Архивы Закон - Tatar Today - татар яңалыклары.

1 августтан россиялеләрне нинди яңалыклар көтә?

Лейла — Fri, 31 Jul 2020 05:07:45 +0000

Җәйнең соңгы аена хакимияттәгеләр чыбыркы һәм прәннек ысулы буенча законнарны планлаштырган. Пенсионерларның кайбер категорияләренә пенсияләр индексацияләнәчәк, әмма газ бәяләре артачак. Илләрнең бер өлеше генә ачыла, әмма аларда ял кыйммәт булачак. Моннан тыш, август аенда үзгәрешләр автомобиль хуҗаларын, төзүчеләрне һәм кыскартылган кешеләрне көтә.

Эшләүче пенсионерларның пенсияләренә 1 августтан төзәтмәләр кертелә. Эшләүче пенсионерларга (Россиядә алар 14 миллионнан артык кеше) пенсияләр 2016 елдан тулысынча индексацияләнмәгәнлектән, аларга, хезмәт стажын һәм керемне исәпкә алып, иминият пенсияләрен яңадан исәпләп чыгаралар. Өстәмә өч пенсия балы белән чикләнәчәк һәм максимум 279 сум тәшкил итәчәк.

Икенче яңалык-пенсиянен тупланма өлешен 9,13% ка арттыру. ПФРДА хәбәр итүләренчә, арттыру коэффициенты 2019 елда пенсия тупланмаларын инвестицияләү нәтиҗәләре буенча билгеләнгән: ул инфляциядән өч тапкыр артып киткән. Моннан тыш, 7,99% ка яңадан исәпләү пенсия тупланмаларын финанслашу программасында катнашучылар өчен автомат режимда узачак. Аларга тупланган акчалар тупланма пенсиядән түгел, ә ашыгыч пенсия түләвеннән түләнә.

1 августтан газ өчен 3% ка күбрәк түләргә туры киләчәк. Башта инфляция дәрәҗәсенә газ бәяләрен июньдә күтәрергә ниятләнгән иде, тик пандемиягә бәйле рәвештә Монополиягә каршы хезмәт индексацияне кичектерергә тәкъдим итте.

Августтан Бөек Британия, Төркия һәм Танзания белән һава юллары яңартыла. Россия Федерациясеннән Стамбул һәм Анкарага очарга мөмкин. 10 августтан Төркиянең Анталья һәм Эгей ярлары курортларына рейслар ачыла. Бу ил өчен коронавируска тест нәтиҗәләре белән белешмә кирәк түгел, карантинны утыртырга кирәкми. Бөекбритания белән катлаулырак — 1 августтан анда очарга була, әмма 14 көн үз-үзеңне изоляциядә үткәрергә туры киләчәк. Танзибар утравына август башыннан очышлар ачыла, белешмә кирәк түгел.

Төзелештә стандартларның һәм кагыйдәләрнең яңа исемлеге үз көченә керә. Төп яңалык-исемлектән артык нормалар алынган һәм, гомумән алганда, төзелеш һәм проект эшләре регламенты гадиләштерелде.

Чыганак: МК

Запись 1 августтан россиялеләрне нинди яңалыклар көтә? впервые появилась Tatar Today - татар яңалыклары..

1 октябрьдән тәмәке тартучылар нишләр инде?

Лиана1 — Thu, 26 Sep 2019 12:32:02 +0000

//Татар Тудей//

Россия Хөкүмәте янгынга каршы режим кагыйдәләренә тәмәке тартуны, шашлык кыздыруны фатир, кунакханә һәм тулай торак балконнарында шәм яндыруны тыя торган үзгәрешләрне раслады. Бу хакта 26 сентябрьдә, Россия гадәттән тыш хәлләр министрлыгының матбугат хезмәтендә хәбәр иттеләр.

«Хәзер закон нигезендә ачык утны балконнарда һәм фатир лоджияләрендә, тулай торак бүлмәләрендә һәм кунакханәләрдә куллану тыела», – дип китерә ТАСС әңгәмәдәшенең сүзләрен.

Бу тыю 1 октябрьдән үз көченә керә дип билгеләнә.

Шулай ук хөкүмәт медицина учреждениеләре һәм кинотеатрларның янгын куркынычсызлыгын тәэмин итүгә карата яңа таләпләрне хуплады. Хәзер кинозаллардагы сеанслар алдыннан тамашачылар янгын чыккан очракта нишләргә тиешлеге хәбәр ителәчәк, ә балалар һәм авырулар өчен палаталар, нигездә, беренче катларда урнаштырылырга тиеш булачак.

Фото pixabay.com сайтыннан алынды.

Запись 1 октябрьдән тәмәке тартучылар нишләр инде? впервые появилась Tatar Today - татар яңалыклары..

Россиядә балаларга циркларга баруны тыймакчылар?

Алина — Sat, 05 Jan 2019 12:06:20 +0000

Россиядә 18 яше тулмаган балаларга циркка баруны тыярга тәкъдим иткәннәр. Бу хакта мәдәният министры Владимир Мединскийга мөрәҗәгать юллаган Ленинград өлкәсе Закон чыгару җыены депутаты Владимир Петровка сылтама белән RT хәбәр итә.

Депутат сүзләренчә, дөньяда хайваннар һәм кыргый җәнлекләр белән эш итүдә гуманизация бара. Ә Россиядә циркта хайваннарга карата дәвам иткән каты мөнәсәбәт балалар психикасына начар тәэсир итәргә мөмкин, дип өстәгән Петров.

“Шунлыктан күңел ачу циркларына дәүләт ярдәмен шактый киметүне һәм бу өлкәдә дәүләт концепциясен яңадан каравыгызны сорыйм”, – диелгән мөрәҗәгатьтә.

tatar-inform

Запись Россиядә балаларга циркларга баруны тыймакчылар? впервые появилась Tatar Today - татар яңалыклары..

Депутатлар 14 яшьтән кечерәк балаларга социаль челтәрләргә керүне тыярга тәкъдим итә

Редактор1 editor1 — Sat, 08 Apr 2017 08:00:47 +0000

Ленинград өлкәсе депутатлары 14 яшьтән кечерәк балаларга социаль челтәрләргә керүне тыю турында канун өлгесе әзерләгән. // Азатлык //

Канун проектында әйтелгәнчә, социаль челтәрләр хуҗалары Русия һәм чит ил кулланучыларының паспортларын тикшерергә мәҗбүр булачак. Шул ук вакытта бер кеше бер генә аккаунт ясый алачак, дип хәбәр итә “Известия”. Әлеге кагыйдәләрне бозучы сайт хуҗасына яки юридик затка 300 мең сумга кадәр штраф карала. Әгәр кулланучы дөрес мәгълүмат бирми, йә үзгәрешләр турында хәбәр итми икән, аңа бер мең сумнан өч мең сумга кадәр штраф карала.

Канун өлгесе авторлары 18 яшькә җиткән үсмерләрне балалар өчен тыелган мәгълүмат урнаштырылган төркемнәргә керүне тыярга кирәк дип тә саный.

Моннан тыш, депутатлар рөхсәтсез митинглар һәм җыеннар турында хәбәр итүне тыярга тәкъдим итә.

Канун өлгесе 5 апрельдә Русия думасына кертелергә тиеш дип белдерелә. Канун өлгесе авторларының берсе Владимир Петров белдерүенчә, яңа канун 2018 елның 1 гыйнвареннән үз көченә керергә тиеш.

Социаль челтәрләр һәм интернет-бизнес вәкилләре әлеге канун ахыргача эшләнеп бетмәгән һәм аны үтәп булмаячак ди. Думаның мәгълүмати сәясәт комитеты рәисе Леонид Левин әйтүенчә, канун өлгесе кешенең ирекләрен чикли, “яшүсмерләрне үзләрен интернеттан тыш урынарда агрессив тотуларына китерергә мөмкин”.

Запись Депутатлар 14 яшьтән кечерәк балаларга социаль челтәрләргә керүне тыярга тәкъдим итә впервые появилась Tatar Today - татар яңалыклары..