Архивы мохтаҗлар йорты - Tatar Today - татар яңалыклары.

Мохтаҗларга ярдәм үзәгенә килүчеләр: “Бу әле беренче тапкыр гына” [видео]

Лейла — Fri, 24 Sep 2021 07:36:43 +0000

Казанның мохтаҗларга ярдәм үзәгендә беренче тапкыр плов ашаттылар.
Бик тәмле, сыйлы ашау дип әйтәләр үзләре.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

– Монда кафе кебек. Безнең әле плов ашап караган юк иде. Плов бит ул диетик ашау. Күп кеше анда сарык ите бар, ә ул бик майлы дип әйтә. Ә мин сезгә моның алай булмавын әйтәсем килә. Сарык ите – диетик ит төркеменә керә. Анда бер грамм холестерин юк! Холестерин, киресенчә, олы терлек итендә була! Сарык ите ашагыз! – дип фикерләрен әйтә үзәккә килеп йөрүче бер әби.

Запись Мохтаҗларга ярдәм үзәгенә килүчеләр: “Бу әле беренче тапкыр гына” [видео] впервые появилась Tatar Today - татар яңалыклары..

Татарстан Мөфтие һәм Митрополиты Казанның мохтаҗлар өчен приютында очрашты

Рамиля Валиахметова — Tue, 04 May 2021 16:52:04 +0000

Бүген, Рамазан аеның 22-нче көнендә (4-нче майда), Татарстан мөфтие Камил хәзрәт Сәмигуллин һәм Татарстан митрополиясе башлыгы – Казан һәм Татарстан митрополиты Кирилл башкалабызның Борһан Шаһиди урамы, 26-нчы йорт адресы буенча урнашкан “Мохтаҗларга ярдәм күрсәтү” комплексында эшлекле очрашу уздырды. Дин әһелләрен биредә «Социаль тернәкләндерү һәм адаптация үзәге» Автономияле коммерцияле булмаган оешма җитәкчесе Азат Гайнетдинов каршылады. Мөфти Владыканы комплекс һәм Нәзарәт арасындагы хезмәттәшлек нәтиҗәләре һәм юнәлешләре белән таныштырды.

ТР МДН “Мохтаҗларга бушлай ярдәм” комплексы белән 2014-нче елдан бирле хезмәттәшлек итә. Узган елда исә Нәзарәт комплексны үз канаты астына алып, аңа ярдәмне даими рәвештә күрсәтә башлады: Татарстан Мөфтие Камил хәзрәт Сәмигуллин йөкләмәсе һәм Казан шәһәре Вахитов һәм Идел буе районнары имам-мөхтәсибе Йосыф хәзрәт Дәүләтшин тырышлыгы белән бу приют мөфтият тарафыннан азык-төлек белән тәэмин ителә. Биредә көн саен 300 кешегә кайнар ризык таратыла. Моннан тыш, мөфти Камил хәзрәт Сәмигуллин башлангычы белән, приютка санузел һәм мунча оештыру өчен өстәмә павильоннар бүләк ителде.

Очрашу барышында Азат Гайнетдинов сукбайларны кайнар ризык белән тәэмин итүдән тыш, кием һәм барлык кирәк-яраклар белән ярдәм итү барышы белән таныштырды (чиркәү каршындагы үзәктә ярдәм алучыларның бирегә килеп юыну, чәч алу мөмкинлеге булуын ассызыклап үтте). Камил хәзрәт әлеге комплекс буенча Владыкага экскурсия үткәрде, биредәге юыну урыны, мунча, яңа ачылган социаль чәч алу урынын күрсәтте.

Шул рәвешле, Владыка Кирилл җитәкчелегендә Татарстан митрополиясе вәкилләре биредә мохтаҗларны кайнар ризык һәм азык-төлек җыелмалары белән тәэмин итү буенча бай тәҗрибә белән танышты. Очрашу барышында узган киңәшмәдә Йорт-җирсезләр белән эшләү комиссиясен булдыру турында сүз барды, әлеге комиссиягә Татарстан мөселманнары Диния нәзарәте һәм Рус православие чиркәве вәкилләрен кертелер, дип планлаштырыла. Дини оешмалар җитәкчеләре шулай ук приютка башка ярдәм күрсәтү мөмкинлекләре хакында фикер алышты.

Исегезгә төшерәбез, хәзерге вакытта “Мохтаҗларга ярдәм күрсәтү” комплексында 40 ир-ат һәм хатын-кыз вакытлыча яшәү урыны тапкан. Биредә яшәп чыгучыларның саны исә меңнән артып китте. Үзәк каршына килеп кайнар ризык алучыларның саны бер ел эчендә ике тапкырга артты: 150-дән 300 кешегә җитте. Бүгенге көндә приютка мохтаҗлар белән очрашуга, атнага бер тапкыр, имам белән беррәттән, православие дине вәкиле дә килә башлады. Приютта кайнар аш белән туклану өчен генә түгел, кием-салып белән тәэмин итү, шулай ук кундыру һәм юыну шартлары тудырылган. Моннан тыш, мохтаҗларга телефон элемтәсеннән файдалану, эшкә урнаштыру, югалган документларны торгызуда ярдәм итү, юридик консультацияләр, медицина һ.б. хезмәтләр күрсәтелә. Ярдәм аз керемле гаиләләргә, наркомания һәм алкоголизм чирләреннән интегүчеләргә дә күрсәтелә.

Чыганак: ТР Диния нәзарәте матбугат хезмәте

Запись Татарстан Мөфтие һәм Митрополиты Казанның мохтаҗлар өчен приютында очрашты впервые появилась Tatar Today - татар яңалыклары..

“Безгә ул авырлы булганда килде…Ярдәм иттек. Хәзер аякка басты ” [олы йөрәкләр]

Алина — Wed, 19 Sep 2018 09:35:44 +0000

Балалары булган йөкле хатын-кызларга “Колыбель» иҗтимагый йортының Җиңү проспектында гадәти торак фатирда тагы бер филиалы ачылды, дип хәбәр итә Башкарма комитетның матбугат хезмәте.

Гаиләне, аналарны һәм балаларны яклау үзәге җитәкчесе Эллина Галиуллина сүзләренә караганда, 2018 елның язында Сургутта яшәүче Дарья исемле хатын-кыз аңа мөрәҗәгать иткән. Ул авыр тормыш хәлендә калган хатын-кызлар өчен вакытлыча торак оештырырга тәкъдим итә.

«Бу фатирны ул безнең өчен махсус сатып алды, аның башта шундый ниятләре бар иде. Моның өчен без аңа бик рәхмәтле. Бу фатирда 4 бүлмә , остаханә өчен бина бар, уңайлы шартлар тудырылган», – диде Эллина Галиуллина.

Үзәкнең эше белән Казан Мэры танышты. Аңа күптән түгел ачылган иҗтимагый фатирда 3 хатын-кыз һәм 5 бала урнашкан , дип хәбәр иттеләр. Аналар һәм балалар өчен психологлар белән сеанслар, балалар өчен атна саен үткәрелә торган дәресләр уза. Иҗтимагый фатирда 3 ай яшәргә була – мондый вакытка беренчел килешү төзелә, ләкин хәл катлаулы булса, аны озайталар.

«Күптән түгел бездән бер ана киткән иде.. Хәзерге вакытта аның баласына 6 ай, ул коммуналь хезмәтләргә генә түләү өчен үз фатирына керткән игелекле кешеләрне тапкан, хәзер ул анда яши, акчалата ярдәмм ала, диде Эллина Галиуллина.

Ул шулай ук Җиңү проспектындагы иҗтимагый фатирның Казанда икенче булуын хәбәр итте. Беренчесе 2018 елның язында Ершов урамында ачылды. “Колыбель» мохтаҗлар йорты эшләү дәверендә анда 30 хатын-кыз һәм 44 бала ярдәм алган. Ашау һәм торактан тыш биредә психологик һәм юридик ярдәм дә күрсәтелә.

Чыганак: Казан АиФ

Запись “Безгә ул авырлы булганда килде…Ярдәм иттек. Хәзер аякка басты ” [олы йөрәкләр] впервые появилась Tatar Today - татар яңалыклары..