Җырчы Винарис 11 октябрь “Уникс” залында үтәсе концертын әнисенә багышлый. Шулай ук ул тамашачыларына да сюрпризлар әзерләгән икән. 

“Йолдызлы хит-парад” проектын оештыручы, җырчы Винарис Ильегетнең тамашачыларын кызыксындырган сорауларга ачыклык кертеп, аның белән әңгәмәне сезгә тәкъдим иткән идек инде. Күпләр Винарисны үзләре өчен башка яктан ачкандыр, мөгаен.

“Минем әниемдә онкология авыруы. 11 октябрь, әниемнең туган көнендә, минем концертым була. Мин ул концертны аңа багышлыйм. Бу куркыныч авыру белән озак еллар көрәшәбез, әниемә озын гомер телим. Аңа 77 яшь тула. Концертта ул, һичшиксез, булачак”, – дигән иде ул әлеге әңгәмәсендә.

Винарисның әнисе

Татар Тудей инстаграмда Винарис концертына 4 кешегә 2шәр чакыру билеты уйната.

Моның өчен инстаграмда Татар Тудейга @tatar_today һәм Винариска @vinaris_ilyeget язылырга, уен бара торган постның астына барам дип комментарий калдырырга кирәк. Җиңүчеләрне очраклы рәвештә 9 ОКТЯБРЬ 19:00дән соң сайлап алачакбыз. Киттек! Концертка санаулы көннәр генә калып бара, шуңа күрә билетлар отырга ашыгыгыз!
⠀

Запись Җырчы Винарисның әнисенә багышланган концертында тамашачыларны да шәп сюрприз көтә впервые появилась Tatar Today - татар яңалыклары..

Винарис Ильегетнең яңа проект булдырып, концертлар оештыруы турында ишеткәч, аның белән элемтәгә кереп, үзебез барысын да белешергә булдык. Җырчы чыннан да яңа концерт сезонына планнар корып, “Йолдызлы хит-парад” концертын оештыру белән мәшгуль икән. 

View this post on Instagram

A post shared by Ведущий свадеб Казань (@vinaris_ilyeget)

“Бу бик көчле, кызыклы, яңа сулышлы проект. Ул 3 ел элек оешкан иде, аннары бераз туктап торды. Хәзер исә без яңадан ныклап эшли башладык. Әлеге проектны күпләр үз итеп өлгерде, оештыруда үзебезнең телевидения, радиода да, Россиянең башка шәһәрләрендә дә ярдәм итәләр.

Бу проектта тамашачы яраткан артистлар катнашачак, концертлар өчен генә язылган сценариебыз булачак, махсус сәхнә киемнәре тектереләчәк.  Шулай ук концертлар ике республиканы тоташтырачак, алар Башкортстан һәм Татарстанда узачак”, дип уртаклашты җырчы Винарис Ильегет.

View this post on Instagram

A post shared by Ведущий свадеб Казань (@vinaris_ilyeget)

Запись Винарис Ильегет нинди яңа сулыш турында сөйли? Нәрсә үзгәртмәкче? впервые появилась Tatar Today - татар яңалыклары..

Концерт сезоны тәмамлануга карамастан, Винарис Ильегет чыгышларын дәвам итә. Ул үзенең җәйге концерт сезонын ачкан. Күптән түгел Уфада, шушы көннәрдә Ләйсән Мәхмүтова белән “Кыстыбый шоу”да “Яшьлек” мәдәният йорты сәхнәсен “кыдырган”.

View this post on Instagram

A post shared by Ведущий свадеб Казань (@vinaris_ilyeget)

Бик тиздән җырчы теплоходта артистлар белән Идел буйлап сәяхәткә җыена. Чөнки 7 июньнән башлап, һәр җомга саен, “Ре Мажор” концерт агентлыгы теплоходта иң күңелле, якты кичәләр оештыра.

Программада :
– Иң шәп алып баручы
– Тере вокал, оригиналь жанр артистлары
– Дәртле татар хитлары һәм чит ил треклары
– Конкурслар, бәйгеләр, бүләкләр белән “Nastolgie” һәм “Йолдызлы хит-парад” ретро-кичәләре каралган.

Иң мөһиме – ризык һәм эчемлекләрне һәр кеше үзе белән алырга мөмкин.
Теплоход 20.00 сәгатьтә китә, 23.30 сәгатьтә кайта.
Бәясе нибары 1000 сум (Төркемнәр өчен ташламалар каралган)
Билетларга 8-987-225-17-70 яки 225-17-70 телефоннары буенча заказ бирергә була

View this post on Instagram

A post shared by Ведущий свадеб Казань (@vinaris_ilyeget)

Запись Винарис Ильегет сәяхәткә җыена… үзе генә түгел… впервые появилась Tatar Today - татар яңалыклары..

“Әтиемнең соңгы фотосурәте. Карыйм да күземнән үзеннән-үзе яшь ага. Тиздән әтиемнең якты дөньядан китүенә 4 ел була. Хәтирәләр кичә генә булган шикелле…”, дип яза Винарис Илъегет.

View this post on Instagram

A post shared by Ведущий свадеб Казань (@vinaris_ilyeget)

Запись Винарис Илъегет нигә елый? впервые появилась Tatar Today - татар яңалыклары..

– Казанда әниең белән бергә яшисезме?

– Юк, үзем генә торам. Әнием Яшел Үзән шәһәрендә яши. Хәмдүнә Тимергалиева үз төркемендә эшләргә чакыргач, 2001 елны Казанга күченеп килдем. Әти-әни Пермьдә калдылар. Күп еллар Хәмдүнә апада эшләдем. Пермь – Казан арасы ерак, гел кайтып йөреп булмый. Әти белән әнине озак күрмичә дә тора алмыйм. Шуннан соң 2007 елда алар үзләре Яшел Үзәнгә күченеп киләсе иттеләр.

– Әниең янына еш кайтасыңмы?

– Еш кайтам, сагынам чөнки. Әти-әнине исән чакта кадерләп калырга кирәк. Гомер кыска. Әтине югалтканнан соң шуны аңладым. Буш вакытым булган саен әнием янына ашыгам.

– Ә туган якларыңа?

– Пермьгә сирәк кайтыла. Туганнар, дуслар белән телефон аша аралашып, хәл белешеп торабыз. Әнием яңа ел бәйрәмнәрендә Пермьгә кайтырга җыена. Ак көнләшү белән көнләшәм. Бөтен эшемне ташлап, аның белән туган якларга кайтып китәсем килә. Бәлки шулай итәрмен дә…

– Винарис, син ни өчен ялгыз?

– Чөнки мин ирек яратам.

– Йөргән кызың бармы?

– Бар.

– Ул нинди?

– Бик чиста кеше. Яхшы күңелле һәм акыллы.

– Ә син нинди?

– Тыныч кеше. Миңа тынычлык һәм ирек кирәк. Бигрәк тә эшләгән вакытта.

– Нәрсәне гомердә дә кичерә алмас идең?

– Ялган һәм хыянәтне кичермим.

Винарисның әнисеннән Яңа ел котлавы:

View this post on Instagram

A post shared by Ведущий свадеб Казань (@vinaris_ilyeget)

Запись Винарис Илъегет ни өчен ялгыз булуын әйтте: “Чөнки мин…” впервые появилась Tatar Today - татар яңалыклары..

– Әле ярый “Алтын йолдыз” белән дипломын да бирделәр, ике бүләк булды. Берәү генә булса ничек бүлешкән булыр идек, белмим (көлә). Бу бүләк икебез өчен дә бик кадерле булып чыкты. “Алтын йолдыз” сыны башта миндә, ә диплом ярты ел Мәхмүтовада торачак, дигән фикергә килдек. Июль аенда алмашабыз: диплом миңа кайта, “Алтын йолдыз” Ләйсәнгә китә дип сөйләштек.

– Бу бүләкләрне гомер буе шулай алмаштырып йөрергә җыенасызмы?

– Юк, киләсе елга башка җыр белән шушы милли премиядә катнашырга уйлыйбыз. Тагын бер “Алтын йолдыз” ала алсак, берсе Ләйсәнгә, берсе миңа була.

– Сезнең бер генә дуэтыгыз турында белә идек, икенчесе дә шаян җырмы?

– Икенче дуэтыбыз өстендә эшлибез әле. Тиздән әзер булачак, үзегез күрерсез.

– Винарис, сезнеңчә милли премиядә чыгыш ясаган җырчыларның барысын да гадел юл белән сайлаганнармы?

– Мин үзебез өчен генә җавап бирә алам. Концертта безне бик яратып кабул иттеләр. Тамашачының алкышлары моңа дәлил. Шуңа күрә әлеге премиягә безне халык сайлаганына шигем юк. “Алтын йолдыз”лы булуыбыз белән бик горурланабыз!

Запись Винарис Ильегет белән Ләйсән Мәхмүтова “Алтын йолдыз” сынын ничек бүлешә? впервые появилась Tatar Today - татар яңалыклары..

“Минем әлегә кадәр сүгенми торган кеше күргән юк. Хәтта, ак яулыклы әбиләр дә сүгенә”, ди элек “Удар Татар”, “ИНЭКА”, “4 татарина” да уйнаган КВНчы егет Роберт Исламов. Ул инстраграмда “Сиксән-Туксан” дип аталган татарча сүгенү рубрикасы булдырган.

Кисәтәбез, роликта сүгенәләр!

View this post on Instagram

A post shared by Татарча Бәрәбез (@siksan_tuksan80_90)

“Бездә сәләтле кешегә бөтен җирдә дә ишекләр ачылып бетми. Ә сәләтсез кешегә акча ишек ача. Бүген без татар эстрадасындагы ир-ат җырчыларны әз-мәз чәйнәп алабыз. Алар бигрәк күп. Барысына да вакыт җитеп бетмәс. “Песс” итәргә өлгермисең, телевизордан кемдер көйгә эләкмичә ямьсез тавышын татар халкына тарата. Шунысы кызганыч, тавышы таныла бит! Мәсәлән, Винарис. Аның бөтен моңы гәүдәсенә күчкән. Тавышы белән булмаса, гәүдәсе белән шаккаттыра. Ә халык карый. Шулай ук Искәндәр Шакиров бар тавышын кабартмасы астында калдырды. Егетләр, бәлки сезгә бергәләшеп гәүдәряхалар дуэты ачып җибәрергәдер? Һәм тагын үзен җырчы дип йөртүче Айназ Әүхәдиев. Монда егетнең сәләте колак тирәсенә урнашкан. Кызганыч, аны аннан чыгарып булмас. Юк, мин сезне начар җырлыйсыз, дип әйтмим. Ләкин сездән дә яхшырак җырлаучылар барлыгын онытмагыз!
Белгеч фикере. Салават, Айдар Галимов, Филүс Каһиров, Раяз Фасыйхов, Ришат Төхвәтуллин җырлый икән, димәк татар эстрадасы яши!” – ди 27нче чыгарылышта.

– Роберт, көн кадагында булган проблемаларны бар нечкәлекләре белән оста итеп күрсәтә беләсез. Чын ирләрчә, көр тавышыгыз белән видеолар яздырганда тоссыз сүгенү сүзләре кыстыру нигә кирәк?
– Сүгенү сүзләре күбрәк караучыларны җәлеп итү өчен кирәк. Матур сүзләр белән салмак язылган текстлар начар укыла. Аңлыйм, мин яздырган видеоларны телевидение, радио аша халыкка чыгарып булмый. Ләкин хәзер моның өчен интернет бар. Моңарчы татарларда сүгенү сүзләре кулланыла торган проектлар юк иде. Мин беренче булдым.

– Татар кешесенә сүгенү килешми. Элек-электән безнең милләт башкалардан тыйнаклыгы, тел яшерә белүе белән аерылып торган…
– Ләкин сүгенмичә дә яшәмәгәннәр бит. Минем әлегә кадәр сүгенми торган кеше күргән юк. Хәтта, ак яулыклы әбиләр дә сүгенә.

– Җырчылар белән бәйле язмалар әзерләгәндә сез алар белән киңәшләшәсезме, алдан элемтәгә кереп үзләреннән көлергә рөхсәт аласызмы? Мәсәлән, 27нче чыгарылышта Винарис, Җәвит Шакировның улы Искәндәр һәм Айназ Әүхәдиев дигән егетләрне җырлый белми, дип көләсез.
– Юк, мин бит алардан көлмим, дөресен генә сөйлим. Миңа калса, җырлый белмәүче җырчылар үзләренең җырлый белмәгәннәрен үзләре дә беләләр. Мин бер җырчы белән дә алдан килешеп эшләмим. Видеоларда минем шәхси фикерем. Әгәр ризасызлык белдерергә теләсәләр, рәхим итеп үземә язсыннар. Аларның җырлый белмәгәннәрен мин генә түгел халык та күрә бит.

Запись “Сәләтсез кешегә акча ишек ача!” – Роберт Исламов Винарис белән Искәндәр Шакировка сүгенү рубрикасын багышлый впервые появилась Tatar Today - татар яңалыклары..

Кичә Г.Тукай исемендәге татар дәүләт филармониясе залында “Казан кичләре” концерты барганда аппаратура сафтан чыгып, сәхнәдә тавыш һәм ут сүнгән. Бу хакта концертта булган тамашачылар җиткерде. Intertat.ru электрон газетасы концертлар залында концерт өзелү сәбәпләрен белеште.

Запись Филармониядә үткән “Казан кичләре” концертында ЧП була, аздан гына янгын чыкмый кала [видео] впервые появилась Tatar Today - татар яңалыклары..