“Җомга иртәсендә Кремльгә барасымны белә идем. Пәнҗешәмбе көнне йөрәгем тынычсыз булды. Ниндидер начар әйбер алдыннан гел шулай тынгысызлана ул. Аптырадым. Башка әллә нинди вариантлар килеп китте…

Берничә сәгатьтән минем машинаны бәрдерделәр. Бик көчле ДТП булды. Мин күптән рульдә һәм машинаны ир-атлардан да яхшырак йөртәм дип уйлый идем.
Ләкин Бисмилла әйтергә онытканмын, күрәсең…

Кайвакыт вакыйгалар синнән тормый икән. 1 секундта бөтен тормыш үзгәрә ала.

Чәч ясатып, матурланып, киемнәрне барлап, рәхәтләнеп әзерләнәсе урында мин ГАИ чакыртып, эвакуатор юллап, мәш килеп, 6-7 сәгать вакытны әрәм итеп, кичке 21.00 дә өйгә кайтып егылдым.

Бер кемгә дә әйтмәдем. Сиздермәдем. Сөйлисем дә, аңлатасым да килми. Мондый хәлдә калган кешеләр аңлыйдыр.

Кайгыдан елар идем, иртән Кремльдә матур исем аласы бар. Шатлыктан көлер идем, каршыда күпме чыгым, күпме мәшәкать.

Кремльгә бераз соңарып килдем. Барысы да төш кебек узды. Беркем берни сизмәде.

Елмаеп торган йөз – ул бу кешене бер кайгысы да юк дигән сүз түгел. Ул – бу кеше көчле дигән сүз “, – дип язган Ләйлә Дәүләтова социаль челтәрдә.

Чыганак :" Шәһри Казан" сайты

Запись Ләйлә Дәүләтова ДТПга эләккән : “Йөрәгем тынычсыз булды” впервые появилась Tatar Today - татар яңалыклары..

“Котлый аласыз, дусларым!
Мин хәзер рәсми төстә Татарстанның атказанган сәнгать эшлеклесе. Фәрит әфәнде кулыннан бүләк алгач сабый баладай сөендем. Хәзер өр-яңа көч белән яңа шигырьләр язарга, теле тапшырулар эшләргә әзер. Иҗатымны яраткан һәр татар кешесенә, бөтен татар дөньясын яктыртучы “Яңа Гасыр” телерадиокомпаниясенә, татар эстрадасының алтын баганасы булган “Салават” җыр театрына, минем җырларымны тамашачыга җиткерүче һәр артистка зур рәхмәтемне белдерәм. Һәм иң мөһиме, бөтен татар халкы исеменнән безне шундый матур, тыныч илдә яшәткәннәре өчен Татарстан җитәкчеләренә чын йөрәктән мең рәхмәт әйтәсем килә”, – дип язган Ләйлә.

Запись Ләйлә Дәүләтовага мактаулы исем бирелде впервые появилась Tatar Today - татар яңалыклары..

Чыганак: Ватаным Татарстан

Запись Ләйлә Дәүләтова: «Ул хәзер «кияүгә чык син миңа» дип җырлап йөри» впервые появилась Tatar Today - татар яңалыклары..

21 нче гыйнвар социаль челтәрләрдә “Татарстанның халык артисты Фидан Гафаровның юл һәлакәте нәтиҗәсендә гомере өзелгән”, дигән хәбәр таралган иде. Бу хәбәр күпләрне борчуга салды. Ләкин соңыннан моның дөрес түгеллеге ачыкланды. Танылган шагыйрә Ләйлә Дәүләтова да бу аңлашылмаучанлыкның үзенә ничек тәэсир итүен язды.

“Моны ишетүгә, Фидан абыйга шалтыраттым! Сез чыннан да үлдегезме әллә дип сорадым. Көлә-көлә сөйләште, “исән-сау мин, чәй эчеп утырам”, диде. Үзем дә ишеттем, әллә дөрес микән дип, шикләнә үк башлаган идем, диде “Не дождутся”, дип тә өстәде!” – ди бу хакта Ләйлә Дәүләтова.

View this post on Instagram

A post shared by Лейла Давлетова (@leyla_davletova)

Мәгълүмат Ләйлә Дәүләтова инстаграмыннан

Запись “Фидан Гафаровның һәлакәт нәтиҗәсендә гомере өзелгән”, дигән хәбәр Ләйлә Дәүләтовага ничек тәэсир иткән? впервые появилась Tatar Today - татар яңалыклары..

ТНВ каналында “Адәм белән Һава” тапшыруының ябылуы тамашачыларны борчуга салды. Күп тамашачы үз тарафыннан, телеэкраннарда дәрәҗәле урын алган әлеге тапшыруның ябылуына каршы булуын белдерде. “Адәм белән Һава”  тапшыру гына түгел, ә зәвыклы концерт-тамаша да. Казанның Филармония залында 9 гыйнвар узган әлеге концерт, тапшырудагы кебек үк кеше белән бер элемтәдә, интерактив форматында узды, һәм хәтта, эстрададан югалып торган, ләкин тамашачы күңелен яулаган артистларны да халык хозурына чыгарды.

Концертта чыгыш ясаган артистларның бөтенесе диярлек “Адәм белән Һава” тапшыруының геройлары. Сәхнәгә халык күңелен күптәннән яулаган, әмма соңгы арада эстрадада сирәк күренгән җырчылар да катнашты. Алар арасында Асылъяр һәм Дәниф Шәрәфетдинов иде. Моның өчен тамашачы оештыручыларга аерым рәхмәт сүзләрен белдерде. Асылъяр исә, Ләйлә Дәүләтова әйдәп барган тапшыруда катнашмаган бердәнбер җырчыдыр мөгаен:

— Ләйлә белән без күптәннән таныш. Баштан, аның турында, әлбәттә, шигырьләренә язылган җырларны тыңлап белдем, аннан үзе белән танышып аралаша башладык. Бүгенге көндә мин башкарган бер генә җырыбыз бар, ул да булса “Мәхәббәт көче” дип атала, алга таба тагын уртак иҗат җимешләребез булыр дип өметләнәм. Ләйлә оештырган концертта җырлау бик рәхәт, чөнки ниндидер бер табигый, иркен нотада уза тамаша, дип сөйләде Асылъяр.

Сүз уңаеннан, җырчы “Адәм белән Һава” тапшыруын бик рәхәтләнеп караганын әйтте, һәм аның ябылуы хакында Татар тудей хәбәрчеләреннән генә белгән икән. Асылъяр бу күренешкә үз фикерен белдерде.

— Бу тапшыруны гаиләбез белән карыйбыз һәм аның ябылуы хакында сездән  беренче ишетәм, һәм әйтәсем килә, андый тапшыру бетәргә тиеш түгел. Гомүмән, һәр милләттә гаилә кыйммәте-иң төп кыйммәтләрнең берсе, ә татарда инде ул бигрәк тә. Гаиләле кешегә бөтенләй икенчерәк караш бит бездә, гаиләле-төпле кеше димәк дип карыйлар бит. Милли кыйммәтләребезнең төп нигезләренең берсе-гаилә, минемчә. Шуңа күрә, мондый тапшыру булырга тиеш. Беренчедән, ул тапшыру тамашачыга гаилә кыйммәтләренең әһәмиятен күрсәтсә, икенчедән, татар телебезне саклауда һәм үстерүдә зур ярдәм куя, чөнки бүгенге көндә телебез бетте диярлек, бары тик аһәңнәре генә калды. “Адәм белән Һава” телне саклауның бер юнәлеше иде. Мондый тапшырулар булырга тиеш, чөнки анда төрле гаиләләрне күрсәтәләр, гаилә булгач балаларга да сораулар бирәләр, фикерләрен беләләр. Тапшыруны бит олылар гына түгел, балалар да карый, ә телевизордан, интернеттан күрсәткән күренешләр популяр дип санала. диде җырчы.

Тамаша җырлар белән генә чикләнмәде, сәхнәдән пародияләр дә яңгырады. Халык тарафыннан аерым җылы кабул ителгән һәм алкышларга күмелгән чыгышларның берсе Фирдүс Тямаев һәм Русия президенты Владимир Путинга ясалган пародия иде. Пародияләрне, концертны алып барган Айнур Сөләйманов башкарды. Путинга ясалган пародиядә “Адәм белән Һава” тапшыруы ябылуы телгә алынды. Имеш тә нәкъ менә шул сәбәпле Путин бирегә килгән һәм әлеге мәсьәләне чишәргә җыена.

Популяр җырчы Дәниф Шәрәфетдиновның сәхнәгә чыгуы тамашачыларның күңелен тагын да күтәрде. Җырчының эстрададан югалып торуы халыкны борчуга салган булган. Искәртеп үзганча, тамаша интерактив рәвештә барды, тамашачылар Дәниф Шәрәфетдиновка сораулар яудырып, аның сәламәтлеге хакында, кайчан концертлары башлануы хакында сорашты һәм концертны оештыручы Ләйлә Дәүләтовага мондый артистларны күрергә мөмкинлек биргән өчен олы рәхмәтләрен белдерде.

Тамашада катнашкан популяр инстаблогер, инвалид арбасында булган Миләүшә Зарипова “Адәм белән Һава” тапшыруы аның тормышын ничек үзгәрткәне турында сөйләде.

— Бер көнне кибеттә булган вакытта “Эх, “Адәм белән Һава” тапшыруында катнашсам иде” дип хыялланып алдым. Ышанасызмы, биш минут та үтми Ләйлә Дәүләтова “Миләүшә, сезне тапшыруымда катнашырга чакырмакчы идем”, дип шалтырата. Чын могҗиза булды бу. Ул вакытта нәкъ инстаграмымны үстергән чакларым иде, шушы тапшыруда катнашканнан соң, бик күп кеше минем белән кызыксына, таный башлады. Шуның өчен мин Ләйлә Дәүләтовага бик рәхмәтлемен. Ул артистларны гына түгел, безнең кебек, әйтик мөмкинлекләре чикле булган, кешеләрне дә чакырып халыкка таныта. Бу бик мөһим һәм әлеге тапшыруның әһәмияте дә шунда иде. Инде тапшыру ябыла дигәч мин үзем дә бик борчылдым. Миңа калса, тапшыруны бетерергә ярамый, һәм Ләйлә моңа юл да куймас, ул барыбер берәр җаен табып тапшыруны алга таба да дәвам итәчәк дип өметләнәм, диде безгә Миләүшә ханым.

Әйе, дөрестән дә, тапшыруның авторы һәм алып баручысы Ләйлә Дәүләтова тапшыруны ябарга җыенмый. Барлык нечкәлекләрен безгә сөйләмәсә дә, тапшыруның һичшиксез дәвамы булачагы турында әйтте.

— Концертта катнашкан барлык артистларга да зур  рәхмәт, чакырганнары да, чакырмаганнары да килде. Ә тапшыруга килгәндә, кайгырырга кирәк түгел. Әйе, ул ябылды, ләкин халыкның моңа карата булган көчле реакциясе, үземә зур көч өстәде һәм, Аллаһ бирсә, ачырбыз дип уйлыйм. Төп төгәл ничек һәм кайчан икәнен әлегә әйтә алмыйм, ләкин “Адәм белән Һава” алга таба да тамашачыны яңа геройлар белән сөендерәчәк һәм тагын да яхшырак һәм кызыклы булачак. Тапшыруның форматын үзгәртәсем, яңалык өстисем килә. Әлегә шул үзгәртү өстендә эш алып барабыз. Камиллекнең чиге юк, шуңа күрә тагын да кызыграк итеп эшләргә ният, чөнки кеше нәрсә карарга тели -аңа шуны бирергә кирәк, дип әйтте Татар тудейга шагыйрә Ләйлә Дәүләтова.

“АДӘМ БЕЛӘН ҺАВА”НЫҢ УЗГАН ЕЛГЫ КОНЦЕРТЫ

Запись “Адәм белән Һава” концертында тамашачылар, җырчылар ТНВда тапшыруның ябылуына каршылык белдерде [видео] впервые появилась Tatar Today - татар яңалыклары..

“ТНВда “АДӘМ белән ҺАВА” тапшыруы ябыла. Сезгә әйтәсе яңалыгым менә шушы иде…Бу хәбәрне беренче тапкыр ишеткәч үзем дә шаккаттым , кайгырдым , күп йокысыз төннәр үткәрдем дуслар.
Берни ишетәсем килми,
Килми берни күрәсем.
Яшәү дәртем булмаса да,
Килми кебек үләсем…дип күңелсез пост язып куйган чаклар нәкъ шул вакытлар иде.
Ләкин миннән берни дә тормый. ТНВның беренче көннәреннән бирле мин бу тапшыруны эшләдем. Үзем уйлап чыгарган проект. 20 ел буена иң кечкенә гонорар белән иң рейтинглы тапшыру ясадым. Әле бу тапшыруларны тагын 20 ел кабатларга була! Танылган шәхесләрнең юбилее булганда да , ниндидер истәлекле даталарда да! Хәтта зур шәхесләр якты доньядан киткэндә дә. Хәтерегездә булса Туфан Миңнуллин, Илһам Шакиров , Әлфия Афзалова, Хәния Фәрхи, Исламия Мәхмутовалар мәңгелеккә күчкән көнне дә нәкъ шушы тапшырулар кабатланды…
20 ел буе ТНВ да эшләп, халыкка искиткеч матур тапшырулар күрсәтергә рөхсәт биргәне өчен Илшат Юныс улы Аминовка бик рәхмәтлемен!
Ябылу буенча да миннән берни дә тормый. Ничек әйтәләр -мин шулай эшлим. Сәбәпләрен белмим!” – дип язган алып баручы үзенең инстаграмында.

View this post on Instagram

A post shared by Лейла Давлетова (@leyla_davletova)

Запись ТНВ Ләйлә Дәүләтованы һәм караучыларны шок хәлендә калдыра: “Ничек әйтәләр – мин шулай эшлим. Сәбәпләрен белмим!” впервые появилась Tatar Today - татар яңалыклары..

Танылган алып баручы, шагыйрә Ләйлә Дәүләтова инстаграмында гадәти булмаган пост урнаштырган.

Ул кызы белән төшкән видеосын куйган һәм: “Мин һәрвакыт Аллаһ Тәгаләдән сорый идем. Гомерлеккә бергә булырлык, бер-беребезне яратып, шатландырып яшәрлек, мине ничек бар шулай кабул итүче, мине генә яратучы, миннән яхшыракны, яшьрәкне, матурракны эзләп йөрмәүче, мине сөендерудән тәм табучы, саклаучы-яклаучы кеше бир әле дип”, – дип язган. Ләйлә Дәүләтованың бу хыялларын чынга ашыручы аның кызы икән.

View this post on Instagram

A post shared by Лейла Давлетова (@leyla_davletova)

Мәгълүмат Ләйлә Дәүләтованың инстаграмыннан

Запись Ләйлә Дәүләтованың гомерлеккә бергә булырлык кеше турындагы хыяллары чынга аша впервые появилась Tatar Today - татар яңалыклары..

Шагыйрә Ләйлә Дәүләтова үзенең инстаграм битендә язылучыларына үзе белән булган хәлне сөйли.

Ләйлә Дәүләтова, телефонын төзәтергә бирү сәбәпле, 2 атна инстаграмсыз яшәгән. “Шаккаткыч хәл!” – ди Ләйлә гаҗәпләнеп.

Бу вакыт аралыгында тормышының үзгәреш кичерүен әйтә ул: “Вакытында йокларга ятабыз, бәби белән рәхәтләнеп уйныйбыз. Әллә нинди тәмле әйберләр пешерәм. Бөтен өйне “от и до” җыештырып бетердем!” Ләкин телефонын кире кайтарып бирү белән, шагыйрә янәдән эллеккечә яши башлый: “Җай чыгуга, кул телефонга үрелә!”

“Языгыз әле, ник кирәк ул кемнең кая барганын, нишләгәнен, нәрсә ашаганын, нәрсә алганын күзәтеп утыру? Шулай ук ник куеп барганнарын да аңламыйм. Алар үз тормышларын шулкадәр башкаларга кызыклы, дип уйлыйлар микән? Бу ялларда кулыгызга телефон алмыйча яшәп карагыз әле, инстадусларым! Шундый рәхәт!” – дип яза Ләйлә Дәүләтова үзенең уй-фикерләре белән уртаклашып.

View this post on Instagram

A post shared by Лейла Давлетова (@leyla_davletova)

Фото tatar-inform.ru сайтыннан, мәгълүмат Ләйлә Дәүләтованың инстаграм битеннән

Запись Ләйлә Дәүләтова: “Алар үз тормышларын шулкадәр башкаларга кызыклы, дип уйлый микән?” впервые появилась Tatar Today - татар яңалыклары..

“Сез беләсезме бу гаилә чынлыкта нинди? Ул бит кеше талап акча эшли? Монысы бит теге белән гуләйт итә” дигән сүзләрне алып баручы гайбәтләр дип атый. Ул тамашачыларга мөрәҗәгать итеп, болай дип яза:

“Дусларым, ышаныгыз зинһар, мин үземнең геройларым турында сез язганнан да күбрәк беләм! Ләкин минем максатым ‒ башкаларның начар ягын эзләп йөрү түгел, үз гаиләбезне, үзебезне, үз уйларыбызны яхшы якка үзгәртү, чистарту белән шөгыльләник! Монысы күпкә файдалырак, гөнаһсызрак, саваплырак. Беребез дә фәрештә түгел, авылдан килеп ничек тә кешечә яшәргә маташучы гап-гади адәм балалары. », дип яза Ләйлә Дәүләтова инстаграмда.

 

Посмотреть эту публикацию в Instagram

 

Бу сузлэрне куптэн язарга хыяллана идем.. Хэрбер Адэм Хава тапшыруыннан сон, директка торле эчтэлектэге хатлар ява башлый…Мактаганнары бик куп элбэттэ, лэкин минем геройларымны сугеп язганнарын укыгач, йорэгем эрни..Буген дэ тоне буе йокламыйча борчылып чыктым… -Сез белэсезме бу гаилэ чынлыкта нинди?.. -Ул бит кеше алдап акча эшли… -Монысы бит теге белэн гулэйт итэ… хэм тагын бик куп, бик куп гайбэтлэр… Дусларым, ышаныгыз зинхар, мин уземнен геройларым турында СЕЗ язганнан да кубрэк белэм! Лэкин минем МАКСАТЫМ – башкаларнын начар ягын эзлэп йору тугел, хэрбер гаилэнен матур ягын эзлэп табып халыкка курсэту! Шуна курэ башкаларнын кимчелеген эзлэу белэн тугел, уз гаилэбезне, узебезне, уз уйларыбызны яхшы якка узгэрту, чистарту белэн шогыльлэник! Монысы купкэ файдалырак, гонахсызрак, саваплырак ? Беребез дэ ФЭРЕШТЭ тугел, авылдан килеп ничек тэ кешечэ яшэргэ маташучы гап -гади адэм балалары ???????????????? шулай бит? Узегезне менэ бу хайваннарнын кайсысы белэн чагыштырыр идегез ? #лейладавлетова #поэтесса #телеведущая #всемудачногодня??

Публикация от Лейла Давлетова (@leyla_davletova) 22 Апр 2019 в 9:07 PDT

Запись Йөрәге әрнегән Ләйлә Дәүләтова тамашачыларга мөрәҗәгать итә впервые появилась Tatar Today - татар яңалыклары..

– Ләйлә, нишләп син туган авылыңда гына калмадың?

– Авылда мин иң начар хатын-кыз булыр идем.

– Ник алай?

– Чөнки хатын-кыз эшләргә тиешле бик күп эшләрне булдырмыйм: сыер сава, печән чаба белмим. Әлбәттә, тәмле итеп ризык әзерли, өйне чиста тота алам үзе.

– Ник сыер саварга өйрәнмәдең, сыерыгыз юк идеме?

– Бар. Бик күп тапкырлар тырыштым, савып карадым, тик булдыра алмадым. Күрәсең, аңа минем көчем җитми.

– Казан сине ничек каршы алды?

– Казанда бер туганым да юк иде. Дүрт абыем бар, димәк, җебегән булып үсмәгәнмендер, миндә бик көчле ирләр характеры. Куркак түгелмен. Егетләр белән дә, хатын-кызлар белән дә аралашу миңа бик җиңел бирелә.

– Сине күралмаучы хатын-кызлар бармы?

– Татарстанда өч хатын-кыз мине күралмый, өчесен дә бик яхшы беләм һәм бу мине бер дә борчымый. Алар барысы да нәрсәгәдер ирешкән ханымнар. Шундый кешеләр миннән көнләшә икән, димәк, мин бик бәхетле.

– Алар зур җирдә эшлиме?

– Ярыйсы гына зур җирдә.

– Сиңа гел аяк чалалармы?

– Әйе, белеп торам, белмәгәнгә сабышам гына.

– Кемнәр алар?

– Әйтәсем килми, яшәсеннәр рәхәтләнеп (Ләйлә берсенең исемен минем колагыма гына әйтте).

– Алардан куркасыңмы?

– Тагын да күбрәк этлек эшләүләрен теләмим.

– Бер этлекләрен сөйлә әле?

– Концерт башланырга ике сәгать кала Камал театрында утны өзделәр. Соңыннан моның махсус оештырылуын әйттеләр. Бу алты-җиде ел элек булган хәл. Аллаһы Тәгалә бар, кеше ничек кенә аяк чалырга тырышмасын, сиңа язган ул сиңа була. Адәм баласы ул чебен кебек, бернәрсә дә эшли алмый. Мин дә, син дә, башкалар да. Ходай үзе белер, бу хатын-кызлар аркасында елаган чакларым күп булды.

– Кызың Гөлмәрьямне тапканнан соң бераз югалып тордың?

– Көтеп алган бәбиебез иде, ниһаять, әни булу бәхетен татыдым. Бөтен эшемне ташлап, үземне тулаем шушы бәбигә багышладым. Үзгәргәнсең, гел көлеп кенә торасың, диләр. Бала шул дәрәҗәдә көлдерә, аның кечкенә куллары белән кочаклавы, елмаюы, сөбханалла, Аллага шөкер… Яшь тә өч ай инде безгә бүген.

– Көтеп алынган дидең, озак еллар балаң булмадымы әллә?

– Андый проблема бар иде, бу хакта сөйлисем килми.

– Ничек чиштегез?

– Хастаханә юлын шактый таптарга туры килде.

– Коръән ике яшькә кадәр имезер­гә куша, әмма күп хатын-кызлар, күк­рәкләремнең формасы югала дип имезми…

– Әй, җаным, бала имезү – зур хыялым иде. Һәрбер имезү зур ләззәт бирә, шулхәтле рәхәт. Әни әйтә: “Синең кебек картаеп тапкач, бик тәмле була торгандыр инде”, – ди. Бәбиемне бер яшькә хәтле имездем. Елатып имидән аермадым, 11 айдан соң үзе үк ризыкка тартыла башлады, өч яшькә хәтле имезермен дип хыялланган идем әле.

– Синең хакта гомер буе гайбәт сөйләделәр.

– Башта кайгыра идем, хәзер күнектем инде. Үзем дә гаепледер, интернетка әллә нинди фотолар чыгардым бит…

– Әниең ул гайбәтләрне ничек кабул итә?

– Элек бик кайгыра иде, хәзер ул да күнекте. Әни миңа ышана, чөнки минем нинди икәнемне бик яхшы белә.

– Әтиең кайда?

– Җиде-сигез ел элек гүр иясе булды. Бик әйбәт, акыллы кеше иде.

– Кайда эшләде?

– Әти икътисадчы һөнәрен ташлап, үз теләге белән тракторга утырган кеше. “Бу гаделсез дөнья миңа кирәкми, мин кешеләрне рәнҗетеп яши алмыйм. Җитәкче урында эшләмим, анда кешене рәнҗетергә, гаделсез булырга кирәк”, – диде. Бик туры сүзле, гадел кеше иде.

– Әниең Рина кайда эш­ләде?

– Авыл советында бухгалтер.

– Ләйлә, син һаман иреңне яшерәсең, кем ул? Фидан Гаффаров түгелме?

– Фидан абыйның битемнән үпкәне булдымы икән?! Безнең арада берни дә юк.

– Сәхнә артында да сине кочаклаганы юкмы?

– Фидан абыйга әйтелгән, сәхнә артында бер метрдан ары миңа якын килергә ярамый, диелгән. Фидан абый белән эшли башлаган елны Фәридә апа (хатыны) шалтыратты: “Сезнең хакта шулай-шулай дип гайбәт сөйлиләр”, – диде. Мин телефонны куйдым да еладым гына. Безнең арада нәрсәдер булу турында уйларга да мөмкин түгел. Сәхнәдә, чыннан да, мәхәббәтне бик яхшы уйныйм. Фидан абый үзе дә шакката: “Укымагансың, ничек шулай ышандырырлык итеп уйныйсың син?!” – ди.

– Бернәрсә дә булмадымы?

– Юк.

– Ирең дип сөйлиләр бит. Уфада – бер, Казанда икенче хатыны бар дип куанып йөри идем. Ярар, монысы ирең булмады. Ранил Нуриевны да синең ирең, диләр. Тиккә генә тумагандыр: фотоларыгыз чыкты, син анда Ранилнең тезендә утырасың…

– Минем кочаклашып төшкән фотоларым бик күп: Фидан абый, Салават, Раяз, Данир Сабиров белән. Кемнең нәрсә күрәсе килә – шуны күрә.

– Ник Ранилнең тезенә утыр­дың?

– Фотограф шулай утыртты. Фото матур чыкты һәм мин аны интернетка куйдым, шул гына.

– Күз тияр дип курыкмадыңмы?

– Юк.

– Димәк, Ранил дә синең ирең түгел.

– Юк.

– Ирең кем?

– Бу сорауны миңа көн саен бирәләр. Шуны гына әйтә алам: ирем була алган икән, димәк, ул бик акыллы, әйбәт кеше. Шәхси тормышым аз гына сер булып калырга тиеш. Әгәр дә иремне мине чәйнәгән кебек чәйни башласалар, гайбәткә әйләндерсәләр, безнең ара бозылып бетәргә мөмкин. Бу мәсьәләгә әлегә кагыласым килми, вакыты җиткәч, үзебезнең гаилә турында “Адәм белән Һава” тапшыруын эшләячәкбез.

– Туй да уздырмадыгызмы?

– Никах булды. Туй уздыру миңа бер уен кебек, чөнки үзем тамада булып эшлим. Атна саен туй, юбилейлар үткәрәм. Бәлки без дә туй үткәрербез, Габделфәт әйтте бит: “Аякка бастык, тагын шушы хатынга өйләнеп, әйбәтләп туй үткәрәсем килә”, – диде. Вакыты җиткәч, концерт оештырган кебек туй үткәрербез. Бер тапкыр туебызны күчердек, әлегә тотынырга теләгем юк. Мин иремнең кем икәнен сиңа әйтермен әле, шаккатырсың.

– Мин белгән кешемени ул?

– Әйе.

– Ничек таныштыгыз?

– Әйдә, бу тема әлегә ябылсын. Ул минем серем, минем дөньям гына булып калсын. Барысы да әйбәт булыр, без гомергә дә аерылышмабыз дип тә әйтә алмыйм.

– Аерылышудан куркасыңмы?

– Куркам дип әйтә алмыйм, әмма дөньяда бөтен нәрсә дә булырга мөмкин. Гөрләшеп кенә яшәп ятабыз дип сине алдый алмыйм. Беренче проблема минем авылга китүемнән килеп чыкты. Авырга узуымны белгәч, башта озак кына хастаханәдә, аннары ике ай шифаханәдә яттым. Казанга кайткан идем, бөтен кеше алдында, “Кольцо” кибетендә аңымны җуеп егылдым. Табиблар: “Яки авылга китәсең, яки кире хастаханәгә кереп ятасың”, – дигәч, авылга киттем. Һәрбер ир-ат хатынының янында булуын тели. Хатын-кыз иренә дигән игътибарны бала табуга сабыена гына бирә башлый икән.

Беренче урында – бала һәм еш кына бала белән авылга кайтам. Авылда саф һава. Иремнең әти-әнисе шәһәрнекеләр, әле алар пенсиядә түгел.

– Киләсе әңгәмәдә: “Без аерылыштык”, – димәссеңме икән?!

– Алай да булырга мөмкин, бәлки икенче кешегә кияүгә чыктым дип әйтермен.

– Мин инде аптырап калдым, кияүдәме соң син, юкмы?.. Төрле уйлар килә башлады.

– Килсен, миңа барыбер.

– Бездән яшереп саклаган иреңә әйтер сүзлә­рең бармы?

– Шушы кадәр гайбәтләргә түзгәнең өчен рәхмәт. Бик кадерле кешем син, бәбиемнең әтисе. Әйбәт әни, әйбәт хатын булырга тырышырмын. Шигырьләремнең күбесе сиңа багышланган. Елыйсым килә башлады. Сиңа “яратам” дип әйтмим, орынып, сугып китү, чәчеңне тарап алу – болар яратуым билгеләре.

Әңгәмә “Акчарлак” газетасының архив саннарыннан алынды / 19 март 2015 № 12

Фото: соцсети

Запись Ләйлә Дәүләтова: “Өч хатын-кыз миннән көнләшә” – Акчарлак впервые появилась Tatar Today - татар яңалыклары..