Архивы МаксимГалкин - Tatar Today - татар яңалыклары.

Галкин Пугачева белән аерылышу турындагы имеш-мимешләргә җавап бирде

Лейла — Mon, 07 Sep 2020 10:36:22 +0000

Телевидениедә тапшырулар алып баручы һәм юморист Максим Галкин хатыны Алла Пугачева белән аерылышу турындагы имеш-мимешләрне кире какты. Ул Instagramда уртак фотосурәтләрне бастырып чыгарды.

Рәсемдә пар шәһәр читендәге йорт янында сурәтләнгән. Галкин елмаеп камерага карый, ә Пугачева смартфон объективына тел күрсәтә.

“Көтмәгез, гәйбәтчеләр», — дип язып куйган юмор остасы.

Чыганак: Лента.ру

Запись Галкин Пугачева белән аерылышу турындагы имеш-мимешләргә җавап бирде впервые появилась Tatar Today - татар яңалыклары..

“Гамлет”ны яттан сөйләүче 4 яшьлек татар малаен Максим Галкин үзенә чакырган [шаккаттыргыч]

Гузель — Sat, 22 Apr 2017 19:56:30 +0000

Казан егете Арслан Сибгатуллинны Максим Галкинның “Лучше всех” тапшыруына чакырганнар! Бу хакта безгә Арсланның әнисе, Г.Камал театры артисты Гүзәл Сибгатуллина сөйләде. //Сабантуй//

– Арслан узган ел ук “Гамлет” монологын өйрәнгән иде. Камал театрында узган “Тантана, фестивалендә дә шуның белән чыгыш ясады. Ул көнне Арслан әлеге кичәнең герое булгандыр. Сәхнәгә генә өч тапкыр чыкты, хәтта номинация героен да игълан итәргә алынды. Бәйрәм тәмамланганнан соң, актерлар да, гади тамашачы да яныбызга килеп: “Сезгә Галкинга барырга кирәк, ул сезне көтә”, – дип кат-кат соклану хисен белдерде, – дип искә ала Гүзәл.

Иң кызыгы, Арсланның чыгышын интернетан күреп, икенче көнне үк “Беренче канал”дан шалтыраталар һәм “Лучше всех” тапшыруына кастингка чакыралар. Бер атна уйлаганнан соң, Гүзәл Сибгатуллина улы белән шунда китә. Арслан мәскәүлеләрнең дә мәхәббәтен бик тиз яулап ала.

– Тукайның “Туган тел” шигырен укыды, оештыручыларга бик ошады. Әлеге программа хәзер җәйге ялга китә. Аларның тапшыруында “Гамлет” өч тапкыр укылганга күрә, бик теләсәләр дә аны яңадан яңгырата алмыйлар. Шуңа күрә, безгә башка номер биреп, әзерләнергә куштылар. Һәм кабат кастингсыз гына тапшыруга дәштеләр.

Арслан Мәскәүдә Останкино телестудиясендә

Запись “Гамлет”ны яттан сөйләүче 4 яшьлек татар малаен Максим Галкин үзенә чакырган [шаккаттыргыч] впервые появилась Tatar Today - татар яңалыклары..

Камчылы һәм бүрекле кечкенә казак малае Максим Галкинны шаккаттыра [видео]

Редактор1 editor1 — Mon, 20 Mar 2017 18:26:33 +0000

19 мартта “Беренче” каналда Максим Галкинның “Лучше всех” тапшыруында Казаннан казак малае Иван Шуваров чыгыш ясап, Максим Галкинны шаккаттыра. //Tatar Today//

Галкин аны “Ваня – папаха (бүрек) кигән, камчысы, махсус кылычы (шашка) булган, кечкенә казак малае”, дип тамашачыларга таныштыра.

Малай үзен әтисе кебек үк чын казак ди. Ул алып баручыны “Ипи һәм су – казакларның төп ашамлыгы” дигән мәкальне әйтеп таң калдыра. Аннары чыгышына нәтиҗә ясап, “Любо, братцы, любо” казак җырын башкара.

Тапшыруга, шулай ук Иванның гаиләсе: әтисе, әнисе, апасы килгәннәр.

Запись Камчылы һәм бүрекле кечкенә казак малае Максим Галкинны шаккаттыра [видео] впервые появилась Tatar Today - татар яңалыклары..

Татарстанда яшәүче кечкенә малай Максим Галкин белән Беренче каналда чыгыш ясый [видео]

Редактор1 editor1 — Sat, 04 Feb 2017 05:57:33 +0000

Түбән Камада яшәүче Миша Талерчик Беренче каналдан баручы “Лучше всех!” тапшыруында катнаша //TatarToday//.

92 балалар бакчасына йөрүче Миша барлык тамашачыларны шаккатырырга җыена. Кечкенә булуына карамастан, малай кеше организмның барлык органнарын белә икән! Миша белән тапшыру эфирга 5 февральдә чыгачак.

Әлеге сәләтле баланың әнисе Түбән Кама районының Шингальчи авылының амбулаториясендә эшли. Талерчиклар гаиләсе республика программасы буенча шәһәрдән авыл җирлегенә күченеп кайткан булган.

Мәгълүмат NTR-24.RU сайтыннан алынды

Запись Татарстанда яшәүче кечкенә малай Максим Галкин белән Беренче каналда чыгыш ясый [видео] впервые появилась Tatar Today - татар яңалыклары..