Архивы Марат Шәйбәков - Tatar Today - татар яңалыклары.

Марат Шәйбәков Хәния Фәрхигә нинди көй уйнаган була, “икенче Хәния Фәрхи” кем ул? [видео]

Габдулла Тукай — Fri, 20 Sep 2019 23:20:17 +0000

//ТАТАР ТУДЕЙ//

Башкортстанның атказанган артисты Марат Шәйбәков кайчандыр ике республиканың халык артисты Хәния Фәрхигә баянда “Мәк чәчәген” уйнарга өлгергән була. Марат әфәнденең бертуган апасы Римма Ягафарованы “икенче Хәния Фәрхи” дип йөртәләр икән.

— Марат, бүген ничек көн күрәсең: җыр сәнгате дулкын-дулкын, гел үзгәреп тора бит..

— Авылга кайтам. Быел өйләр буядык. Без гаиләдә алты бала – бер абый, ике апам һәм ике энекәш бар. Апаем – Римма Ягафарова җырларга ярата. Аны «Икенче Хәния Фәрхи» – дип йөртәләр. Үзе гармунда уйный, бик оста җырлый.

— Хәния Фәрхи дигәннән, аның белән аралашканың булдымы?

— Әйе. Әбием гел моңлы җырчы, дип сөйли иде аны. Без концертларда гына исәнләшә идек. Шунда да ягымлы, кешелекле иде ул. Борынын өскә күтәреп йөрмәде.

— Синең башкаруда күбрәк халыкчан җырлар матур килеп чыга кебек…

— Хәния апаның да җырлары халыкчан, матур бит. «Мәк чәчәге»н баянга җырлаганым бар. Банкетта утырганда Хәния апага да уйнап күрсәткән идем. Шуннан соң аның энекәшенә бәйле хатирәләрне искә төшереп утырганын хәтерлим.

— Әти-әниегез җырлый идеме?

— Әти яшьли үлде минем. Аны яшьтәшләре матур җырлый иде дип искә алалар. Әнием дә җырлый иде. Мин авылга кайткач, баянга җырлашып, гөр килеп ята идек. Аның да арабызда булмаганына дүрт ел. «Авыл капкасы» дигән җырымда шундый сүзләр бар иде: «Туган үскән йортыма тик үләннәр генә үсмәсен». Кайтабыз – йортны үлән басты. Әни исән чагында, маллар барынла үлән бик үсми иде, хәзер күңелгә кыен. Без ул йортны бер дә тик тотмыйбыз. Кыш көне дә ягып керәбез. Кайтып, яңа еллар уздырабыз. Аллага шөкер, буш торганы юк.

МАРАТ ШӘЙБӘКОВ БЕЛӘН АЛДАГЫ ӘҢГӘМӘ МОНДА – https://tatar-today.ru/2019/09/51559/

Запись Марат Шәйбәков Хәния Фәрхигә нинди көй уйнаган була, “икенче Хәния Фәрхи” кем ул? [видео] впервые появилась Tatar Today - татар яңалыклары..

Марат Шәйбәков белән Әнвәр Нургалиев дуслармы? Җырчы булганчы ул кем була? [видео]

Лейла — Thu, 12 Sep 2019 14:54:04 +0000

//Татар Тудей//

Башкортстанның атказанган артисты Марат Шәйбәков Татар Тудейга Казанда кайсы концерт залы ошавын, Татарстанның кайсы районнарын аеруча истә калдыруын сөйләде. Якташы, танылган җырчы Әнвәр Нургалиевның юбилеенда нигә ул булмавын да әйтте. “Сез дуслармы?” дигән сорауга да җавап бирде. Ә сүзне без тиздән башланачак гастрольләреннән башладык.

— Марат быел да Татарстанга киләсез дип күрдек, кайларда буласыз?

— Киләм, 16 октябрьдә. Узган ел Ленин мәдәният йортында куйган идек, быел да шунда булачак. Концертларны тора-бара Казанның Филармония залында куярга исәп.

— Башкортстанда да гастрольләрегез барамы?

— 25, 26, 27 октябрьдә Уфа шәһәрендә өч концертым булачак. Аннары Баулыдан соң янә Башкортстан буенча йөриячәкбез. Себер якларына да барырга ниятләп торабыз.

— Төркемегез яңартылдымы? Чибәр кызларны каян табасыз?

— Төркем шул ук, биючеләр яңартылып тора. Кызларны кастинг аша сайлыйбыз.

— Репертуар ничек, яңа җырлар булачакмы?

— 7-8 яңа җыр эшлим. Айдар Тимербаевтан бер җыр алдым. Аранжировкасын эшләдем, тавыш яздырасы бар. Бик матур җыр килеп чыкты. Үзебез дә язабыз, тегеннән дә алабыз – шулай эшлибез инде. Хәзер җыр сайлавы бик авыр. Алып карыйсың – матур кебек, җырлап карыйсың – бөтенләй туры килми. Алдың да, эшләп китте дигән сүз түгел. Җыр күңелгә ятмаса, җырламыйм.

— Татарстан белән Башкортстанда концерт куюның нинди үзенчәлеге бар?

— Бәләкәй чакта йокларга яткач, әти Казан радиосын куша иде. Ул нинди радио булгандыр, хәтерләмим. Без ике сәгать шул радионы тыңлый идек. Ул вакытта Казан минем өчен әллә кайда еракта сыман иде. Хәзер Казанга бакчага чыгып кергән кебек кенә кайтам. Мин бит килеп җырлыйм да, кайтып китәм. Төнлә йокы килсә, туктап чәй эчеп алам.

— Татарстанның кайсы районы аеруча истә калды?

— Берсен дә аерып әйтәсе килми. Бөтен җирдә дә әйбәт каршы алалар. Азнакайлылар бәлешләр пешереп алып килгәннәр иде. Былтыр Чаллы, Түбән Камада булган идем, тагын да күбрәк районга чыгарга исәп. Быел тальян белән дә җырлыйсы иде.

— Җырчы булмасагыз, кайсы һөнәр иясе булыр идегез?

— Бәләкәйдән үк, артист булам дип иншалар яза идем. Башка бер нәрсә дә килми иде. Бәләкәйдән үк гармун уйнап үскәч, баянчы булырга хыялландым. Филармониядә эшли башлагач, җырлап карадым да, халык дәррәү кул чапты, тагын җырлавымны сорадылар. Ул вакытта алып баручы Марат Кәбиров «Аның бүтән җыры юк» – дигәч, «уянып» киттем.

— Сез хәзер Уфада Филармония артистымы?

— Юк, мин үземә – үзем артист. Филармонидә бик күп еллар баянчы булып эшләдем. Фән Вәлиәхмәтов, Кәтүк бабай (“Кызык мәзәк төркеме”), Ризван Хәкимовларга уйнадым.

— Әнвәр Нургалиев белән сез дуслармы? Төрле сүзләр йөри башлады, көнләшмисезме дип тә сорадылар…

— Электән үк бергә. Без дошман түгел. Гаиләләр белән дусларның туган көннәренә йөрибез. Әлегә бер-беребезнең концертларда чыгыш ясарга уйламыйбыз. Һәр кешенең үз эше бит, гастрольләр дигәндәй.

— Аның Уфада узган юбилеенда да булмадыгыз кебек..

— Юк, Себердә гастрольдә булдым. Әнвәр белән без дуслар, барсы да тәртиптә, конфликт булганы юк.

Запись Марат Шәйбәков белән Әнвәр Нургалиев дуслармы? Җырчы булганчы ул кем була? [видео] впервые появилась Tatar Today - татар яңалыклары..

Марат Шәйбаков “Әтисез үсә балалар, әтиләре булса да” җырының серен чишә [видео]

Лейла — Wed, 04 Sep 2019 16:51:49 +0000

//Татар Тудей//

Күптән түгел Марат Шәйбаковның “Әтисез үсә балалар, әтиләре булса да” дип аталган, күңелләрне тетрәндерерлек җыры дөнья күрде. Без аннан җырның тарихын сораштык.

—“Әтисез үсә балалар, әтиләре булса да” дигән җырның сүзләре Чишмә районыннан килеп эләкте. Нишләптер инде, кызганычка каршы, бик күп шундый гаиләләр, бик күп аерылышулар. Шуңа күрә инде миңа бу җырның сүзләре йорәккә ятты. Бик күп көйләр язган юк инде, шул ара-тирә язгалыйм. Бу җырның инде көе дә ничектер җайлы гына килеп чыкты. Мин аны башта Инстаграмга куеп карадым, комментариялар җыелды, бик күп кеше “бу җыр кйчан чыга?” диеп сорый башлады. Һәм менә нихаять без бу җырны эшләп чыгардык.

Әтиләр бәлки бу җырны ишетерләр, колак салырлар. Шундый тирән мәгънәле, тарихы булган җырлар күңелгә ничектер якын.

—Тирән тарихлар булмагандыр бит язмышыңда?

—Юк Аллага шөкер. Тормыш иптәшем Ләйсән, ике балам бар. Барысыда яхшы.

Запись Марат Шәйбаков “Әтисез үсә балалар, әтиләре булса да” җырының серен чишә [видео] впервые появилась Tatar Today - татар яңалыклары..

Марат Шайбаков: “Сәхнәгә өч тапкыр чыкты да, үзен йолдыз дип саный…”

Гузель — Fri, 19 Apr 2019 12:28:15 +0000

//Tatar today//

Марат Шәйбәков үткән аралашуда, себер якларындагы гастрольләре белән, апрельдә сезонны тәмамлавы, яңасына инде әзерлек башлавы хакында сөйләгән иде. Мондый уңышлы чыгышлар, концертлардан соң, җырчының “йолдыз чире” белән “авырганы”, андыйларны очратканы бармы икәнлеге хакында сораштык.

“Миндә мондый хәлнең булганы юк. Бервакытта да борын күтәреп йөрмим. Бу “авырудан” саклану – кешенең үзеннән тора. Әлбәттә, иҗади юлымда “йолдыз чире” белән “авыручы”лар очрады. Шунысы кызык, күтәрелмәгән артистлар “чирли” аның белән. Сәхнәгә өч тапкыр чыкты да, үзен йолдыз дип саный кеше”, дип җавап кайтарды безгә Башкортстанның атказанган артисты Марат Шәйбәков.

Запись Марат Шайбаков: “Сәхнәгә өч тапкыр чыкты да, үзен йолдыз дип саный…” впервые появилась Tatar Today - татар яңалыклары..

Җырчы Марат Шәйбәков “очып” йөри башлаган. Сәбәбе…

Гузель — Thu, 11 Apr 2019 07:21:55 +0000

//Tatar today// Гүзәл Гыйбадуллина

Бу елгы сезонда Татарстанда уңышлы концертлар куйган Марат Шәйбәков “YouTube”та үзенең каналын булдырган. Анда җырчының барлык чыгышлары, концертлары, клиплары тупланган. Җырчыны нәрсә илһамландыра соң? Яз ничек тәэсир итә? Концерт сезонын кайчан тәмамлый? Яңасына әзерлек башлаганмы? Әлеге сорауларны Башкортстанның атказанган артисты Марат Шәйбәковның үзенә бирдек.

“Чыннан да яз, көннәр кояшлы, матур, нык яратам яз килгәнен, үләннәр чыкканнын, бала чакларны искә төшерә. Шундый күтәренке кәефләр белән “очып” йөрим хәтта. Яз бик илһамландыра, рәхәт миңа. Бу сезонны апрель азагында себер якларындагы гастрольләребез белән тәмамлыйбыз. 1 нче майга өйгә кайтабыз, Алла бирса.

Яңа сезонга инде җырлар әзерли башладык. Бик күп җырлар алдым. Матур итеп яздырып, шуларны эшләргә кирәк хәзер. Яңа сезон алдыннан, җәй көне авылда ял итәбез, җылы якларга да барырбыз бәлки, әле планлаштырмадык. Шундый уйлар белән ятабыз. Сабантуйларга Екатеринбург якларына чакырдылар. Аннан Башкортстанда булабыз, бәлки Татарстанга да чыгарбыз. Әлегә билгесез”, дип уртаклашты җырчы Марат Шәйбәков.

Запись Җырчы Марат Шәйбәков “очып” йөри башлаган. Сәбәбе… впервые появилась Tatar Today - татар яңалыклары..

Марат Шәйбәков: “Алдыңда елмаеп, матур сөйләшеп, артыңнан төкереп калганнар бар” [видео]

Гузель — Fri, 29 Mar 2019 07:58:39 +0000

//Tatar today//

Шушы көннәрдә Татарстан буенча гастрольләрен төгәлләп, “Хатын-кызлар мәхәббәте”н яулап, TMTV премиясен алган Марат Шәйбәков апрельдән чыгышларын Башкортстанда дәвам итәчәк. Аның җырларының популярлыгы, кайсы авторлар белән эшләве, татар эстрадасыннан кемнәр белән аралашуы хакында без җырчы белән әңгәмә кордык.

Тамашачы аның лирик җырларын да йотылып тыңлый, көчле кул чабып, яхшы кабул итә. Җырчы фикеренчә, җырларының популярлыгы – көе, мәгънәсе, сүзләреннән тора. Талгын җырмы, дәртле җырмы, аерма юк.

Авторларга килгәндә, Марат Шәйбәков Зифа Нагаева, Айгөл Вәлиуллина, Радик Хәкимҗановлар һәм бик күпләр белән эшли. Татар эстрадасыннан Рөстәм Закиров, Рәсим Низамов, Илназ Минвәлиев, Илназ Бах, Ризат, Зинира Рамазановлар, Алсу, Азат Фазлыевлар белән аралаша. “Кешеләрдә мин гадилек, якты йөзлелекне хөрмәт итәм. Алдыңда елмаеп, матур сөйләшеп, артыңнан төкереп калганнар бар”, дип уртаклашты Башкортстанның атказанган артисты Марат Шәйбәков.

Запись Марат Шәйбәков: “Алдыңда елмаеп, матур сөйләшеп, артыңнан төкереп калганнар бар” [видео] впервые появилась Tatar Today - татар яңалыклары..

Марат Шәйбәков фикеренчә иң кадерле бүләк нинди?

Габдулла Тукай — Thu, 07 Mar 2019 21:31:59 +0000

Башкортстанның атказанган артисты Марат Шәйбәков 8 март көнне ял итәме, бәйрәмне гаиләсенә багышлыймы? Бу хакта һәм, гомумән, әлеге матур бәйрәм белән бәйле истәлекле вакыйгалары турында җырчының үзеннән сораштык.

“Бүген – 7 март кызу көн! Башта ЮХИДИ идарәсендә эшләүче кызларны котладым, аннан соң тагын бер оешмага бардым. Бүген Уфа янында урнашкан бер бистәдә концерт куябыз. Хатыным белән кызыма чәчәк бәйләмнәре бирдем дә концертка чаптым. Иртәгә – 8 мартта да концертым булачак. Ә гадәттә, 8 март көнне мин ял итәм”, дип сүзен башлады Марат.

Җырчы белән 8 март белән бәйле хәтирәләр турында да сөйләштек. “Иң кадерле бүләк – үз кулларың белән ясаганы. Мәктәптә укыганда, мәрхүмкәем инәйгә открытка бүләк итә идем. Быел аның арабыздан китүенә 3 ел була. Ул үләсе елны авылда Сабан туе оештырдым. Дөрес, мин аны ел да оештырам. Ул елны Сабан туена бик күп дусларым кайтты. Инәй очып кына йөрде, биеде, кунакларны да мул табын белән кунак итте. Ике көннән соң иртән үзен начар хис итте. Ә мунчадан чыккач, “хәлем бетте әле” дип ятты да китеп тә барды. Менә шулай инәйсез калдык”, – дип искә алды җырчы.

Марат Шәйбәков әнисенең үзе кебек үк җырга-моңга гашыйк булуын әйтте. “Минем тәүге концертларымны алгы рәткә утырып карый иде. “Синең өчен борчылып, кулларым калтырый”, – дия иде. Аннан соң инде алай борчылмады, минем өчен күңеле тыныч булды. 8 март җиткән саен балачакта инәйгә бүләк иткән открыткаларым искә төшә. Менә быел ул хәтирәләрне сезнең белән яңарттым”, – диде Марат Шәйбәков.

Билгеле булганча, 14 мартта Казанның “Ленин” Мәдәният йортында Марат Шәйбаковның концерты узачак.

Запись Марат Шәйбәков фикеренчә иң кадерле бүләк нинди? впервые появилась Tatar Today - татар яңалыклары..

Марат Шәйбәков: “Җырларымны Татарстанга ишеттерергә телим”

Гузель — Wed, 06 Mar 2019 07:19:39 +0000

//Tatar today//

Бу елгы сезонда Татарстан буйлап беренче концертларын куйган Башкортстанның атказанган артисты җырчы Марат Шәйбәков, Казанда тәүге концертын оештыра.

Күптән түгел Tatar Todayга Марат Шәйбәков: “Моңа кадәр Башкортстан, Екатеринбург, Себер якларында гына йөрсәм, быел Татарстанга килергә исәп иттем. Ярты ел элек җырларымны ротациягә бирдем. Сәбәбе шул – “Кайчан Татарстанга киләсез?” дип Татарстаннан бик күп хатлар килә башлады. Һәм менә вакыты җиткән, ахрысы. Җырларымны Татарстанга ишеттерергә телим. Былтыр кайбер районнарда булдым, ләкин быел республика буйлап гастрольләргә ныклап алындым”, дип сөйләгән иде.

Казанда Марат Шәйбәковның концерты 14 мартта Ленин мәдәният йортында узачак.

Башлана 18:30

Запись Марат Шәйбәков: “Җырларымны Татарстанга ишеттерергә телим” впервые появилась Tatar Today - татар яңалыклары..

Марат Шәйбәков хатыны Ләйсән турында: “Икәүләп йөреп булмый инде”

Лэйсирэ — Mon, 25 Feb 2019 12:06:09 +0000

//Tatar today// Эльвира Шакирова//

Башкортстанның атказанган артисты Марат Шәйбәков әкренләп Татарстан районнары буйлап гизә башлады. Үзе әйтүенчә, һәр район – халкы кебек үк үзенчәлекле һәм үзенчә кабул итә. Кайдадыр Маратны таныйлар, беләләр, сагынып көтеп алалар, ә кайбер районнарда Марат Шәйбәков – яңа исем!

– Марат, гомумән алганда, Татарстан турында фикерең нинди?

– Былтыр Татарстанның кайбер районнарында булдым. Әллә шуңа микән, ул районнар мине быел аеруча көтеп алды. Төрле районда төрлечә кабул итәләр. Кайбер районнар бик белеп бетерми. “Кем ул? Нинди җырчы ул?” диләр. Ләкин концертка килгән кеше бик ошатып китә. Сәхнәгә менеп, аркамнан сөеп рәхмәт әйтүчеләр дә бар.

– Ни сәбәпле Чистайдагы концертыңны куймаска булдың?

– Чистай шәһәрендә мине бөтенләй белмиләр, дигән нәтиҗәгә килдем әле. Ник дигәндә, анда билетлар бик аз сатылган. Шул сәбәпле Чистайдагы концертны үткәрмәскә булдык. Шулай да Чистайдан “Ник безгә килмисез?” дип язучылар булды. Төркемемдә җиде кеше эшли, аларның һәркайсына хезмәт хакы түләргә кирәк…

– Марат, төркемеңдә кемнәр эшли?

– Алып баручы Рөстәм Шакиров, баянист Айрат Галиев, бэк-вокалист, җырчы Инзира Гыйздәтуллина, җырчы Ләйсирә Ибраһимова һәм оператор егетләр. Һәр кеше үз вазыйфасын белә. Егетләр аппаратура, кызлар киемнәр белән шөгыльләнә. Сценарийны көз көне үк яздык, шул программаны тәкъдим итәбез.

– Кайбер артистларның хатыннары төркемдә администратор булып йөри. Ләйсәннең андый теләге юкмы?

– Ләйсәннең менә дигән эше бар, Аллага шөкер! Ул даруханәдә эшли. Икәүләп йөреп булмый инде, балаларны да карарга кирәк. Ә җырларны һәм костюмнарны сайлаганда, Ләйсән белән киңәшләшәм.

Марат Шайбәковның Казандагы концерты 14 мартта Казанның “Ленин” Мәдәният йортында узачак.

Запись Марат Шәйбәков хатыны Ләйсән турында: “Икәүләп йөреп булмый инде” впервые появилась Tatar Today - татар яңалыклары..

Марат Шәйбәковка сихерләү белән яныйлар

Лэйсирэ — Sat, 16 Feb 2019 12:20:45 +0000

//Tatar today// Эльвира Шакирова//

Кайвакыт артистларны ерактагы йолдызга тиңлибез, аларны якыннан күрәсе, аралашасы килә. Ләкин кайбер кешеләрнең бу теләге чиргә әверелә, алар җырчыны эзәрлекли, яный башлый. Башкортстанның атказанган артисты Марат Шайбәков та әнә шундый сәер кешегә юлыккан.

“Моннан ике ел элек “Вконтакте”да миңа бер кыз язды. Хәлләремне сораган, аннан соң иҗатымны мактап язган. “Туйларга йөрисезме?” дип телефон номерымны сорады. Ә аннары күрешергә тәкъдим итә башлады. Мин хәлнең нидә икәнен шундук аңлап алдым. Ә ул, киресенчә, мине тынычлыкта калдырмыйча, “фотосурәтең аша сине сихерлим” дип куркыта, яный башлады”, – дип сөйләде Марат.

Җырчы сөйләвенчә, әлеге хатын-кыз аны гына түгел, хатын Ләйсәнне дә борчый башлаган. “Ләйсәннең “Вконтакте”дагы аккаунтына “ирегез сезгә хыянәт итә” дип язган. Шушы хәлләр аркасында Ләйсән белән аңлашылмаучанлыклар да булып алды. Стәрлетамакта концерт куйганда, сәхнәгә чәчәк алып менде. Моңа кадәр минем аны күргәнем юк иде, йөзен танытты. Билгеле, мин аның чәчәген ташладым. Кем белгән, бәлки ул сихерле булгандыр?” – ди җырчы.

Бу хәлдән соң Марат полициягә гариза язган. “Әтисенең номерын эзләп табып, әтисенә шалтыраттым. “Кызыгызны хулиганлык өчен утырталар бит!” дидем. Теге хатын-кыз полиция хезмәткәрләренә “гафу итегез, башка алай эшләмим” дип ялварган. Шуннан соң ул тынычланды. Хәзерге вакытта борчыганы юк, Аллага шөкер!” – ди ул.

Марат Шайбәков мондый хәлгә тарыган артистларга сак булырга киңәш итә. “Андый кешеләрне аккаунтыгыздан чикләгез”, – диде җырчы.

Фото җырчының шәхси аккаунтыннан

Запись Марат Шәйбәковка сихерләү белән яныйлар впервые появилась Tatar Today - татар яңалыклары..