Чаллыда серле рәвештә алмагач аллеясы юкка чыккан. Агачларны казып, билгесез юнәлештә алып киттеләр, дип хәбәр итә«Челнинские известия».

Аллея өч ел элек 58 һәм 59 комплекс арасына утыртылган була. Утырту эшләрен җирле халык шәхси оешма белгечләре белән берлектә үткәргән.

Бүген шәһәр халкы шау-гөр килеп, агачлар кемгә һәм нигә комачаулады дигән  сорауларга җавап эзли. Подъездларның ишекләрендә белдерүләр эленгән: халык бу мәсьәләне гомуми җыелышта хәл итәргә ниятли.

Шәһәр кешеләре алмагачның юкка чыгуын яңа сәүдә үзәге хезмәткәрләре  өчен парковка кирәк булуы белән бәйли.

Фото: chelny-izvest.ru

Мәгълүмат chelny-izvest.ru сайтыннан  алынды

Запись Чаллыдагы алмагач аллеясы кая киткән?! впервые появилась Tatar Today - татар яңалыклары..

Иҗтимагый активист Марат Газизуллин бу идеяне шәһәр мэры Илсур Метшинга һәм Татарстан Президенты ярдәмчесе Наталья Фишманга җиткергән инде. Җитәкчеләр аны хуплаган.

– Әлеге идея дустым белән Казансу елгасы яр буенда йөргәндә туды. Уйлап карасаң, Казаныбызда йолдызларга багышланган бер генә ял итү урыны да юк. Ә “Милленеум” күпере астын рэперлар инде күптәннән үз итеп өлгерде һәм еш кына шунда ял итә, җыелышып җырлый. Соры баганаларны төрле портретлар белән бизәсәң, күпкә әйбәтрәк булыр иде, – ди Марат Газизуллин.

Күпер астында 14 багана бар. Идея авторлары анда дөньядан киткән 28 йолдыз рәсемнәрен  арт стилендә ясарга тәкъдим итә. 

Төркемдә барлыгы 263 йолдызның исеме тәкъдим ителгән. Уитни Хьюстон, Фредди Меркьюри, Луи Армстронг кебек дөньякүләм танылган җырчылар арасында  җыелган тавышлар буенча Хәния Фәрхинең беренче урында баруы күңелне сөендерә. 

Алай гына да түгел, тавышка куелган исемнәр арасында Гали Ильясов, Гөлсем Сөләйманова, Мөнирә Булатова, Габдулла Рәхимкулов, Вафирә Гыйззатуллина, Нияз Даутов, Нәҗип Җиһанов, Әлфия Авзалова, Әнвәр Бакиров һ.б. татар шәхесләре бар.

“Йолдызлар” аллеясында үзегезнең яраткан җырчыгызның рәсемен күрергә телисез икән, моның өчен “Вконтакте”дагы  “Аллея известных музыкантов под мостом Миллениум” төркеменә кереп,  әлеге шәхескә тавыш бирергә тәкъдим итәргә генә кирәк.

– Идея кайчан тормышка ашачагын әлегә төгәл генә әйтә алмый. Чөнки бу эшне башкару өчен тәҗрибәле рәссам кирәк. 30 метрлы баганаларга менеп рәсем ясау һәркемнең дә кулыннан килми, – ди Марат.

Димәк, башкалабыздагы яңа аллеяда татар музыка дөньясы йолдызлары рәсемнәре күбрәк булсын өчен аларга тавыш бирү мөмкинлеге бар дигән сүз. Татар музыка сәнгате өчен зур өлеш керткән шәхесләребезнең  исемнәрен бергәләп мәңгеләштерик! 

Исемлектәге кайбер йолдызлар:

Виктор Цой

Әлфия Авзалова

Майкл Джексон

Андрей Миронов

Рөстәм Яхин

Запись Миллениум күпере астында танылган йолдызлар аллеясы барлыкка килүе бар, беренче урында – Хәния Фәрхи впервые появилась Tatar Today - татар яңалыклары..