Ставрополь краенда Бала хокуклары буенча вәкаләтле вәкил Светлана Адаменко белдерүенчә, 2018 елгы баланың тән авырлыгы нормадан ике тапкыр кимрәк. Сабыйга күптән ашыгыч госпитализация кирәк булган. Тик әнисе аны дәваханәгә салудан баш тартып килгән.

“Баланың тән авырлыгы критик күрсәткечләргә җиткәндә опека органнары кушылды. Гаилә кодексының 7нче мәддәсенә таянып, баланы гаиләдән алырга туры килгән”, — дип сөйләгән Светлана Адаменко “Интерфакс” агентлыгына.

Кисловодск прокуратурасы мәгълүматларына караганда, кызны балалар дәваханәсенә салганнар. Аннары сабыйны ата-ана тәрбиясеннән мәхрүм калган балалар учреждениесенә билгеләгәннәр.

Әни кеше үзе вегетариан, ит ризыклары белән тукланмый. Ә кызын “бары тик ябык гәүдәле бала”, бернинди проблема юк, дип саный. Монда проблема әни кешедә, күрәсең…

Мәгълүмат Кызыл Таң

Запись “Йончыган, ябыккан сабыйны, әнисеннән көчкә тартып алганнар…” впервые появилась Tatar Today - татар яңалыклары..