“ВТ” журналисты да кечкенә Әмирнең хәлен белешеп торды.

Сабыйны әлегә кадәр Рәхилә апасы тәрбияләп торса, ул Яңа ел алдыннан Айгөлнең абыйсы гаиләсенә  кайтып китте. Алар Татарстанның бер районында яшиләр. Биредә Әмирне район башлыгы да, укытучылар да, күрше малайлар да  көтеп торган. Үзе дә  сөенеп кайтты.

– Артык игътибардан да арыган идек. Бала белән урамга да чыгып булмый. Бармак төртеп, бу бит Әмир, дип күрсәтәләр. Соңгы вакытта күчтәнәч бирүчеләр дә, бүләк китерүчеләр дә күп булды. Бала бозылып бетә язды. Туганнарымда яшәү аңа бик яхшы булачак. Аякларым төзәлгәч, мин дә янына кайтырмын, каникулларда Казанга чакырырмын, – ди Рәхилә апа.

Әмир кайтуына аңа дигән бүлмәне җиһазлап куйганнар. Күбесе Айгөлнең үзенеке икән. Малайның әнә шуңа да күңеле күтәрелгән.

“Безгә бернинди ярдәм дә кирәкми. Акча  да җыймасыннар. Безнең хакта язмасыннар да. Баланы тынычлыкта үстерәсе килә. Аның аякка бастырырга мөмкинлегебез җитә”, – ди яңа опекуннары.

Гөлгенә Шиһапова 

Мәгълүмат: vatantat.ru

Запись Әмир Яңа елны яңа өйдә каршы алды впервые появилась Tatar Today - татар яңалыклары..

“Аның улын бик кызгандым. Сабый иң якын кешесез калды. Балага иң кирәклесе – ана назы.
Айгөлнең яшәү өчен көрәшүен күзәтеп бардым. Ул яман чирне җиңәргә тырышты. Әмма чир аның үзен алып китте. Инде хәзер аның сабыена исәнлек-саулык телик. Бәлки минем язылучыларым арасында Айгөлгә ярдәм итәр идем, улына булышыр идем дигән кешеләр булгандыр. Күңелдә үтәлмичә калган бу уегызны, хәзер үтәп була. Әгәр үзегездән бераз булса да өлеш кертәсегез килә икән, журналист Гөлгенә Шиһаповага яза аласыз.

Шуны да әйтәсем килә: Әмирне туганнары ташламый, үзләре үстерәчәк”.

Алсу Фаракшина тырышлыгы белән 50 мең сумга якын акча җыелып, Әмирнең теләге буенча компьютер сатып алганнар.

View this post on Instagram

A post shared by ALSU FARAKSHINA (@alsufarakshina)

“Гел күзәтеп бардым, бала кызганыч”.

“Ходай Сабыйны ярдәменнән ташламасын! Исәнлек саулык телим!”

“Нишләптер терелер кебек тоелган иде. Урыны оҗмахта булсын”, – дип яза укучылар.

Чыганак: Кызыл Таң

Запись Айгөл Фазыйлованың улына зур бүләк ясаганнар [фото] впервые появилась Tatar Today - татар яңалыклары..

Журналист, хәйрияче Гөлгенә Шиһапова мәрхүм Айгөл ханымның улына халыктан килгән бүләк-акчаларны җыеп тапшыра.

“Дуслар! Аллага шөкер, сездән килгән акчаларны Әмиргә илтеп кайттык. Ул мине сагынып көтеп торган. Теге юлы акча җыям, ноутбук алам дигән иде. Мин исә, алла бирса, сиңа булышабыз дип киттем. Әмир мине күргәч бик шатланды. Без Алсу Фаракшина белән бергә бардык. Ул бик тә теләп Айгөлнең улына булышты. Якын дуслары, подписчиклары ярдәме белән 13800 сум акча җыеп миңа җибәрде. Миңа да ярдәм итүчеләр күп булды. Бу акчаны уйламаганда гына җыя башладык. Мин күңелегездә әгәр булышасы иде дигән теләк булса гына дип язган идем. Журналист Рөстәм Исхакыйга, Татар малаена рәхмәтлемен мин. Кешегә кайгысына битараф булмыйча, без үзебезнең бердәм икәнне күрсәттек. Тамчыдан күл җыела диләр бит. Авылдашларыма, мине белгән танышларга, чын дусларыма, хәйриячеләремә мең рәхмәт! Бер дә белмәгән, әмма миңа ышанып акча салган кешеләргә аерым рәхмәт! Әмир янына барыр алдыннан Сбербанкта 47500 акча бар иде. Телефонга һәм ирем картасына салган акчаларны да алып,Сбербанкка салдым. Ак Барс картасына да акча салучылар булды. Анда 3150 сум килгән иде. Ашына күчтәнәчләр дә ал дигән идегез. Апасыннан сорап, 1635 сумга өстәлгә кирәкле ризык илттем. Кулымда 49100 сум акча бар иде. Без Әмиргә аны түгәрәкләп, 50 мең итеп тапшырдык.

Бу хәл минем тагын күзләремне ачты. Мин күп әйбергә өйрәндем. Яңа дуслар табылды. Кемнәрдер хәл белә, кайберәүләр ярдәм итә. Шушы берничә көн эчендә тормыш кайнады. Әмирнең яхшы гаиләгә урнашасын беләм. Туганнары акча җыймауны сорый. Кайберәүләрнең әйтелеп үтәлмәгән теләкләрен үтәп, кемнәрнеңдер күңелдән теләп биргән теләкләрен үтәп кайттык. Өйгә кайтканда, картага тагын берничә сум акча килде. Аларны да Әмиргә тапшырырмын. Аллаһы Тәгалә сабыйларыгызга ятимлек бирмәсен, яман чирләрдән үзе сакласын. Үзебезгә бирелгән гомер юлларын, , матурлык белән, игелекләр эшләп үтсәк иде. Айгөлем риза бул. Мин сине онытмам”, -дип яза Гөлгенә ханым инстаграмында.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Журналист Гөлгенә Шиһапова мәрхүм Айгөл ханымның улына халыктан килгән бүләк-акчаларны җыеп тапшыра [фото] впервые появилась Tatar Today - татар яңалыклары..

Фото һәм мәгълүмат Шәһри Казан сайтыннан алынды

Запись Яман шеш белән көрәшүче Айгөл Фазыйлова: «Миңа авыр булганда, сине чакырам… впервые появилась Tatar Today - татар яңалыклары..

Малахов тапшыруы аша улына әти-әни эзләгән, ямаш чир белән авыручы Айгөл Фазыйлова, вконтакте төркемендә хәле турында яңа пост урнаштырган.  Моңа кадәр ул химия терапиясе алуы, хәле начарлануы турында әйткән иде. Бу юлы исә, тернәкләнүенең авыр узуы, анализларының начар булуы, тиздән хастәханәгә операциягә ятуы хакында язган.

“Барчагызга  сәлам! Дуслар, күптән үзем турында мәгълүмат биргәнем юк. Вакыт та, кәеф тә юк иде. Дәвалану һәм химиотерапия кичергәннән соң, тернәкләнү авыр бирелә. Нур терапиясе алдыннан мин гинекологларга патологогистологик анализ тапшырдым. Нәтиҗәләр килде. Юанырлык түгел (бөтен диагнозны да әйтеп тормыйм) 26 мартта хастаханәгә операциягә ятам (барысы да уңышлы үтсен, Ходай бирсен!)

Барлык битараф булмаган кешеләргә тагын бер кат рәхмәт әйтергә телим! Ходай сезгә һәм якыннарыгызга сәламәтлек бирсен, кадерле дуслар!”, дип уртаклашкан Айгөл Фазыйлова. 

Әлеге пост астында Айгөлгә тизрәк сәламәтләнүен, сабырлык һәм уңышлар теләгәннәр.

Запись Улына әти-әни эзләгән Айгөл Фазыйлова: “Хастаханәгә операциягә ятам” впервые появилась Tatar Today - татар яңалыклары..

– Мин анда чарасыздан бардым инде. Хәлем авыр, баланың бакчага йөргәне өчен дә түләргә кирәк. Фатир яллап торган өчен дә ай саен түләү тиз килеп җитә. Хәзер шөкер, хәлләрем яхшырды. Улыма бакча өчен акча түләнгән, фатир өчен дә бурычларым юк. Тик менә үземнең генә сәламәтлегем какшады, – ди Ай­гөл. – Элек күп кенә җиргә мө­рә­җә­гать итеп карадым. Тик нәтиҗәсе булмады. Апамны да кызганам. Әле­гә ул опекун булып саналса да, алга таба ни буласын белмим. Тик би­реш­мәскә тырышам. Әлегә химия курсларын алып бетердем. Тик­ше­ренү­ләр уз­дым. Метастазалар арткан.

“Улым аңа яңа гаи­лә эзләвемне аң­лаган, ахры. Апам янында торасы килми, гел минем белән. Бакчага да икәү бер­гә барыйк, ди. Син көтеп торыр­сың, мин уйнап чыгам, дип әйтә. Әле бер мәрхәмәтле кеше Әл­мәт­тәге шифаханәгә юллама бирде. Улым белән шунда дәва­ла­набыз”, – ди ул.

Тапшырудан соң баласын алырга теләп йөдәтеп бетерсәләр дә, хәзер тынычланганнар. “Әни кеше баласы өчен ничек борчылмасын инде! Кемнәр генә язмады, кемнәр генә килмәде, тик балама әти-әни булырлык кеше очрамады”, – ди Айгөл.

Гөлгенә Шиһапова/Ватаным Татарстан

Запись Ай­гөл Фазыловага тү­рәләрнең дә, табиблар­ның да карашы үзгәр­ә впервые появилась Tatar Today - татар яңалыклары..

Л.Жоховның «Мирская захребетница» хикәясе буенча сәхнәләштерелгән «Счастливая сиротка» спектаклендә Раштуа традицияләре, үзара мөнәсәбәтләр һәм рухи кыйммәтләр проблемасы күтәрелә, дип яза Татар-информ.

Спектакльдән җыелган акча яман шеш белән авыручы Айгөл Фазылованы дәвалауга тотылачак.

Хәтерләсәгез, федераль каналларда, башка мәгълүмат чараларында Татарстанда яшәүче Айгөл Фазылованың хосписта була торып, баласы өчен өзгәләнүе турында сүз бара. Бу хактагы һәр хәбәр йөрәккә утлы кургаш булып тама, дип яза Кызыл таң басмасы.

– Мин үлгәч, Әмирем нишләр? Кемнәр кулына эләгер? Минем аны, үзем исән чагында, тәрбияле, әйбәт гаиләгә, улымны ярата алырдай әти-әни кулына тапшырып китәсем килә, – ди Айгөл.

Ул моннан дүрт еллар чамасы элек авырый башлавын, операция кичерүен, метастаза китеп, каты сызланулар башлангач, Казандагы хосписка урнашуын, инде үләм дигәндә, табибларның аны яңадан тормышка кайтаруын әйтә.

Хатынның үзенә 30 яшь кенә әле. Урынга калган Айгөл – апасы карамагында. Әмирне дә апасы карый. Тик ул аны тәрбиягә ала алмый. Чөнки апасына 65 яшь. Өстәвенә, аның үз улы да авыру икән. Айгөлнең әнисе дә шушы чирдән китеп барган. Аның үз әтисенә дә, баласының әтисенә дә өмете юк. «Эчә ул, Әмирне аңа бирәсем килми», – ди Айгөл улының әтисе турында. Аннары… аның үз гаиләсе, бездә аның кайгысы юк…»

Хәзер авыр хәлдә калган Фазыловлар гаиләсенә волонтерлар – Айгөл Гатиятуллина белән Вика Титова булыша. Аларның ярдәме белән гаилә чыгымнары өчен 100 мең сум акча җыелган да инде. Санкт-Петербургта яшәүче хирург-онколог, үзе дә шушы чирдән җәфаланган Андрей Павленко Айгөлне имммунотерапия үтәргә, гомеренең һәр көне, һәр сәгате өчен көрәшергә чакырды. Минут саен: «Әни, мин сине яратам!» – дип торган бәләкәй улы булганда, үзе әйтмешли, «соңгы минутына кадәр көрәшер ул».

Фото: соцсети

Запись “Мин үлгәч, Әмирем нишләр? – Айгөл Фазылова турында һәр хәбәр йөрәккә утлы кургаш булып тама” впервые появилась Tatar Today - татар яңалыклары..

“Иң башта миңа яман шеш диагнозы куйдылар. Күкрәкләрдә кечкенә шешләр барлыкка килгән иде, ләкин мин моңа артык игътибар итмәдем, чөнки эшли идем. Соңрак, шешләр күбәйгәч, табибларга мөрәҗәгать иттем. Мине хастаханәгә Казанга җибәрделәр. Анда анализлар алдылар. Биопсия инде соң булуын, сөт бизен алдырырга кирәклеген күрсәтте, — дип сөйли Айгөл.

Айгөлнең туганнары юк, үлгәннән соң, улы балалар йортына эләгер, дип курка. Шуңа күрә хатын-кыз Әмир өчен әти-әни табарга булган. Баланың әтисе Айгөлнең йөкле булуын белгәч, аборт ясавын таләп итә, әмма Айгөл каршы чыккач, алар аерылыша.

Хәзер ир яңа гаилә тапкан, алар аның улы белән күрешүен тыя. Әти кеше спиртлы эчемлекләр белән дә мавыга һәм бу бәйлелектән котыла алмый.

«ВКонтакте» социаль челтәрдә Айгөлнең төркеме бар. Анда һәркем ярдәм сүзләрен җиткерә һәм Әмиргә әти-әни эзләүдә ярдәм итә ала.

https://www.youtube.com/
https://vk.com/

Запись Татарстанда яман шеш белән авыручы хатын баласына әти-әни эзли [ВИДЕО] впервые появилась Tatar Today - татар яңалыклары..

– Әнием диспансеризация узганда күкрәгендә шеш барын әйтәләр. Хәле авыраеп, хастаха­нәгә салдылар. Онкология бүле­генә эләгә алмады, шул рәвешле чире аза торды. Әнинең башы бик каты авыртты. Табиблар эш­нең нидә икәнен аңлый алмагач, томография ясатты. Башында да яман шеш барлыгы ачыкланды, – дип искә ала Айгөл. Әнисе озак яшәми. Әтисе исә моннан 16 ел элек чыгып китеп югалган.

– Әни үлүгә, үги әти өйдән куып чыгарды. Ирем белән бала туганчы аерылышкан идек инде. Улымны тотып, Казанга чыгып киттем. Монда яшәргә урын таптым. Тыныч кына яшәргә язмаган икән. Табиблар минем күкрәгем­дә ниндидер ит кисәкләре барлыгын күреп алды. Мин исә тикшеренүгә бармыйча йөрдем. Акча кирәк иде, эш эзләдем. Ә ул чакта күкрәктәге шешләр үсеп торган. Табибка барганда соң иде инде, – дип сөйли Айгөл. – Тиз арада операция кирәклеген әйттеләр. Күкрәклә­рем­не алдылар. Авыруга каршы бик озак көрәшәм. Химия курслары алганда бик авыр. Әмма аннан соң уңайланып китәм дә яңадан башка кешеләр кебек яши башлыйм. Казанда әниемнең бертуган апасы яши. Улымны тәрбияләргә ул булыша. Үзенең дә улы авыру. Күзләре күрми. Аны да, безне дә тәрбияли. Ул түзә бит, миңа да түзәргә кирәк, дим. Аннан үрнәк алырга тырышам.

Яман шеш Айгөлнең бөтен организмына таралган. “Үпкәмдә дә, бавырымда да, башымда да метастазалар бар. Озакламый тикшеренү үтәм. Нәтиҗәсе нәрсә булыр, белгән юк. Әмма күңелем яхшыга өметләнә инде. Минем үлем турында уйлыйсым килми. Әле бит улымны үстерәсе бар, – ди ул. – Үземә ничек кенә кыен булса да, балама сиздермим. Алланың рәхмәте белән, аягымда йөрим әле. Буш вакытымны улыма багышлыйм. Кайбер кешеләр авыру икәнемә ышанмыйлар да. Ә бит йөземә үк язылып куйган югыйсә. Хәер, ке­шеләр башымда парик икәнне белми дә. Йөземдә һәрчак елмаю минем. Бу дөньядан бер дә китәсе килми. Яшәү теләгем көчле. Урын өстендә ятмагач, кайчак авыру икәнемне онытам”.

Айгөл кеше фатирында яши. Инвалидлык буенча түләнә торган пенсиясе шуңа китеп бара. Яшәр өчен акчасы калмый да. Әле бит баланы бакчага йөртергә, аның өчен түләргә кирәк. Улы белән бер төркемгә йөрүче балаларның әти-әниләре дә аның хәсрәтенә битараф калмаган. Кулдан килгәнчә булышалар.

– Кемдер акча китерә, ризык­лар, киемнәр белән булышучылар да бар. Ярдәм иткән ке­шеләргә чиксез рәхмәтемне белдерәм. Тормышымның ника­дәр авыр икәнен аңласам да, зарланасым килми. Мин бит әле исән, янәшәмдә улым йөгереп йөри. Ярдәм итәрдәй дусларым бар дип сөенәм, – ди ул.
Айгөлнең язмышы безне дә битараф калдырмады. Газета укучыларыбызда 6 яшьлек малайга яраклы киемнәр, мәктәп кирәк-яраклары булса, редак­ция­­гә хәбәр бирсеннәр иде.

Гөлгенә Шиһапова

Чыганак һәм фото: Ватаным Татарстан

Запись “Мин әле исән. Авыру икәнемә ышанмыйлар”: Яман шеш Айгөлнең бөтен организмына тарала впервые появилась Tatar Today - татар яңалыклары..