Архивы йолдыз тормышы - Tatar Today - татар яңалыклары.

Нәркис Зиннәтуллин һәм Азалия Яфясова яңа җыр тәкъдим иттеләр [видео]

Лейла — Mon, 13 Sep 2021 12:04:42 +0000

Хәтерләсәгез, Нәркис белән Азалиянең яз көне урамда чыгыш ясаган видеоларын куйган идек.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Әлеге дуэтны күпләр бик ошатты, тулысынча җырны каян табарга була дип сорап та яздылар.

Нәркис Зиннәтуллин һәм Азалия Яфясова “Яратам, сагынам” җыры белән кабат Казанда да чыгыш ясаганнар.

“Яратам, сагынам” җыры барлык музыкаль мәйданнарда.

– Бер уйламаган җирдән, яз бәйрәмендә авылдашым – Азалия Яфясова @iafiasova5 белән бергә “Яратам, сагынам” җырын башкардык. Кабатламаган да идек, тоттык та җырладык. Авылдашлар бик ошатканнар иде, – дип елмая җырчы, алып баручы Нәркис Зиннәтуллин @zinnatullinnarkis

Гөлфия Шакирова сүзләре.
Илдар Низамов көе.

Запись Нәркис Зиннәтуллин һәм Азалия Яфясова яңа җыр тәкъдим иттеләр [видео] впервые появилась Tatar Today - татар яңалыклары..

Азат Фазлыев: “Әти сөенгәнен күреп, үзем тагы да ныграк сөенәм!” [видео]

Лейла — Fri, 10 Sep 2021 08:08:08 +0000

Җырчы әтисе белән Сочида ял итеп кайттылар. Азат беренче тапкыр әтисен диңгезгә алып килгән.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

– Хәтерлим: беренче тапкыр зур сәхнәдә – район үзәгендә баянга җырлап кайткач, миңа 1000 сум акча түләгәннәр иде. Ул вакыт өчен ул акча бик зур иде. Кайткач, ул акчаны әти-әнигә бирдем дә һәм шунда: “Үскәч, артист булгач, яхшы эшләргә урнашкач, мин сезгә бассейнлы коттедж алып бирәчәкмен. Бик рәхәт яшичәксез. Моредан морега гына йөричәксез”, – дип әйткән идем.
Тик, кызганыч, әни исән чагында мондый мөмкинлек булмады
Әти белән тиз арада билетлар алып, диңгезгә киттек. Шатлыгым белән уртаклашам. Бер көн ял итми, көн дә эштә булган авыл кешесе өчен мондагы ял оҗмахка тиң. Әти сөенгәнен күреп, үзем тагы да ныграк сөенәм.
Ни өчен Сочига килдек? Олы кешегә ерак юл авыр булыр дидем. Әмма, бар да яхшы, самолетта да үзен әйбәт хис итте. Шуңа күрә, киләчәктә бәлки чит илгә дә барырга насыйп булыр.
Алсуның әнисен дә ялга җибәрәсебез килә. Ул әле самолетка утырырга курка, эшне санаторийдан башларга булдык. Безнең максат – алар тормышларында күрмәгәннәрен күрсәтү, калган гомерләрен озынайту, – ди Азат Фазлыев.

Запись Азат Фазлыев: “Әти сөенгәнен күреп, үзем тагы да ныграк сөенәм!” [видео] впервые появилась Tatar Today - татар яңалыклары..

Фирдүс Тямаев: «Чын ир-ат гаебен танып, гафу үтенә белергә тиеш» [видео]

Лейла — Tue, 07 Sep 2021 18:52:02 +0000

Җырчы Фирдүс Тямаев белән Элвин Грей арасында каршылык тарихы дәвам итә.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

– Кешене кимсетергә ярамый. Әгәр мин кемгәдер начар сүз әйткәнмен икән, мин килеп, кулымны биреп ир-атларча гафу үтенәм. Миңа бернинди дә пиар кирәк түгел. Минем пиарым – ул минем җырларым. Мин хәтта үз-үземнән дә көлә алам. Ләкин үземне кимсетүгә җавапсыз кала алмыйм, – ди җырчы.

Фирдүс Тямаев белән Элвин Грей арасында килеп туган каршылык турында күпләрегез ишеткәндер инде. Элвин Грей гафу үтенерме? Ничек дип җавап бирер?

Запись Фирдүс Тямаев: «Чын ир-ат гаебен танып, гафу үтенә белергә тиеш» [видео] впервые появилась Tatar Today - татар яңалыклары..

Ди-джей Радик Яруллин битлексез йөргәне өчен җавапка тартылган [видео]

Лейла — Tue, 07 Sep 2021 11:07:41 +0000

«Дуслар, Казанда маска белән йөрегез, моның белән шаярмагыз!», – ди алып баручы, шоумен Радик @djradik

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Татарстанда битлек өчен әле дә тоталар. Сәүдә объектларында һәм җәмәгать транспортында мәҗбүри рәвештә битлек киеп йөрү мөһим. Битлек һәм социаль дистанция – хәзерге вакытта тормышыбызның аерылгысыз өлеше. Сак булыгыз, үзегезне саклагыз!

Запись Ди-джей Радик Яруллин битлексез йөргәне өчен җавапка тартылган [видео] впервые появилась Tatar Today - татар яңалыклары..

Дүртенче баласын көтүче Лилия Муллагалиева һәрдаим кафега кереп нәрсә ашый?

Гузель — Mon, 17 Sep 2018 15:44:21 +0000

Татарстан Республикасының атказанган артисты, җырчы Лилия Муллагалиева дүртенче баласын көтә. Җырчының йөклелек чоры яхшы уза, гел хәрәкәттә. Соңгы вакытта чөгендер ашы (борщ) ашый башлаган ул.

– Ильяска йөкле булганда кырык карта ашыйсым килде. Түзә алмый идем, шуның кадәр нык ашыйсым килде. Апас ягыннан гаилә дусларым атның кырык картасын алып килде. Шунда ук өйдә пешерергә куйдым, эчәге исе бөтен якка таралды. Хәтеремдә, өстендәге күбекләрен дә алмыйча һәм кайнап чыгар-чыкмас килеш ашадым. Аллаһыга мең шөкер, бернәрсә дә булмады тагын.

Хәзер гел чөгендер ашы ашыйм. Кайвакыт өйгә вакытында кайтып кереп булмый, балаларны тренировкалардан алган чаклар да була. Мәктәп янында мин һәрдаим кереп ашый торган кафе бар, анда мине борщ пешереп көтеп торалар. Бер ай буе мине борщ белән сыйлыйлар инде. Беркөнне өйдә бер кострюль борщ пешердем, бер үзем ашап бетердем. Хәзер сезнең белән сөйләшәм, шул вакытта да авызымнан сулар килә. Әлеге ашны көн дә качырып кына пешерәм. Кайчаннан бирле ашыйм, һич туя алмыйм. Апаларым: “Лилия, баланың тәнендә кызыл тап була күрмәсен” – диләр. Нишләтәсең, йөкле хатыннарның шулай булып ала инде, – диде җырчы.

Чыганак: "Интертат.Татар"

Фото Лилия Муллагалиеваның Инстаграмыннан алынды

Запись Дүртенче баласын көтүче Лилия Муллагалиева һәрдаим кафега кереп нәрсә ашый? впервые появилась Tatar Today - татар яңалыклары..