Җырчы Илсөя Бәдретдинова гастрольләрдә автобуста булган кызыклы хәлләрне видеога төшереп, Инстаграмга элгән. «Мишәрләр рулит» дип, ул автобус эчендәге артистларны барлый. Азат янындагы Гөлсиринне дә шушы санга кертмәкче була. Моңа җавап итеп Гөлсирин: «Почти мишәр», дип төзәтә. Ә Илсөя Бәдретдинова “яңа пешеп чыккан” киленгә: «Күрәселәрең алда әле…» – дип шаярта.

 

Посмотреть эту публикацию в Instagram

 

Илсөя Бадретдинова Гөлсирин Абдуллинага: “Күрәселәрең алда әле…” Моның сәбәбе нидә??? Җавап видеода⏩ p.s. #ДуслыкКупере гастрольләреннән сәлам!???

Публикация от Вагаповский фестиваль (@vagapovfest) 17 Апр 2019 в 4:17 PDT

Исегезгә төшерәбез, “Дуслык күпере”нең чираттагы концертлары:

18 АПРЕЛЬ – САМАРА, ДК Кирова

19 АПРЕЛЬ – ОРЕНБУРГ, Филармония

20 АПРЕЛЬ – СТӘРЛЕТАМАК, ГДК

21 АПРЕЛЬ – ЧИЛӘБЕ, Театр ЧТЗ

22 АПРЕЛЬ -МАГНИТОГОРСК , ДК Орджоникидзе

23 АПРЕЛЬ – ЕКАТЕРИНБУРГ , КЗ им. Лаврова

24 АПРЕЛЬ – ТӨМӘН, ДК “Железнодорожник”

25 АПРЕЛЬ – НИЖНЕВАРТОВСК, Дворец искусств

26 АПРЕЛЬ – СУРГУТ, Филармония

28 АПРЕЛЬ – ПЕРМЬ, Большой зал филармонии

30 АПРЕЛЬ – ЯР ЧАЛЛЫ, КЗ им. С.Садыковой

29 АПРЕЛЬ – УФА, ГКЗ «Башкортостан» узачак.

Запись Илсөя Бадретдинова Гөлсирингә: «Күрәселәрең алда әле…» впервые появилась Tatar Today - татар яңалыклары..

“Дуслык күпере”н төзергә алынучылар – татар-башкорт сәхнәсенең танылган артистлары, ике республиканың дәүләт ансамбльләре, этно-рок төркеме иде. Казан концертында Гүзәл Уразова, Айдар Галимов, Илсөя Бәдретдинова, Әнвәр Нургалиев, Elvin Grey һәм башка популяр җырчылар белән берлектә Рәшит Ваһапов фестивале яшьләре – Гөлсирин Абдуллина, Азат Абитов, Рәнис Габбазов та катнашты.

Тамашаның рәсми башлау өлешендә Татарстан президенты Рөстәм Миңнеханов исеменнән котлау сүзләре әйтеп Дәүләт шурасы рәисе урынбасары Римма Ратникова бу ике миллләтне танылган шәхесләр берләштерүен әйтте.

“Бу халыклар дуслыгы – зур тарих. Тел, мәдәният һәм рухны бөек шәхесләр берләштерә. Алар арасында музыка эстрадасы артистлары да бар. Болар барысы да безнең дустанә мөнәсәбәтләрне үстерүгә һәм ныгытуга зур көч куя”, дип сөйләде Римма Ратникова.

Башкортстан республикасы башлыгы вазифаларын вакытлыча башкаручы Радий Хәбировның котлавын республиканың Корылтаеның мәдәният комитеты рәисе Раил Әсәдуллин җиткерде.

“Без – бер зур кошның ике канаты. Татар телендә сөйләшкәндә без татарлар, башкортларга җавап биргәндә – без башкортлар. Дуслык күпере ныгысын”, диде ул.

Русия думасы депутаты, Милләтләр эшләре комитеты рәисе Илдар Гыйлметдинов сәхнәдән чыгыш ясап, депутатларның бу фестивальгә киләчәктә дә ярдәм итәргә әзер булуларын әйтте.

“Без башкортлар белән дуслар гына түгел, туганнар. Без бергә булырга тиеш. Безнең бер-беребездән көнләшерлек һәм бер-беребез белән бүлешерлек бер әйберебез дә юк. Без башка барлык халыкларга үрнәк булып, кулга-кул тотынышып эшләргә һәм яшәргә тиеш”, диде Илдар әфәнде.

“Дуслык күпере”н оештыручы, Рәшит Ваһапов фонды рәисе Рифат Фәттахов сәламләү сүзендә “Башкортстан белән Татарстанның багланышлары ныгу конкрет эшләрдән тора, әлеге фестиваль төгәл чараларның берсе” дип белдерде. Аның сүзләренчә, “Дуслык күпере”нең Казан сәхнәсендә 237 артист катнашты, шуның 103е – Башкортстаннан килүчеләр.

Әлеге чараның концерт өлешен башлап җибәргән, яңа гына Татарстанның халык артисты исемен алган җырчы Гүзәл Уразова Татарстан һәм Башкортстан аның өчен бербөтен булуын сөйләде. Кайбер җырларының башкортча матуррак та яңгыравын ассызыклады.

“Башкорт теле ул инглизчәгә тарткан кебек, миңа бик ошый. Безнең татар телендә нинди хит җырлар чыга, без аларны башкортча да җырлыйбыз. Телне укытучыларыбыз белән махсус өйрәнәбез”, диде артист.

Татар-башкорт дуслыгы тагын да ныгысын өчен Гүзәл Уразова татар җырчыларына Башкортстан композиторларының җырларын алып җырларга, халыкка танытырга, ә Башкортстан җырчыларына, киресенчә, Татарстан авторларыныкын башкарырга тәкъдим итте.

Башкортстанда яшәп Татарстанда өченче ел рәттән концертлар куючы популяр җырчы Әнвәр Нургалиев үзен татар дип саный. Ике республика арасындагы мөнәсәбәтләрнең яхшыртуга кулыннан килгәнчә өлеш кертәчәген җиткерде ул.

“Татар-башкорт милләтләрнең мәдәниятләре бик якын, алар урыслар белән украиннарга караганда да якынрак. Беренче тапкыр Татарстанга концертлар белән килгәндә сәхнәдәш дусларым: “Анда тамашачы таләпчән, кешене селкетергә бик авыр”, дип куркытты. Әмма сәхнәгә чыкач, мин икенче мөнәсәбәт тойдым. Монда мине колач җәеп, бик матур кабул иттеләр һәм үземә шундый яңалык ачтым: минем өчен административ чикләр юк. Татар-башкорт яшәгән җирләр – үзенә бер ил, сәнгать иле, чөнки безнең мәдәниятебез бер-берсенә якын. Дуслык булган җирдә генә яшәүнең мәгънәсе бар, аерым яшәүнең мәгънәсе юк”, дип белдерде Әнвәр Нургалиев.

Төрле татар җыры фестивальләре лауреаты, Татарстан җырчысы Алинә Шәрипҗанова татар-башкорт милләтенең уртак җырларын искә алды.

“Гөлҗамал”, “Зөлхиҗә”, “Элмәлек” дисеңме, үзебезнең тамырларны, җырларны сакларга, тамашачыга күрсәтергә тырышабыз. Шуңа да мондый проектлар бик мөһим, чөнки бу татулык, тынычлык дигән сүз. Бүгенге заманда күбесе “сугыш” мохитендә яшиләр. Дөньяда дуслык кирәк. Шуңа күрә “Дуслык күпере” дәүләт дәрәҗәсендә кирәкле проект”, дип уртаклашты җырчы.

Илсөя Бәдретдинова да бу ике милләтне бөтенләй аерып карый алмыйм ди. Ике арадагы дуслык хакына үзенең бер җырын татар-башкорт җыры дип башкарган.

“Без ничә еллар рәттән чеп-чи башкорт районнарына кереп, концерт куеп йөрибез. Анда гел башкортлар утыра. Башкортлар үзләренең бәйрәмнәренә мине махсус кунак итеп чакыралар. Миңа, мәсәлән, анда бер генә дә авыр кагылган кеше юк. Бер генә тапкыр минем тарихта шундый шелтә белдерделәр: нишләп сез башкорт халык җырын татар халык җыры дип җырлап йөрисез диделәр. Мин алган мәгълүматларда ул татар халык җыры дип язылган иде. Әйдәгез алай булгач, татар-башкорт җыры дип куябыз дидем”, дип уртаклашты бу фестивальдә икенче ел рәттән катнашучы җырчы.

Төркемендә эшләгән төрле милләт кешеләрен Илсөя Бәдретдинова татарча сөйләшергә өйрәтә. “Сез татар милләтенә эшлисез, Татарстан җирлегендә яшисез, сез монда белем аласыз, шушындагы халыкка концерт куеп акча эшләп йөрисез, сез безнең телне белергә тиеш”, ди ул аларга. Кешеләргә шулай дип өйрәткән вакытта, үзенең дә башкорт телен белергә тиешлеген әйтте.

Нәфкать Нигъмәтуллин үзен татар дип атаса да, туган ягы Башкортстанда тамашачыларының күбрәк булуын искәртте. Ике милләтне дә якын итә.

Кем генә Башкортстаннан Татарстанга килмәсен – күпкә моңлырак, үзенчәлеклерәк
“Алар икесе дә кадерле, газиз. Минем аларны аерасым да, бүләсем дә килми. Мондый зур фестивальләр безнең милләтне тагы да якынайта, хәзерге буынны киләчәк белән бәйләүче чара булып тора. Туфрагы, сулары тәэсир итәме, кем генә Башкортстаннан Татарстанга килмәсен – күпкә моңлырак, үзенчәлеклерәк. Шуңа күрә дә алар Татарстан халкының күңеленә хуш килә”, диде Азатлыкка Нәфкать әфәнде.

Башкортстанның атказанган артисты Elvin Grey (Радик Юльякшин) кечкенә чагында татарлар һәм башкортлар бер-берсен яратып бетерми дигән сүзләрне ишеткәләгән булса да, үзе Татарстанга килеп, концертлар куя башлагач, татарларның һәм башкортларның бергә икәнен аңлаган.

Кечкенәдән татар һәм башкорт җырлары белән үстем, бу фестивальне бик көттем
“Кечкенәдән татар һәм башкорт җырлары белән үстем, мондый фестивальне бик көттем. Бу концерт ике милләтне берләштерә дип уйлыйм. Мин бик шат. Чөнки татар артистлары да Башкортстанда җырлаячак. Бу минем хыялым иде”, диде популяр җырчы.

Шулай ук кечкенәдән ике милләтнең дә сәнгатен тыңлап үскәнгән Ваһапов фестивале лауреты, Башкортстанда туып үскән Илһам Вәлиев та башкорт һәм татар телләрендә сөйләшүнең, җырлауның аңа кыенлык тудырмавын белдерде.

“Яшьләр дә хәзер башкортча сөйләшә. Бу модага керде дип әйтсәм дә була.

Башкортстанда бик күп оешмалар бар, Татарстанда да бардыр инде ул, башкортча дискотекалар, клублар оештыралар. Бу бик сөенечле хәл. Тел мәсьәләсе Татарстанда да, Башкортстанда да бар. Инде аның өчен без прокурорны да тиргәдек, мәктәпләрне дә ябып бетерделәр. Минем шунда гына өметем бар – без бәләкәйдән балаларыбызны үзебезчә татарчамы, башкортчамы сөйләшеп үстерәбез икән, монда бернинди прокурор да, канун да безнең телебезне бетерә алмый. Бу үзебезнең проблема. Үзебез телне саклап калырга телибез икән, балаларыбызны туган телдә тәрбиялик”, диде җырчы Илһам Вәлиев.

Чыгышы белән Башкортстаннан, әмма 30 елдан артык Эстониядә яшәгән, үзен башкорт дип атаучы Фирүзә Хәйруллина да татар һәм башкортларны тигез күрә. Үзе Эстониядә башкорт-татар мәдәни оешмаларында эшләп, татар әсәрләрен сәхнәләштерә. “Мин Эстониядә куйган спектакльләргә башкортларны да, татарларны да җыям, аларны бүлмим. Без бит анда күп түгел, шуңа күрә, татарчамы, башкортчамы яхшы сөйләшә, сәхнәдә үзен тоя белгәннәрне алам”, ди Фирүзә Хәйруллина.

Хәзерге вакытта Татарстан җырчылары белән дуслыкны җайлаучы “Аргамак” төркеме җитәкчесе Ринат Рамазанов башкорт җырларын бөтен дөньяга таныту теләге белән йөрүләрен сөйләп китте. Алар төрле илләрдә: Лондон, Париж, Мексика, Кытай, Истанбул, Астанада чыгышлар ясаган. Күптән түгел Согуд Гарәбстанында узган фестивальдә гран-при яулаганнар. “Аргамак” төркеме, телгә яшьтән мәхәббәт уяту максаты белән даими рәвештә мәктәпләргә, балалар бакчаларына йөри икән.

“Бу безнең төп юнәлеш. Без елына бер 70 мәктәптә булабыз, балаларга тарихыбызны сөйлибез, аларны уен кораллары белән таныштырабыз. Безгә карап, алар кызыксына башлый. Шулай итеп, җайлап-җайлап, яшь буынны тәрбияләп үстереп киләбез”, диде Ринат Рамазанов.

Җырчы Зөһрә Сәхәбиеваны башкачарак мәсьәлә борчый – ул халыкның артистларга карата таләпчән булмавын искәртә.

“Халык таләпчән булганда гына сәнгатькәрләр үсә ала. Хәзер җиңеллеккә таба китте. Халык та шуңа күнегә бара. Артисттан күп нәрсә юк дип әйтәләр. Бу артистның дәрәҗәсен төшерә торган нәрсә. Артистның кыйммәте беткән дигән сүз. Алар сәхнәгә чыккан һәр кешегә артист ди. Безгә артисттан да бигрәк таләпчән халык җитми. Зәвыклы таләп куючы, сәнгать югарылыгын таләп итүче халык югалмасын иде. Гөл тамырдан үскән кебек, композиторлар, җырчылар һәм шагыйрьләрнең сәнгате үсәргә тиеш. “Дуслык күпере” моңа этәргеч ясарга тиеш. Буыннар белән буыннар аралашу – бик файдалы нәрсә”, дип уртаклашты Татарстанның халык артисты.

Әлеге фестивальнең сценарий авторы Гөлназ Сәфәрова тамашаны Башкортстанның халык артисты Фирдәт Хәлим белән алып барды һәм концертны башкортча сәламләп башлавын күрше республика халкына хөрмәт йөзеннән эшләвен, башкорт телен махсус өйрәнүен сөйләде.

“Беренчедән, без халыкны берләштерәбез. Халык килә, үзе барысын да күрә. Шулай ук республиканың җитәкчеләре, югары урыннарда эшләүчеләр чыгыш ясый, үзләренең сүзләрен әйтә. Бу уртак бер сәясәт дип уйлыйм. Ә безнең халыклар чынлап та бергә булырга тиеш. Бар, әлбәттә, арабызны ике араны бутарга теләүчеләр, ләкин бутатмаска кирәк. Без – бер халык, без зур бер милләт булып, татарлар һәм башкортлар бергә булырга тиешбез”, диде Азатлыкка Гөлназ Сәфәрова.

“Дуслык күпере” 13 апрель старт алып, 29 апрель Уфада төгәлләнәчәк. Концерт Пенза, Төмән, Сургут, Чаллы кебек зур шәһәрләрдә узачак. Оештыручылар, татар-башкорт артистлары, проект партнерлары аның дәвамлы булуын тели.

Запись “Дуслык күпере”: татар һәм башкорт җырчылары арасында дуслык бармы? [фото-видео] впервые появилась Tatar Today - татар яңалыклары..

13 апрельдә II нче бөтенрусия “Дуслык күпере” татар-башкорт җыр фестивале старт алды. Беренче концерт Казанның “Пирамида” тамаша залында узды.

“Дуслык күпере”н “төзергә” алынучылар – татар-башкорт сәхнәсенең танылган җырчы-артистлары, дәүләт ансамбльләре. Концертта Гүзәл Уразова, Айдар Галимов, Илсөя Бәдретдинова, Әнвәр Нургалиев, Элвин Грей һәм башка популяр җырчылар белән берлектә, Ваһапов фестивале яшьләре Гөлсирин Абдуллина, Азат Абитов, Ранис Габбасов катнашты.

Кичәгә шагыйрьләр, җәмәгать эшлеклеләре, композиторлар да чакырылган иде. Тамашачылар рәтендә Роберт Миңнуллинны, Индус Таһировны һәм башка татарның билгеле шәхесләре тамаша кылды.
“Дуслык күпере” 13 апрельдә старт алып, 29 апрельдә Уфада йомгакланыр дип көтелә. Тамашалар Пенза, Төмән, Сургут, Чаллы кебек шәһәрләрдә үтәчәк. Халык артистлары, татар шәхесләре, фестивальне оештыручылар проектның дәвамлы булуын теләүләрен әйтте.

Рәшит Ваһапов фонды фотолары

Запись Гүзәл, Элвин, Әнвәр, Азат&Гөлсирин…200дән артык артист “Дуслык күпере”ндә [ШӘП ФОТОЛАР] впервые появилась Tatar Today - татар яңалыклары..

View this post on Instagram

A post shared by Дуслык Купере (@duslik_kupere)

Концертта катнашучыларны һәм тамашачыларны республиканың лидерлары котлады.

– Бу ике халык дуслыгы – зур тарих. Тел, мәдәният һәм рухны бөек шәхесләр берләштерә. Алар арасында музыка эстрадасы артистлары да бар. Болар барысы да безнең дустанә мөнәсәбәтләрне үстерүгә һәм ныгытуга зур көч куя, – дип Рөстәм Миңнеханов исеменнән Татарстан Дәүләт Советы депутаты Римма Ратникова котлау укыды.

– Без – бер зур кошның ике канаты. Татар телендә сөйләшкәндә без татарлар, башкортларга җавап биргәндә – без башкортлар. Дуслык күпере ныгысын, – дип, Башкортстан Республикасы Башлыгы вазыйфаларын вакытлыча башкаручы Радий Хәбировтан котлау сүзләре тапшырдылар.

Бу фестивальдә 239 артист катнаша. Алар арасында Айдар Галимов, Әнвәр Нургалиев, Гүзәл Уразова, Elvin Grey, Илсөя Бәдретдинова, Рәнис Габбазов,  Гөлсирин Абдуллина, Азат Абитов, Зөһрә Сәхәбиева, Ильмира Нагыймова, Руслан Кираметдинов, Алинә Шәрипҗановалар бар.

View this post on Instagram

A post shared by Вагаповский фестиваль (@vagapovfest)

Әлеге гаять зур музыкаль тамаша Россиянең 16 шәһәрендә, татарлар һәм башкортларның күпләп яши торган урыннарында узачак. Фестиваль 29 апрельдә Уфада тәмамланачак.

Tatar today порталы фестивальнең мәгълүмати партнеры буларак, әлеге чарада катнаша

Запись Айдар Галимов, Гүзәл Уразова, Әнвәр Нургалиев, Elvin Grey катнашында “Дуслык күпере” Казаннан старт алды впервые появилась Tatar Today - татар яңалыклары..

Шушы көннәрдә Интернетта Илсөя Бәдретдинованың “Атказанмаган” исемле яңа җыры дөнья күрде. “Дан казанган Илсөя атказанмаган булып йөри! Вакыт бит инде! Килешәсезме?” дип язды ул Инстаграмында. Төрттерүле җырда: “Өй түрендәге сервантым премия белән тулган. Башкалар күптән мидәлле. Ник мин атказанмаган?!” дигән сүзләр дә бар.

 

Посмотреть эту публикацию в Instagram

 

Менә әйме…ваще акыллы сүзләр язмыйча гына ,бер яңа җыр тәкъдим итәм сезгә! Ренат Галиаскар сүзләре @renat_gali_askar Ильназ Гарипов көе @ilnaz_garipov “Атказанмаган” Бөтен уйлаганыгызны языгыз…

Публикация от Ильсия Бадретдинова (@ilsiiabadretdinova_) 8 Апр 2019 в 11:03 PDT

Моңа җавап итеп, күптән түгел Гүзәл Уразованың “Татарстанның халык артисты” исеменә лаек булуын беренчеләрдән булып хәбәр иткән Рәшит Ваһапов фонды рәисе Рифат Фәттахов шундый фикер белән чыккан:

“Илсөя Бәдретдинова “Татарстанның атказанган артисты” исеменә лаекмы? Әлбәттә! Үзенең репертуары , үз җыры, ярылып яткан индивидуаль башкару осталыгы, үз тамашачасы булган, 16 ел иҗаты булган җырчы, һичшиксез, рәсми танылуга да лаек. Әгәр дә кирәк икән без, безнең фонд бу эштә рәсми катнашырга әзер“, дип яза ул.

Илсөя Бәдретдинова белән Рәшит Ваһапов фонды – иҗади хезмәттәшлектә. Әйтик, Илсөя Бәдретдинова 13 апрельдә Казанның “Пирамида” залында башланып китәсе “Дуслык күпере” концертларында да катнашачак.

 

Посмотреть эту публикацию в Instagram

 

Илсөя Бәдретдинова @ilsiiabadretdinova_ “Татарстанның атказанган артисты”исеменә лаекмы? Әлбәттә! Үзенең репертуары ,үз җыры, ярылып яткан индивидуаль башкару осталыгы, үз тамашачасы булган, 16 ел иҗаты булган җырчы, һичшиксез,рәсми танылуга да лаек. Әгәр дә кирәк икән без,безнең фонд бу эштә рәсми катнашырга әзер.Илсөя Бәдретдинова белән без – иҗади хезмәттәшлектә. Әйтик, 13 апрельдә Казанның “Пирамида”залында башланып китәсе “Дуслык күпере” @duslik_kupere концертларында да Илсөя-иң көтеп алынган җырчыларыбыздан. Уңышлар сиңа, Илсөя! Барысы да әйбәт булыр! #илсоябадретдинова #рифатфаттахов #дуслыккупере #вагаповфест @r_fattakhov_ @vagapovfest

Публикация от Рифат Фаттахов (@r_fattakhov_) 9 Апр 2019 в 11:47 PDT

13 апрель Казанда башланып китүче “Дуслык күпере” II Бөтенроссия татар-башкорт эстрада фестиваленең гастрольләр графигын исегезгә төшерәбез:

13 АПРЕЛЬ – КАЗАН, Пирамида

14 АПРЕЛЬ – САРАТОВ, ДК “Россия”

16 АПРЕЛЬ – ПЕНЗА , ЦКиД

17 АПРЕЛЬ – УЛЬЯНОВСК, ДК

18 АПРЕЛЬ – САМАРА, ДК Кирова

19 АПРЕЛЬ – ОРЕНБУРГ, Филармония

20 АПРЕЛЬ – СТӘРЛЕТАМАК, ГДК

21 АПРЕЛЬ – ЧИЛӘБЕ, Театр ЧТЗ

22 АПРЕЛЬ -МАГНИТОГОРСК , ДК Орджоникидзе

23  АПРЕЛЬ – ЕКАТЕРИНБУРГ , КЗ им. Лаврова

24 АПРЕЛЬ – ТӨМӘН, ДК “Железнодорожник”

25 АПРЕЛЬ – НИЖНЕВАРТОВСК, Дворец искусств

26 АПРЕЛЬ – СУРГУТ, Филармония

28 АПРЕЛЬ – ПЕРМЬ, Большой зал филармонии

30 АПРЕЛЬ – ЯР ЧАЛЛЫ, КЗ им. С.Садыковой

29 АПРЕЛЬ – УФА, ГКЗ «Башкортостан»

Билетлар Кассир.ру сайтында.

Запись “Илсөя мактаулы исемгә лаекмы?” впервые появилась Tatar Today - татар яңалыклары..

“Дуслык күпере” матбугат очрашуында Радикны “Иван Грей” дип йөртүче Фирдүс Тямаевны да искә алдылар. Шулай ук Элвин Грейга кайсы телдә җырлавы уңайлырак дигән сорау да бирелде.

“Миңа туып-үскән телдә аралашу, җырлау җиңелрәк, әлбәттә. Мәскәүгә күченгәч, рус телендә ниндидер бер җөмлә әйтер өчен дә эчемнән генә әйтеп карый идем хәтта”, ди популяр артист.

Журналистлар исә Элвин Грейның уйнап һәм көлеп кенә сорауларга җавап бирүен “судан коры чыгу” дип атаганнар.

 

Посмотреть эту публикацию в Instagram

 

#татартудей 25 март үткән “Дуслык күпере” матбугат очрашуында “Иван Грей” дип әйтүче @firdustyamaev_official та искә алынды. Элвин Грейга @elvin_grey_music кайсы телдә җырлавы уңайлырак дигән сорау да бирелде. Күзәтүләрдән чыгып шуны әйтә алабыз, Радик күп очраклардан, шул ук Гүзәл Уразова белән булган “шоудан” да елмая-елмая, жестлары, үзенең харизмасы белән “судан коры чыкты”!

Публикация от Tatar today порталы (@tatar_today) 25 Мар 2019 в 2:16 PDT

Запись Фирдүс Тямаев Элвинны кем дип атый? Грей “судан коры чыга” [видео] впервые появилась Tatar Today - татар яңалыклары..