Бүгенге көндә карантин игълан ителгəч, күбебез өйдə утырабыз, гаилə белəн аралашабыз, төрле тəмле ризыклар пешерəбез. Ə менə жырчылар үзлəренең буш вакытларын ничек уздыра микəн?

Бу сорауга жырчы, филармония солисткасы Гөлназ Гафурова жавап бирде:

“Безнең бер көнебез дə концертсыз узмый! Көн саен балалар белəн концерт куябыз”.
Үзлəре ремонт ясыйлар, видеодəреслəр карап яңа күнекмəлəр үзлəштерəлəр.
Гөлназ ханым элек эшлəмəгəн эшлəрне эшлəргə, хыялларны тормышка ашырыга вакыт житкəндер, дип саный. Аның фикере буенча намаз укырга, догалар өйрəнергə иң уңайлы вакыт.

Ваһапов фестивале йолдызы Азат Абитов та бу турда сөйлəп китте:

“Карантинда төрле нәрсәләр эшлибез. Беренче тапкыр вайн төшердем. Үземə дə, тамашачыма да бик ошады. Тагын төшерергә исәп! Дуслар белəн эксперименталь туры эфирларга чыгып карыйбыз.

Мәсәлән, кичә Булат Хисмәтов белән үткəрдек: ул өендә баян уйнады,без аңа кушылып җырладык. Буш вакытны файда белəн уздырабыз!”, – ди Азат Абитов.

View this post on Instagram

A post shared by Айсылу Габдинова (@aisylu_gabdinova)

Запись Җырчылар карантинда буш вакытларын ничек үткәрүләре турында сөйләделәр впервые появилась Tatar Today - татар яңалыклары..

Запись Вәли Фазлыйәхмәтов белән Гөлназ Гафурова ничек танышалар? Яшь гаилә ничек дин юлына баса? [видео] впервые появилась Tatar Today - татар яңалыклары..

“Мәхәббәт” дуэты” Гөлназ-Вәли барлык мөселман кардәшләребезне Корбан гаете белән котлый.

–  Раббыбыз шушы көнне ихластан дога кылырга, корбан китерергә, рухи тынычлык алып, Аның мәрхәмәтенә ирешергә насыйп итсә иде. Аллаһы Тәгалә барлык яхшы гамәлләребезне кабул итеп, гыйбадәтләребез өчен савапларын арттырып, ике дөньяда да Үзенең чиксез мәрхәмәтен бирсен! Аллаһы Тәгалә безгә бәхет, сәламәтлек, гаиләләребезгә, илебезгә, тынычлык, иминлек, муллык һәм хәерле бәракәтен иңдерсен. Котлы булсын бөек бәйрәмебез Корбан гаете! – ди Вәли Фазлыйәхмәтов.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись “Мәхәббәт” дуэты” Гөлназ-Вәли барлык мөселман кардәшләребезне Корбан гаете белән котлый [видео] впервые появилась Tatar Today - татар яңалыклары..

Сәхнәдән берничә елга югалып торган “Мәхәббәт” дуэты” Гөлназ Гафурова һәм Вәли Фазлыйәхмәтов милли стильдә чыгыш ясауларын дәвам итә. Хәзер алар киемгә генә түгел, җырның сүзләренә, нәрсәгә өндәвенә игътибарлы. Дуэт белән дә, аерым да җырлыйлар.

Күптән түгел Вәли Фазлыйәхмәтов Пәйгамбәребез (с.г.в.) турында Рифат Сәлах сүзләренә, Салават Шәихов иҗат иткән җырын тәкъдим итте. Әйтергә кирәк, бу җыр бик тирән мәгънәле һәм татар эстрадасындагы башка җырларга охшамаган. Рухи яктан бай кеше генә аңлап, кабул итә ала торган җырларның берседер. Бу юнәлештә иҗаты, дини җырлар, турында без Вәли Фазлыйәхмәтовның үзе белән аралаштык.

– Вәли әфәнде, ни өчен дини юнәлештә җырларга, иҗат итәргә булдыгыз? Җырларыгыз ничек туа?

– Бу минем тормыш белән бәйле. Үзем диндә булгач, күберәк шундый җырлар ошый, шундый стильдә эшлисем килә. Дини җырларны Аллаһ, Пәйгамбәребез (с.г.в.), Рамазан, Ураза турында гына булырга тиеш димим. Мәсәлән, мәхәббәт темасын алсак та, ул хәләл әйбер, аның турында җырларга ярый, ләкин аны төрлечә күрсәтеп була бит: җенси һәм башка якларын. Ә без ихлас, саф мәхәббәтне күрсәтергә тырышабыз, җырның сүзләренә аеруча игътибар итәбез.

Пәйгамбәребез (с.г.в.) безгә юл күрсәткән, без аны яратабыз, Салаватлар әйтәбез. Шуның өчен мин аның турында җырларга булдым. Бәлки, икенче җырым башка темага булыр.

Күбесе дини җырны ислам турында гына булырга тиеш дип аңлый. Юк! Табигать, балалар, әти-әни… Татар эстрадасында булган бөтен җырлар, халык җырларын алыйкмы, алар барысы да дини җырлар, яхшы фикердән туган.

Җырларым тормыштан алына. Мәсәлән, мөселман кызы турында җырым бар. Без аларның матурлыгын, тыйнаклыгын, сөйкемлеген күрәбез, Сөбханаллаһ, дип карыйбыз. Бөтен темалар да якын тирәдә. Кая барсаң да, дини темага җыр табарга була.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

– Сами Йосыф кебек дөньяга танылган дини җырлар башкаручы булу теләге бармы Сездә?

– Сами Йосыфны чыннан да дөньякүләм җырчы дип әйтергә була. Ул гарәп телендә дә, башка телләрдә дә җырлый. Бәлки берәр мин дә төрле телләрдә җырлармын. Әлегә саф татар телендә җырлыйсым килә. Хәзер гарәп телен бераз өйрәндем. Бу телдә җырларга да теләгем бар. Чөнки ислам безгә гарәп теле белән килгән, безнең икенче телебез. Аны да өйрәнергә, белегә кирәк.

– Ислам динендә җыр юк, диючеләргә җавабыгыз нинди?

– Аны төрле белгечләр төрлечә аңлата. Кемдер ярый, кемдер ярамый ди. Тик шуны әйтәсем килә, кеше Коръәнне көйгә салмаса да, аны укыганда үзенең нинди тавыш мөмкинлекләреннән файдаланса, җырлаганда да шул ук мөмкинлекләрне кулланыла: тавыш, борын, ишетү сәләте һәм башкалар. Җыр – музыка белән бәйле һәм уен кораллары ярдәмендә башкарыла.

Ә уен кораллары хәлләме соң, дигән сорау туа. Бәлки, ярамый торган уен кораллары да бардыр. Монда бик озак һәм тирән өйрәнергә кирәк, бәхәсле мәсьәлә. Кем нинди фикерне ала инде. Нишләтәсең, без бит кешеләр, кайбер урыннарын аңлап та бетермибездер.

Мин ислам динендә җыр юк димәс идем, ул һәрвакыт булган. Пәйгамбәребез (с.г.в.) вакытында да кешеләр җырлаган. Минемчә, начар темаларга, яманлыкка өндәп җырлау – хәрәмгә керә. Иң мөһиме – без күңелебездә яхшы уйлар, макстлар йөртәбез. Шушы җырларым аша кешеләргә динне, исламны матур, яхшы яктан күрсәтергә телим.

Запись Вәли Фазлыйәхмәтов: “Мәхәббәт – хәләл әйбер, аның турында җырларга ярый, ләкин…” [әңгәмә] впервые появилась Tatar Today - татар яңалыклары..

Күптән түгел Самара өлкәсе, Камышлы авылында X Бөтенрәсәй авыл Сабантуе узды. Анда уеннар, ярышлардан тыш, җырлы-биюле зур тамаша күрсәтелде. Шушы бәйрәмдә инде менә ничәнче ел рәттән катнашучы җырчы Гөлназ ханым Гафурова белән әңгәмә кордык, Сабантуйлар турында фикер алыштык.

–       Гөлназ ханым, Бөтенрәсәй авыл Сабан туенда менә инде ничәнче ел рәттән катнашасыз, бу Сабантуй елдан-ел үзгәреш кичерәме?

–       Чыннан да мин бу Сабантуйда 2008 елдан бирле катнашып киләм. Дөресен әйткәндә, Сабантуйлар елдан-ел югары дәрәҗдә, бик матур уза. Артист булгач, гел эшләргә туры килә. Кайвакытта, эх, үзем дә ял итеп кенә йөрер идем, дип хыялланам.

View this post on Instagram

A post shared by Гульназ Гафурова🌹Гөлназ ханым (@gulnazgafur)

–       Дәрәҗәле кунаклар алдында чыгыш ясау тагын да җаваплылык өстиме?

–       Җаваплылык өсти инде ул, ләкин дәрәҗәле кунаклармы, гади халыкмы мин аермыйм, чөнки халкыма җырлыйм һәм милләтем өчен эшлим.

Мондый күләмле чараларга алдан ук көчле әзерлек бара: репетицияләр, кабат-кабат артистлар, режиссерлар белән күрешүләр. Шунысын әйтергә кирәк, быел мин монда үземне актриса буларак та сынап карадым, пролог өлешендә җырчылар, биючеләр белән күләмле спектакльда уйнадым. Соңыннан инде сәхнәдә дә чыгыш ясадык.

–       Узган ел бу Сабантуйдагы чыгышыгыз Президентыбыз инстаграмына эләккәч, нинди хисләр кичердегез? Президент белән күзгә-күз карашып, сөйләшергә 30 минут вакыт бирсәләр, аңа ниләр әйтер идегез?

–       Президентыбыз инстаграмына элеккәч, “шәхси фотографың бар икән”, дип шаярттылар. Артист буларак, без бары тик үз эшебезне генә эшлибез.

View this post on Instagram

A post shared by Гульназ Гафурова🌹Гөлназ ханым (@gulnazgafur)

Әйтер сүзләрем күп булыр иде. Мәсәлән, Сабантуйга килсәк, менә шундай зур матур бәйрәмне һәрбер авылда да үткәрсәләр иде, дияр идем, чөнки бүгенге көндә авыллар югала, бетә башлады, бөтен кеше шәһәргә китә. Авылга кайткан балалар, оныклар, шул Сабантуйда булса да җыелышып, күрешә торган, бер зур бәйрәм булсын иде. Күп ишеттем, кайбер авылларда Сабантуйлар бөтенләй үткәрелми. Мондый милли бәйрәмнәребезне саклап калу өчен алар зур шәһәрләрдә, районнарда гына түгел, авылларда да элеккеге кебек уздырылсын иде.

Элек бит инде атка атланып, балалар утыртып, бер атна алдан бүләкләр җыйганнар, кызлар батырларга аны үзләре әзерләгән, сөлгеләр чиккән. Быел Казанның без яши торган бистәсендә дә Сабантуйга бер атна кала бүләкләр җыйдыйлар. Мондый йолаларның кайбер җирләрдә саклануы күңелне бик сөендерә, чөнки әлеге йолалар безнең милли хәзинә. Аларны без киләсе буынга да күрсәтеп, тапшырырга тиешбез.

Запись Татарстан президенты Гөлназ Гафурованың шәхси фотога төшерүчесе? впервые появилась Tatar Today - татар яңалыклары..

Милли киемнәрдән чыгыш ясаучы җырчы Гөлназ Гафурова җырлары аша балалар тәрбияләүдә үз өлешен кертергә тели. Мәктәптә бер укучым, “Уникенче катка менәм, сикерәм, әйдә минем белән сикер, рәхәт булачак, дип җырлый. Миндә каз тәннәре чыкты”, дип сөйләде Азатлыкка җырчы Гөлназ Гафурова.

“Никах көне”, “Уйла мине” җырлары белән халык күңелен яулаган “Мәхәббәт” дуэтындагы Гөлназ Гафурова һәм Вәли Фазлыйәхмәтов яңадан сәхнәгә кайтып, милли стильдә чыгыш ясый башлады. Югалып торуларының сәбәбен, мондый юнәлештә чыгыш ясарга нәрсә этәргәнен ачыклар өчен, Гөлназ Гафурова белән әңгәмә кордык.​

– Гөлназ ханым, эстрададан югалып торуыгызның сәбәбе нидә?

– Югалып та тормаган кебек. Безнең турыда “югалдылар”, дип әйтәләр икән, димәк югалганбыз инде. Дөресен әйткәндә, мин декрет ялында булдым. Башта улым Мөхәммәтне, аннан кызым Җәннәтне таптым. Кечкенә чакларында бөтен мәхәббәтемне, җылымны, назымны бирү өчен, үземне аларга багышладым. Шуңа күрә дә Вәли белән без дуэт буларак эшләүне кичектереп тордык. Артистларга гел гастрольдә, концертларда йөрергә кирәк бит. Без аны мөһим әйбер итеп күрмәдек.​

Гөлназ Гафурова

– Милли стильдә иҗатыгызны яңартырга кем киңәш итте? Бу нәрсәгә бәйле?

– Киңәш итүче булмады. Дөресен әйткәндә, бу минем күптәнге хыялым. Аллага шөкер, чынга аша башлады. Мин кичкенәдән татар халык җырларын башкарып, конкурсларда катнаша идем.

Миңа 14-15 яшьләр булгандыр, “Син сазыңны уйнадың” җырына иң беренче клибым дөнья күрде. Шулай ук халык җырларын башкарып, мин Казанда укырга кердем. Әлегә кадәр исемдә, ул вакытта Шамил Закиров Камал театры мөдире иде (урыны җәннәттә булсын) мине Фәрит Бикчәнтәев труппасына укырга алгач, минем хакта: “Безнең булачак Мәйсәрә”, дип әйткән иде. Әмма тормыш үзенчә юл күрсәтте. Мин Камал театрында ул рольне уйнамадым. Чакырулар да булды, ләкин барып чыкмады. Шулай да “Зәңгәр шәл”дә Мәйсәрә ролендә мин “Казан” бию ансамбле мюзиклында менә инде 15 елга якын чыгыш ясыйм.

Ул вакытта ук мин үземне милли стильдәге җырчы итеп күрә идем. Җыр бәйгесендә җиңеп, 16-17 яшемдә “Барс Медиа”га эләктем. Яшь башым белән поп-музыка, эстрада юлына киттем. Анда “Уйлыйм көнен, уйлыйм төнен”, дип исемләгән беренче альбомым чыкты. Ләкин яшьләр стилендә эшләсәм дә, күңелемдә милли иҗат алып бару хыялы бар иде. Ул хыял белән параллель рәвештә барганмын дип әйтергә була, чөнки Казан Филармониясендә ничә еллар дәверендә эшләп, халык җырларын башкарам.

Хәзерге образым, җырларым минем бүгенге күңел халәтемне чагылдыра. Мин – ике бала анасы. Үзем дә үсәм, җырларым да. Мәсәлән, 15 ел элек булган җырлар, алар бөтенләй башка. Эчтәлеге дә өстен-өстен генә булган кебек, ләкин бүгенге көндә мин бүтән.​

Гөлназ Гафурова һәм Вәли Фазлыйәхмәтов

– Репертуарны элек ничек сайлый идегез, хәзер ничек сайлыйсыз?

– Элек репертуарны ул чорга бәйләп, “Барс Медиа” продюсеры белән сайлый идек. Чөнки җырдан хит ясап, күбрәк чыгышлар, халыкка чыгу максаты куелган иде. Бүгенге көндә аның артыннан чапмыйм. Мин үз иҗатыма үзем хуҗа һәм хыялымны чынга ашырыга тырышам. Барлык уйлаган, туплаган сандыкны, татар халкының затлы мирасын, сәхнәгә чыгарырга телим. Мин аңлыйм, бәлки бу бөтен кешегә дә кирәк тә түгелдер, әмма киләчәк буын өчен бу мөһим әйбер дип саныйм.

– Хәзерге татар эстрадасына, музыкада, җырларны башкаруда яңа юнәлешләргә мөнәсәбәтегез нинди?

– Мөнәсәбәтем яхшы. Һәрбер кешенең үзенең яраткан әйбере була бит. Кемдер кызыл төсне, кемдер зәңгәрне, чәчәкләрнең, ризыкның төрлесен ярата, музыкага килгәндә дә шулай. Һәрбер артистның үз тамашачысы бар. Моңа мин тыныч карыйм. Үзем дә төрле музыканы тыңларга яратам, ләкин ул иң беренче чиратта, мәгънәле булсын, яхшылыкка өндәсен дим.

Мәктәптә музыка укытучысы булып эшләгәч, кайбер балалар үз теләген белдереп, “Менә мондыйрак җыр җырлыйсы килә”, дип әйтә. Әйдә, күрсәт, тыңлыйм, дип әйтәм. Шулай бервакыт бер бала менә мондый эчтәлекле җыр җырлый башламасынмы: “Уникенче катка менәм, сикерәм, әйдә минем белән сикер, рәхәт булачак”, ди. Миндә каз тәннәре чыкты. Мондый җырларны яшьләр тыңлый икән, безнең киләчәк юк, дип уйлыйм. Бу бик куркыта.

Бүгенге көндә музыка һәм җырлар тәрбиягә үз өлешен кертә. Минем балаларымның начарлыкка өнди торган җырларны тыңлавын теләмәс идем. Алар аны аңлы рәвештә кабул итмиләр, әмма ул башка сеңеп кала, шуңа күрә дә яшүсмерләр уйламыйча, начар адымнар ясыйлар.

Киләчәктә минем уйландыргыч, тәрбия бирә торган җырлар яздырасым килә. Тормышны дөрес күрү, киңәш итү юнәлешендә. Бу минем уемда бар, әмма әлегә сер булып калсын.​

– Фольклор дуэт, миллилек татар сәхнәсендә җитәрлекме?

– Безнең татар эстрадасында акыллы, матур җырлар яңгырый. Артистлар үзләрен сәхнәдә тыйнак тоталар. Мисалга чит ил телевидениесен китерсәк, аны бит карарлык түгел. Балаларга бик тәэсир итә торган клиплар күрсәтәләр. Без булмасак, әхлакый тәрбия бирүгә өлешебезне кертмәсәк, кем эшләр дибез.

Миллилек җитәрлек дип төгәл әйтеп булмый. Кеше бит шундый, безгә һәрвакыт җитми кебек, күбрәк кирәк. Күбрәк булган саен, тагын да әйбәтрәк. Безнең эстрада да фольклор ансамбльләр бар. Алар татар халкыбызның йөзе, бик дәрәҗәле, сыйфатлы эшлиләр. Мин моңа бик шатмын. Шунысы аяныч, элекке татар музыкаль уен коралларыбыз югалды, кубыз, думбра да юк, башкортларда курай бар, афәрин аларга. Хәзер бездә баян гына.

View this post on Instagram

A post shared by Гульназ Гафурова🌹Гөлназ ханым (@gulnazgafur)

– Халык бу стильдә эшләвегезне ничек кабул итә?

– Халык бик яхшы кабул итә. Татар халкына бүгенге көндә дә хас булган тыйнаклык бездә дә бар. Күбесе, “Эх, мин дә шулай киенеп йөрер идем, ләкин кайда йөрергә?”, дип әйтә. Сәхнә кешесе булгач, мондый образларым белән сәхнәдә миңа уңайлы, әмма халыкның да шулай йөрисе килә. Бәлки, театрларга, мөселман киносы фестивальләренә киенеп барырга буладыр. Мин инде аларга: “Мәҗлесләр, никахлар, туган көннәрдә шулай киенегез. Ул үзегездән тора”, дип җавап кайтарам.

Мәгълүмат Азатлык Радиосы сайтыннан

Запись Гөлназ Гафурова: “Уникенче катка менәм, сикерәм, әйдә минем белән”дип, җырлады бер бала” впервые появилась Tatar Today - татар яңалыклары..

Җырчы Гөлназ ханым Гафурова иҗаттан тыш, музыка мәктәбендә балаларга вокал дәресләре укыта, аларны чыгышларга, төрле конкурсларга әзерли. Бу юнәлештә эше белән тирәнерәк кызыксынып, җырчының үзе белән аралаштык. 

– Гөлназ ханым, үзегез генә җырлап калмыйча, балаларга да музыка дәресләре бирәсез икән?

– Әйе. Мин музыка мәктәбендә 10 елдан артык укытам. Вокал бүлегендә җыр дәресләре бирәм. Монда балалар җырларга гына түгел, үзләрен сәхнәдә тотарга, дөрес сулыш алырга өйрәнә, диафрагма өстендә эшли. Алар белән җырлар сайлап, репертуар туплыйбыз, бәйрәмнәрдә чыгышлар ясыйбыз, бәйгеләрдә катнашабыз. Алар минем барысы да халыкара конкурслар лауреатлары.

– Күптән түгел алар белән съемкаларда да катнашасыз бугай?

– Дөрес, “Шаян ТВ” каналы гимнын яздыру буенча музыкаль проект җитәкчесе Радик Сәлимов балалар хоры табуымны сорап, мөрәҗәгать итте. Монда “Туган тел” җырын кыска вакыт эчендә өйрәнеп, башкарырга кирәк иде. Күп кенә музыка мәктәпләре баш тарарттылар. Без, минем группадагы балалар белән, бу җырны 2-3 көн эчендә өйрәнеп, каналның съемкаларында катнаштык. Видеооператор Артур Баязитов белән клип төшердек.

Шунысын әйтергә кирәк, балаларның яртысы урыслар, татар телен бөтенләй белмиләр. Күбесенең татар телендә җырлаганнары да юк иде. Ләкин мине уңайсыз хәлдә калдырмас өчен, сүземне тыңладылар, бик тиз өйрәнделәр.

View this post on Instagram

A post shared by Гульназ Гафурова🌹Гөлназ ханым (@gulnazgafur)

– Әти-әниләр балаларын татарча җырлатуга каршы түгелме?

– Дөресен әйткәндә, мин укыткан музыка мәктәбе – урыс мәктәбе булып санала, әмма монда татар балалары да бар, алар татарча җырлый. Безнең монда хәтта татарча концертлар да уза, татарча конкурслар оештыралар.

Съемкаларда катнашкан сабыйларның да ата-аналары балаларына татарча җыр өйрәтүгә бик теләп риза булдылар, хәтта аларга өйдә кабатлатып, тизрәк өйрәтергә булыштылар, аларның хезмәте бик зур.

Мәктәптә эшләгәндә мин күп кенә ата-аналарның, киресенчә, балаларын татарча җырлатырга теләүләрен күрәм. Хәтта аптырап та китәм, бу мине бик сөендерә. Мәсәлән, татар балаларына татарча җырлар бирәсең дә, ә урысларга урысча бирергә тырышасың. Бу балаларның да әниләре: “Безгә татарча да бирегез, без өйрәнәбез”, дип мөрәҗәгать итәләр. Урыс балаларын да татарча җырлатам, Аллага шөкер.

Запись Ничек балаңны телевизорда җырлатырга? Җырчы Гөлназ Гафурова аша мөмкинлек ачыла [эксклюзив] впервые появилась Tatar Today - татар яңалыклары..

Күптән түгел Гөлназ ханым Гафурованың “Абау, йә Алла” җырына төшерелгән клибы дөнья күрде. Әлеге клипта Гөлназ ханым атта йөреп, музыка уен коралларында уйнап, урман, сулар, табигатьнең матурлыгын күрсәтә. Бу клипны төшерүдә нинди кыенлыклар туган? Гөлназ ханым атта йөрергә курыкканмы? Әлеге һәм башка сорауларны җырчының үзенә бирдек. 

“Клибымны Кама Тамагындагы Кама диңгезендә төшердек. Анда бит “Зөләйха күзләрен ача” киносын да төшерәләр. Менә шунда съемкага матур җирләр эзләгәндә, бер хәлгә юлыктык: килдек тә, безне кирәк ярга кертмиләр, сакчылар тора, декорацияләр төзиләр. Шулай да, төзелешне клипка кертмәү шарты белән, машинаны  калдырып, җәяү керергә рөхсәт иттеләр.

Атка килгәндә, атта йөрү тәҗрибәм бар иде. 2005 еллар булды микән, режессер Нурания Җамали төшергән “Алтын балык” дип исемләнгән кинода төп рольдә уйнадым. Миңа ул вакытта 15 яшьләр булгандыр. Яңа елга багышланган фильм иде ул, бәлки хәтерләүчеләр бардыр. Сюжет буенча, Җир кызына әйләнгән, Кар кызы идем. Бер өлештә урманда йөреп, атта кайтырга кирәк иде. Иң беренче атка утыруым шунда булды.

Ә икенче тапкыр Әстерханда узган Федераль Сабантуйда чыгыш ясаганда, атка утырдым. Анда мине, 2 көн кала, ул вакытта Казанның Филармония директоры, режиссер-сценарист, Әстерхандагы Сабантуйны оештырган Халисә Халимовна чакырды. Атта йөрермен дип күз алдыма да китермәгән идем. Сөембикә образында зур стадионны атта узып, шигырь белән бәйрәмне ачып җибәрдем.

Менә шулай, минем белән кинәт кенә килеп чыга торган хәлләр, атлар белән бәйле. Аллага шөкер, бик тыныч атлар булып чыкты. Клипны төшергәндә дә бик акыллы ат эләкте. Мин аның белән башта дуслашырга тырыштым. Курку да бар иде, әмма аны җиңә алмаган булсам, кирәкчә төшерә алмас идек. Алла тапшырып, ерып чыктык.

View this post on Instagram

A post shared by Гульназ Гафурова🌹Гөлназ ханым (@gulnazgafur)

Ул вакытта балаларны, тыныч күңел белән, өйдә Вәлигә калдырдым. Клипны төшергәндә ярдәмгә сеңлем Гөлнарны алдым. Сеңлем миңа һәрвакытта да бик булыша. Барлык йомышларымны, теләкләремне үти.

Сценарийны үзем уйладым. “Tigr production ” клипмейкеры Илнур Абдуллин белән төшердек. Илнур белән эшләве бик җиңел, рәхәт. Мин уйлаган, аңлаткан бөтен уй-фикерләрне туплап эшли. Иҗади кеше буларак, үзенең дә киңәшләрен бирә. Шуңа да менә инде икенче клибымны  төшерергә аны сайладым.

View this post on Instagram

A post shared by Гульназ Гафурова🌹Гөлназ ханым (@gulnazgafur)

Запись Гөлназ ханым Гафурова: “Курку бар иде, әмма аны җиңә алмаган булсам…” впервые появилась Tatar Today - татар яңалыклары..

Тормышымны яңадан башлау мөмкинлеге бирелсә, ул очракта мин Вәлине генә эзләр идем. Аның кебек зирәк, миһербанлы, сабыр, акыллы кеше юк сыман. Вәли белән «Мәхәббәт» дуэтыбызны яңартырга теләгебез бар, парлап башкарган җырга клип та төшерәсебез килә, ләкин вакыт җиткерә алмыйбыз. Иң беренче чиратта без әти-әни, шуңа күрә вакытында балаларыбызга яхшы белем, нигезле тәрбия бирергә бурычлы булуыбызны аңлыйбыз. Мин үскәндә барлык дәрестән тыш түгәрәкләр үзем укыган Түбән Кама шәһәренең 2 номерлы гимназия базасында булганлыктан, уңайлы иде. Улыбыз Мөхәммәтнең дә тавышы бар, матур җырлый, ләкин хәзер, яшь үзенчәлеге белән бәйле булгангамы, ояла башлады.

Ул эзләнә, бер генә кызыксынуына да каршы килмибез: бассейнга, акробатикага язылдык, хоккей, футбол белән шөгыльләнә, музыка мәктәбендә фортепиано сыйныфында укый. Төрле бәйгеләрдә катнашып, лауреат исеменә лаек булды. Ул секцияләр төрлесе төрле урында урнашкан булганга, барысына өлгерергә тырышабыз.

Улыбыз Мөхәммәткә 9 яшь, кызчыгыбыз Җәннәткә 4 яшь тула. Казаннан ерак булмаган урында шәхси йортыбыз белән яшибез. Әти-әниебез дә Түбән Камадан бирегә күченеп килде, сеңлем Гөлнар да гаиләсе белән янәшәдә яши, йортлары тәрәзәбездән күренеп тора. Бер-беребезгә ярдәмләшеп гомер итәбез, ялларыбызны һәрчак бергә
үткәрергә тырышабыз. Шундый терәк булуын тою бик рәхәт ул.

Фото авторы Рәмис Нәҗмиев, язма "Сәхнә" журналыннан алынды

Запись Гөлназ Гафурова тормышын яңадан башласа, Вәлине сайлар идеме? впервые появилась Tatar Today - татар яңалыклары..