16 март “Болгар кызлары” солисткасы Айгөл Зәйнуллина Инстаграм битендә элеккеге ире оештырган конфликт турында сөйли. Шулай ук җырчы үзе һәм мондый хәлдә калган хатын-кызлар өчен ярдәм сорый. 

“Бүген улымның спорт ярышы вакытында тагын конфликт булды. Минем элеккеге ирем Шәрифуллин Тимур Совет районы судының ата-аналар хокукларын чикләү турындагы карарын бозып, спорт комплексына килде. Бернинди рөхсәт алмыйча, ул балага ябышты. Шул сәбәпле ул җәнҗал куптарды. Ул мине этте, сугарга маташты… Янымда кешеләр булуы гына мине саклап калды. Полициягә гариза яздым, әмма бу берничек тә ярдәм итмәячәген беләм.

Шәрифуллин суд карарын беренче тапкыр гына бозмый. Миңа да беренче тапкыр гына кулын күтәрмәде. Тимур бу гамәлләре өчен бары тик бер тапкыр гына җавапка тартылды. Суд карары буенча, аңа 5 мең сум штраф яздылар, әмма ул акчаны да ул миңа түгел, ә дәүләткә түләргә тиеш иде… Шәрифуллин ата-аналар хокукыннан мәхрүм, әмма ул судлар аша бу хокукын кире кайтарырга тели…

Кызганычка каршы, законнар бездә тиешле дәрәҗәдә эшләми. Судка бирелгән гаризалар бөтенесе дә әле каралмаган… Аны хаман да тиеш булганча җаваплылыкка тартмыйлар.

Бу күпмегә сузылыр, билгесез. Кызганыч, безнең илдә хатын-кызларны якламыйлар. Матур сөйләүче ирләрне тыңлыйлар, ә ярдәмгә мохтаҗ булган хатын-кызларны түгел… Балаларга да авырга туры килә бит.

Бәлки безнең Татарстан депутатлары ярдәм сораучы хатыннарны ишетер һәм ярдәм итәр. Безнең көчебез генә җитми. Минем кебекләр аз түгел…”

View this post on Instagram

A post shared by Айгуль Зайнуллина (@aigul.zainullina)

Мәгълүмат Айгөл Зәйнуллина Инстаграмыннан

Запись Айгөл Зәйнуллина: “Кызганыч, безнең илдә хатын-кызларны якламыйлар…” впервые появилась Tatar Today - татар яңалыклары..

“Шатлыгыбыз озакка сузылмады, ике улымны да алып китте” дип, Айгөл бу хәбәрне инстаграм битендә хәбәр итә. Тимур Шәрифуллин, ягъни аның элекеге ире, төрле янаулар белән куркытып,көч кулланып, Әмирхан белән Тимерланны билгесез якка алып киткән.

Ике көннән соң бу кеше Айгөл белән эләмтәгә чыга һәм тагын яный башлый, әгәр дә Айгөл аның теләгәннәрен эшләмәсә, ул балаларны бөтенләй кире кайтармаячак икән. Мондый гамәлләре белән Тимур Шәрифуллин суд карарын боза. “Кайда сез, улларым?!” дип, ана зар елый.

View this post on Instagram

A post shared by Айгуль Зайнуллина (@aigul.zainullina)

“12 июньдә зур улымның туган көне. Бу көнне без күп кунаклар көткән идек. Ә бу кеше улымны бәйрәменнән, ә иң мөһиме, ана назыннан һәм мәхәбәтеннән мәхрүм итә” дип белдерә Айгөл Зәйнуллина. Полиция һәм башка органнар бернәрсә дә эшләмиләр икәнен ул берничә кат кабатлый.

Бу кеше балаларны Казахстанга, әнисе янына алып китә ала. “Кайнана минем күз яшьләренә шат” дип, иренең әнисе үз улының барлык кылган гамәлләрен хуплап торганын белдерде җырчы.

View this post on Instagram

A post shared by Айгуль Зайнуллина (@aigul.zainullina)

Мәгълүмат Айгөл Зәйнуллина Инстаграм битеннән

Запись “Болгар кызлары” солисткасы Айгөл Зәйнуллинаны элекке ире куркытып, балаларын алып китә впервые появилась Tatar Today - татар яңалыклары..

Гомеремдә дә мондый хәлдә калырмын дип уйламаган идем. Эндәшмичә торып ардым! 6 ел элек инде арыелышкан, балаларын берничек тә кайгыртмаган кеше, улымны миннән тартып алмакчы була. Ул аңа 10 яшь тулганны көткән. Бер айга якын шул кеше улымны үзендә тотты. Шул рәвешле баламны миңа, гаиләсенә карата каршы котыртып, аны стресс кичерергә мәҗбүр итте. Тимерланны приставлар ярдәмендә генә кире кайтара алдым.

Бу кеше тормышыбызны җәһәннәмгә әйләндерде. Без аннан качарга мәҗбүрбез.

Элекеге ирем минем өстән төрле ялган гаризалар яза, әллә нәрсәләр таләп итә. Балалар белән аралашу тәртибенә кагылышлы суд карарын боза. Бу кайчан бетәр икән соң?! Нигә безнең законнар минем кебек 100 җирдә эшли, гаиләнең иминлеге өчен көч түгә, кредитлар түли торган хатын-кызларга ярдәм күрсәтми? Ә кемдер шул әзер тормышка килеп, минем улымны тартып алмакчы була! Бөтен кеше аның да балаларга минеке кебек үк хокуклары бар дип әйтә, әмма беркем дә тиеш булган нәрсәләр турында сөйләми.

Бер дәүләт органы да бу елларны ничек ике бала белән тормыш иткәнбез белән кызыксынмады. Ә бу кеше башка елларда кая булган? Нигә ул моңарчы үзенең ата булуын онытып йөргән, үз вазифаларын үтәмәгән? Беркем дә бу мәсьәләләр белән кызыксынмый, проблеманың башына чыгарга теләми.

Квартирасы, машинасы, даими эш урыны, бернинди рухи кыйммәтләре булмаган кеше мине улымнан мәхрүм итмәкче була. Хаман суд юлында йөреп, балаларыбызга ничек авыр булганлын ул аңламый.

Аллаһ барысын да күрә һәм гаделлек килер дип өметләнәм. Бу аҗдаһага улымны бирмим! Мин көрәшәчәкмен! Ә бу кеше, ягъни Тимур Шәрифуллин бәхетсез, чөнки бәхетле кеше башкаларга мондый явызлык эшли алмый. Түбән җанлы кеше генә баланы анасыннан аера ала.

View this post on Instagram

A post shared by Айгуль Зайнуллина (@aigul.zainullina)

Мәгълүмат Айгөл Зайнуллина Инстаграм битеннән

Запись “Болгар кызлары” солисткасы Айгөл Зәйнуллина: “Бу кеше тормышыбызны җәһәннәмгә әйләндерде” впервые появилась Tatar Today - татар яңалыклары..

«Күпсанлы шалтыратулар һәм хатлардан соң мин кичәге гамәлемне аңлатырга булдым. Беләсезме, без мөстәкыйль кешеләр, һәр кеше үзенең тормышы өчен җаваплы, үзе өчен җавап бирә. Кем белән сөйләшергә, үбешергә яки үбешмәскә икәнен мин үзем хәл итәргә хокуклы. «Бәхетле» төркеме фанатларына үтенечем бар: миңа эмоциональ хатлар язмасагыз һәм янамасагыз иде. Шулай ук барлык массакүләм чараларын мине тынычлыкта калдыруларын сорыйм. Рәхмәт», ‒ диде соңрак Ләйсән.

 

Посмотреть эту публикацию в Instagram

 

Ну,я в шоке…Бедненький❤ • • • • P.S.А что,так можно было?)? #ФилюсВалеев #тмтвпремиясе #ЛевКулушев #Бахетле

Публикация от ?Bахеtlе Family? (@bahetle_family) 25 Мар 2019 в 1:20 PDT

Шушы көннәрдә әлеге гадәттән тыш вакыйганың төп герое булган “Бәхетле” дуэты җырчысы Филүс Вәлиев барысын да аңлатып, видеомөрәҗәгать белән чыкты.

“Бик күп сораулар килгәч, әлеге хәлне аңлатып үтәргә булдым. Бу үбешү булган көнгә кадәр мин Ләйсән Басыйрова белән таныш түгел идем. Безнең арада аңарчы да, хәзер дә бернинди дә мөнәсәбәтләр юк. Шулай булуга карамастан, аның шушы адымы күңелемә тиде. Миңа ошады хәтта. Аңа сәламемне һәм иң җылы теләкләремне юллыйм”, ди Филүс.

 

Посмотреть эту публикацию в Instagram

 

Чистосердечное признание Филюса ❤️ о случае, с тем самым поцелуем ?с @lisuash #группабахетле #минбахетле #армиябахетле #лейсанбасырова #филюсвалеев #поцелуй #тмтв #премиятмтв @tatar_today @tatar_inform_tatar @tatinform.ria

Публикация от Группа Бәхетле (@bahetle_official) 29 Мар 2019 в 9:50 PDT

Запись Үзен «Болгар кызлары»ннан куылган Ләйсән суырып үпкән Филүс Вәлиев чынбарлыкны аңлата [видео] впервые появилась Tatar Today - татар яңалыклары..

“Болгар кызлары” триосы солисткасы Ләйсән Басыйрова интим фотосессиядән сурәтләрен шәхси инстаграм битендә урнаштырганнан соң, трионың продюсеры Айгөл Зәйнуллина аңа карата җитди карар кабул итте. Ул Ләйсән Басыйрованың сынау срогын узмавын һәм төркемнән китәчәген әйтте. Ләйсән дә, үз чиратында, җавапсыз калмады. Бу хәлгә үзенең ягыннан ачыклык кертте.

“Болгар кызлары” триосында алдагы эшем буенча бик күп сораулар бирәләр. Әйе, дуслар, мин рәсми рәвештә белдерәм, бу коллективта башка эшләмим. Дөресен әйткәндә, Айгөл Зәйнуллинаның үз аккаунтында минем китү турында постны күрү көтелмәгән булды. Трионың хөрмәтле продюсеры миңа бу хакта шәхсән әйтергә исәп тотмады.
Барыннан да элек, шунысын да билгеләп үтәргә кирәк, Айгөл бу фотоларга иң башта үзе “лайк”  куйды. Массакүләм мәгълүмат чаралары шау-шу куптара башлагач, фотолар “ачык” дип аталды.

Күптән түгел минем белән продюсерым арасында бу турында сөйләшү булды. Ул минем шәхси тормышыма кысылмый һәм мин шәхси битемдә нәрсә телим, шуны чыгара алам. Миннән бары тик бирелеп эшләү генә таләп ителде. Мин моны намуслы башкардым. Трионың рәсми инстаграм аккаунтына ниндидер стиль өстәдем, логотибы өстендә эшләдем, Казанның иң яхшы фотога төшерүчесе белән белән сөйләштем. Тиздән ул безне бушка(!) фотога төшерергә тиеш иде.

Моннан тыш, башкарган һәм яздырган җырларның күбесендә мин сольный партияләр алып бардым. Сынау срогы узмады, дигән белән килешмим! Ни өчен мине трионың солисткасы, дип атыйлар алай булгач?

Ачыклык төркемгә хас булмагач, ни өчен без «Лейтенант» җырын башкарганда җилкә каешлары белән образларда чыгыш ясадык, париклар һәм кыска итәкләр белән «Амальгама» тамашасын әзерләдек? Бу “тыйнак” “Болгар кызлары” стилендә мени? Бу фотоларда кем интим күрә, әйтик, «Татарстан чибәре» яки «Мисс Татарстан» конкурсы турында нәрсә уйлыйсыз? Купальниктагы кызлар аларны бәяләсеннәр өчен тәннәрен күрсәтә. “Мисс Татарстан” төркем генә түгел, ә Татарстанның йөзен тәкъдим итә бит.

Бу республиканың йөзен пычратамы? Бу бер генә мисал. Ә күпме кызлар, челтәрләрдә шәрә төшкән фото һәм видеоларын калдыра. Әлеге ситуациягә ни өчен мондый игътибар? Диңгездә бер тамчыны тикшерү – мәгънәсез. Дөнья яхшырак булсын өчен үзеңнән башларга кирәк. Ни өчен трионың составы еш үзгәреп торуын мин хәзер аңладым. Кешеләр белән ничек эшләргә икәнлеген өйрәнәсең бар . Бу өлкәдә вакыт белән бергә атларга һәм барысын да йөрәккә якын алмаска кирәк.

Мине яклап язучыларга (алар бик күп) рәхмәтемне җиткерәм!”, дип уртаклашкан Ләйсән Басыйрова.

Әлеге пост астында Ләйсәнне яклап, фикерләр калдырганнар. Уңышлар һәм яңа үрләр теләгәнннәр.

Запись Ләйсән Басыйрова “Болгар кызлары” продюсерына җавап кайтарды впервые появилась Tatar Today - татар яңалыклары..

“Болгар кызлары” триосы продюсеры Айгөл Зәйнуллина төркем солисты Ләйсән Басыйровага карата кабул ителгән карарны төркемнең шәхси битендә урнаштырды. Исегезгә төшерәбез, Ләйсән Басыйрова интим фотосессиядән сурәтләрен шәхси инстаграм битендә куйган иде. Ул бу фотоларда ванна бүлмәсендә төрле позаларда фотога төшкән. Мондый хәлдән соң, Айгөл Зәйнуллина Ләйсән Басыйрованың төркемдә сынау срогын узмавын һәм төркемнән китәчәген әйтте.

“Кайчагында сез өстән генә күргән әйбер, эчтән дә шулай, дигән сүз түгел. Килеп чыккан бу хәл ел дәвамында кабатланды. Беркем дә шәхси тормышка тыкшынмый һәм эш бер генә фотосурәттә түгел. Коллективта билгеле бер кагыйдәләр бар һәм аларны Ләйсән Басыйрова үтәмәде. Мондый фотоларны гомуми күзәтүгә куймауны сорап, без аңа күп тапкырлар мөрәҗәгать иттек. Әмма бу дәвам итте. Бу кешедә трио җитәкчесенә дә, төркем тарихына да, коллективның үзенә дә бернинди хөрмәте юк! Ләйсәннең яшәү рәвеше һәм әхлакый фикерләре “Болгар кызлары” триосында эшләү өчен туры килми.

Без беркайчан да мөселман коллективы булмадык, без милли коллектив, ләкин заман белән бергә атлыйбыз, тәҗрибә туплыйбыз, ниндидер яңалык эзлибез, төрле юнәлешләрдә эшлибез. Шоу-бизнес үз кагыйдәләрен әйтә, чөнки ул җырчылар, төркемнәр белән шыгрым тулы һәм безгә төрле проектларда эшләргә, төрле телләрдә җырларга һәм килеп туган стереотиплардан тайпылырга туры килә. Әмма беркем дә безне оятсызлыкта, бозыклыкта һәм азгынлыкта гаепли алмый!

Пиар! 30 елга якын яши торган группага мондый пиар кирәк түгел. Коллективның иҗаты, эше, тарихы –  менә нәрсә мөһим, “пычрак кием” хакында фикер алышу түгел. Проблеманың тирәнлеген белмичә, фикер йөртү җиңел. Ләйсән Басыйрованың триодан китүе – бөтен коллектив карары. Бер елдан кимрәк эшләп, ул сынау срогын узмады”, дип белдергән төркем продюсеры Айгөл Зәйнуллина

View this post on Instagram

A post shared by Трио "Болгар Кызлары" (@bulgar_kizlari)

Запись Ләйсән Басыйрованың интим фотосессиясеннән соң “Болгар кызлары” продюсеры җитди карарын әйтә впервые появилась Tatar Today - татар яңалыклары..

“Болгар кызлары” солисткасы Ләйсән Басыйрова интим фотосессиядән сурәтләрен шәхси инстагарам битендә урнаштырган. Ул бу фотоларда ванна бүлмәсендә төрле позаларда фотога төшкән һәм мондый фотоларның берсенә: “Кеше еш кына без аны иң әүвәл күз алдына китергәнгә охшамаган була. Барлык кешеләр дә, үзенә күрә йомшак, дулкынланучан һәм, әлбәттә, без уйлаганнан күпкә авыррак”, дип язган Ләйсән.

Әлбәттә, бу фотолар каршылыклы фикерләр җыйган. Берүләр “Бик матур”, “Искиткеч!”, ди язаса, икенчеләр “Оят юк инде, матур җире булса, матурлыгын курсәтәсе килгән диер идең. Ничек халык каршына чыгып җырламак кирәк, оялмыйча”, дип тәнкыйтләгән.

Ләйсән үзе тискәре фикерләргә игътибар бирми икән. “Эшләре юктыр, миңа барыбер”, ди.

Мондый фотосессиягә ничек батырчылык иттең, дип сорагач: “Минем моңа кадәр аннан да ачыгырак фотолар бар иде. Бу минем өчен нормаль күренеш. Ул фотолары шулкадәр ачык дип санамыйм”, диде Tatar-todayга Ләйсән Басыйрова.

View this post on Instagram

A post shared by Лейсан Басырова 👑 (@lisuash)

Запись Татар сайты “Болгар кызлары”ның берсендә интим фото таба, ә анда… [фото] впервые появилась Tatar Today - татар яңалыклары..

— Габдулла Тукай урамында урнашкан студиядә үз почмагыбыз бар. Ул өйне хәтерләтә, — ди төркем солисты Айгөл Зәйнуллина. — Кызлар белән шунда репетиция ясап арыгач, кайнар чәй эчәбез. Әзерләп килгән тәм-томнардан авыз итәбез. Бездә күңелле!

— Яңа килгән җырчылар белән танышыйк әле. Кызлар, кайсы яклардан сез? Моңа хәтле ниләр белән мәшгуль булдыгыз?

Айгөл КУТЛАЕВА:

— Лениногорскида 10 ынчы мәктәптә укыдым, 12 яшемдә Казанга күченеп, татар-төрек лицеенда белем алдым. Хәзер КФУның музыка факультетында V курста укыйм. Бөтен эшем — уку һәм иҗат.

Ләйсән БАСЫРОВА:

— Укыйм да, эшлим дә. “Болгар кызлары”на кадәр моделинг өлкәсендә кайнадым. Монда килгәч, анысын калдырдым. Ара-тирә фотосессияләргә чыгып керәм, бер затлы ресторанда да җырлыйм…

— Төркем нинди планнар белән яши?

Айгөл ЗӘЙНУЛЛИНА:

— Планнар күп. Состав яхшы. Тырышлыклары өчен, кызларга рәхмәт! Төрле чак була. Бер-беребезне аңлап эшлибез. Алардан бик канәгатьмен. Алдагыларыннан тагын да яхшырак булсыннар иде, дип телим. Дөрес, беренче составтагы Гүзәл Сафина, Альбина Мусина, Камиләләргә беркайчан җитмәячәкбез. Алар — “Болгар кызлары”н тудыручы, беренчеләрдән трио буларак оешучы, безгә үрнәк. Өйрәнергә дә өйрәнергә әле! Бөтен көчне шуңа куячакбыз. Иң мөһиме — без бар! “Болгар кызлары” яшәде, яши, яшәячәк!

Лилия ЙОСЫПОВА.
(Тулырак "Ирек мәйданы" газетасының 8 ноябрь санында.)

Запись “Болгар кызлары” берләшә: төркем нинди планнар белән яши? впервые появилась Tatar Today - татар яңалыклары..

― Бу ел үзгәрешләргә бай булды. Минем өчен тәҗрибәле сезон булды бу, дисәм дә, ялгышмам, – ди Айгөл.

― “Болгар кызлары” составыннан китүеңә бер ел булды. Үзеңә генә эшләү авырдыр?

― Авыр дип әйтмәс идем. Чыгыш ясыйсым килгән чараларда җырлыйм, теләмәсәм – баш тартам. Бераз гына җайлырак та хәтта. Репертуар туплаганда да үзем теләгәнчә эшлим. Мин хәзер үз-үземә хуҗа. Тик шулай да, кызлар белән эшләгәндә дә күңелле иде. Алар белән биш ел җырлавыма үкенмим.

― Хәзер аралашмыйсыз дип ишеткән идем…

― Гөлүзә белән аралашам, тик менә Айгөл Зәйнуллина гына мине социаль челтәрләрдә “кара” исемлеккә тыкты. Ни өчен миңа карата мөнәсәбәте шундыйдыр, анысын белмим. Аралашырга бер дә каршы түгелмен. Ни генә дисәң дә, ярты дистә бергә эшләдек. “Болгар кызлары” төркемен дә әлеге биш ел эчендә күтәрмәдек түгел.

― Айгөл белән дуслашырга уйламыйсыңмы соң?

― Әйтәм бит, бер дә каршы түгел. Концертларда күрешкәндә, исәнләшәбез инде…

(Искәртеп үтик, Айгөл Зәйнуллина “Акчарлак” газетасы интервьюсында Айгөл Гардисламованың триодан китүен аркасына пычак кадау белән бер күрүе турында әйткән иде).

― Бергә җырлый башлаганда, озакка сузылыр дип уйлаган идеңме?

― Бу тормышта бернәрсә дә мәңге түгел. Гөлүзә белән минем китүемә Айгөл үпкәләмәсен иде. Гөлүзә кияүгә чыкты, аны да гаепләп булмый бит. Минем исә сольно үсәсем килә.

― “Болгар кызлары” белән үсмәм дип курыктың мәллә?

― Юк, аннан курыкмадым. Трио белән җырлаганда җиңүләрнең барысы да составныкы була. Үзең генә булганда, синең генә исемең әйтелә, шуңа күрә ялгызым гына эшлисем килде.

― “Болгар кызлары”ның яңа состав иҗаты турында нәрсә дия аласың?

― Бары тик уңышлар телим. Мин хөкемдар түгел бит. Үз тамашачыларын булдырырга язсын аларга. Яңа кызлар яшь әле. Ышанам: алар трионың дәрәҗәсен тагы да югарырак күтәрә алырлар. Айгөл – искиткеч җитәкче. Үпкә сакламасын иде! Ул җанын биреп эшли, состав өчен янып тора. Чын дөресен әйткәндә, киткәндә, үземә дә уңайсыз булган иде.

― Үзеңә нинди җырлар ошый?

― Күңелемә моңлы җырлар якынрак. Салмак көйләрне башкарырга яратам. Хәзер сәхнәдә күбрәк тиз ритмлы җырлар яңгырый. Әле менә күптән түгел бер банкетка дәштеләр. Аппаратурасыз баян астына гына җырлау иде шартлары. Миңа мөрәҗәгать итүченең сүзенә карасак, әлеге шартны үтәүче җырчыны табу авыррак булган икән. Әлеге кичәдә чыгыш ясауның никадәр рәхәт булуын сүзләр белән аңлатып булмый.

― Димәк, моңлы җырлар башкаручылар хәзер аз?

― Аз дип, бар инде алар. Андый җырчылар тагы да артса, начар булмас иде, әлбәттә. Минемчә, яшьләргә мөрәҗәгать итәргә кирәктер. Аларның күңел түрләрендә дә моңга карата мәхәббәт уянсын иде.

― Моңлы җырлар якын дисең, ә үзең “Үзгәреш җиле” фестивалендә катнашасың. Анда татар халык җырларының “моңлылыгын” бозалар гына түгелме соң?..

― Игътибар итсәгез, минем тарафтан башкарылган җырлар барысы да салмак. Чын дөресен әйткәндә, кайбер композицияләр үземә дә ошап бетми. Фестивальнең режиссерлары барыбер җырчы белән киңәшләшмичә калмыйлар бит. Безнең фикеребез дә алар өчен мөһим.

― 2016 елны кастингка “Болгар кызлары” белән бергә барган идегез. Сине генә сайлап алдылармыни?

― Иң беренче елны (2016 ел) үзем генә катнашкан идем. Соңыннан кызларны да чакырдым. Аларны алмадылар… Бу темага сөйләшәсем килми.

― Шәхси тормышта үзгәрешләр бармы соң, Айгөл?

― Беләсеңме, әллә яшь бара, әллә башка сәбәпләр бар – бу арада гаилә турында еш уйлана башладым. Күпләр бай егет табып, танылган җырчы булырга киңәш итәләр. Ни өчендер әлеге теләкләр белән килешеп бетмим. Билгеле, җырлыйсым килә, ә сәхнәдә үз исемеңне булдыру бер дә җиңел түгел. Матди яктан ярдәм итеп торучы булмагач, тагы да авыррак.

― Нәкъ менә синең күңелеңә ятышлы берәр егет очрамадымы соң әле?

― Кычкырып, бәхетеңне куркытма, диләр иде миңа. Төгәл җавап әйтәсем килми, аны тәгаен үзем дә белмим әле. Нинди була микән ул минем кешем? Барыбызга да зур, саф һәм җаваплы мәхәббәт насыйп итсен Ходай!

intertat.tatar

Запись “Болгар кызлары”ннан киткән Айгөлне “кара” исемлеккә тыгалар впервые появилась Tatar Today - татар яңалыклары..