Җыр сүзләренең авторы – Эльмира Җәлилова, көен Фирзәр Мортазин иҗат иткән. Клипның сюжетында кайната, кайнана, “теща” һәм бабайның кунакка килүе һәм алар арасында туган “кызыклы” конфликт ята. “Кияү-килен җыры”на төшерелгән клип рус сериалы “Сваты”ны хәтерләтә.

Карап карыйк.

Запись Гөлназ һәм Илсур Шәрипҗановлар кайнана, кайнаталарын сугыштырган [видео] впервые появилась Tatar Today - татар яңалыклары..

Күптән түгел Гөлназ: “Мин 40 меңлек костюмлы иремне генә түгел, 12 меңлек күлмәкле үземне дә яратам”, – дип язган иде. Әлеге язма укучылар арасында шау-шу уятты. Кемдер Гөлназны якларга тырышса, күпләр исә тәнкыйть утына тотты.

View this post on Instagram

A post shared by ГУЛЬНАЗ ШАРИПЖАНОВА(Халимова) (@gulnazshrp)

“Мактанмагыз. Без дә шулай ук киенәбез. Үзегез генә дип уйлыйсызмы әллә?” дип тә, “Ул кайвакыт бөтенләй нәрсә язганын белми. Үзен артист дип санап йөргәч, чын артист итеп тотса булыр иде. Бу язмасыннан тәрбиясенең никадәр икәнен аңларга була инде. Акчасы артып китсә, тәрбия дәресләре алсын иде ул. Әле җавап итеп әллә ниләр тутырыр. Ул андыйга булдыра”, дип тә язганнар.

Гөлназ да җавапсыз калмый. Гомумән, акча темасына кагылышлы язмаларны бер-бер артлы куеп кына тора. Бу фикерләр Гөлназның ачуын чыгарамы? Әллә җырчы аларны бүтәннәрне котырту өчен махсус эшлиме?

– Гөлназ, киемнәрегезнең бәясен ник бөтен кешегә әйтәсең?

– Халыкның фикерен беләсем килде. Эш бәядә түгел, ә килешү-килешмәүдә. Рәхәтләнеп мең ярымлык күлмәк кияр идем. Кайда бар икән? Ә халык үзе белән безне чагыштырып, негатив фикерләрен җиткерә.

– Иреңнең костюмы чынлап та 40 меңлекме?

– Әйе.

– Тамашачыгызны югалтудан курыкмыйсыңмы?

– Булсын. Миңа барыбер. Мин юри аларны үртәп, шундый фикерләрен көтеп утырам. Димәк, алар битараф түгел. “Инстаграм”да миңа язылучылар артканнан-арта.

– Бизнесыгыз барын беләбез. Хәйриячелек белән шөгыльләнәсезме?

– Хәйрия концертларында катнашабыз. Аннан тыш, үзебез ураза вакытында, ТВ һәм интернетта берәр балага ярдәм кирәк булса, акча күчерәбез. Аның турында кычкырып йөрмиләрдер миңа калса.

– Бизнеска бирелеп, эстрададан китәргә уйламыйсызмы?

– Әйе, без җырчылар. Ничек популярлашырга икәнен бөтенесе дә белә. Акчаң бар икән – ротация дә бара. Син җырлыйсың! Көне-төне банкет, туйларда эшләп, кеше күңелен күреп эшләгән акчаңны җырыңны әйләндерергә илтеп бирәсең. Кием, җыр сатып алу, аранжировка, клип һ.б. Болар барысы да дан өчен генәме? Ләкин кешечә дә яшисе килә бит. Гафу итегез, мактанып әйтүем түгел, “БМВ” машинасында тамадалар йөрми. 7 айда миллион сумлык җир дә сатып алмый. Без ул акчаларны икенче сферада эшләп алдык. Димәк, сорау туа. Нигә безгә ротацияләргә акча түгәргә? Ул бит безгә берни бирми. Шулай да радиода җырыбыз әйләнә. Клип өстендә дә эш башланды.

Запись Гөлназ Шәрипҗанова Инстаграмына язылучылар турында: «Мин юри аларны үртәп, фикерләрен көтеп утырам» впервые появилась Tatar Today - татар яңалыклары..

“20 апрельдә миңа 28 яшь тулды. Туган көнемне яңа ачылган офисымда билгеләп үттем. Бала чирләгәч, әллә ни кәеф булмады, шуңа күрә зурдан кубып үткәрмәдек. Шулай да кайбер иҗатташ дусларым котларга килде. “Бәби сөябез” кызлары алтын эшләнмәләр кибетенә сертификат бүләк итте”, дип сөйләде Татар Тудей хәбәрчесенә Гөлназ Шәрипҗанова.

Җырчы үзе әйтүенчә, бу бүләкне сорап алмаса да, ул иң кирәклесе булып чыккан. Ни өчен дигәндә, 4 апрельдә Гөлназ һәм Илсур Шәрипҗановларның кызлары Асылбикәгә 1 яшь тулды. Гөлназ үзенең алкасын кызына бүләк итеп кидергән. “Илсур туган көнемә яңа алка алып бирергә вәгъдә бирде. Шулай итеп, кызлар биргән сертификатка Илсур бүләген кушып, 20 мең сумга алка алып кидем,” диде Гөлназ.

Эльвира ШАКИРОВА

Запись Артистлар Гөлназ Шәрипҗанованың нинди хыялын тормышка ашырган? впервые появилась Tatar Today - татар яңалыклары..

Яңа җыр “Бәхетле бул, балам” дип атала. Аның сүзләрен Эльвира Сафина, көен Илназ Баһ иҗат иткән. Җырны артистлар гына түгел, балалар да башкара икән! Замирә Рәҗәпова сүзләренчә, бу клип та һәр җырчының өендә төшереләчәк, анда балаларның тәпи киткәннәре тасвирланачак. “Кичә клипны матур бизәлешле студиядә, аннан соң кафеда балаларыбызның бер яшьлек туган көннәрен бәйрәм итүне төшердек”, дип сөйләде Tatar Today хәбәрчесенә Замирә Рәҗәпова.

Клипның төп геройлары – Марсель, Риана, Данил, Асылбикә, Ильяс исемнәрен кояш нурларында язып клип өчен махсус торт та әзерләгәннәр. Клип тиздән әзер булачак, ә аның кызыклы мизгелләре 12 апрельдә узачак “Тамада-шоу” фестивалендә тәкъдим ителер дип көтелә. Әлеге проектның авторы – Замирә Рәҗәпова.

Эльвира ШАКИРОВА

Запись Артистлар яңа клип төшерә: бу юлы балалары да җырлый [фото] впервые появилась Tatar Today - татар яңалыклары..