Кечкенә Диана температурасы күтәрелү нәтиҗәсендә, клиник үлем кичерә

Лэйсирэ — Fri, 30 Nov 2018 06:20:39 +0000

Татарстан мөселманнары Диния нәзарәтенең «Зәкят» хәйрия фонды авыру балаларга ярдәм йөзеннән оештырылган «Без синең белән!» хәйрия акциясен дәвам иттерә. Узган атнада әлеге акция кысаларында унөч яшьлек Карина Фәрзиеваны дәвалауга акча җыю игълан ителгән иде. Сабыйда – ДЦП. Бер курсның бәясе – 50 мең 100 сум. Мәрхәмәтле кешеләр ярдәме белән әлеге сумма тулысынча җыелып бетте һәм Карина тернәкләнү узачак медицина үзәгенә күчерелде.

Бүген исә шул ук акция кысаларында бишь яшьлек Диана Хамраевага медикаментлар алу өчен акча җыю игълан ителә, дип хәбәр итә dumrt. 2 яшьлек вакытта, температурасы күтәрелү нәтиҗәсендә, Диана сулый алмый башлый һәм клиник үлем кичерә. Шуннан бирле сабый хәрәкәтләнми дә, сөйләшми дә.

Әнисе Сиринә ханым кызын ялгызы үстерә. Диана даими кайгыртуга, тернәкләнүгә мохтаҗ. Дәвалану, дарулар шактый кыйммәт булу сәбәпле, сабый өчен медикаментлар алуга 59 000 мең сум күләмендә акча җыю игълан ителә.

Хөрмәтле дин кардәшләребез! Әгәр сезнең игелек кыласыгыз һәм Дианага ярдәм кулы сузасыгыз килсә, САДАКА сүзен язып, 7715 номерына SMS җибәрегез! Акчаны шулай ук 639002629014626229 номерлы Сбербанк картасына күчерергә мөмкин. (Әлмәтов И.М. картасы). Өстәмә мәгълүматны 225-33-22 номеры буенча шалтыратып белергә була.

Запись Кечкенә Диана температурасы күтәрелү нәтиҗәсендә, клиник үлем кичерә впервые появилась Tatar Today - татар яңалыклары..

Архивы Диана Хамраева - Tatar Today - татар яңалыклары.

Кечкенә Диана температурасы күтәрелү нәтиҗәсендә, клиник үлем кичерә