Алмаз Мирзаянов беренче сезонның бер өлеше белән бүлеште. Ул үзе белән булган кызык хәлләрне сөйләде.

Сакалын кырыр өчен барбершопка барган булган, анарга теннис шары хәтле шарны авызына кабырга кушканнар. -Ә мин моны ялгыш йотсам?, дигәч
-Иртәгә алып килерсез, бөтен кеше шулай эшли, дигәннәр.
Шуннан Алмаз Мирзаянов тизрәк чыгып качкан инде. Аквапаркта булган хәлен дә сөйләде, “Анда хәзер мине кертмиләр”, ди ул.

Видео Алмаз Мирзаянов Инстаграмыннан

Запись Алмаз Мирзаяновка кырынганда ни өчен теннис хәтле шар каптырып куйганнар? [видео] впервые появилась Tatar Today - татар яңалыклары..

View this post on Instagram

A post shared by Алмаз Мирзаянов (@almaz_mirzayanov)

“-Карасыннар әле диеп концерттан зур өзек куйган идем! Загружать иткәндә шушы җыр урынында гына видео белән тавыш тыкрыктан чыккач икесе-ике якка киткәннәр! Авыз туры килмәгәч, фонограмма дип нахак яла яктылар! Задело! Минем беркайчан да авыз ачып торып кеше алдаганым булмады. Хәтта менә бу концерт көнне температура 39 булганда да! Шуңа җавабыгыз шулдыр инде, рәхмәт, хөрмәтле тамашачылар! Ул юлда булсам, күптән яхшы җырлаучылар рәтендә булыр идем! Алдан яздырып чистартылган тавыш белән әлбәттә шәәәп җырчы буласың! Ипи белән ант итәм, безнең концертта фонограмма ЮК! Җырчыларның үз тавышы, скрипка да, баян, гармуннар да үзләре уйныйлар!” – дип язган Алмаз.

Запись Алмаз Мирзаянов: “Нахак яла яктылар!” [видео] впервые появилась Tatar Today - татар яңалыклары..

Танылган алып баручы Алмаз Мирзаянов инстаграмда еш кына үзенчәлекле фотолар, язмалар урнаштыра. Бу юлы исә ул үзенә негатив комментарийлар язучыларга җавап биргән.

“Ни язырга да аптырарлык. Язмасам, ник язмыйсың диләр. Язсам, һәрбер җөмләгә бәйләнеп, әллә нинди чагыштырулар уйлап табып, негатив язучылар пәйда була. Игътибар итмә дисез. Битараф калып булмый. Дөресен генә әйткәндә, кешеләр “елагы тыгылган” баланы хәтерләтәләр. Шулкадәрле ачуы җыелган кешеләр күп. Ләкин, ачуларын үпкәләтүчеләреннән алмыйлар, башка җиргә чыгаралар. Аптырагач хәзер, концертыңа килмибез, дип куркытырга теләүчеләр күбәйде. Беркемне дә мәҗбүри китергәнебез булмады, булмас та! Теләгегез булса, рәхим итегез, булмаса да килегез. Шунда җайлыйбыз аны. Гадирәк бул дисез! Әйдәгез бергәләп шулай итик әле”, ди Алмаз Мирзаянов.

Мәгълүмат Алмаз Мирзаянов инстаграмыннан

Запись Алмаз Мирзаянов: “Концертыңа килмибез, дип куркытырга теләүчеләр күбәйде” впервые появилась Tatar Today - татар яңалыклары..

Чулпан Гарифуллина

Мәгълүмат: vatantat.ru

Запись Алмаз Мирзаянов: “Алар хәзер барлык артистта да охшаш, үзләре шуңа шаккатмыймы икән?!” впервые появилась Tatar Today - татар яңалыклары..

Танылган алып баручы Алмаз Мирзаянов һәм җырчы Зөлфирә Шәйдуллина гаиләсе белән булган очраклы хәл алдан планлаштырылмаган күңелле очрашуга сәбәп булган.

“Ай ярым элек Зөлфирәм белән Туймазы шәһәренә барышлый, Сарман перекрестогында машина  туктатып торучы бер абзыйны утырткан идек. Сөйләшеп киттек. Сарманда яшәүче сеңлесеннән кайтып килеше, үзе Җәлил бистәсендәге картлар йортында яши икән. Поселок эченнән узу юл планында булмаса да, илтеп куйдык абыйны”, – ди Алмаз Мирзаянов.

Әлеге абзый аның башында уй калдырып төшеп калган икән. “Бер атнадан Җәлилдә концерт куясы бар икәне искә төште! Оештыручыларга шалтыратып, концертка кадәр картлар йортында чыгыш ясарга теләк белдердек, биш куллап хупладылар. Матур итеп каршы алдылар, дөрестән дә игътибарлы хезмәткәрләр һәм җитәкчеләр эшли анда. Рәхмәт аларга! Дөмбер-шатыр китермичә генә, ярты сәгатьлек концерт куйдык. Шул кыска гына арада көчле кул чабулар да, ихластан елмаюлар да, күз яшьләре дә күрдек”, – дип искә ала бу җылы очрашуны Алмаз Мирзаянов.

View this post on Instagram

A post shared by Алмаз Мирзаянов (@almaz_mirzayanov)

Мәгълүмат Алмаз Мирзаянов инстаграмыннан

Запись Очраклы хәл Алмаз Мирзаянов гаиләсенең көтелмәгән карар кабул итүенә сәбәп була впервые появилась Tatar Today - татар яңалыклары..

Танылган алып баручы, нәфис сүз остасы Алмаз Мирзаянов үзенә комментарийлар язучыларга җавабын җиткерә.

Бөтен кешенең дә үзенә язган комментарийларын укып баруын әйтә ул. “Бөтен эшегезне калдырып, безне карап барасыз икән, без дә, гади генә булса да, рәхмәт әйтергә тиештер”, – ди Алмаз Мирзаянов. Негатив комментарий язучыларга да җавабы әзер аның.  “Әйдә, бер елмай да, шул хыялларыңның берсен генә булса да чынга ашыру өчен бер кечкенә генә булса да “адым” яса әле бүген!” – ди ул аларга.

View this post on Instagram

A post shared by Алмаз Мирзаянов (@almaz_mirzayanov)

Мәгълүмат Алмаз Мирзаяновның инстаграмыннан

Запись Алмаз Мирзаянов үзе өчен “борчылучыларга” җавап бирә впервые появилась Tatar Today - татар яңалыклары..

Беренчедән, Алмаз Мирзаяновның концертына барганда, шаяртулы тамаша булыр дип уйлаган идем. Ләкин мин ялгышканмын. Беренче мәхәббәтне, балачакны искә төшереп, туган якны сагынып, еламсырап алулар — болар барысы да әлеге тамашада булды. Юк, тамашачы гел моңаеп утырды, димим, көлүләр дә, шаярулар да булды. Ләкин барысы да үз урынында, чамасын арттырмыйча. Күп җырчылар алтын уртаны оныта. Я арттырып җибәрә, я, киресенчә, җитеп бетми.

Алмаз үзенең гади авыл егете булуын яшерми. Ничек бар — менә шулай. Һәм иң кызыгы: авыл өйләренең күбесе бер үк икән. Олы як белән кече як; мич үзе, мич арасы… Болар сездә дә бар идеме? Тупса яисә бусага? Әйе, болар да бар иде.

«Яңа авыл өйләрендә тупса юк», — ди Алмаз. Моның беләш килешмичә булмый. Хәтерлисезме: тупсага утырсаң, бәләкәй булып калырсың, дигән сүзләрне? Алмазның буена карасаң, аның тәртипле малай булганын аңларга була. Буе ике метрга җиткән инде әллә?!

Алмаз Мирзаяновның беренче мәхәббәте

Бер мәлне Алмаз көлдертте-көлдертте дә, кинәт кенә үзенең беренче мәхәббәту турында сөйли башлады. Беренче мәхәббәтнең онытылмавын барыбыз да беләбез. Сагышлы булса да, бәхетле булса да, истә кала ул беренче мәхәббәт. Алмазныкы да исә калган. Сөйләде, сезнең белән дә бүлешим.

«Өченче курста укыганда, курсташ кызыма гашыйк булдым. Бик матур итеп очрашып йөрдек. Өйләнешергә рөхсәт булмады, ярый, бераз гына көтик, дидек. Өченче курс беткәч, каникулга дип ул — Туймазыга, мин Мөслим районына кайтып киттек. Үзегез аңлыйсыз, ара бик ерак, авылда эше дә күп. Бары тик дүрт тапкыр гына шалтsраттым. Миңа җиткән иде, аңа җитмәгән…», — дип сөйләде Алмаз.

Дүртенче курс башлангач, чәчәкләрен тотып, Алмаз әлеге кыз янына йөгерә. «Шул чәчәкләр белән кире әйләнеп кайттым да. Ишекне шапылдатып япты», — дип искә алынды.

Алмаз, бер дә күңелсезләнмичә, беренче курс кызлары белән «гүләйт» итә. «Янына да бармадым, борылып та карамадым. Әлмәткә укырга күчәргә йөри идем, ләкин үземнең яраткан укытучыларым, курсташларым белән саубуллашасым килмәде», — ди Алмаз.

Нәрсә генә дисәң дә, ә бик күңелне алдап булмый! «Кыз тулай торакта тора, ә мин ике бүлмәле фатирда яши идем. Бер бүлмәсендә мин дус егетем белән, икенче бүлмәдә әлеге егетнең икетуган абыйсы яши. Бер мәлне шундый сүз чыкты: әлеге егет белән мин яратып йөргән кыз очрашып йөриләр икән. Ышанмаган идем! Ләкин ышандырдылар: дәрес башланыр алдыннан кыз, балдагын күрсәтеп: „Ә миңа тәкъдим ясадылар“, — диде. Котладык, мин дә куп чаптым. Аларның тиз арада нихаклары булды. Ир белән хатын булгач, кайда торганнарын аңлыйсыз инде. Күрше бүлмәдә яшәделәр. Бер фатирда, аңлыйсызмы? Яратыштылар, көлештеләр, талаштылар…», — дип ачылды Алмаз.

Тамашачы елады. Алмаз, ышандырып сөйләде. «Уйлап чыгара микән? Әллә бу тарих дөресме?», — дигән сораулар барлыкка килде. Алмаз белән аралашып алдык.

— Алмаз, нигә сөйлисең бу тарихны?

— Ялгышмаска кирәк! Ялгызлар күп, һәм әлеге ялгызларның хәлләренең, ун процентын булса да, аңлыйм. Бу тарихны ун ел дәвамында күңел түрендә йөрттем. Бәлки тамашачым аны тыңлап, ишетеп, ялгышмаска кирәк икәнен аңлар.

— Әлеге кыз белән бу арада күрешкән бармы?Һаман да ярата микән? Ничек уйлыйсың?

— Концертларның берсендә улы белән килгән иде. Чәчәк бүләк итте. Әле билетын да сатып алган иде. Бары шул. Яратам дип язганы бар. Хәзер инде бик күп еллар үтте.

— Бүген үзеңнең йөргән кызың бармы?

— Әйе, янымда сөйгән ярым бар. Шуны әйтим: аның янында әлеге тарихны сөйләү уңайсыз.

— Әлеге кыз өйләнерлекме?

— Алла боерса, барысы да булыр. Үзебездән тора!

Белмим, ике метрлы егетнең әлеге тарихны сөйләве кирәк микән. Кызгандык, еладык. Алмазның әлеге тарихы белән башкаларны ялгышмаска өйрәтәсе киләдер. Әйе, мәхәбәттә бер ялгышсаң, гомерлек хата булып сакланырга мөмкин. Яратылып һәм яратылып яшәргә язсын!

ТНВ

Фото: соцсети

Запись “Тамашачы елады”. Алмаз Мирзаянов бу вакыйганы 10 ел йөрәгендә саклый впервые появилась Tatar Today - татар яңалыклары..

“Әкренләп аңлый башладым бугай. Казанда концерт куйганмын икән бит! Казанда! Мин! Бер хыялый бала. Моннан ун ел элек стенага “Алмаз Мирзаянов концерты! Казан!” дип кулдан гына афиша язып элеп куйган идем. Шуннан бирле хыялландым. Хыял шундый көчле хис икән”, – ди ул хис-тойгыларыннан арына алмыйча. Тамашачының җылы фикерләрен җитәрлек тыңлагач, Алмазны әңгәмәгә дәштем….

– Ике метрлы егет сәхнәгә тәүге адымнарын кечкенә юләр малай образында ясады. Тәнкыйте дә булды. Артка борылып карагач, үкенмисеңме?

– Мин бер генә көнемә дә үкенмим. Үземчә, рәхәт итеп яшим. Ул образда кечкенә вакытымны күрсәттем дисәм дә була. Бүген дә сөйлим аны. Халык тамаша залыннан үзе сорап ала хәтта. “40 ягына чыккач сөйләп йөрү әллә ничек, сөйләмим инде”, – дим. “Юк, юк, шуны карарга килдек”, – диләр. Күпмедер дәрәҗәдә мине халыкка таныткан образларның берсе ул.

– Бүген сәхнәгә яңа чыккан артист нинди авырлыклар белән очраша?

– Төркем җыю авыр. Миннән биючеләр сорыйлар. Юк алар бүген. Булганнары да үз аякларына үзләре абынып йөрүчеләр. Булуларыннан булмаулары хәерлерәк. Биючеләр белән бергә чыгып караган идем, туры килмәдек. Аллага шөкер, бүген менә дигән төркем тупладым. Арттырып әйтмим, аларның һәрберсе шәхес.

– Концерт оештыру ягына килсәк?

– Бу яктан ачуны китергән нәрсәләр бар, әлбәттә. Авылларга концерт белән йөрмиләр дип зарланалар. Ә килергә җыена башласаң, кайбер клуб мөдирләре документ таләп итә башлый. ИП кәгазьләрең булырга, башта яннарына кайтып кирәкле җирләргә мөһерләр суктырырга тиешсең. Кайбер җиргә шалтыратып сөйләшү дә җитә. Бер авылда аренда өчен 10%, икенчесендә 20% алып калалар. Ямьсез итеп каршы алучылар була, бөтенләй “килеп йөрмә” дип, бөтен авыл өчен җавап бирүчеләре дә очрый.

– Уңышларың өчен ихлас күңелдән сөенүче сәхнә дусларың бармы?

– “Синнән булачак”, “синдәй артистлар кирәк” дигән артист дусларым бар. Билгеле, алар сирәк. “Сиңа кирәк түгел бу, интекмә, җырлап азапланма”, – дип киңәш өләшүчеләре дә очрый. Үзләре юньле эш күрсәткән кеше дә түгел инде алар. Азапланмыйм, бары сәхнәдән халыкка әйтәсе килгән фикерем бар. Җырчы булырга дигән максатым юк. Үз тавышымның ни дәрәҗәдә икәнен генә беләм. Җырларны да шулай сайлап алырга тырышам. Әйтәсе килгән фикер була бит, сүздән соң мин аны шигырь белән җөпләп карыйм, шигырь белән дә әйтеп бетерә алмасам, җыр белән нокта куям.

– Өйләнергә җыенмыйсыңмы әле?

– Гафу, өйләнү темасы ябык.

Әңгәмәне “Акчарлак” газетасының 10 нчы саныннан укый аласыз.

Запись Алмаз Мирзаянов: “Авылларга йөрмиләр дип зарланалар. Ә килә башласаң, клуб мөдирләре…” впервые появилась Tatar Today - татар яңалыклары..

Шушы көннәрдә җырчы Алмаз Мирзаянов Инстаграмында гастроль сезонына планнары белән уртаклашкан. Бу сезонда өстәмә концертлар алаганын, Башкортстан һәм Татарстан районнарын, Бавлыдан кала, көзгә планлаштыруын язган. Ни өчен Бавлыны кертмәвен дә аңлаткан, чөнки мәдәният йорты җитәкчесе күңеленә ярамастай сүз әйткән. 

“Беренче елны ук районнарда концерт кую бик рискованно дигәннәр иде. Куйдым, чөнки сезне тойдым, рәхмәт! Өстәмә көн кую, ярый торган әйбер түгел икәнен аңлап тагын көннәр алдым! Ни булыр, белмим.  Апрель графигында үзгәрешләр бар, кичкә кертермен. Башкортостан һәм калган районнар – көзгә. Бавлыдан кала.

Мәдәният йорты директоры Ләйлә Мәхмүт кызы “Тямайлар, Ришатлар янында вак-төяк син, диде” Дөресен әйтим, күңелемә ярамады, но дәшми калдым, саубуллаштым. Иртәгә тагын бер бетчә чыга инде. Бавлыга эреләнгәч кенә барырмын, пожалуй. Или эрегә-вакка аеручылар алышынгач”, дип язган Алмаз Мирзаянов.

View this post on Instagram

A post shared by Алмаз Мирзаянов (@almaz_mirzayanov)

Запись Алмаз Мирзаянов: “Мәдәният йорты җитәкчесе: “Тямайлар, Ришатлар янында вак-төяк син”, диде” впервые появилась Tatar Today - татар яңалыклары..

– Татар эстрадасында болай да артистлар күп. Мин дә кечкенәдән җырчы булам дип үстем. Тик Мөс­лимнән Казанга килеп җит­кәндә, бюджет урыннары беткән иде инде, – ди ул, шаяру катыш. – Мин әти белән әнидән акча сорарга яхшысынмадым. Укып тормадым, эшкә урнаштым. Бармен да, Кыш бабай да булырга туры килде. Бервакыт интернетта Илфак Ши­һапов яза. “Карале, энекәш, гәүдәң дә килешле, кыяфә­тең дә ничава. Ландыш Баһави дигән җыр­чының төркеменә синтезаторда уйнаган булып торучы егет кирәк. 300 сум түлиләр”, – ди бу. Ризалаштым. Ул акча җирдә аунап ятмый бит!

Беренче концертта катнашуы да безнең Түбән Яке авылында була. Синтезаторга басучы буларак кил­гән Алмазга, алып баручылары булмау сәбәпле, мик­рофон тоттыралар. Әле ул гынамы, ара-тирә юмор да сөйләргә кирәк бит. Алмаз бернинди әзерлексез була. Менә шулвакыт клуб мөди­ре­нең әнисе Кәнифә апа­ның күлмәген киеп тә чыгыш ясый. Киюен кия дә, салырга оныта. Күлмәк Казанга китеп бара. Бу хатирә­ләргә байтак еллар узса да, узган ел үз тамашасын оештырып йөри башлаган егет иң беренче чыгышын янә без­нең авылда ясады.

– Без – вай-файсыз балачаклы, бәхетле буын. И, рә­хәт чаклар булган. Хәтер­лисезме авыл өен, – диде ул. Тиз генә экскурсия дә уздырды. – Түр якта сервант, анда елга бер генә алына торган чәшкәләр. Тик нигәдер минем апалар аны өй җыеш­тырган саен алып тузанын сөртә дә, тагын кире тыгып куя иде. Бер якта – кечкенә мич, икенче­сендә – зурысы. Бер почмакта – әбинең караваты, икенче якта – әти-әнинеке. Алар чаршау белән әйлән­дереп алынган. Мич арасында – кул юа торган урын. Икенче якта – аралык. Сыер бозаулагач, анда бозау керә. Сездә шулай идеме ул?

Тамашачы, хатирәләр яңар­тып, әйе шул, карале нәкъ шулай бит, дип үз алдына сөйләнеп утыра.

– Беренче тапкыр телевизор алуны искә төшерик. Анда бары тик ике-өч канал күр­сәтә. Кабызу өчен хә­зер­ге кебек бер ноктага гына басасы түгел, иң элек стабилизаторны кабызасы. Аннан соң телевизор кушыла. Бөтен урам әбиләре безгә кереп кино карый. Гваделупаны кызганып елап утырулары әле дә күз алдында. Бай, миллионнары булган актриса өчен Яңа Бүләр авылы әбиләренең елаулары әле дә онытылмый. Кызык иде тормыш! Балачакта әтинең кырынганын карап торырга ярата идем. Пумаласын ала да бер күгәреп бетә язган савытка сабын суы сала. Ул кырыну бер сәнгатькә тиң. Әллә нинди кыяфәтләргә кереп бетә иде. Әле малай чакта үзем дә качып шулай эшләдем,– ди Алмаз. – Авыл киченең матурлыгына безнең кебек сокланучы булды микән? Айсыз төндә дә йолдыз санадык. Ул мәтрүшкә, каен себеркесе исләре… Әле дә борынны кытыклап тора кебек. Койма аша төшеп, күрше бакчадан алма ур­лау­лар, яраткан кызларга хат язулар…

Болар мәңге хә­тер­дән уелмас. Ярату ди­гәннән, әлегә кадәр ялгыз булуның сәбәбе дә – Мөс­лимдә яшә­гәнгә, дип шаярта Алмаз. ”Юл ерак, әнигә кыз күр­сәтәм дип кайта башлыйбыз да, кыз ошамый башлый. Мамадыштан кире борылабыз”, – ди ул.

Алмаз Мирзаяновка Та­тарстанның халык артис­ты, нәфис сүз остасы Рәшит Сабиров үз фатихасын бирә. Моннан ике ел элек була бу хәл. “Энем, буең да бар. Матур сөйлисең дә. Без дә олыгаябыз. Сәхнәдә сөй­ләр кеше кирәк”, – дип, үз китап­ларын бүләк итә. Ә Алмазга шул гына кирәк тә. Әнгам Атнабаевның иҗаты­на мөкиббән киткән, ши­гырь­ләрен бер сулышта сөй­ләп биргән кешегә сәхнә тоту авыр булмаячак! Ул бүген дә хатирәләр яңар­тып, балачакның күңел­ле вакытларына алып кайтып кына калмады, тормыш­ның мәгъ­нәсен аңлата торган ши­гырь­ләр дә укыды. Юмор да булды. Әмма тирән мәгънә­ле, җаннарны биләп ала торган, тәрбияви иде ул. Татарстанның күп кенә район-авылларын бер­гә ураган иҗатташ дуслары да бәйрәмгә ямь өстәде.

Татар эстрадасы дигән зур корабта болай да җыр­чы күплеген яшерми Алмаз. “Өч кәчтүмем, 9 җырым бар. Максатым – кешеләрне бераз гына хыял диңгездә йөздерү. Безгә шул җит­ми”, – диде ул.

Өч сәгатькә сузылган тамашаның ничек узганын сизмәдек тә. Җырлар бетте, шигырьләр сөйләнде. Тамашачы аягүрә басып алкышлый. Әнә шулчакта Алмаз югалып калмады. “Әйдәгез, беренче җырны башкарабыз. Сез аны барыбер яхшылып тыңламадыгыз. Ул чакта сәхнәне карадыгыз, артист­лар­ның күлмәкләрен күзәт­тегез. Җыры да мәгъ­нәле бит”, – диде. Рөстәм абый Зәкуа­новның “Дөнья­ны яратыйк” җырын башкарды. Халык алай да таралмады. Тамаша­чының сай­лап алу мөмкин­леге булса да, тормышчан, гади, шул ук вакытта күңел кылларын тибрәтә торган чаралар җитми икән. Алмаз үзе дә: ”Җырчы түгел башым белән зал тутырып кеше килер димәгән идем“, – ди. Соңгы хәйрия кичәсендә дә сөйлә­шеп тордык. “Билетларны таратмыйм. Барысы да – кассада. 35 кеше килсә дә, җиренә җиткереп тамаша ясыйм. Ул бит беркем бел­мәгән Алмазны 70 күз кү­зәтә дигән сүз!” – дигән иде. Хәер, авылларда кем икә­нен белмичә дә клубка җыелалар икән. Андагы тамашачы Казанныкы кебек тыйнак кына утырмый, үз фикерен сәхнәгә менеп әйтә. Саба районында бер әби менә болай ди: “Афи­шаңны күрдем дә, кем икән бу, дип чыктым. Концерт сүзе булмагач, әллә Кашпировский шикелле кешеме дип, чирләрне онытырга дип килгән идем. Бигрәк акай күзле икән бу, дим. Менә хәзер утыра торгач, күзеңнең алай зур түгел­леген күрдем. Син, улым, икенче елга фотога матуррак төш әле, яме”, – ди бу.

Казандагы концертына ул бик уңайсызланып кына, үзенең иҗатташ дусларыннан хәер-фатыйха алгач кына тәвәккәлли. Тамашачы­ның яратуы, алкышлары исә кү­ңелдәге икеләнүлә­рен юкка чыгарып, аңа канат куйды кебек.

(Гөлгенә ШИҺАПОВА/“Ватаным Татарстан”, /№ 25, 20.02.2019/)

Запись Алмаз Мирзаянов ник ялгыз булуын аңлата: “Әнигә кыз күр­сәтәм дип кайтабыз да…” впервые появилась Tatar Today - татар яңалыклары..