Шәрипов тәкъдим итте. Кызыл келәмнән дә ул узды. Дөрес, ябылу тантанасында катнаша алмады, Казахстанда аның чираттагы проекты башланды. Статуэтка аны өендә көтеп тора.

5. Телисезме, хөрмәтле кинорежиссерлар, юкмы, әмма сезгә килешергә туры килә – Татарстанның иң яхшы кинорежиссеры – Әтнә дәүләт театрының баш режиссеры Рамил Фазлыев. Моны мәртәбәле жюри таныды: иң яхшы режиссер эше дип “Мулла” фильмын игълан итте. Ә аның режиссерлары – театр режиссеры Рамил Фазлыев белән яшь кинорежиссер Әмир Галиәскаров. Әлбәттә, “Мулла”га жюриның игътибары куанычлы хәл. Бу шулай булырга тиеш тә. Фестиваль беренче чиратта үз фильмнарыбызны алга этәрергә тиеш.

Өендәге иң затлы киштәгә иң затлы статуэткасына алып кайтып урнаштырган Рамил Фазлыевтан инде ныгытып Әтнә театры белән шөгыльләнә башлавын сорыйбыз. Әлмәт, Минзәлә, Буа театрлары белән чагыштырганда Әтнә театры республиканың театраль дөньясында шактый артта күренә. Статуэтка сезне яңа үрләргә җилкендереп торсын. Театр дөньясында!

 Ә шул вакытта…

6.  “Мулла” фильмы Казанда лаеклы призларын җыйганда, аның белән бер вакытта төшерелгән икенче бер татар фильмы Анапада үз призын алып, Казанга кузгалды. Илдар Ягъфәров “Байгал” фильмының “Киношок”тагы җиңүен “татар халкына багышлады”. Чөнки бу фильм, авторы әйтүенчә, “татар халкы турында һәм татар җирендә төшерелгән”. Сүз уңаеннан, кино белгече, Казан кинофестиваленең программа директоры Сергей Лаврентьев “Байгал” фильмын бик югары бәяли һәм аны Татарстан кинематографиясендә яңа этап дип саный. Ни өчен бу “яңа этап”ны Казан кинофестивале читләтеп узды соң? Моны аның режиссерының башка фестивальләрдә катнашу теләге белән аңлаттылар. Әмма, миңа калса, бу “Мулла”га юл бирү булмадымы икән? Бер үк вакытта чыккан ике фильмны чагыштырсак, режиссерларның тәҗрибәсе ягыннан, техник яктан, әлбәттә, “Байгал” көчлерәк. Ә менә тематика ягыннан, һичшиксез, “Мулла” алгы планга чыга. Шушыларны чагыштырсак, “Мулла”ның сайлануы аңлашыла. Нууу, “Мулла”да шәрә кызлар бар инде барын, әз генә, ләкин бит ул үзебезнең татар мунчасы. Кызлары да үзебезнеке. Сүз уңаеннан, “Байгал”да андый кадрлар юк.

Тамашачы

7. Быел кинофестиваль фильмнары залларында тамашачы азрак иде. Бу тамашачының “Ривьера”га күчәргә теләмәвеннәнме – аңламадым. Хәтта Ирина Алферова да кызыктыра алмады тамашачыны, Виторганнар гаиләсенә дә аншлаг түгел иде. Алферова телевизордан еш күренми диләр – онытканнардыр, ә Виторган артык еш күренә – сагынмаганнардыр. Кинофестивальнең ябылу тантанасында кызыл келәм янында кунакларны алкышлап торучылар рәтләре дә сирәк иде. Ирексездән бутербродын алып көне буена кинотеатрга килгән татар әбиләрен сагынырсың.

Алдагы елларда кинофестивальнең төп тамашачысы әбиләр иде һәм моның шулай булуыннан без журналистлар көлә идек. Алар сумкаларына ризыкларын, эчәргә компотларын тутырып киләләр иде. Чөнки “Родина” кинотеатры буфетларында яки Бауман урамы кафеларында тамак ялгый башласаң, нинди пенсия җитсен?!

Быел әбиләр азайды, әллә алар картайды, әллә алар пенсиягә чыкмый башладылар, димәк, көндез килә алмыйлар. Кыскасы, кинозаллар бушабрак калды. Хәер, татар фильмнары тулы залларга күрсәтелде. Нурания Җамалиның “Үксезләр” фильмында, мәсәлән, утырып түгел, басып торырга да урын юк иде.

 Кызыл келәм

8. Тамашачы кызыл келәм янында милли киемнәрдән басып торган гүзәл кызларның костюмнары бигүк татарча түгел дигән фикергә килде. Баш киемен шешә өстендәге соскага охшатучылар да булды. Танылган рәссам Наилә Кумысникова аның авторларына социаль челтәрләр аша үзләрен милли костюм кысаларында тотарга киңәш бирде.

9.  Кызыл келәмнән чәкчәк ашап үткән кинофестивальнең пресс-атташесы Михаил Похваленый – фестивалебезгә кунаклар мөнәсәбәтенең ачык чагылышы иде. “Келәмегез йомшак, чәкчәгегез тәмле, ә гонорар кайчан күчә?”

10. Ачылу тантанасында Кызыл келәм тантанасы шактый озын тамашага әверелсә, ябылганда узучылар сирәкләнгән иде. Ә аннан үтергә тиешле фестиваль кунакларының шул ук “Ривьера” комплексының отеленнан чыгып кызыл келәм янына кадәр җәяү килүләре “кызыл келәм” дигән хыялны басма алдына җәелгән кызыл паласка әйләндерде дә калдырды.

Язма һәм фотолар чыганагы - Интертат электрон газетасы

Запись “Мулла” фильмы мунчадагы шәрә татар кызлары кадрлары күрсәтә [фото] впервые появилась Tatar Today - татар яңалыклары..

View this post on Instagram

A post shared by Ilnar Fatikhov (@ilnar.production)

10 сентябрь Казанда  мөселман киносы фестивале  кысаларында  Ревьерада  дистәләп эстрада җырчылары катнашкан “Әпипә” мюзиклы тәкъдим ителде.

Фильмның идея авторы, продюссер Миләүшә Айтуганова. Сценарийны Марат Кәбиров язган, ә төшерүче Илшат Рәхимбай. Мюзиклның сюжет үзәгендә – “Әпипә” исемле кызлар музыкаль төркеме һәм аларның гастрольләре. Мюзиклда татар эстрадасының танылган җырчылары Дилә Нигъмәтуллина,”Зөләйлә” кызлары, Алсу Әбелханова,Фирдүс Тямаев һәм башкалар  катнашкан.

View this post on Instagram

A post shared by Лейсан Хазиева (@leisan_hazieva)

Запись Әбелханова, Тямаев, Нигъмәтуллина- дистәләп җырчылар катнашкан “Әпипә” мюзиклы тәкъдим ителде впервые появилась Tatar Today - татар яңалыклары..

Фильмга алыну тарихы, режиссура мәйданы һәм бүген ниләр белән шөгыльләнүе турында Байбулат Батулла “Татар-информ”га сөйләде.

– Байбулат, зәңгәр экраннарга сез төшергән фильм чыгуы белән котлыйбыз. “Большая игра”ны төшерүгә ничек алындыгыз? Кем тәкъдим итте?

– Мин Мәскәү кино мәктәбен тәмамладым. Шуннан соң төрле реклама, корпоратив проектларда катнашып, үземне сынап йөрдем. Бер ел элек мине “Гусь-гусь” дигән компаниягә чакырдылар. Анда мин кечкенә генә бер телевизион тапшыруның заставкасын төшерергә тиеш булдым. Мин шуны эшләргә дип килдем, алга таба эшчәнлек, хезмәттәшлек турында бөтенләй дә уйламадым. Нәтиҗәдә, шул заставкадан соң өч-дүрт кыска метражлы клиплар, рекламалар төшерергә туры килде. Бу вакытта команда параллель рәвештә шушы “Большая игра” (төшерә башлаганда аның исеме “Тренер” иде) комедиясен төшерә башлады. Берничә режиссер да алышынды. Күрәсең, мин шул кыска метражлы фильмнарда үземне яхшы яктан күрсәткәнмендер, нәтиҗәдә, мине бу сериалга алынырга тәкъдим иттеләр. Билгеле, мин бу мөмкинлекне кулымнан ычкындыра алмадым. Футболдан ерак кеше булуга карамастан, кызыксынып эшкә керештем. Минемчә министрлык тирәсендәге хәлләр футболга гына кагылмый, барлык өлкәләрдә дә шундый ук хәл дип саныйм. Шуңа күрә миңа эшләве кызык булды. Әлбәттә, фильм Дөнья Чемпионатына да багышланган булгач, битараф кала алмадым.

– Бу фильмны үзегезнең режиссурада ничәнче эш дип саныйсыз?

– Бу – беренче сериал. Ә инде кыска метражлы фильмнар, рекламалар төшерүдәге тәҗрибәне әйтеп уздым. Заманында зур кешеләр өчен корпоратив фильмнар да төшерергә туры килде. Режиссер буларак эшләгән эшләр күп. Ә сериал төшерүдә бу – беренче тәҗрибә.

– “Большая игра” нинди тәҗрибә бирде, нәрсәләргә өйрәтте?

– Беренчедән, сериалны 70 көндә төшердек. Мин килгәнче үк инде проект башланган иде, әйтергә кирәк, бу – продюсерлар проекты. Монда минем төп вазыйфам – проектка авырлык китермичә, аны батырмау иде. Бу бит минем авторлык проектым түгел. Әлбәттә, мин канал һәм кино төшергән компания, авторлар кануннарыннан чыгып, аларга ярдәм итәргә генә тырыштым. Бу – мин-тамашачы өчен ятрак проект, әмма зур тәҗрибә булды. Физик яктан да шактый сынады. Минем мондый темпта эшләгәнем юк иде. Дөресен әйткәндә, мин бу проектка ризалык биргәндә, нәрсә көтәсен, нинди зур эш икәнен әле аңламаганмын да. Съемка вакытында көнгә 3-4 сәгать йокы эләгә. Үземне дә, коллегаларымны да яңа яктан ачарга да туры килде. Иҗади яктан да зур тәҗрибә тупладым. Темп бик зур һәм шул темпта син төрле кыенлыкларны узарга тиешсең. Ә авырлыклар күп һәм очрап кына тора. Бигрәк тә безнең индустриядә көн саен ниндидер яңалык булып тора. Аллага шөкер, креатив продюсерлар, шоу раннерлар бик оста булды һәм мин алардан күп әйбергә өйрәндем. Командабыз да зур һәм тәҗрибәле иде. Алар булмаса, фильм булыр идеме икән? Мин аларга комачауламаска гына тырыштым.

– Бу юнәлештә алга таба тагын нинди планнарыгыз бар?

– Дөресен әйткәндә, планнар зурдан. Хәзерге вакытта төрле сериал проектлары турында да сөйләшүләр бара. Казан белән бәйле проект та бар планда. Параллель рәвештә мин реклама да төшерәм. Нәрсә килеп чыгасын берәү дә белми, чөнки кино ул бүген бер төрле, иртәгә – икенче. Шуңа күрә нәрсә булачагын әйтүе кыен. Хәтта бу проект тәмамланып, фильм экраннарга чыкканчы да мин берәүгә дә сөйләргә тырышмадым. Чөнки кино дөньясында көтелмәгән нечкәлекләр бар. Иртәгә фильмың чыга дип көткәндә, ул чыкмый калырга да мөмкин. Бу яктан аз гына булса да сак кыланырга тырышам. Фильм төшерү турында беренче кемгә әйткәнемне хәтерләмим. Әти исә бу эшемне хуплап кабул итте.

– Байбулат, фильмда төшәсе җиңелме, әллә картиналарны куясымы?

– Төшергә дә авыр, төшерүе дә җиңел түгел.

– Татар егетенең Мәскәүдә фильм төшерүе көн саен була торган хәл түгел. Эшләнгән эштән нинди хис-кичерешләр алдыгыз?

– Сәер сорау. Без бит – шундый ук кешеләр, Мәскәүдә яши торган башка милләтләр кебек. Әгәр дә без күзсез милләт булсак, сукыр кешегә кино төшертсәләр, менә аның хис-кичерешләре булыр иде. Булыр иде нонсенс. Ни өчен без үзебезнең милләтне ниндидер аерым рәвештә күрәсебез килә? Минемчә, бу кимчелектән килә. Үз эшеңне эшләргә генә кирәк, шул очракта тәҗрибә дә, нәтиҗә дә булыр. Соңгы арада Мәскәүдә яшәгәнгәме, миндә милләтара киртәләр юкка чыкты. Һәм ул, минемчә, начар әйбер түгел. Милләткә карап эш бирмиләр бит. Һәрхәлдә, мин шулай дип ышанам. Шуңа күрә милләт үссен өчен милләт киртәләре дигән әйбер булырга тиеш түгел.

Автор: Чулпан ШАКИРОВА
Фото: Рамил Гали
intertat.tatar

Запись Байбулат Батулла СТС телеканалы өчен кинокомедия төшерү серен ача [видео] впервые появилась Tatar Today - татар яңалыклары..

Анда танылган татар актеры Марат Бәшәров та катнашты. Фильм күрсәтелгәннән соң Марат Бәшәров “Мулла” фильмын карарга килгән тамашачылар белән очрашты. Ул тамашачыларга алдагы фильмнарда татарча уйнарга сүз бирде.

“Миңа Татарстанда татар фильмында төшәргә тәкъдим иткәч, гафу итегез сез дөрес адрес буенча шалтыратмагансыз дигән идем.  Миңа борчылмагыз сез рус телендә уйныячаксыз дип җавап бирделәр. Мин озак уйлап тормадым, сценарийны да укымаган килеш ризалаштым.Ләкин мин Татарстанда эшләргә күптәннән хыяллана идем.  Һәм Ходай миңа Татарстанда шундый яхшы кешеләр белән эшләргә  насыйп итте.  Бүгенге фильмда рус телендә уйнасам да, киләчәктә Алла Боерса үзебезнең туган телдә уйнармын дип ышанып калам” , диде ул.

View this post on Instagram

A post shared by Казанский Кинофестиваль (@kazan_film_fest)

Запись Марат Бәшәров татарча-мишәрчә сөйләп алдагы фильмнарда татарча уйнарга сүз бирде[видео] впервые появилась Tatar Today - татар яңалыклары..

Сюжетның үзәгендә – “Әпипә” исемле кызлар музыкаль төркеме һәм аларның гастрольләре. Мюзиклда нигездә эстрада артистлары катнаша, дип хәбәр итә Кызык-мызык төркеме.

Анда Дилә Нигъмәтуллина, “Зөләйлә” кызлары, Алсу Әбелханова һәм башкалар төшәчәк. Җырчы кызларның шоферы ролендә – Фирдүс Тямаев.

Запись Фирдүс Тямаев шофер булып йөри? впервые появилась Tatar Today - татар яңалыклары..

“Фильмны төшерү процессы ахырына якынлашып килә. Фильмда төп рольләрне Г.Камал театры артистлары башкара. Минемчә, шәп команда җыелды, биредә – иң яхшылары! Төшерү мизгелләре тиз бара, актерлар – пунктуаль, вакытында һәм әзерләнеп киләләр. Мәсәлән, Илдус Әхмәтҗанов (Бәкер бабай) балыкчы костюмын, образын үзе уйлап тапты. Аның кебек җаваплы артистлар белән эшләве бик рәхәт”, – дип белдерде сериалның режиссеры Нурания Җамали.

“Бүген без балык тоттык. Гомумән, миңа табигатьтә төшерелгән күренешләр ошый. Сценарий буенча, мин “Көтелмәгән кунак” фильмының төп герое – Бәкер бабайның улын уйныйм. Исемем – Әмир. Бик акыллы һәм җитди егет. Минем герой белән аерым күренеш тә булачак. Анда мин сөеклемә багышлап җыр башкарам. Режиссерыбызга зур рәхмәт. Тамашачы фильмны яратып кабул итәр дип өметләнәбез”, – дип сөйләде Ришат Әхмәдуллин.

Фильмдагы күренешләр безнең көннәрдә затлы йортлар урнашкан бистәдә бара. Барлыгы өч гаилә сурәтләнә, һәркайсының үз тормышы, үз проблемалары. Әлеге гаиләләр биек коймалар артында яшәү аркасында бер-берсен бөтенләй белми. Ләкин бистәгә зирәк, акыллы һәм шаян Бәкер бабай кайту белән барысының да тормышы үзгәрә.

Фильмның режиссеры Нурания Җамали пенсиядән соң тормыш мәгънәсе турындагы бу фильмны инде күптәннән төшерергә хыялланган. “Лаеклы ялга чыккач, безнең тормыш үзебез ничек телибез, шулай дәвам итәчәк, дигән фикердә мин. Бу яки озак еллар буе эшләп, канәгатьлек хисе белән яшәү, яки тормыш мәгънәсен югалтып, ялгызлыкта гомер кичерү булырга мөмкин. Пенсиядән соң тормыш тышкы шартларга гына түгел, ә кешенең картлыкка булган шәхси мөнәсәбәтенә дә бәйле”, – ди режиссер.

Төп рольләрне Г.Камал театрының талантлы артистлары башкара. Алар арасында Илдус Әхмәтҗанов, Дания Нуруллина, Фирая Әкбәрова, Фәнис Җиһаншин, Люция Хәмитова, Рамил Вәҗиев, Алсу Каюмова, Ришат Әхмәдуллин һәм башкалар бар.

Запись Яңа татар фильмында уйнаучы актерлар үзләре костюм да тегә, балык та тота впервые появилась Tatar Today - татар яңалыклары..

Фильм Россия Кинематографистлар берлегенең Яшьләр үзәге инициативасы белән ике продюсерлык төркеме эшчәнлеге нәтиҗәсендә тормышка ашырылган. Болар – “Барс Синема Групп” кинокомпаниясе һәм Россия Кинематографистлар берлегенең “Молодежные инициативы” продюсерлык үзәге (Мәскәү). Үткән ел аның беренчел бюджеты 70 миллион сум булуы игълан ителгән иде.

“Хыял командасы” фильмы – балалар спорты турында тулы метражлы фильм. “Проект ат спорты, футбол, самбо турында өч новелланы берләштерә. Фильмның беренчесе – ат спорты турындагы фильм Казан ипподромында төшерелә. Төп артистлар – балалар һәм атлар”, – дип сөйләгән иде моннан бер ел элек фильмның продюсерларының берсе Альбина Нафигова.

Фильмның режиссеры – Максим Зыков, Филипп Абрютин. Тамашачының яшь чикләре 6+ дип күрсәтелгән.
Новелланың төп герое – эшмәкәр улы унҗиде яшьлек Артур Суров. Сюжет буенча ул Принц исемле юртагы белән Президент кубогына ярышларда беренче призны алырга омтыла. Әмма зур ярыш алдыннан булган чабышларда Катяның алдарак килүе ачыклана. Катя – атлар караучы кыз. Ярыш алдыннан Катя белән Артур арасында “сугыш” башлана – Артур әтисенең ышанычын акларга тиеш, Катяның җиңеп, яраткан атын саклап каласы килә.

Фильмда Артур Суров ролен Таһир Метшин башкара. Аның әти-әнисе ролендә – Россия актерлары Роман Мадянов белән Анна Чурина.

2011 елда Сергей Безруков продюсерлыгында Казанда төшергән “Реальная сказка” фильмында да Синдбад улы ролен Таһир Метшин башкарган иде.

“Татар-информ“, Рузилә Мөхәммәтова

Запись Илсур Метшинның улы кинода төп рольне уйный [видео] впервые появилась Tatar Today - татар яңалыклары..