9 август “Болгар радиосы” хезмәткәрләре Казан-Болгар маршруты буенча IV велоэстафетада катнаша. Иртән Муса Җәлил һәйкәленә чәчәкләр салудан башланган чара зур концерт белән тәмамланачак.

Алар белән бергә ТНВ җитәкчелеге һәм татар эстрадасы артистлары да бара. Велоэстафетада катнашучылар 150 чакрым юлны велосипедта уза.

@tv_tnv @bolgarradiosi Ә мин әле яшь, 60 тулмаган!? “Яңа Гасыр” телерадиокомпаниясенең генераль директоры Илшат Әминовка багышлап..??? #болгаррадиосы #велоэстафета2018 #тнв

Публикация от ТНВ (@tvtnv) 8 Авг 2018 в 8:02 PDT

Запись Әле яшь, 60 тулмаган! – Болгар радиосы ТНВ генераль директоры Илшат Әминовка багышлап җыр уйлап чыгара впервые появилась Tatar Today - татар яңалыклары..

“Алтын йолдыз”га лаек булган җырчылар кичә Инстаграм битләренә фото-видеолар элде. 

Әнвәр Нургалиев беренче мәртәбә бу саллы премия лауреаты булды.

View this post on Instagram

A post shared by Анвар Нургалиев (@anvar_nurgaliev)

“Иң креатив дуэт” – Салават белән Гүзәлем!

https://www.instagram.com/p/BcfcH3LFF3w/?tagged=миллимузыкальпремия

“Такыялар” җыры белән Лилия Хәйруллина да “йолдыз” алды.

View this post on Instagram

A post shared by Лилия Хайруллина | Певица (@liliya_khairullina_singer)

“Иң яхшы аранжировка остасы” исемен Марат Мухинга бирделәр.

View this post on Instagram

A post shared by Марат Мухин Studi️️o️️ (@maratmuhin)

Азат Абитовка да сын тапшырдылар.

View this post on Instagram

A post shared by ❤ A Z A T A B I T O V ❤ (@azat.abitov_official)

Лилиядән калышмый, Гөлдания Хәйруллина да “Алтын йолдыз”лы булды.

View this post on Instagram

A post shared by Guldaniya (@guldaniya_khayrullina)

Чараның матур алып баручылары – Ләйсән Гарифуллина һәм Илфак Хафизов.

View this post on Instagram

A post shared by ВЕДУЩАЯ ТНВ ЛЕЙСАН (@leisangarifullina)

Гөлназ Фәйзрахманова белән Илфар Кәримов та алып баручы ролендә.

View this post on Instagram

A post shared by ВЕДУЩАЯ ТНВ ЛЕЙСАН (@leisangarifullina)

“Елның гаилә дуэты” номинациясе җиңүчеләре Җәләлиевлар!

View this post on Instagram

A post shared by Эльмира Гильфанова (@elmira__gilfanova)

Раяз Фасыйхов  “Алтын йолдыз”ы белән.

View this post on Instagram

A post shared by "Болгар радиосы" (@bolgarradiosi)

“Ел җырчысы” исеме Филүс Каһировка бирелде.

View this post on Instagram

A post shared by "Болгар радиосы" (@bolgarradiosi)

Запись “Алтын Йолдыз”лы премия лауреатлары [фото] впервые появилась Tatar Today - татар яңалыклары..

Бу хәбәрне безгә Марат Хәйретдинов җиткерде. Насыйбуллина аңардан 2014нче елда ук 400 мең сум бурычка алган һәм шул гомердән бирле бер тиенен дә кайтармаган иде. Марат әфәнде, артыннан йөри-йөри, Насыйбуллинага карата тикшерү эше ачтыруга иреште. Тик менә бу эш судка гына барып җитә алмый калды.

Кешене федераль эзләүгә тиктомалдан гына бирмиләр. Тикшерү органы шикләнелүче кешене таба алмаса, җирле эзләү чаралары бернинди файда да бирмәсә генә федераль эзләү игълан ителә. Бу очракта инде кешене бөтен Русия буенча эзли башлыйлар дигән сүз.

Насыйбуллина «Эш»ен алып баручы тикшерүче Александр белән дә сөйләштек. «Март аенда тикшерү эше төгәлләнергә тиеш иде. Тик яңа фактлар барлыкка килгәч, мин тикшерүне бер айга озайттым. Насыйбуллинаның гаебен тулысынча раслау өчен барлык фактларны да яхшылап тикшереп бетерергә кирәк иде чөнки. 10нчы апрельдә отпускка киттем, әлеге «Эш»не башка тикшерүче алып калды. Без берьюлы бик күп «Эш»ләр не алып барабыз бит, шуңа күрә аерым берсен генә күз уңында тоту мөмкин түгел. Отпусктан чыккач, миңа Миләүшә Насыйбуллинаның федераль эзләүгә бирелгәнлеген хәбәр иттеләр. Аны тапканчы тикшерү эше туктатылып тора, табуга «Эш» кабат торгызылачак. Хәзер әлеге ханымны сак астына алырга тулы нигез бар инде, чөнки ул тикшерү органыннан качкан», – дип сөйләде тикшерүче. Әлеге мәсьәлә буенча аның белән элемтәдә торырга дип килештек, яңа хәбәр билгеле булгач та ул безгә хәбәр итәчәк.

Ә шул вакытта федераль эзләүгә бирелгән Миләүшә ханым социаль челтәрләрдә утыра бирә. «Вконтакте» сайтындагы шәхси «бит»енә көн дә диярлек кереп чыга. «Стена»сына фотолар куя, сүзләр яза. Бер дә качып йөргән кешегә охшамаган ул. Телефоннарына гына җавап бирми. Оператив төркем Насыйбуллинаны табу буенча барлык тиешле чараларны да башкарадыр дип ышанасы килә.

Укучылар арасында Миләүшә Насыйбуллинаның кайдалыгын белүчеләр, алданучылар булса, редакциябезгә шалтыратып хәбәр итсеннәр иде!

Фәнзилә МОСТАФИНА

Запись «Болгар» радиосының элеккеге дикторы Миләүшә Насыйбуллина федераль эзләүгә бирелде впервые появилась Tatar Today - татар яңалыклары..

Алай гына да түгел, күпләр иртәсен нәкъ менә “Чәк-чәк”ләр белән башларга күнекте. Тора-бара тапшыруның бер-ике еллык туган көннәре зурлап уздырылды, баллы тәмнүшкә исемен йөрткәнгәме икән, күп тыңлаучыларны үзенә җыйды ул.

Бүген эфирда тапшыруның соңгы чыгарылышы яңгырады. Төгәл биш ел да ике ай буе барган тапшыруның бүген хушлашу эфиры булды. Дөрес, бу елларда аның алып баручылары да алмашынып алды. Гөлшаттан соң егетләргә Айгөл Хәйруллина кушылса, быелдан Рөстәм янына Дилбәр белән Рәсим Фасыйхов килде. Биш ел аз гомер түгел, “Чәк-чәк шоу” – “Болгар” радиосы тарихында иң озын гомерле тапшыруларның берсе.

“Чәк-чәк шоу” проекты ябылу турында әйткәч, бер танышым: “Инстаграмда күрдем бервакыт. Дилбәр белән Рәсимнең сыер битлеге кигән фотосын куйганнар. Шулвакытта ук “Чәк-чәк шоу”га ясин чыктым инде мин”, – дип көлдерде.

“Шундый тапшыруны ябу, әлбәттә, күңелле күренеш түгел”

–1 марттан без яңа контентка, яңа форматка күчәбез, – ди радионың баш мөхәррире Илфар Кәримов. – Күңел ачу тапшыруы буларак, “Чәк-чәк шоу” бу форматка туры килми. Бу уйлап эшләнгән эш. Иртәнге тапшыру әлегә туктатыла. Бу сәгатьләрдә эфирга аерым алып баручылар, рубрикалар, музыка чыгачак.  Сүз дә юк, “Чәк-чәк шоу”ның ябылуы – күңелле күренеш түгел. Әмма һәр нәрсәнең башы һәм ахыры була. Тора-бара җайлашып китәрбез, иртәнге тапшыруның яңа форматын уйлашырбыз.
 

Бу үзгәрешләр “Тәртип” радиосының контенты “Болгар”га бирелү белән бәйле дигән сүзләр дә бар. Баш мөхәррир әйтүенчә, “Тәртип” алып баручыларына “Болгар”га килеп тапшырулар эшләргә тәкъдим ителгән. Якын арада “Калеб”, “Гүзәл гамь” тапшырулары, фондтагы язмалар, истәлекләр, ретро җырлар эфирга чыгачак.

“Иртәгә биштә торып радиога килермен кебек”

Тапшыруның ветераны Рөстәм Гайзуллин әлегә нинди хисләр кичерүен аңламый.

–Күңелдә бушлык, моңсу, – ди ул. – Иртәгә иртәнге 5тә торып, радиога килермен кебек әле һаман. Бер яктан, йокы туя икән дип тә шатланам. Шаяртам, әлбәттә. Моңсу. Биш елдан артык бит инде. Шулай да яраткан тыңлаучыларым югалтмас дип уйлыйм, мин радиода калам.

“Тыңлаучылар сагыныр инде”

–Радиода 16 ел эшләү дәверендә күп проектлар ачылды, күбесе ябылды, – ди Айгөл Хәйруллина. – Билгеле, биш ел буе барган шундый матур тапшыруның ябылуы кызганыч. Мин дә ике ел ярым эшләдем анда. “Чәк-чәк шоу”ның командасы бик көчле иде.  Авыз тутырып әйтә алам: бердәм идек. Ниндидер бер проектның ябылуы икенчесенә юл ачылуы да бит әле ул.

Алып баручылар да юкка чыкмас. “Чәк-чәк шоу”да үткән еллар һәрберебез өчен зур тәҗрибә. Ул яңа адым башлау өчен дә зур этәргеч. Күп идеяләрне без тормышка ашырдык. Сагынып искә алырбыз инде. Тыңлаучылар да бик яратты аны, алар да сагыныр. Ләкин ниндидер бер яңа тапшыру барлыкка килгәч, “Чәк-чәк”нең тарихы, башкарган эшләре онытылыр дип уйламыйм. Чөнки без Яшел Үзәннең Бакырчы, Актаныш халкы белән әле дә дус-тату яшибез. Бу проект өлкәсендә эшләгән кешеләрне бик хөрмәт итәм. Марсель Әхмәдуллин шикелле кешене эзләп табу җиңелләрдән түгел. Ул киткәч, әзрәк аксау сизелде. Минем китүем алдан көтелгән иде, башка проектка алындым. Рөстәмдәге кебек энергия беркемдә юк. Ул таулар күчерергә әзер, пүчтәк кенә фикерне дә күтәреп алып, дөрес юнәлешкә кертеп җибәрә торган кеше ул. Нишләтәсең, хәерлегә булсын. Шундый фикергә киленгән икән, юкка гына түгелдер инде.

“Пик” чагында ябылырга тиеш иде, сүнеп барганда түгел”

“Чәк-чәк шоу” проекты радионың дилбегәсе Илнур Фәйзрахманов кулында чакта дөнья күрде.

–Ул безнең программалар директоры Вячеслав Юрьевич (Лопатин – Ч.Ш) белән “тудырган” уртак эшебез, – ди   Илнур әфәнде. Ул бүген “Азан” радиосының баш мөхәррире. – “Яңа Гасыр” радиосының “Болгар”га күчеш мәле иде. Үз вакытында ачылып, бу тапшыру зур функция башкарды. Татарда моңа кадәр андый проект юк иде. Яшерен-батырын түгел, без аның калыбын үзебез дә “Русское радио”дан “урладык”. Әмма күңел ачу форматы булса да,  аның эчендә җитди әңгәмәләр корып, сыйфатлы тапшыру эшләнде.

– Ике ел элек үк тапшыруны эфирдан алу турыда сүз башлаган идем. Әмма аннан соң үзем эштән киттем дә, ул чыгуын дәвам итте. Яхшы рейтинг белән тапшыру өч елдан артык эшли алмый. Әмма “Чәк-чәк шоу”га “пик” ноктасында ябылу кирәк иде, ә сүнә баргач түгел. Ябылган очракта да аны алыштырырдай яхшы тапшыру кирәк. Ким дигәндә ике атна вакыт үтәргә тиеш. Һәркемнең үз фикере, үз позициясе. “Болгар” радиосы эшенә тыкшынмыйм. Алып баручылар да хәзер иртәнге тапшыру форматыннан үстеләр. Рөстәм Гайзуллин иң соңгы “могикан”. Ул үзе генә дә менә дигән авторлык программасы җитәкли ала.

– Дөресен генә әйткәндә, “Чәк-чәк шоу”ның составы бер кичтә хәл ителде. Мин Гөлшат, Рөстәм, Марсель белән аралашам, әмма аларның бер-берсе белән таныш икәнен белми идем әле. Баксаң, Рөстәм белән Марсель параллель классларда укыган, Гөлшат белән дә яхшы мөнәсәбәттә. Беренче көннән үк алар тапшыруны күтәреп алдылар. Тыңлаучылар да куркып калды хәтта. Тәнкыйтьләүчеләр дә күп булды. Әмма барыбер тыңладылар. Шулай контраст тудыруы белән дә үсеп китте ул. Радио рейтингы өчен “Чәк-чәк шоу” бик зур плюс булды. Радионың реклама щитына, роликларга да без “Чәк-чәк”ләрне кыстырдык. Яхшы тапшыру булды. Тагын андый проект булырмы-юкмы? Булыр ул…Әмма кайчан?

Запись Татарстанлыларның иртәсе “Чәк-чәк шоу”сыз башланачак впервые появилась Tatar Today - татар яңалыклары..

View this post on Instagram

A post shared by Ришат Тухватуллин 🎶 (@rishat_thv)

View this post on Instagram

A post shared by Ришат Тухватуллин 🎶 (@rishat_thv)

Ул дуслары, төркеме белән түгәрәк өстәл артында шушындый мөһим вакыйганы билгеләп үтә. “Иҗат төркеме белән уртак җиңүебезне бәйрәм итәбез. Рәхмәтемне һәр кешегә дә җиткерәсем килә: әти-әниемә, туганнарыма, якыннарыма, дусларыма һәм минем иң кадерле тамашачыларыма минем терәгем, ышанычым булганыгыз өчен, минем иҗатыма күрсәткән мәхәббәтегез һәм хөрмәтегез өчен мин ихластан шат һәм рәхмәтле! Минем өчен бу зарыгып көткән мөһим бүләк! Үсәргә һәм яңа үрләр яуларга менә дигән стимул! Яратам сезне!”, дип язган Ришат.

Запись Эш беткәч, ял итәргә ярый: Ришат Төхвәтуллин “Ел җырчысы” буларак ничек бәйрәм итә впервые появилась Tatar Today - татар яңалыклары..

“Тәртип FM” радиосы тирәсендә шау-шу тынмый, төп сорауларга һаман да җавап юк. “Тәртип”не тудырган, аны үстерүгә көч салган кешеләр читкә этәрелгән. “Тәртип FM” радиосы хезмәткәрләре Татарстан җитәкчеләренә дөрес мәгълүмат җиткерелмәгән дип белдерәләр һәм ешлык өчен көрәшүләрен дәвам итәргә ниятлиләр. //Azatliq.org//

Азатлык ике радионы кушуны хезмәткәрләр ничек кабул итүе, “Тәртип”не саклап калу уңаеннан имза җыю эшенең ничек баруы турында “Тәртип FM” ҖЧҖ мөдире Ризәлә Исмәгыйлевадан сорашты.

– Ризәлә ханым, FM ешлыгында өч радио эшли иде, шуларның берсе – “Тәртип FM”. Аның ешлыгы сатылды, 1 февральдә татар телле радионың эшчәнлеге туктатылды. Татарстан җитәкчелеге бу хәлне белгәч, мәсьәләне хәл итәргә вәгъдә итте. Нәтиҗәдә бөтен контент “Болгар” радиосына бирелде дип игълан ителде, “ТНВ” телерадиокомпаниясе хуҗалары тарафыннан әлегәчә журналистларга анык кына берни аңлатылмады. Сез, “Тәртип FM” радиосы хезмәткәрләре, мондый карарны ничек кабул иттегез?

– Безнең куелган максат – икене юк итеп бер итү булмады. Безнең ният – “Тәртип”не саклау. Мин бу вазгыятьне бер сынау итеп кенә кабул итәм. Ил башында утырган кешеләр акыллы булуларына ышанам, бәлки, радиоларны кушкач, халык ничек кабул итәр икән дип карарга ниятлиләрдер, кешеләрнең реакциясен тикшерә торганнардыр. “Болгар” белән кушуны да мин белмәдем, безгә алдан әйтмәделәр, мин аны телевизордан белдем. Әмма ике радионы берләштерү – бу мөһим мәсьәләне хәл итү юлы түгел. “Болгар” озак еллар дәвамында эшли, аның үз аудиториясе бар. “Тәртип”нең үз тамашачысы, алар бөтенләй башка, безнең форматлар бөтенләй кисешми, без төрле юнәлештә эшлибез. Безнең тыңлаучылар үзгә, аларны шактый еллар тәрбияләргә кирәк. “Тәртип” “Болгар”га кереп утыра икән, аның аудиториясенә сөйли башлыйбыз икән, “Болгар”ны тыңларга күнеккән кешеләр безне кабул итәчәк дигән сүз түгел. Татарда пәри башка, җен башка дигән әйтем бар. Һәр радионың үз аудиториясе, үз максаты, һәрберсе үзе аерым ешлыкта эшләргә тиеш.

Ризәлә Исмәгыйлева

– Минем белән “ТНВ” мөдире Илшат Әминев очрашып вакланып тормады. Шулай да мин аның урынбасары Наилә Хәйдәрова, “Болгар”ның музыкаль мөхәррире Илфар Кәримов белән очраштым. Алар яңа тапшырулар челтәрен күрсәттеләр. Иртәнге 10га кадәр “Болгар” эшли, 10нан кичке 5кә кадәр “Тәртип” булачак диделәр. Аннары тагын “Болгар” эшен дәвам итәчәк. Бу барысы да бер ешлыкта. Ягъни “Тәртип” “Болгар”да кунакта форматында эшләячәк. Дөресен әйтәм, моның белән риза түгелмен. Безнең максат – халык канәгать булырлык радио булдыру.

“Тәртип”не тудыручылар, аны тартып баручылар рәтендә мин дә, хезмәттәшем Ләйлә Ялалова да бар, эшкә дәшкән кеше юк. Без читкә этәрелдек. “Тәртип”тә авторлык тапшырулар эшләүче шәхесләр бар, алар белән аерым-аерым сөйләшүләр бара икән, әмма бу кешеләр безгә сездән башка эшләмибез, ди. Алар да мондый карар белән риза түгел.

Бу винегретка охшаш нәрсә килеп чыкты. Моңа кадәр “Болгар”ның “Тәртип” форматында эшләрлек бөтен мөмкинлекләре бар иде. Алар бит чынында татар сәнгатенең алтын фондына ия, татарның мәдәни хәзинәсе өстендә утыра. Берсе дә аларга иске җырларны кулланырга, әйләндерергә комачауламады. “Тәртип” моңа кадәр булмаган, халык сусаган форматны сайлап эшли башлады һәм шул юнәлештә эзмә-эзлекле эш алып барды.

Без өч радио идек, без шулай булып калырга да тиеш идек. Тату, бердәм булып, бер-беребезне хөрмәт итәргә тиешбез. Әмма монда чиста булмаган астыртын уен башланды. “Болгар”га барганда ихлас күңелдән ничек бар, шулай сөйләдем, барысын да аңлаттым. Бүген берсе дә шалтыратмый да. Безне икебезне матур гына итеп читкә этәреп куйдылар да, авторларга шалтыратып, рәхәтләнеп бездән башка да “Тәртип”не ясап була дип эшкә тотындылар. Шаккаттым, түзмәдем, утырып еладым. Күңелем әрни. Бу бит дәүләт радиосын бизи торган күренеш түгел. Авторларга “Болгар”га бармагыз дия алмыйм. Безнең алар белән килешүләр булса да, аларның мөмкинлекләрен чикли алмыйм. “Болгар”ның аудиториясе киң, кешегә танылу өчен шартлар бар.

“Тәртип” – без тудырган бала. Ул безнең өчен бик кадерле. Кешечә эшләнсен иде. Мин бу вазгыятьне урлау дип атыйм. Урласалар да, халык ихтирамын алдап, талап алынган продукция белән халыкның ышанычын яулап булмый. Гадел башкарылсын иде бу эш. “Тәртип”не ябу – мәчетнең мананарсын кисү белән бер. Без кешенекен урламыйбыз, башкалар да андый адымга бармасын иде.

– Ризәлә ханым, “Тәртип” ешлыксыз калгач, сез яңа ешлык сорап петиция оештырдыгыз, халык интернетта да имза куя, волонтерлар да эшли иде. Бу петиция язмышы ни булып бетәчәк?

– Бүген метроларда муеннарына язу асып имзалар җыеп йөргән кешеләр бар, мин аларга ни әйтергә дә белмим, “Эшегез юкка булды” дип әйтә алмыйм. 10 меңнән артык имза җыелды. Бу сүзне әйтәм икән, “Тәртип”не батырам булып чыга. Халыкка көн саен азаны, вәгазе, затлы җырлары, тапшырулары булган “Тәртип” кирәк. Мин кирәкми, җыймагыз дия алмыйм. Бу – җитәкчелек сүзенә буйсынмау, баш ияргә теләмәү дә.

– Бу имзаларны нишләтәчәксез? 15 февраль Татарстан президенты Рөстәм Миңнеханов республикадагы телеканал җитәкчеләре белән очрашачак. Сез аңа нинди сорау бирер идегез?

– Имзаларны Татарстан җитәкчеләренә алып барырга телибез. Халыкның ярдәме, имзалары белән ешлыкка ия булсак, үзаллы тагын да яхшырак сыйфатлы радио булдыра алабыз.

Президент белән очрашырга минем мөмкинлегем булмас. Турысын әйткән кешене яратып бетермиләр. Мин – оптимист кеше, җитәкчеләребезне дә хөрмәт итәм. “Тәртип” мәсьәләсен алар төптән аңлап бетермәгәннәр дип уйлыйм. Президент саклап калырга теләде, әмма кушканны эшләүчеләрнең ялгышы белән ике радио берләштерелде. Аңлашылмаучанлык килеп чыккандыр дип уйлыйм. Мөмкинлек булса, каршыларына утырып барасын да аңлатыр идем. “Тәртип”кә аерым ешлык кирәген аңлатасым килә. Рөстәм Миңнеханов “Тәртип”не читкә этәрегез, аларның хезмәтен тартып алыгыз, урлагыз, моңа ялган юллар белән ирешегез дигән күрсәтмә бирмәгән. Бу президентның кушуы түгел. Моңа әле нокта куелмаган. Өметем бар.

– Сез үзегез бу проблемны ничек хәл итү юлларын күрәсез?

– Без бүген аптырган үрдәк хәлендә. Болай да уйлап карыйбыз, тегеләй дә уйлыйбыз. Беренчесе – без оештырган җаваплыгы чикләнгән оешма бар, “Тәртип FM” дип атала. “Тәртип” контентына безнең авторлык хокуклар бар. Әлегә Мәскәүдән лицензия килүен көтәбез. Халык имзалары белән Мәскәүдә ешлык алу конкурсында катнашу юлы бар. Ләкин бу – бик катлаулы, авыр эш.

Икенче юл болайрак. Татарстанда буш ешлыклар бар. Аларны алырга була, әмма бу финанслар таләп итә. Милләтенә булышам дигән татар бае килеп чыгып аны эшләтеп җибәрә ала. Татар халкы тырыш бит, хәлле кешеләре дә бар. “Тәртип” өчен ешлыкны сатып алыр өчен берничә кеше берләшергә дә мөмкин. Дәүләттән елга бер тапкыр грант рәвешендә акча да бүленсә ярдәм булыр иде.“Тәртип” азмы-күпме үзен тәэмин итә алырлык радио, ялгышмасыннар, әби-бабайлар өчен генә эшлиләр, бер тиен акча да эшләми дип уйламасыннар. Өч ел эчендә “раскрутка” үттек, реклама тотып килүчеләр булды, аның белән шөгыльләнүче генә юк иде.

* * * *

Азатлык хәбәрчесе “ТНВ” җитәкчесе Илшат Әминовка бу мәсьәләдә ачыклык кертер өчен шалтыратты, әмма ул вакыт юк дигән сылтау белән сөйләшүдән баш тартты.

Ә сораулар ачык кала. Ни өчен “Тәртип FM” радиосы ешлыксыз калды? “Болгар” радиосы ни өчен “Тәртип”не барлыкка китергән кешеләр белән киңәшләшмичә эш итә? Ни өчен “Болгар” радиосы татар җырларының алтын фондына ия була торып та моңа кадәр аны үз эшчәнлегендә кулланмады?

Ике радионы кушып берне ясауны кем дә булдыра. Татарстанның бүгенге абруе белән, мөмкинлеге белән татар радиосына ешлык алуны булдыру юнәлешендә Татарстан Дәүләт шурасы депутаты да булган Илшат Әминов та, Татарстан җитәкчелеге дә эш алып барачакмы?

Запись “Тәртип FM” мөдире Ризәлә Исмәгыйлева “Болгар радиосы”на кушу-кушмауның дөресен сөйли впервые появилась Tatar Today - татар яңалыклары..