Илләребез тынычлансын, калган егетләребез исән имин кайтсыннар”, – дип язган Арча районы Ташкичү авылы мәдәният йорты сайты.

ТАТАР ТУДЕЙ ТЕЛЕГРАМ КАНАЛЫ — https://t.me/tatartoday

Запись «Хушлашмый да китеп бардың…» впервые появилась Tatar Today - татар яңалыклары..

28 июнь Арча районы Кәче авылында  күп балалы гаиләнең йорт-җирләре янып бетә.

– Сәгать тугызда 10 минут эчендә бернәрсәсез калдык без. 10 кеше торабыз: балаларым, энем, энием бар.  Ирем белән энем иртә  белән алтыда эшкә чыгып киткән иде. Балалар урдәк-казларны суга төшерә киткән иде. Олы улым күршеләргә булышырга чыгып китте. Әнием белән икенче улым сарыкларга ашарга бирергә дип чыгып киткәннәр иде. Улым мунча ишеген ачып караса, эче ут белән әйләндереп алынган. Әнинең кычкырганына сискәнеп киттем. “Янабыз”, дип куршеләргә керделәр. Күршеләр дә булышырга дип бик ашыктылар. 9 баламны утыртып калдырганмын каушавымнан. Күрше хатыннары алып чыккан өй эченнән. Өйне саклап була иде безнең. Тимер юл бүлеп тора, янгын сүндерүчеләр шунда тоткарланып тордылар. Авылдашларыбыз бик булыштылар. Бу хәбәрне ишеткәч, башка авыллардан да килделәр. Аларга да бик зур рәхмәт. Җирле үзидарә хәзер торган йортка ут кертергә булышты. Ул йорт әниемнең туып ускән йорты.

Әлеге гаиләгә сез дә булыша аласыз:

Вәлиәхмәтова Фәридә (https://vk.com/id224250787) – Сбербанк: 4276620035957053

Запись “10 минут эчендә бернәрсәсез калдык. 10 кеше” – Арча районында күп балалы гаилә йортсыз кала впервые появилась Tatar Today - татар яңалыклары..

Янгын 23 август төнендә булган.

– Ул көнне олы улыбыз телефонда уйнап утырды. Төнге унбер тулып 15 минут киткән иде. Берзаман аның: “Әти, анда нидер кычкыра”, – дип  эндәшүенә уянып киттем. Баксаң, янгыннан саклау өчен куелган сигнализация эшләгән икән. Андый  җиһазларны күп бала тәрбияләнгән гаиләләргә бушка куеп чыкканнар иде, – дип сөйли Данил. – Төтен исен сизсәм дә, янгын чыккандыр дип башыма да китермәдем. Тышка карасам, мунча ягында ялкын күренә. Ишекне ачып җибәрүгә, ялкын бәреп керде. Мин шул чакта пешкәнмен. Кире ишекне япмакчы да булдым, әмма өйгә ут кереп өлгергән иде инде.

Документларны җыеп, балаларны чыгарган арада, утны күреп, авыл яшьләре килеп җитә. Әмма ялкын бик тиз тарала. Сүндерергә өлгермиләр. Өй, Әхмәтовларның җыйган бар мал-мөлкәте көлгә оча. Янгыннан соң барлык иске-москыны түккәч, фундамент кына утырып кала.

– Утның каян чыкканын да белмибез. Ул көнне мунча да якмаган идек. Безнең гаиләдә кичке 9дан соң барлык электр җиһазларын уттан алып, сүндереп кую гадәте бар. Бу көнне дә шулай эшләдек. Күрәчәктер инде. Йорт-җир янып бетсә дә, әле ярый гаиләм исән дип сөенәм. Үземнең яралар да төзәлә, – ди Данил. – Район, авыл хакы, туганнарыбыз бик ярдәм итте. Арчаның  күп кенә оешмалары, булышабыз, дип тора. Кирпеч бирәбез, диючесе дә, ут кертергә вәгъдә бирүчесе дә бар. Ярдәм сорамыйча да булмый. Бернәрсәсез калдык бит. Әле бит өебезне яңа гына салып чыккан идек.

Әлегә Әхмәтовлар Данилнең әниләрендә яши. Ул йорттагы җиде кеше янына тагын җидәү сыйган. Сабыйлар бик тә үз йортларын сагына икән.

Бу гаиләгә ярдәм итәргә теләүчеләр өчен Лилия Лотфрахман кызы Әхмәтова исемендәге Саклык банкы картасы номеры: 5336 6900 5785 5183.

Сүз уңаеннан, Россия Гадәттән тыш хәлләр министрлыгының Татарстан буенча Баш идарәсе, күп балалы, имин булмаган һәм авыр хәлдә калган гаиләләргә, Бөек Ватан сугышы ветераннары, инвалидлар яши торган фатирларга һәм шәхси йортларга янгын турында автоном хәбәр бирү системасы кую өчен, хәйрия чарасы уздырырга тәкъдим иткән иде. Әлеге фикерне Татарстан Президенты Рөстәм Миңнеханов хуплады. Республикада 30 меңгә якын әнә шундый җиһаз урнаштырылган.

Мәгълүмат: vatantat.ru

Запись Арча районында йорт-җирләре янып беткән биш балалы гаилә: “Күрәчәктер инде” впервые появилась Tatar Today - татар яңалыклары..

«23 август 23.28 сәгатьтә 112 ашыгыч хезмәтнең бердәм номерына Хәсәншәех авылында Татарстан урамында йорт януы турында тугыз хәбәр килде», – диелгән министрлык хәбәрендә.

Биш минуттан янгын урынына «Ватан» хезмәткәрләре килде. Янгын сүндерүчеләрне 45 яшьлек йорт хуҗасы каршы алган һәм йорт эчендә кеше булмавын әйткән. Ир-ат хатыны һәм биш баласы (12, 9, 5, 3 һәм яңа туган бала) белән йоклаулары һәм янгын турында хәбәр итү системасы тавышын ишетеп уянуларын сөйләгән. Йорт хуҗасы гаиләсе белән бергә өйдән чыгып өлгергән.

Янгынны ярты сәгатьтә тулысынча сүндергәннәр. Янгын 95 кв. метр мәйданлы торак йортны һәм мунчаны юк иткән. Янгын электр җиһазларын монтажлау кагыйдәләрен бозу аркасында чыккан дип фаразлана.

«Искәртеп үтик, Россия Гадәттән тыш хәлләр министрлыгының Татарстан буенча Баш идарәсе инициативасы белән күп балалы, имин булмаган гаиләләр, шулай ук авыр хәлдә калган гаиләләр, инвалидлар һәм Бөек Ватан сугышы ветераннары яши торган фатирларга һәм шәхси йортларга автоном янгын турында хәбәр итү системасы кую буенча хәйрия акциясе үткәрү инициативасы белдергән иде. Инициативаны Татарстан Президенты Рөстәм Миңнеханов хуплады. Шул вакыттан 30 меңгә якын янгын турында хәбәр итү системасы куелган.

Мәгълүмат: tatar-inform.tatar

Запись Арча районында биш балалы гаилә белән зур фаҗига була впервые появилась Tatar Today - татар яңалыклары..