“Аның «папигы» бар, диләр, мәсәлән. Мин хәтта кемнәрнең сөйләгәнен дә беләм. Күрәсең, алар минем турында күбрәк беләдер”, – дип сөйләгән Зәринә Асылкаева.

Җырчы беренче ире белән кавышу-аерылышуны “бу – бары тик ялгыш адым гына булган”, ди. Ә “соңгы мөнәсәбәтләре” белән ярты ел элек аерылышкан. Анысы белән дә аерылышуы “тормышка карашлары төрле булуы” сәбәп булуын әйткән.

Зәринә әйтүенчә, аңа ярты миллион сумлык сумка да бүләк итүчеләр булган. “Эш бүләкләрдә генә түгел шул, кешенең дә нәкъ менә үз кешең булуы кирәк”, дигән Зәринә, әмма егетенә карата таләпләре югары:

«30 яшьләрдә булган яки 40ка якынайган ир кешенең ниндидер милке булырга тиеш бит инде! Нишләп йөргән соң ул бу гомер?! Ярый, бик кыйммәтле һәм комфортлы машинасы булмаса да, үзебезнеке дә ярап торыр иде. Яшәргә дә урыны булырга тиеш. Аңлыйм, бу сүзләремне укучыларның кайсыдыр өлеше кабул итмичә, начаррак комментарийларын калдырыр. Ләкин бу – минем фикерем! Булачак иремнең машинасы да, яшәргә урыны да булырга тиеш. Мин яшәгән йортка кермәс бит инде ул?» – дигән Зәринә Асылкаева.

чыганак: https://intertat.tatar/news/ir-belan-xatyn-kebek-yrlyisyz-bit-ilsoya-badretdinovaga-unaisyz-sorau-birgannar-5872149

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись «Папигы бар, диләр…» – Зәринә Асылкаева үзе турында ни сөйләгәннәрен белгән впервые появилась Tatar Today - татар яңалыклары..

Татарстанның яшь җырчысы Зәринә Асылкаева «Йөгереп кенә» җырына үзенең беренче клибын чыгарды. «Казан Экспо» мәйданчыгында WorldSkills Russia эшче һөнәрләренең халыкара чемпионаты вакытында төшерелде, шуңа күрә кадрга вакыйганың реаль катнашучылары һәм тамашачылары эләкте. Зәринә үзе, сюжет буенча, репортаж төшерүче журналист, гади эшче егетне очрата һәм аңа гашыйк була.

«-Ай ярым әзерләндек, чөнки клип төшерү өчен рөхсәт алу җиңел булмады, – дип сөйләде җырчы. — Берничә атна алдан безне бу бик авыр, без билгеле бер мәйданчыкларда төшерә алмаячакбыз  дип кисәттеләр, әмма барысы да күпкә җиңелрәк булды.

https://www.instagram.com/p/B3MZ3utotvp/?igshid=16jkmbijxh5s1

Чыннан да, клип булмаса, чара миңа сизелми дә узар иде. Күпме яңа һәм кызыклы нәрсәләр ачтым. Безгә төшерергә булышкан шулкадәр игелекле һәм ярдәмчел кешеләр белән таныштым».

Запись Җырчы Зәринә Асылкаева: “Берничә атна алдан безне бу бик авыр булачак дип кисәттеләр, әмма…” впервые появилась Tatar Today - татар яңалыклары..

Татар эстрадасында танылып килүче җырчы Зәринә Асылкаева “Йөгереп кенә” җырына клип төшергән. 

Съемкалар WorldSkills Russia чарасы кысаларында барган. “Аның майданчыгында клип төшерү өчен рөхсәт алу җиңелдән булмаса да, дөньякүләм чара иң җылы тәэсирләр калдырды», – дип уртаклаша җырчы һәм клипны төшерүдә катнашкан, янәшәсендә булган кешеләргә чиксез рәхмәтләрен җиткерә.
⠀

View this post on Instagram

A post shared by Зарина Асылкаева (@zarina_asylkaeva)

Мәгълүмат: Зәринә Асылкаеваның инстаграмыннан

Запись Зәринә Асылкаева WorldSkills Russia чарасы кысаларында клип төшерү хис-кичерешләре белән бүлеште впервые появилась Tatar Today - татар яңалыклары..

Күптән түгел Зәринә Асылкаева Илназ Гарипов белән “Тәүге биюебез” дип исемләнгән җырын тәкъдим итте. Халык әлеге дуэтының серләре тиздән чишелер дип көтте, чөнки җырчыларны иҗат кына бәйләми дигән фикерләр бар иде.

View this post on Instagram

A post shared by Зарина Асылкаева (@zarina_asylkaeva)

Шушы көннәрдә Зәринә Асылкаева интернетка бу җырның үз версиясен чыгарды. Хәзер ул аны үзе генә башкара. Җырчыларның арасыннан кара мәче үтте микән дигән фикерләр халыкны борчуга салды.

View this post on Instagram

A post shared by Зарина Асылкаева (@zarina_asylkaeva)

Әмма бу хакта Зәринә дә, Илназ да бернәрсә дә әйтмиләр. Вакыт барысын да күрсәтер, дип, җырчылардан хәбәрләр көтәбез.

Запись Зәринә Асылкаева белән Илназ Гарипов арасыннан кара мәче үткән? впервые появилась Tatar Today - татар яңалыклары..

Tatar today эстрадада танылып килүче яшь җырчылар белән кызыксынуын дәвам итә. Бу юлы без җырчы Зәринә Асылкаева белән аралаштык, иҗат юлының ничек башлануын, алга таба нинди планнар белән эшләвен белештек.

– Зәринә, җыр белән кызыксынуыгыз кайчан башланды?

– Миңа 9 яшьләр булгандыр, дус кызыма ияреп, музыка мәктәбенә дәрескә бардым. Ул анда укый иде, ә мин юк. Шуннан соң, икенче көнне дә дәрескә бардым, “Син монда укымыйсың, кит”, диеп мине кертмәделәр. Шул вакытта коридорда елап җибәргәнем истә. Бу хәлдән соң, әти-әнием мине фортепиано һәм вокал классы буенча музыка мәктәбенә яздырды. Мин музыка белән шөгыльләнергә шулкадәр ярата идем, хәтта шигырьләр яза башладым, әмма имтиханнарның тыңлау тәртибендә узуын белгәч, сәхнәдән курыктым. Монда укучылар өйрәнгәннәрен укытучылар алдында башкара һәм болар барысы да концерт кебек уза иде. Мин аларга йөрмәс өчен, йә авырыйм дип алдый, йә башка нәрсә уйлап чыгара идем.
12 яшемдә беренче җырымны яздым һәм аның белән Мисырга конкурска барып, 3 урын алдым. Боларның барысы да ничек килеп чыкканы да истә дә түгел, әмма сәхнәдән курыкуымны җиңеп, үземне мәҗбүр итеп, тырыша идем, чөнки бу эшне яраттым һәм туктатмадым.

Аннан соң мәктәптә бердәм дәүләт имтиханнары башланды, музыка икенче планга күчте, ләкин шуңа да карамастан, мин җырлар яздым, иҗат иттем, вокал буенча өстәмә дәресләр алдым.
Университетка укырга кергәч тә, бу эшне ташламадым. Беренче курс студенты көнендә УНИКСта тере тавышка чыгыш ясадым. Бу минем өчен беренче зур аудитория иде, ул вакыттагы хисләрне әле дә хәтерлим…

–   Кабаттан иҗатка ничек кайттыгыз? Белемегез буенча Сез юрист, ялгышмасам?

–  Әйе, мин белгечлегем буенча юрист. Ничек булгандыр, истә дә түгел, мин очраклы рәвештә Сылу исемле кыз белән таныштым. Ул миңа беренче җырны язарга ярдәм итте. Сылу – вокал буенча искиткеч педагог һәм минем кайбер җырларның авторы. Мин үзем Әлмәттән, Казанда беркемне дә белми идем, чөнки 18 яшемдә генә монда күчендем. Сылу иҗатка миңа юл ачты, бераздан безнең юллар аерылды һәм 3 елдан соң мин аңа янә шалтыраттым һәм кавер яздырырга тәкъдим иттем. Менә шуннан башланды да инде.

View this post on Instagram

A post shared by Зарина Асылкаева (@zarina_asylkaeva)

 –  Нинди планнар, максталар белән яшисез?

 –   Мин музыканы бик яратам. Ул яраткан шөгылем генә түгел, ул минем тормышым. Киләчәккә грандиоз планнарым бар, мин һәрвакыт җырчы булырга теләдем һәм хәзер дөрес юлда дип саныйм. Үземне төрле юнәлешләрдә сынап, дәүләт хезмәтендә дә эшләдем, чәчәк бизнесы белән дә шөгыльләндем, фотограф та булдым, ләкин үземне музыкада таптым. Хәзерге вакытта без альбом яздыру өстендә эшлибез һәм октябрьдә концерт оештырырга планлаштырабыз.

 Шушы урында әти-әниемә бик зур рәхмәт әйтәсем килә, алар минем иң кадерлеләрем, бар нәрсәдә ярдәм итәләр. Беренче җырым радиога чыгуга, аларның минем белән ничек горурлануын тойдым. Бу минем өчен бик мөһим.

Запись Җырчы Зәринә Асылкаеваның тарихы даһи шәхесләрнеке кебек, “кит” дияләр, елаталар [кызыклы әңгәмә] впервые появилась Tatar Today - татар яңалыклары..