15 июнь Җәвит Шакировның улы тышкы кыяфәтен үзгәрткән. Үзенең инстаграм битендә Искәндәр Шакиров февраль һәм июнь айларында төшкән фотоларын керткән. Беренчесендә ул 147 кг, ә икенчесендә 90 кг. “ 4 ай тир, 120 көн күз яше түгү. 2880 сәгатьлек  кызу темп” дип, язган ул.

Нәтиҗә нык сизелә, әмма бу үлчәүдә Искәндәр туктарга уйламый, аның максаты 80 кг калу. “Миннән көлүчеләргә барысын да исбатлап күрсәтгәнмендер” дип, билгеләп үтә җырчы.

Шулай ук үзенең социаль челтәрләрендә Искәндәр Шакиров дөрес ябыгу турында еш кына яза да башлаган.

View this post on Instagram

A post shared by И С К А Н Д Е Р Ш А К И Р О В (@iisskkaann)

Мәгълүмат Искәндәр Шакировның Инстаграм битеннән, фото Вконтакте шәхси төркеменнән

Запись Җәвит Шакировның улы, Искәндәргә нәрсә булган? 57 килога ябыккан [фото] впервые появилась Tatar Today - татар яңалыклары..

Җәвит Шакиров улы Искәндәрнең ябыга башлаганчы һәм хәзер төшкән фотосын урнаштырган. Фотодан Искәндәрнең күпкә ябыкканы аңлашыла. “Минем инстага Искәндәр улымны тәнкыйтьләп язучы “дусларга” бу фотоны куярга булдым!  Хәзер инде ул сезгә “сез симез!” дип язар”, дип уртаклашкан Җәвит Шакиров. 

View this post on Instagram

A post shared by Я В И Т Ш А К И Р О В (@javit_shakirov_official)

Искәндәр ай ярым эчендә 30 килога ябыккан икән. Бу турыда ул шулай ук Инстаграмында язган. “Күпләр мине ябыкмый, ә фотоларыны сәнгатьле итеп фотошопта үзгәртә,  дип әйтә. Буш вакытыгызда мин шөгыльләнгән залга килеп карагыз”, дигән ул бер постында.

View this post on Instagram

A post shared by И С К А Н Д Е Р Ш А К И Р О В (@iisskkaann)

Запись Җәвит Шакиров улын тәнкыйтьләүчеләргә: “Хәзер ул сезгә “сез симез” дип язар” впервые появилась Tatar Today - татар яңалыклары..

Бер айга социаль челтәрләрдән югалып торып, Искәндәр рухи һәм физик яктан үзе өстендә шөгыльләнергә булган. «Югалуымның төп сәбәбе шунда: үз-үзем белән генә каласым һәм рухи яктан ял итәсем, үземне автор буларак үстерәсем килде. Мин эшсез ял итеп ятмадым, билгеле. Барлык вакытымны шигырьләр язуга һәм китаплар укуга багышладым», – ди ул.

Эх…Шигырь язып кына ябыгып булса икән ул! Шулай да Искәндәрнең ябыгуының төп сере нидә икән соң?

– Беренче курста укыганда кинәт кенә башыма сукты да, спорт белән шөгыльләнә башладым, тренировкаларны мунча һәм катгый диета белән тулыландырдым. Ул вакытта 35 килога ябыккан идем. Соңыннан иҗат белән актив шөгыльләнә башладым. Ә концерт-гастрольләр вакытында коры-сары ашау аркасында сәламәт яшәү рәвешен саклап булмый, кызганычка каршы. Шуннан артыгын ябыкмадым да, тазармадым да. Шул вакытта минем үз ябыгу ысулларым барлыкка килде һәм мин аларны хәзер дә актив кулланам.

Атна буена җитәрлек кызыл (баллы) борыч алып куям. Шуны вак итеп турап, өстенә бераз тоз сибеп, көне буе әз-әзләп капкалап йөрим. Мондый борычны мин үзем дә бик яратам, шулай ук ул ябыгырга да булыша. Көне буе шушы борычны ашап һәм лимонлы су эчеп торам, кичләрен йөгерәм һәм көн саен 60°С температуралы мунчага керәм. Нәтиҗәсе озак көттерми.

Мондый катгый диетадан курыкмыйсыңмы дигән сорауга Искәндәр болай дип җавап бирде: «Нәтиҗәсе тиз арада күренмәсә – минем кәефем төшә, шуңа күрә башкача мөмкин түгел».

Менә шулай, дуслар. Яңа елга матур булам дисәгез – тизрәк борыч алырга йөгерегез!

Автор: Алсу Габдуллина

Төп фото: коллаж Татар Тудей

Запись Искәндәр Шакиров 10 кило ташлаган. Тиз ябыгу серен ача впервые появилась Tatar Today - татар яңалыклары..

Артист тормышында һәрвакыт көтелмәгән вакыйгалар һәм яңалыклар булып тора. Шушы тормыш темпыннан тайпылмас өчен артист кеше үзенең тышкы кыяфәте, икенче төрле әйтсәк, образы турында еш кайгыртырга тиеш. Шулай Искәндәр Шакиров та тамашачыларын яңа образы белән сөендерергә булган. Сәхнә хәбәрчеләренең «Челка»ңны ник кистердең дигән соравына ул «Картаямдыр инде», дип шаярткан. Ә тышкы кыяфәтендәге үзгәрешләр хакында Искәндәр болай дип сөйли:

“Чәчеңне кистер, сиңа болай килешми дип әйтүчеләр күп булды, ләкин мин андый фикерләргә игътибар бирмәскә тырышам. Күңелемә хуш килгәнчә киенәм, иҗат итәм һәм чәчемне дә үзем теләнчә кистерәм. Бу очракта имиджны алыштыру карарына үзебез килдек, кеше киңәше буенча түгел. Ниндидер яңалык кертәсе килде. Шулай ук, алга таба тагын бер көтелмәгән үзгәреш булачак – чәчемне яңа төскә буятырга теләгем бар. Хәзерге вакытта шул хакта уйланам, кирәкме бу миңа, юкмы, әлегә белмим?” ди Искәндәр Шакиров.

Запись “Кирәкме бу миңа, юкмы, белмим” – Җәвит Шакировның улы Искәндәргә нәрсә булган? впервые появилась Tatar Today - татар яңалыклары..

– Дөрестән дә, соңгы вакытта күпләр мине социаль челтәрләрдә югалтты һәм бу хакта кызыксынып, бик күп хатлар килде. Мин беркемгә дә җавап бирергә тырышмадым, чөнки билгеле бер вакытка кадәр моны сер итеп сакларга теләдем. Соңгы айда планлаштырылган концертлардан һәм чыгышлардан баш тарттым. Югалуымның төп сәбәбе шунда: үз-үзем белән генә каласым һәм рухи яктан ял итәсем, үземне автор буларак үстерәсем килде. Мин эшсез ял итеп ятмадым, билгеле. Барлык вакытымны шигырьләр язуга һәм китаплар укуга багышладым. Шулай ук шәһәребезнең төрле матур урыннарына, музейларга, театрларга йөреп, илһам чыганагы эзләдем.

Күптәннән иҗатымны һәм үземне башка жанрда сынатып карыйсым килгән иде. Шуңа күрә шушы кечкенә генә «отпуск» дәвамында үземнең иҗат төркемем белән яңа материаллар әзерләү өстендә эшчәнлек алып бардым. Яңа җырларым тулысынча текстның бирелеше һәм формасы ягыннан үзгә. Минем электән үк җырларыма тагы да күбрәк мәгънә салып, күбрәк хис ягына өстенлек бирәсем килгән иде. Бүгенге көндә шушы башкарылган эш арасыннан бер җырны аерып күрсәтәсем килә. Бу җырга тырышлык, вакыт, рухи һәм физик көч башка җырларга караганда күбрәк салынган. Искәртеп үтәргә кирәк, әлеге җырны иҗат итүгә күп кеше үз өлешен кертте. Яңа җырларымның берсе «Яшкелт күзләреңнән» дип исемләнә. Хәзерге вакытта эшчәнлек алып барылган яңа материаллар электрон сату мәйданчыкларында урын алачак, дип сөйләгән Искәндәр Шакиров.

Фото: коллаж Татар тудей

Запись Җәвит Шакировның улы Искәндәр югалган? впервые появилась Tatar Today - татар яңалыклары..

“Минем әлегә кадәр сүгенми торган кеше күргән юк. Хәтта, ак яулыклы әбиләр дә сүгенә”, ди элек “Удар Татар”, “ИНЭКА”, “4 татарина” да уйнаган КВНчы егет Роберт Исламов. Ул инстраграмда “Сиксән-Туксан” дип аталган татарча сүгенү рубрикасы булдырган.

Кисәтәбез, роликта сүгенәләр!

View this post on Instagram

A post shared by Татарча Бәрәбез (@siksan_tuksan80_90)

“Бездә сәләтле кешегә бөтен җирдә дә ишекләр ачылып бетми. Ә сәләтсез кешегә акча ишек ача. Бүген без татар эстрадасындагы ир-ат җырчыларны әз-мәз чәйнәп алабыз. Алар бигрәк күп. Барысына да вакыт җитеп бетмәс. “Песс” итәргә өлгермисең, телевизордан кемдер көйгә эләкмичә ямьсез тавышын татар халкына тарата. Шунысы кызганыч, тавышы таныла бит! Мәсәлән, Винарис. Аның бөтен моңы гәүдәсенә күчкән. Тавышы белән булмаса, гәүдәсе белән шаккаттыра. Ә халык карый. Шулай ук Искәндәр Шакиров бар тавышын кабартмасы астында калдырды. Егетләр, бәлки сезгә бергәләшеп гәүдәряхалар дуэты ачып җибәрергәдер? Һәм тагын үзен җырчы дип йөртүче Айназ Әүхәдиев. Монда егетнең сәләте колак тирәсенә урнашкан. Кызганыч, аны аннан чыгарып булмас. Юк, мин сезне начар җырлыйсыз, дип әйтмим. Ләкин сездән дә яхшырак җырлаучылар барлыгын онытмагыз!
Белгеч фикере. Салават, Айдар Галимов, Филүс Каһиров, Раяз Фасыйхов, Ришат Төхвәтуллин җырлый икән, димәк татар эстрадасы яши!” – ди 27нче чыгарылышта.

– Роберт, көн кадагында булган проблемаларны бар нечкәлекләре белән оста итеп күрсәтә беләсез. Чын ирләрчә, көр тавышыгыз белән видеолар яздырганда тоссыз сүгенү сүзләре кыстыру нигә кирәк?
– Сүгенү сүзләре күбрәк караучыларны җәлеп итү өчен кирәк. Матур сүзләр белән салмак язылган текстлар начар укыла. Аңлыйм, мин яздырган видеоларны телевидение, радио аша халыкка чыгарып булмый. Ләкин хәзер моның өчен интернет бар. Моңарчы татарларда сүгенү сүзләре кулланыла торган проектлар юк иде. Мин беренче булдым.

– Татар кешесенә сүгенү килешми. Элек-электән безнең милләт башкалардан тыйнаклыгы, тел яшерә белүе белән аерылып торган…
– Ләкин сүгенмичә дә яшәмәгәннәр бит. Минем әлегә кадәр сүгенми торган кеше күргән юк. Хәтта, ак яулыклы әбиләр дә сүгенә.

– Җырчылар белән бәйле язмалар әзерләгәндә сез алар белән киңәшләшәсезме, алдан элемтәгә кереп үзләреннән көлергә рөхсәт аласызмы? Мәсәлән, 27нче чыгарылышта Винарис, Җәвит Шакировның улы Искәндәр һәм Айназ Әүхәдиев дигән егетләрне җырлый белми, дип көләсез.
– Юк, мин бит алардан көлмим, дөресен генә сөйлим. Миңа калса, җырлый белмәүче җырчылар үзләренең җырлый белмәгәннәрен үзләре дә беләләр. Мин бер җырчы белән дә алдан килешеп эшләмим. Видеоларда минем шәхси фикерем. Әгәр ризасызлык белдерергә теләсәләр, рәхим итеп үземә язсыннар. Аларның җырлый белмәгәннәрен мин генә түгел халык та күрә бит.

Запись “Сәләтсез кешегә акча ишек ача!” – Роберт Исламов Винарис белән Искәндәр Шакировка сүгенү рубрикасын багышлый впервые появилась Tatar Today - татар яңалыклары..

Концертка Башкортстаннан Гөлназ Асаева да килгән иде. Зөлфия һәм Җәвит Шакировның уллары Искәндәр Шакиров та шунда булган. Ләкин егет Гөлназ Асаева белән нәрсәдер бүлешә алмаган ахры, ул үзенең instagram дагы битендә, Гөлназ белән төшкән фотоны куеп, аны өч ноктага җибәргән.

View this post on Instagram

A post shared by И С К А Н Д Е Р Ш А К И Р О В (@iisskkaann)

(Фото Искәндәр Шакировның инстаграм битеннән алынды – https://www.instagram.com/p/BgO3zcWA4a5/?taken-by=_shakirov_iskander_)

Запись Шакировларның улы Искәндәр Гөлназ Асаеваны өч ноктага җибәрә? Ни бу? [фото] впервые появилась Tatar Today - татар яңалыклары..