Былтыр ул Казан Кремлендә, 2023, 2022 елларда Камал театры каршында узды, аңа кадәр – Бауман урамында.

Сәхнәдә Ilgiz, Malsi Music, GAUGA, Defne, ALTAN, K3DERT, Al Su, Elina, Айрат Хәйруллин, Айдар Исхаков һәм Tubatay Beats чыгыш ясаячак. Шуларга өстәп – 4 яңа башкаручы.

Акция өч өлештән уза, 6 алып баручы булачак. Беренче өлешне – Илфар Кәримов һәм Айсылу Лерон, икенче өлешне – Илгиз Шәйхразыев һәм Ләйлә Лерон. Өченче өлешне – «Ялкын» журналы баш мөхәррире урынбасары, проектлар авторы Зилә Дәрҗеманова һәм юморист, «Әйдә ШаяРТ!» татар КВН лигасы чемпионы Дилияр Борһанов.

Быел да “Тяжело с татарским” премиясе тапшырыла. Ул татар теле куллану дәрәҗәсе түбән булган дәүләт яки бюджет оешмасына бирелә. Антипремия ияләре дә акциягә чакырыла, әмма, моңа кадәр булган тәҗрибә күрсәткәнчә, алар килми. Быел антипремия алучылар арасында министрлыклар юк.

Антипремиядән тыш, акциядә премия дә бар. Ул татар телен эшендә кулланда дәүләтнеке булмаган оешмага бирелә.

14 апрельдә «Казан Квест» уенын оештырылган, анда районнар һәм Казан мәктәпләре укучылары катнашкан, Казан үзәгендә йөреп төрле биремнәр үтәгән, дистанцион рәвештә проектлар башкарган, бу – яшәгән җирлектә биналарны икетеллелеккә, элмә такталарны тикшерүдән гыйбарәт. 40 гариза килгән, 15е сайлап алынган, җиңүчеләр «Мин татарча сөйләшәм!»дә игълан ителә.

«#минтатарчасөйләшәм2025» хештегын кулланып, видеолар урнаштыру буенча бәйге узган. Җиңүчеләргә «Мин татарча сөйләшәм» брендлы мерч һәм махсус бүләкләр тапшырыла.

Бөтендөнья татар яшьләре форумы карамагында Россия, чит илләрдә 116 оешма. 26 апрельдә аларда 26 апрельдә фатирниклар, сөйләм клублары, төрле чаралар узачак.

Чарага волонтер итеп 60 кеше җыярга теләгәннәр, ләкин 100дән артык волонтер җыелды. Былтыр 50 волонтер эшләгән.

2024 елда чарага 15 меңнән артык тамашачы килгән. «Бәйрәмдә күбрәк яшьләр иде, ләкин бездә чикләүләр юк, без бөтен кешене дә күрергә шат», – диде Бөтендөнья татар яшьләре форумы рәисе Райнур Хәсәнов

«Мин татарча сөйләшәм» акциясенең тагын бер яңалыгы – «Язгы Печән базары» дизайн маркеты. Урыны – Камал театрының яңа бинасы фойесы, сату рәтләре шунда урын алачак. Маркетка керү өчен алдан теркәлү узарга кирәк. «Язгы Печән базары» 15:00 сәгатьтә эшли башлый.

«Кемнәр өчен бу проблема тудыра – маркетка кергән җирдә безнең волонтерларыбыз торачак, алар сезгә ярдәм итәргә әзер», – диде Райнур Хәсәнов.

ЧЫГАНАК: https://intertat.tatar/news/min-tatarca-soilasamga-20-el-oc-buyn-ber-saxnada-xurlyk-premiyase-kazan-kvest-hb-5872430

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Быел “Мин татарча сөйләшәм!” акциясе ничек узачак? впервые появилась Tatar Today - татар яңалыклары..

Илназ форумга тәкъдимен атна ярым алдан ук җиткерүен әйтте. “Мине Рәдиф Кашапов исемле егеткә (форум рәисе урынбасары – ТИ) тәкъдим иттеләр. Ул безгә исемлек күрсәтте дә, “Исемлектән берәрсе төшеп калса, син чыгыш ясыйсың”, диде. Берәү дә төшеп калмады ахыры һәм безне шулай кире кактылар. “Алданрак әйткән булсаң, бәлки әле тыгып та булыр иде”, дип әйттеләр”, – ди Илназ.

Җырчы мондый җавапны үзен катнаштырмас өчен сылтау табу дип кабул иткән. “Нормаль җавап “Әйе” һәм “Юк” була. Алар шулай дигәч, мин, димәк, юктыр инде, булмаячак, дип уйладым. “Ярар” дигән җавап булмаса, юк була инде ул. Алар шулай дигәннән соң да, әле без хәлне сорашып тордык. “Юк, барысы да план буенча. Берничек тә булмый”, диделәр”, – ди Илназ Гарипов.

Илназ Гариповны дусты, “Мин татарча сөйләшәм”леләр белән бер төркемдә эшләүче егет тәкъдим иткән булган. Дус егетен уңайсыз хәлгә куярга теләмәгәнлектән, Илназ аның исемен атамады. “Дус егет миңа “Карарны Рәдиф кабул итә”, диде. Мин исә аңа “Кем ул Рәдиф?” дидем, чөнки мин Рәдифне белмим дә”, – диде Илназ Гарипов.

“Мин бит үзем дә Арча ягыннан. Габдулла Тукай исемендәге Арча педагогика көллиятен бетергән егет. Бу гаепләү дә түгел, бу шундый бер абсурд нәрсә булды инде. Без бит аларга ярдәм итәргә теләдек. Без анда ике җыр белән чыккан булсак, нәрсәдер бик үзгәрер иде инде. Бер җырның вакыты 3 минут ярым инде. Музыкантлар, шоу-студия белән бергә килеп, бушка җырламакчы идек”, – диде җырчы.

Илназ Гарипов үзен генә түгел, инде ничәнче ел башка җырчыларны да шулай ук кертмәгәннәрен искә төшерде. “Миңа калса, бу оештыручылар тарафыннан җитешсезлек. Шундый традицион зур чараларны шундый оештыручылар әзерли дип белми идем әле. Без, татарлар, туган тел көнендә бер-беребез белән уңайсыз хәлгә калдык. Иң күңелсезе шул”, – диде ул.

Фото: соцсети

Запись Илназ Гарипов: “Туган тел көнендә уңайсыз хәлгә калдык. Иң күңелсезе шул” впервые появилась Tatar Today - татар яңалыклары..

Тиздән, 26 апрель – Габдулла Тукайның туган көнендә “Мин татарча сөйләшәм” акциясе үтәчәк. Шул уңайдан, Татарстанның атказанган артисты Фирдүс Тямаевның ни өчен бу чарада катнашмавы турындагы сорауга җавабын искә төшерәбез.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

“Мине чакырмыйлар. Нигә чакырмыйлар? Чакырсыннар! Мин бит бүләкләр алып киләм, җырлап бирәм. Хәлдән килгәнчә нәрсә кирәк, ярдәм итәм. Мин гел Бауман каршында флаг күтәреп йөри алмыйм.

Аннан соң миңа сүзләр булды. СМСлар яздылар бик каты. Бер прокурор ахырдан: “Бәхетең, әгәр тагын озагырак торган булсаң, 1-2 артык сүз әйткән булсаң, сине төрмәгә утырталар иде”, дип әйтте”, дип сөйләгән иде Tatar todayга җырчы Фирдүс Тямаев.

Әңгәмәне тулысынча монда карый аласыз

Запись Фирдүс Тямаев “Мин татарча сөйләшәм”дә нигә җырлый алмавын әйтте впервые появилась Tatar Today - татар яңалыклары..