Магнитогорскта торак йорт җимерелгәннән соң, 30 сәгатьтән артык хәрабәләр астында яткан Ваня Фокинны балалар хирургиясе бүлегеннән өенә чыгардылар. Биредә аны бер ай ярым дәваладылар.

Ваня Фокинны күзәткән табиб Леонид Рошаль озатуда катнашкан һәм коткаручыларга эшләре өчен рәхмәт белдергән. “Ваняны бөтен ил дәвалады, бу — коткаручылар һәм клиника хезмәткәрләренең команда эше. Ваняны шундый хәлдә күрү — бәхет! Тормышта башка нәрсә кирәк тә түгел», — дигән Леонид Рошаль.

“Ваня сәламәтләнүдә катнашкан һәркемгә зур рәхмәт”, — дип белдергән Ваняның әнисе Ольга Фокина.

Сабыйны йорт җимерелгәннән 35 сәгать узгач табып алалар. Бу вакытны ул 20 градуслы салкында үткәрә. Бала каты имгәнгән була, аягына ампутация яный, тик башкала табиблары аякларын саклап кала ала. Бу дәвердә Ваня белән хастаханәдә аның әнисе була, ә әтисе Магнитогорскта гаилә өчен яңа торак әзерләү белән шөгыльләнә — Фокиннарга яңа фатир биргәннәр.

Ваня Фокинның бу көннәрдә өенә кайтуы аеруча күңелле, чөнки Ваняның беренче туган көнен гаилә тулы состав белән каршы алачак. 16 февральдә Ваняга 1 яшь тула.

Комсомольская правда

Запись Йорт җимерекләре астында исән калган Ваня Фокин турында сөенечле хәбәр бар [видео] впервые появилась Tatar Today - татар яңалыклары..

Ваняның 27 градус салкында 30 сәгать җимерекләр астында ятып исән калуы бер могҗиза булса, туңган аягын саклап калу икенче могҗизага тиң.

Шулкадәр вакыт салкында ятып, ул ничек исән калган, дигән сорауга да җавап бар.

Аны коткарганда сабыйның бите төзелеш калдыклары белән капланган була. Мөгаен, аның йоту рефлексы эшләп китеп, ул шушы төзелеш тузанын, известь ашап исән калгандыр, ди белгечләр.

Әлеге фаҗигадә 39 кеше һәлак булды, шуларның алтысы — балалар.

Фото: ТАСС

Запись Ваня Фокинның нәрсә ярдәмендә исән калуы билгеле впервые появилась Tatar Today - татар яңалыклары..

Баш мие имгәнеп, сөякләре сынган сабыйны Мәскәүдә дәваладылар.

Сабыйның гомере өчен илнең танылган табиблары көрәште. Киләсе атнада Ваняны өенә чыгарырга тиешләр.

Фото: обзор74.ру

Запись Йорт җимерекләре астында 30 сәгать яткан 10 айлык Ваня Фокин турында хәбәр бар впервые появилась Tatar Today - татар яңалыклары..

Бу юлы Ростов өл­кә­сенең Шахта шәһәрендәге бер торак йортта газ шартлаган. Әлбәттә инде, үлүчеләр дә бар. Ни хикмәт, тегесе – Яңа елда, монысы – Иске яңа елда. Бу нәрсә – язмышның ачы шаяртуымы, әллә…

Фаҗи­ганең икесе дә иртәнге сәгать алтылар тирәсендә булган. Җылы­лык җитмәү аркасында газ плитәсен кабызып куйганнар да, шул сүнеп, газ чыгып торган. Һәрхәлдә, Россия Тикшерү комитетыннан Магнитогорскидагы тугыз катлы йортның бер подъезды ишелеп төшүне шулай дип аңлатып, халыкның башка сәбәпләрдән шикләнүләрен алып ташларга тырыштылар. Федераль каналлардан хәбәр ителгәнчә, Ростов өлкәсендәге фаҗиганең дә сәбәбе нәкъ шундый, дип яза ВТ.

Мондый хәлләр алга таба кабатланмасын өчен нишләргә соң? Яшен бер генә түгел, инде икенче тапкыр яшьнәде бит! Дәүләт Думасының Торак сәясәте һәм торак-коммуналь хуҗалык комитеты башлыгы Галина Хованская күп фатирлы йортларда газ шартлауны булдырмау буенча закон проекты әзерләүгә керешкән. Документта яңа төзелгән, шулай ук капиталь төзекләндерү аша үткән йортларга бары тик автомат сүндерү җиһазы белән тәэмин ителгән газ плитәләрен генә урнаштыру тәкъдим ителә. Төзелеш ми­нистр­лыгы, үз чиратында, исе тизрәк сизелсен өчен, газга одорант дигән сасы матдәне күбрәк кушарга кирәк, дигән фикердә тора. Хөкүмәт тә аптырашта. Ул шушы көннәрдә көн­күреш газын хәвеф-хәтәрсез куллану буенча чаралар планын карарга җыена.

Шулай итеп, озакламый илебездә газны дөрес кулланырга өйрәтү, газ плитә­ләрен автомат сүнә торганнарына алыштыру кампаниясе башланырга мөмкин. Тик газ шартлауны булдырмау мәсьәләсен шул плитәләр генә хәл итсә иде икән?! Кеше дә яңа плитә өчен акчасын кызганып маташмас иде. Әмма моның өчен иң элек, газ плитәсе генә гаеплеме икән монда, дигән шикләнүләрне күңелдән ничек тә алып ташларга кирәк.

Запись “Тагын шундый ук һәлакәт… Язмышның ачы шаяртуымы, әллә…” впервые появилась Tatar Today - татар яңалыклары..

“Бүгенге көндә фаҗигада зыян күрүчеләргә яки аларның гаиләләренә өлкә бюджетыннан – 44,7 миллион, федераль бюджеттан 29,9 миллион сум акча түләнде”, – диелгән хәбәрдә.

• Дүшәмбе, 31 декабрьдә, Магнитогорскида көнкүреш газы шартлап, ун катлы йортның бер подъезды ишелде. Пәнҗешәмбе көнне Гадәттән тыш хәлләр министрлыгы коткару операциясен төгәлләде. Җимерекләр арасыннан 39 кешенең үле гәүдәсе чыгарылды.

tatar-inform

Запись Магнитогорскида зыян күрүчеләргә 75 миллион сум акча түләгәннәр впервые появилась Tatar Today - татар яңалыклары..

– Әлегә операция ясамаячакбыз. Баланың өшегән җирләре бар, шуларны дәваларга кирәк. Ашыгырга ярамый, бу аның хәле начараюга китерергә мөмкин. Бик сак кына алга барабыз, – дигән ул.

Бер тәүлек буена җимерекләр астында салкында яткан Ваняның баш мие зыян күрмәгән, ләкин аяклары нык өшегән. Берсен ампутацияләргә дә туры килер, дигәннәр иде.

Фото: Газета.ру

Запись “Әлегә операция ясамаячакбыз”. Йорт җимерекләре астында исән калган 10 айлык Ваня ни хәлдә? впервые появилась Tatar Today - татар яңалыклары..

31 декабрь иртән Магнитогорскида (Карл Маркс проспекты, 164) көнкүреш газы шартлау нәтиҗәсендә 1973 елда төзелгән 10 катлы панель йортның бер подъезды җимерелеп төшүе хакында хәбәр ителгән иде инде. Йорттан 16 кеше эвакуацияләнгән. Җимерекләр арасыннан җиде кешене табып алганнар, дүртесе һәлак булган. Берничә дистә кешенең язмышы билгесез булып кала.

Әлеге факт буенча җинаять эше кузгатылган. Төбәктә гадәттән тыш хәл режимы кертелгән.

Фото: https://vk.com

Запись Берничә дистә кешенең язмышы һаман билгесез булып кала впервые появилась Tatar Today - татар яңалыклары..

Шартлау иртәнге дүртләр тирәсендә Карл Маркс проспектындагы йортта булган. Бер подъездның өченче катыннан унынчы катына кадәр җимерелгән. Шартлау аркасында 48 фатир зыян күргән, аларда 110 кеше яшәгәне мәгълүм.

Россия Тикшерү комитеты РФ Җинаять кодексының өченче өлешендәге 109 маддәсе (саксызлык аркасында ике һәм аннан күбрәк кешене үлемгә дучар итү) буенча җинаять эше кузгаткан. Фаҗига булган урында шәһәрнең барлык ашыгыч ярдәм хезмәтләре эшли. Чиләбе губернаторы Борис Дубровский да шунда.

РФ Президенты Путин боерыгы буенча Магнитогорскига Россия Гадәттән тыш хәлләр министры Евгений Зиничев киткән. Сәламәтлек саклау министры Вероника Скворцовага зыян күргәннәргә һәм аларның якыннарына ярдәм итү бурычы куелган.

Чиләбе өлкәсе губернаторы урынбасары Олег Климов журналистларга 79 кешенең язмышы әлегә билгесез булуын әйткән.

Бу хакта тулырак: tatar-inform

Фото: https://vk.com

Запись МЧС: 3 кеше һәлак, 10 кеше харәбәләр астыннан исән килеш чыгарылган: 79 кешенең язмышы билгесез впервые появилась Tatar Today - татар яңалыклары..

Вакыйганың шаһитлары әйтүенчә, башта шартлау тавышы ишетелгән, йорт селкенеп куйган һәм бер дивары ишелеп төшкән.

Күпләр йокыдан да уянып өлгермәгән, билгеле. Тәрәзәләрдән сикерүчеләр булган.

Әлегә һәлакәт урынында коткаручылар эшли. Йорт янына махсус техника керә алсын өчен, аның янындагы машиналарны алалар.

Янгын таралмаган, коткару эшләре бара.

Фото: ТАСС

Запись 31 декабрь фаҗигасе: йокыдан да уянып өлгермәгән кешеләр тәрәзәләрдән сикерә впервые появилась Tatar Today - татар яңалыклары..