“Безгә буген ике атна булды , ә мин һаман ышанмыйм дүртенче тапкыр әни булуыма. Яныннан китеп булмый, гел аның сулышын тыңлап , елмаеп, сөйләшеп, кулда гына йөртәсе килә, шул кадәр тәмле, шул кадәр кадерле минутлар. Олы балалар үстеләр дә киттеләр, барысы истә калмый икән. Ә бу юлы , бүтән төрле , төпчек булгангамы, яратып бетеп булмый… Аллахы тәгаләгә мең рәхмәт шушы бәхетем өчен. Балаларыбыз исән сау бәхетле булсыннар”,- дип язган җырчы.

Запись Уразова: “Гел аның сулышын тыңлап , елмаеп, сөйләшеп, кулда гына йөртәсе килә” впервые появилась Tatar Today - татар яңалыклары..

13 февраль Казанда “Татнефть-Арена”да Татарстанның халык артисты Гүзәл Уразова һәм Илдар Хәкимовның юбилей концертлары була. Башка артистлар аларның хезмәтләрен ничек бәяли һәм әлеге җырлы гаиләгә нинди теләкләрен җиткерәләр? Татар Тудей бу фикерләрне сезнең белән дә бүлешергә әзер.

Филүс Каһиров, Ришат Төхвәтуллин, Зөһрә Шәрифуллина, Рәсим Низамов, ИлСаф, Зәйнәб Фәрхетдинова, Зөфәр Хәйретдинов, Фирдүс Тямаев җырлы гаиләнең шундый зур масштабтагы чара әзерләүләрен татар җырын яңа баскычка күтәрү, дип саныйлар һәм изге теләктә торуларын белдерәләр.

“Тырыш булганда гына шундый нәтиҗәләргә ирешергә була. Бик сөенәм. Хатын-кыз берүзе генә әллә нәрсә майтара алмый. Алар бергә эшлиләр Илдар белән. Хәзер инде кызлары да җырлый. Менә бу – дус гаиләнең хезмәт җимеше”, ди  Зөһрә Шәрифуллина барлык фикер-теләкләрне бер мәйданга туплап.

Запись Гүзәл-Илдар нигә “Арена”лар алырга булды? Артистлар ни дияр: Ришат, Фирдүс, Раяз… [видео] впервые появилась Tatar Today - татар яңалыклары..

Гүзәл Уразова һәм Илдар Хәкимов Рөстәм Нәбиевны кызы туу белән тәбрикләргә дип, аңа сюрприз ясарга килгәннәр. Бу вакыйганы алар видеога төшереп, Инстаграмга керттеләр.

Рөстәм Нәбиев һәм аның тормыш иптәше Индира бу сюрпризга чын күңелдән шатланганнар.

Гүзәл Уразова һәм аның белән килгән кунаклар әле туган сабыйга, аның әти-әнисенә матур теләкләрен теләделәр һәм бүләкләрен тапшырдылар.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Мәгълүмат Гүзәл Уразова Инстаграм битеннән

Запись Гүзәл Уразова Рөстәм Нәбиевка нинди сюрприз ясаган? [видео] впервые появилась Tatar Today - татар яңалыклары..

Бүген, 6 август, татар эстрадасының матур парларының берсе Гүзәл Уразова белән Илдар Хәкимовның гаилә коруларына 16 ел. 

Гүзәл Уразова инстаграмында туй фотоларын урнаштырды һәм эчтәлекле матур сүзләрен язылучылары тарафына җиткерде.

Без дә аларга иң изге теләкләребезне юллыйбыз!

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Гүзәл Уразова белән Илдар Хәкимов гаиләсендә үзенчәлекле бәйрәм впервые появилась Tatar Today - татар яңалыклары..

Быел эстрада сәхнәсендә 15 еллык юбилейларын билгеләүче Илдар Хәкимов һәм Гүзәл Уразова иҗат бәйрәмнәрен менә шундый дәрәҗәле исемнәр, грандиоз концертлар белән каршы алды. Хезмәтенә күрә хөрмәте, ди халык. Җырчыларбызның җыр сәнгате өлкәсендә куйган хезмәтен тамашачыларның да, хөкүмәт вәкилләренең дә югары бәяләве, артист өчен иң олы бәхет дияргә кирәк. Бер үк вакытта диярлек Татарстанның да һәм туган ягы Башкортстанның да атказанган артисты исеменә лаек булган Илдар Хәкимовны тамашачылар исеменнән кайнар котлыйбыз. Аңа тагын да зуррак иҗади уңышлар теләп калабыз!

Запись Илдар Хәкимов һәм Гүзәл Уразова зур сөенече белән уртаклаша впервые появилась Tatar Today - татар яңалыклары..

“Шулкадәр ерак кебек иде бу көн… Һәм, ниһаять! Әлбәттә, борчылабыз, һәм шул ук вакытта шатлыгыбызның чиге юк. Бүгенге көн безнең иҗат биографиясендә тарихи вакыйга булып калачак. Сезнең дә, хөрмәтле тамашачылар, күңелегезгә хуш килер дип ышанабыз. Без бергә! Һәм бу иң мөһиме! Хәерле сәгатьтә!” дип язган Гүзәл Уразова концерт алдыннан инстаграм битендә.

Концертны Беренче канал йолдызы Максим Шәрәфетдинов һәм Татарстанның атказанган артисты Гөлназ Сәфәрова алып барды. Рус һәм татар телендә үрелеп барган тамашада Гүзәл белән Илдарның кызлары, Эллариның инглиз телендәге җыры концертның үтә дә матур бизәге булды. Эллариның чыгышы турында: “Иң көтеп алган мизгелләрнең берсе. Үзем сәхнәгә тәүге тапкыр чыккан кебек борчылам”, – дигән Гүзәл дә дулкынлануын яшермичә.

“Унбиш ел элек татар эстрадасы күгендә Гүзәл Уразова исемле йолдыз кабынган иде. Ул һаман да балкып таланты белән дөньяны яктырта” дигән сүзләр белән тәмамланды бу искиткеч кичә. Татар моңын, татар җырын таратуда илкүләм генә түгел, дөньякүләм уңыш казанырга, яңадан-яңа үрләр яуларга насыйп булсын аларга. Интернетта җырчыларның иҗатын һәм тормышын күзәтеп баручылар да шул фикердә, изге теләкләрен, җылы хисләр, рәхмәт сүзләре тулы комментарийларын алар инстаграмда язып, җырчыларга рухи көч, илһам биреп торалар.

Концертта Гүзәл Уразова белән дуэт башкарган рус эстрада җырчысы Согдиана да Инстаграм битләрендә концерт турында фикерләрен язган. “Татарстанның атказанган артисты Гүзәл Уразова һәм Илдар Хәкимовның концерты шулкадәр җылы, матур булды. Мин Гүзәл өчен бик шат, тамашачыларың белән тулы залны күрү – бу бик зур бәхет. Ә зур сәхнәдә кызыңның дебюты – дөньяда моннан да олырак бәхет була алмыйдыр. Әлеге концертка өлешемне кертүемә бик шатмын. Кадерлеләрем, 15 еллык юбилеегыз котлы булсын. Әле сезнең барысы да алда!”

Как же прекрасно, тепло и душевно было вчера на концерте талантливой певицы, Заслуженной артистки Татарстана @guzelurazova ❤️ и ее супруга @ihakimov. Я очень рада за Гузель- видеть полный зал твоих зрителей- это большое счастье. А ещё и дебютное выступление дочери- самое большое счастье на свете! Рада была стать частью этого прекрасного концерта. Поздравляю с 15-летием творческой деятельности, дорогие. И все только начинается!!! Ура!!!

“Пятый элемент” җырын икәү башкарган Динә Гарипова да: “Гүзәл Уразовага дуэт һәм искиткеч концерт өчен бик зур рәхмәт. Котлыйм сезне! Бик югары дәрәҗәдәге концерт булды!” , дип тәэсирләре белән уртаклашкан.
Спасибо большое @guzelurazova за наш дуэт и за отличный концерт! Поздравляю! Все получилось на высшем уровне!

Айдар Галимов белән бергә “Җырлыйм туган якта” ретро җырын башкарулары да мәскәүлеләр күңеленә бик хуш килде. Бу хакта Айдар Галимов үзе: “Премьера! Роберт Миңнуллин белән Илгиз Закировның “Җырлыйм туган якта” җырына Гүзәл белән яңа сулыш бирә алганбыздыр дип өметләнәбез. Гүзәл, дускаем, сине яңа үрләр яулавың белән тәбрик итәсем килә!” – дип язган.

 

Посмотреть эту публикацию в Instagram

 

Рәхмәт барыгызга да! Без – бәхетле ? #гузельуразова #15ел

Публикация от Гузель Уразова (@guzelurazova) 30 Мар 2019 в 12:10 PDT

 

Посмотреть эту публикацию в Instagram

 

Җаным, миңа да син генә кирәк. Бүгенге концертның уңышы – безнең уртак уңыш. Мәңге бергә! ❤ @ihakimov #ильдархакимов #гузельуразова

Публикация от Гузель Уразова (@guzelurazova) 30 Мар 2019 в 11:55 PDT

 

Посмотреть эту публикацию в Instagram

 

Очередная премьера! «Пятый элемент»! Диночка, спасибо, укасила наш праздник! @dinagaripova #гузельуразова #динагарипова

Публикация от Гузель Уразова (@guzelurazova) 30 Мар 2019 в 11:51 PDT

 

Посмотреть эту публикацию в Instagram

 

Айдар Галимов @aidar_studio белән дуэт. Премьера!!! “Җырлыйм туган якта”, Роберт Миңнуллин сүзләре, Илгиз Закиров көе. Әйткәндәй, әлеге җыр – әтинең иң яраткан җыры ❤ #гузельуразова #айдаргалимов

Публикация от Гузель Уразова (@guzelurazova) 30 Мар 2019 в 11:45 PDT

 

Посмотреть эту публикацию в Instagram

 

Иң көтеп алган мизгелләрнең берсе. Үзем сәхнәгә тәүге тапкыр чыккан кебек борчылам. @urazova_kids

Публикация от Гузель Уразова (@guzelurazova) 30 Мар 2019 в 10:14 PDT

 

Посмотреть эту публикацию в Instagram

 

Әлеге минутларда… Илебезнең төп сәхнәсендә. “Казан” бию ансамбле @atkazan белән “Бас, бас”. #гузельуразова #москвакремль

Публикация от Гузель Уразова (@guzelurazova) 30 Мар 2019 в 10:02 PDT

Фото: соцсети

Запись “Гүзәл Уразова һәм Илдар Хәкимов Мәскәүне дер селкетә” [фото-видео] впервые появилась Tatar Today - татар яңалыклары..

Мондый сүзләр язып укучылары белән уртаклашырга Гүзәл Уразованы нәрсә яисә кем этәргән? Җырчыны кемдер үпкәләткәнме? Әллә берәрсе ачуын чыгарганмы?

Бу постларның дәвамы итеп һәм югарыдагы сорауларга азмы-күпме ачыклык кертепме, Гүзәл кызыклы гына сораштыру үткәрде. “Ничек уйлыйсыз, җырчы җырларга гына тиешме?” ди ул. Төрле фикерләр ишетергә туры килә: җырласын гына, ул бит – җырчы, дигәнне дә, сәхнәдә бүрәнә кебек басып тормасын, бераз хәрәкәтләнсен, дигәнне дә…

Сораштыруда 500дән артык кеше тавыш биргән. Нәтиҗәләр кызыклы. 74 процент кеше “Җырласын һәм биесен!” дип җавап бирә. Берничә фикерне сезнең игътибарга да тәкъдим итәбез:

“Ачуланмагыз, сәхнәдә биегез дә, җырлагыз да, ләкин балаларны күп җыясыз. Без концерт карарга киләбез, бала-чагалар түгел. Мин дә балалар яратам, тик концерт концерт булсын, бала-чага көтүе түгел, гафу итегез”, дип яза Хидая Хәкимова.

Рәфинә Мөхәммәтҗанова “Җырчының биючеләр белән бергә биюен бик яратам. Бик матур күренеш. Гүзәл бүрәнә кебек басып тора белми ул. Бик матур итеп бии” дигән.

Ә менә Гөлшат Вәлиевада артистларның, артык сикерә-сикерә биеп, рәттән дүрт-биш җыр башкарсалар, тере тавышка җырлауларына шик туа башлый икән.

Валерий Давлетов фикеренчә, концертлар һәм чыгышлар нәкъ менә Гүзәлнекечә булырга тиеш. “Биергә дә, җырларга да, шаярырга да: булгач, барысы да булырга тиеш. Кемгә ничектер – безгә ошый” ди ул.

Чыганак һәм фото: Уразова.ру

Запись Гүзәл Уразова концертында “бала-чага көтүе” күрергә теләмиләр впервые появилась Tatar Today - татар яңалыклары..