“Күптән түгел Казанда фатир алдым, Аллага шөкер. Моның сәбәпләре берничә. Беренчедән, ун елдан артык эш буенча Казанга чабам. Туганнарда яшәп арылды, шуңа күрә башкалада үз торагымны булдырырга уйладым. Аннан соң Казанда яшисе килү, биредә концертлар һәм башка чаралар еш булу да фатир алуыма этәргеч булды. Ләкин Чаллыдан китмәдем, анда да яшим. Ә күбесенчә кайда яшәвем турында төгәл әйтә алмыйм, 50/50”, дип сөйләде Татар Тудей хәбәрчесенә Гөлназ Сираева.

Җырчының тагын бер яңалыгы бар: Гөлназ “Әни буласым килә” дип исемләнгән яңа җыр яздырган. Җырның сүзләрен Азнакай кызы Айгөл Вәлиуллина, көен – җырчы Марсель Вәгыйзов иҗат иткән. “Айгөл минем күңел халәтемне сизепме, шигырен миңа тәкъдим итте. Шигырь сүзләре йөрәгемә үтеп керде”, ди унике ел элек кияүгә чыгып, әле дә әни булу бәхетен тоя алмаган Гөлназ.

Гөлназның иң якты теләге шушы җыры белән тормышка ашсын иде!..

Эльвира ШАКИРОВА

Запись Гөлназ Сираева Татар Тудейга Казанга күченүенең сәбәбен әйтте впервые появилась Tatar Today - татар яңалыклары..

Җырчы әйтүенчә, клип турында сөйләшүләр инде җәй көнне үк алып барылган, әмма төрле сәбәпләр аркасында бу эш кичектерелгән. Көзен клипны кабат төшерергә җыенсалар да, вак-төяк мәшәкатьләр тагын комачаулаган. Шулай кичектерелә торгач, клип кышның соңгы көннәрендә генә әзер булган. Бу хакта Гөлназ Сираева Инстаграмдагы сәхифәсендә хәбәр итә. “…кыш көне төшерелде бу клип, һәм яз җиткәч мин аны Сезгә җиткерә алдым! Бер ел буена җыенып төшерелде дисәң дә була”, дип яза ул. Клипта Гөлназның хезмәттәше Ильмира Нәгыймова да төшкән. Шулай ук Диләрә Илалтдинованы да күреп була.

Видеоязманың ахыргы минутларында гына күренсәләр дә, Гөлназ Сираева белән бергәләшеп “SMS” көтәргә дә, биергә дә өлгерә кызлар.

Запись Гөлназ Сираева һәм Ильмира Нәгыймова икәүләшеп кемнән SMS көтәләр? [яңа клип] впервые появилась Tatar Today - татар яңалыклары..