Вәлиулла Якупов Татарстанда традицион исламны саклауга, элекке китапларны яңадан нәшер итүгә күп көч куйган шәхес. 1990 елда “Иман” ислам мәдәниятенең яшьләр үзәге дә нәкъ менә аның тырышлыгы белән ачыла. Шушы үзәктә хәзрәт меңнәрчә китап бастыра. Шул ук вакытта ул рус һәм татар телләрендәге төрле матбугат чараларын оештыра, җитәкли. 1992 елдан — «Иман» газетасы, 1993 елдан «Вера» газетасы һәм «Иман нуры» журналы, 1998 елдан «Мусульманский мир» журналы мөхәррире була.

Татар халкында дәрәҗә казанган «Мөселман календаре» еллык басмасының авторы да –Вәлиулла хәзрәт. Әлеге календарь озак еллар йөзләрчә мең тираж белән чыга.

Ислам дине турында интернетта татар телендә мәгълүмат алу мөмкинлеге бөтенләй юк дәрәҗәсендә икәнлеген белеп, Вәлиулла хәзрәт актив рәвештә татарча сайтлар ачу эшен башлап җибәрә. Ул Musulman.su, tayanallaga.ru, muslem.ru дип аталган берничә сайтның хуҗасы булып торган.

Исегезгә төшерәбез: 5 ел элек нәкъ шушы көнне, ягъни 2012 елның 19 июль иртәсендә Вәлиулла хәзрәт үз өеннән чыгып барганда атып үтерелде. Һөҗүмнән соң ул урамга чыгып, аны күрше йорт ишегалдында көтеп торган эш машинасы янына хәтле килә, шунда вафат була.

Раилә ВӘЛИУЛЛИНА

Запись Казанда Вәлиулла хәзрәт Ягъкубны искә алачаклар впервые появилась Tatar Today - татар яңалыклары..

Иртәнге сәгать унбердә Тукай иҗатын сөючеләр Яңа татар бистәсе зиратына килделәр. Шагыйрь кабере янында сүзне иң элек Татарстан мәдәният министры урынбасары Эльвира Камалова алды. Үз чыгышында ул татарның бөек улы турында сөйләде, сүзен шигъри юллар белән тәмамлады. Россиянең һәм Татарстанның халык артисты Әзһәр Шакиров Тукайны “милләтебезгә рухи көч биргән яктылык” итеп кабул итүе турында әйтте. Тукай премиясе лауреаты чыгышында көн кадагында булган мәсьәләләрне дә күтәрергә өлгерде. Артист фикеренчә, бүген милләтебезнең бөеклеген күрсәтергә теләмиләр. “Күрсәтсәләр, калган милләтләр үзләрен түбән хис итәр дип уйлыйлар. Бу бик зур ялгышлык. Милләтнең бөеклеге – башка милләтләрнең бөеклеген күрә белүдә”, ди Әзһәр Шакиров.

Татарстан Язучылар берлеге рәисе Данил Салихов та үз чиратында шагыйрьне искә алырга килүчеләр алдында чыгыш ясады. Соңрак ул Тукай кабере янына өч халык шагыйре, Тукай исемендәге дәүләт премиясе лауреатлары – Ренат Харис, Роберт Миңнуллин һәм Зиннур Мансуровны чакырды. Чыгышлар тәмамлангач, сүзне Татарстан Диния нәзарәтенең Нияз Сабиров алды. Ул бөек шагыйрьнең балаларны тәүфиклы һәм иманлы булырга өйрәтүче әсәрләрен искә алды. “Тукай шигырьләрен укып, балаларыбызга күркәм тәрбия бирергә язсын”, диде ул. Соңрак Тукай кабере янында Коръән аятьләре укылды.

Килүчеләрнең күпчелеге – өлкән яшьтәге татар зыялылары, яшьләр, ни кызганыч, аз. Моның сәбәбен Рәмис Аймәт аңлатты. Шагыйрь: “Бу – һәрбер татар белергә, йөрәгенә салып куярга тиешле көн, каяндыр төркемнәр куып китереп кенә мондый изге гамәл кылынмый”, дип белдерде.

Раилә ВӘЛИУЛЛИНА

Запись Тукай каберенә яшьләр ник йөрми? впервые появилась Tatar Today - татар яңалыклары..