“Эшли башлаганда каршылыклар күп булды. Халыктан “Лохотрон”, “финанс пирамида” һ.б. кебек ямьсез сүзләр ишетергә туры килде. Андый сүзләр ишетү авыр иде. Башта Азат та миңа ышанмады. Аннары, өйгә алган әйберләрне үзе кулланып ошатканнан соң, миңа ярдәм итәргә теләген белдерде. Һәм бизнеска ничек кереп киткәнен үзе дә сизми калды.
Ирешкән уңышыбыз, әлбәттә, минем генә түгел, тырыш командабызның эш нәтиҗәсе” ди Алсу.

 

Посмотреть эту публикацию в Instagram

 

Барысы да 2018 елның 1 июнендә башланды☺️. Ә Ничек шулай тиз булды дигән сораулар куп килә. @nl_int компаниясендәге эшчәнлегебез турында кыскача: ?Июнь. Star квалификациясен яптык. ?Октябрь. Diamond Star квалификациясен яптык. ?Декабрь. «Автобонус» квалификациясен яптык. ?Февраль. Сочига зур чарага – компаниянең 18 яшьлек туган көненә бардык. ?2,5 миллион сумлык Mercedes машинасын тырышып эшләгән өчен бирделәр. Безгә счет буенча -812 нче машинаны бирделәр!( суз уңаеннан, 2019 елда гына 10 автобонус бирелде, шуның 2 се Татарстанда!!!) @nl_int_mercedes ? безнең командада тагын берничә автобонус көтелә, Аллаh бирса☺️ ⠀ Эшли башлаганда каршылыклар күп булды. Халыктан “Лохотрон”, “финанс пирамида” һ.б. кебек ямьсез сүзләр ишетергә туры килде. Әлеге гайбәтнең дөрес түгел икәнен төгәл белсәм дә, андый сүзләр ишетү авыр иде. Башта Азат та миңа ышанмады. Аннары, өйгә алган әйберләрне үзе кулланып ошатканнан соң, миңа ярдәм итергә теләген белдерде. Һәм бизнеска ничек кереп киткәнен үзе дә сизми калды. Ирешкән уңышыбыз, әлбәттә, минем генә түгел, наставникларыбызның hәм тырыш командабызның эш нәтиҗәсе. Егетләр, кызлар, барыгызга да рәхмәт! Әгәр син дә тырыш һәм максатчан икән, безнең командага рәхим ит. NLның “Мерседес” лары җитәрлек, эшлә генә! Аллага шөкер, без үзебезне башка өлкәдә, бөтенләй башка яктан ачтык. Һәм алга таба тагы да ныграк, җиң сызганып эшләүне дәвам итәчәкбез! Видеограф @zoorzoom @nurgaliev_ilnar #алсуазатфазлыевлар

Публикация от Алсу Фазлыева (@alsufazlyeva) 27 Мар 2019 в 11:20 PDT

Ләкин җырчыларга озак сөенергә насыйп булмый, интернетта бик күпләр аларны тәнкыйть утына тота. Фазлыевларга негатив комментарийларны күп укырга, ишетергә туры килә. Янәсе, әниләрен дәваларга дип җыйган акчага машина алганнар икән. Әниләре үлгәч тә, шунда ук концертлар куярга чыгып китеп, җырлап-биеп йөриләр дип гаепләүчеләр дә була хәтта.

Моңа җавап итеп Азат Фазлыев болай ди: “Акланып утырасы килми, әмма ул машинаның ничек безгә килеп эләгүен тирәнрәк фикер йөрткәннәр аңлагандыр. Ә халыктан җыйган акчаны без мотаҗ балаларга таратып бирдек. Моның хакта лентада аерым пост бар.
Аннары… Янәсе, әниләре үлде, кырыгы да булмады, ә балалары инде җырлап-биеп йөриләр. Беләсез микән, кайгыдан бераз онытылыр өчен сәхнә – бердәнбер чара. Якыннарыбыз да: “Гастрольләрегезне туктатмагыз, эшләгез”, – диделәр. Әни үзе дә, миңа калса, күкләрдән безгә карап сөенә генә. Чөнки ул үзе дә эш яратты. Ярага тоз салмагыз, зинһар. Мин сезнең берегезгә дә начарлык теләмим… Тормышыгыз матур, мул һәм имин булсын. Амин” дип ачынып яза Азат Фазлыев.

 

Посмотреть эту публикацию в Instagram

 

Хәерле кич барыгызга да. Кызганыч, бу көннәрдә негатив комментарийларны күп укырга, ишетергә туры килде. Янәсе, әнине дәваларга дип җыйган акчага машина алганбыз икән… Акланып утырасы килми, әмма ул машинаның ничек безгә килеп эләгүен тирәнрәк фикер йөрткәннәр аңлагандыр. Ә халыктан җыйган акчаны без мотаҗ балаларга таратып бирдек. Моның хакта лентада аерым пост бар. Аннары… Янәсе, әниләре үлде, кырыгы да булмады, ә балалары инде җырлап-биеп йөриләр. Беләсез микән, кайгыдан бераз онытылыр өчен сәхнә – бердәнбер чара. Якыннарыбыз да: “Гастрольләрегезне туктатмагыз, эшләгез”, – диделәр. Әни үзе дә, миңа калса, күкләрдән безгә карап сөенә генә. Чөнки ул үзе дә эш яратты. Ярага тоз салмагыз, зинхар ? Мин сезнең берегезгә дә начарлык теләмим… Тормышыгыз матур, мул һәм имин булсын. Амин. #азатфазлыев #алсуазатфазлыевлар

Публикация от Азат Фазлыев (@azatfazlyev) 28 Мар 2019 в 10:40 PDT

Бу постка җавап итеп бик күп тамашачылары, Азат белән Алсуны бирешмәскә өнди.

“Күзләремә яшьләр килде, акланма, Азат! Чын кешеләр андый сүзләр язмас. Үзебез дә шушы хәлне кичердек, оныгыбызга халык ярдәм йөзеннән акча жыйды, кайберсе шушы сүзне әйтте. Машинабыз алдан ук алынган булса да. Хөрмәтебез ЗУР сезгә, бәхетле булыгыз!”

“Азат, әйе шул, кеше бик әшәке хәзер, безгә дә, кызыбыз үлгәч, җыйган акчага компьютер алдыгыз дип үз туганыбыз әйтте, югыйсә белеп тордылар, 1 ел буе больницада гомер өчен көрәштек, кешедән җыйган акча төкрек кенә бит ул, чирле балага 1 атнада бетә, дөрес булмаганга үзәккә үтеп керә шул андый сүзләр, сабыр булыгыз”

“Кеше сүзе – кеше үтерә… Ә сез барысын да ачыктан-ачык язмагыз… Кайгыларны, бигрәк тә шатлык-куанычларны аз гына булса да эчкәрәк яшерергә өйрәнегез… Кайбер кешеләр көнлэшеп яза, кайберләре ачудан. Негатив комментарийларны укуы авыр ич. Укыгансыз икән, кичерегез андый ачулы кешеләрне. Алар бар hәм булачак… Күпчелек барыбер аңлый Сезнең уй-кайгыларны, бирешмэгез, тормыш дәвам итә” дип язалар комментарийларда.

Запись Яңа “Мерседес”лы булган Алсу һәм Азат Фазлыевлар: “Ярага тоз салмагыз, зинһар!” впервые появилась Tatar Today - татар яңалыклары..

Газетабызның якын дуслары, редакция хәйриячелек белән шө­гыльләнә башлаганда, гел ярдәм кулы сузып торучы Азат белән Алсу гаиләсенә килгән кайгыны без дә уртаклашырга булдык: Азатның туган ягы Әтнәдә бер төркем татар эстрадасы артистлары белән бер­лектә хәйрия концерты оештырдык.

Җырчылар башта әниләренең авыруы турында халыкка сизде­рергә теләмәгән. Зөлфирә апа, яман шешне бер тапкыр җиңеп, акрынлап аякка баскан була инде. Әмма мәкерле авыру яңадан баш калкыта. Бу юлы канында икәне беленә. Шушы хәбәрдән соң Фазлыевлар гаиләсенең якын дуслары Казанда хәйрия концертлары оештыра башлады. 18 декабрь көнне Казанның Утар бистәсендә шундый бер чара гөрләп узды. 19ында “Ватаным Татарстан” Әтнә халкын бер залга җыйды. Кичә Казанның Тынычлык бистәсе һәм Химиклар мәдәният сараенда берьюлы ике концерт узды.

Моңа кадәр Казан кысаларында гына оештырылган хәйрия ча­раларының унберенчесен Әтнә районында уздырырга насыйп булды. Яңа Әтнәдә, халык телендә РТС дип аталган бу авыл халкын күреп, “ВТ” укучылары белән дә якыннан таныштык, сөйләштек. Залдагы тамашачыларның күбесе Зөлфирә апаны якыннан белә. Авылдашлары да килгән иде.

“Зөлфирә бер дигән балалар үстерде. Беркайчан зарланмады. Авыру аны күптән сыный инде. Тик ул бирешми, оныклары хакына яшәргә тырыша. Бөтен авылыбыз белән изге теләктә торабыз, – ди Гөлназ ханым. – Гаиләләребезгә мондый хәсрәт килмәсен. Моңар­чы Фазлыевлар бу хакта кешегә сиздермәде. Балалары бик тырышты. Алсу белән Азат та гел ярдәм итеп торды. Сәхнәдә чагында йөз­ләрендә елмаю булса да, бу балалар бик күптән кайгырып яши инде”, – диеште алар.

Бу хәбәрне ишеткәч, Әтнә районында яшәүчеләр тагын да бер­дәмләшә. Күшәр, Күңгәр җирлек­ләре генә түгел, башка авыллар да матди ярдәм күрсәтә.

– Күңелдә хәйрия чарасы уздыру теләге бар иде. Кайсы баштан тотыныйк икән дип уйлап йөргәндә, кызлар шалтыратты. Җырчы Нур­задә белән концертлар алып баручы Гөлүсә Ахунова иде алар. Бу чараны “Ватаным Татарстан” газетасы белән бергәләп уздырабыз, дип тә әйттеләр. Шул сүзләр эш­ләргә көч бирде. Бик теләп халыкны концертка чакыра башладык. Аллага шөкер, барысы да без те­ләгәннән дә яхшырак килеп чыкты, – ди РТС авылы мәдәният йорты директоры Руслан Галимуллин.

– Авыр чакта кемнең кем икәне беленә. Беркайчан да мин болай булмам дип әйтеп булмый. Әгәр кешенең үз мөмкинлеге генә җитсә, аның авырганын да сизми калабыз. Әмма бу очракта табиб­лар сораган сумма бигрәк зур шул, – ди мәдәният йорты хез­мәткәре Алсу Гыйләҗева. – Билетларны бик теләп алдылар. Кайбер ке­шеләр өстәмә акча да бирделәр. Бездә халык бик бердәм. Кайгыны да, шатлыкны да бергә күтәрәбез. Авыл халкына чиксез рәхмәт.
Залда утыручылар арасында газетаның аерылгысыз дуслары күп булып чыкты.

– Мин гомерем буена “Ватаным Татарстан”ны укыйм. Туктарга исәп юк. Бик яратам сезнең газетаны. Сәясәт тә бар монда, киңәш-табыш, язмышлар, дөнья хәлләре. Хәйрия­челек белән шөгыльләнүе­гезне дә укып барам. Әмма бер дә концертка эләккән юк иде. Менә, шөкер, бүген залда утырам. Сезнең газета оештырганын белеп, сөенеп килдем. Рухи азык өстенә, сез әле игелек тә кыласыз, башкаларны да үз артыгыздан ияртәсез, – диде Таһир абый Самиков.

Сәхнәгә язмышы күпләргә таныш Надия Сәфәргалиева да кү­тәрелде. Иренең фаҗигадән соң инвалид арбасына калуы, гаиләдә бер-берсен яратып яшәүләре, әле ул гынамы, өч ятим баланы үз канаты астына алулары турында күпләр белә. Шундый зур йөрәкле ханым газетаны укып бара икән. Әле 89 яшьлек әнисе дә, бер хәрефен калдырмыйча, барлык язмалар белән танышып чыга, ди. Әтнә авыл хуҗалыгы техникумы мөгал­лимәсе Фәридә Хәсәнова да концерттан соң газета хакында җылы сүзләрен җиткерде. Андыйлар күп иде. Азатның авылдашлары ихлас рәхмәтләрен әйтте. Авыл халкы, Казаннан бер төркем җырчылар килеп, өч сәгать буе ял иттергәннәре өчен рәхмәтле иде.

Әтнә районы башкарма комитеты җитәкчесе вазифаларын башкаручы Айрат Каюмов бу чараны уздыруда зур ярдәм күр­сәтте.

– ”Ватаным Татарстан” газетасы коллективына, аның мөхәр­рире Миңназыйм Сәфәровка зур рәхмәтләребезне җиткерәбез. Шу­лай ук үзләренең моңлы, кү­ңелне иркәли торган җырларын бүләк иткән һәр җырчыга баш иям, – диде ул. – Зөлфирә апа бе­лән безне язмыш гел бер тирәдә йөртте. Ул да математика укытучысы, мин дә. Бервакыт икебез дә авыл мәк­тәпләрендә директор булып тордык. Аңа булган хөрмәтем чиксез. Сабыр да ул, түземле дә. Районыбыз белән аның савыгып кайтуын көтәбез, аннан шушы сәх­нәдә тагын бер җыелып, бәй­рәм ясарбыз дип хыялланам.

Җырчыларга без дә рәхмәтле. Аларның барысының да исемнә­рен язып бетереп булмый. Биюче­л­әргә дә, юмор сүз осталарына да җылы сүзләребез барып ирешсен иде. “ВТ” уздырган чараларда яртысы диярлек берүк кешеләр катнаша. Без аларны яратып, үзебез­неке­ләр, дусларыбыз, дибез. Кү­бесе ачы хәсрәтләрне кичергән, үз иң­нә­рендә авырлык күтәргән. Үзен күрсәтергә теләүчеләр, хәй­рия аша реклама ясаучылар юк. Менә шундый булганнары өчен зур рәхмәт. Сәхнә артында күп кенә артистлар белән сөйләшергә насыйп булды. Венер Сәлимовның да капчыгы буш түгел. “Әнием 53 яшендә яман шештән китеп барды. Ә бит гомеренең иң матур вакытлары иде. Өйләнгәнемне дә күрә алмады. Инде тиздән кызыбыз туарга тора. Әни оныгына бик сөенер иде”, – ди ул. Татарстанның атказанган артисты Рөстәм Закиров хатыны Люция Мусина белән мондый чараларны калдырмый, ди­сәм дә була. “Тормышны яратып, шөкер итеп яшик. Балаларыбыз, якыннарыбыз сау-сәламәт булсын”, – ди Рөстәм Закиров. Халык аның чыгышын бик яратты. Го­мумән, залдагылар моңаеп, моңсу­ланып утырмады. Рәхәтлә­неп кү­ңел ачты. Җыр­чыларга ияреп биеделәр дә әле.

Зөлфирә апаның авыру турындагы хәбәре күпләрне бер­ләш­терде. Татар эстрадасы артистлары да үзләренең бердәм икәнен күрсәтте. Хәтта бу изге гамәлгә Уфа җырчылары да кушылды.

– Без ни әйтергә дә белмибез. Рәхмәттән башка сүз юк. Гаи­ләбезгә килгән хәсрәтне ил белән күтәрербез дип уйламаган идек. Безгә ярдәм кулы сузган һәркемгә мең рәхмәт, – диделәр Алсу һәм Азат Фазлыевлар.

(Гөлгенә Шиһапова/ “Ватаным Татарстан”, /№ 185, 21.12.2018/)

Запись “Фазлыевлар бу хакта кешегә сиздермәде” – мәкерле авыру яңадан баш калкыта впервые появилась Tatar Today - татар яңалыклары..

Газетабыз Камилә Гыйбадуллинага ярдәм итәргә алынгач, Азат­ның Казан буйлап хәйрия концертына билет таратып йөргәне әле дә истә. Әнисе инде шул чакта ук авыру иде. Күңелендә борчылу булса да, Азат үз хәлен кешегә күрсәт­мәскә тырышты. Инде хәзер, чарасызлыктан, кеше­дән ярдәм сорый. “Әниемне бик тә яшәтәсем килә. Аны яшәтү өчен барысын да бирер идек. Башка чарам калмагач, халыкка мөрәҗәгать иттем, – ди ул. – Әнигә моннан алты ел элек куркыныч диагноз куйдылар. Әмма ул бирешмәде, мин авыруны җи­ңәчәкмен, дип йөрде. Бик озак химия курслары үтте, дәваланды. Оныкларымны үстерәсем килә, әгәр мин булмасам, аларны кем каршы алыр, дип яшәр көч табарга тырышты”.

Зөлфирә апа 2013 елда авырып китә. Бу Азатның концерт оештырып йөргән чагы була. Табиблар өметсез сүзләр әйтсә дә, алар әни­ләрен яшә­тү өчен көрәшә башлый. Нинди генә табибларга кү­рен­миләр. Химия курс­ларының яр­дәме тия: Зөлфирә ханым авыруны җиңә. Тик мәкерле авыру тагын баш калкыта. Бер ел элек температурасы күтәрелә башлый. Шуннан соң гемоглобины тө­шеп тилмертә. Ел буе кан алыштырып яшәргә туры килә Зөлфирә апага.

– Өч ай элек Израильдә әнигә куркыныч диагноз куйдылар. Кыс­кача әйткәндә, сөяк җелеген кү­череп утыртырга кирәк. Из­раиль­дә тикшеренү һәм кыйм­мәтле дарулар өчен берничә миллион сум акча тоттык. Әмма бу дарулар инде хәзер ярдәм итми, – ди Азат. – Моңа кадәр кешедән сорарга оялдык. Ничек итсәк иттек, әнигә булыша алдык. Тик соңгы тапкыр табиблар сораган сумманы без берничек тә үзебез генә җыя алмаячакбыз. Чит ил табиблары операция өчен 18 миллион сум акча сорады. Төркиядә исә әлеге операцияне 10 миллионга ясыйлар икән. Монысы да – зур акча. Абыем да, апам да әнинең гомерен сак­лап калу өчен бик тырыша. Сатып булган әйберләрне саттык, кредитлар да алдык. Тик кешедән сорамыйча булмый. Без бурычка алырга да риза. Әни генә яшәсен иде. Кирәкле сумманы декабрь ахырына җыеп бетерергә кирәк. Ничек тә яшәтәсе иде әнине. Үзе дә шуңа өметләнә”.

Алсу һәм Азат Фазлыевлар гаи­ләсенә килгән авырлыкны бер­гәләп күтәрешү өчен бер төр­кем җыр­чы­лар хәйрия концертлары да оештыра. Билетлар турында 89274385613 номерына шалтыратып белешергә мөмкин.

Зөлфирә Фазлыевага ярдәм итәргә теләүчеләр өчен улы Азатның карта номеры:

Фазлыев Азат Рафаэль улы исемендәге Саклык банкы картасы
номеры: 4276 6200 2065 5795.
Карта 89274239767 телефон номерына беркетелгән.
Фазлыев Марат Рафаэль улы исемендәге
Ак Барс банкы картасы номеры: 4000793471926834.
Карта 89172525236 телефон номерына беркетелгән.

(Гөлгенә Шиһапова/“Ватаным Татарстан”, /№ 177, 07.12.2018/)

Запись Авыр сынауга дучар булган Азат Фазлыев: “Башка чарам калмады…” впервые появилась Tatar Today - татар яңалыклары..