Запись Вәли Фазлыйәхмәтов белән Гөлназ Гафурова ничек танышалар? Яшь гаилә ничек дин юлына баса? [видео] впервые появилась Tatar Today - татар яңалыклары..

“Мәхәббәт” дуэты” Гөлназ-Вәли барлык мөселман кардәшләребезне Корбан гаете белән котлый.

–  Раббыбыз шушы көнне ихластан дога кылырга, корбан китерергә, рухи тынычлык алып, Аның мәрхәмәтенә ирешергә насыйп итсә иде. Аллаһы Тәгалә барлык яхшы гамәлләребезне кабул итеп, гыйбадәтләребез өчен савапларын арттырып, ике дөньяда да Үзенең чиксез мәрхәмәтен бирсен! Аллаһы Тәгалә безгә бәхет, сәламәтлек, гаиләләребезгә, илебезгә, тынычлык, иминлек, муллык һәм хәерле бәракәтен иңдерсен. Котлы булсын бөек бәйрәмебез Корбан гаете! – ди Вәли Фазлыйәхмәтов.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись “Мәхәббәт” дуэты” Гөлназ-Вәли барлык мөселман кардәшләребезне Корбан гаете белән котлый [видео] впервые появилась Tatar Today - татар яңалыклары..

Сәхнәдән берничә елга югалып торган “Мәхәббәт” дуэты” Гөлназ Гафурова һәм Вәли Фазлыйәхмәтов милли стильдә чыгыш ясауларын дәвам итә. Хәзер алар киемгә генә түгел, җырның сүзләренә, нәрсәгә өндәвенә игътибарлы. Дуэт белән дә, аерым да җырлыйлар.

Күптән түгел Вәли Фазлыйәхмәтов Пәйгамбәребез (с.г.в.) турында Рифат Сәлах сүзләренә, Салават Шәихов иҗат иткән җырын тәкъдим итте. Әйтергә кирәк, бу җыр бик тирән мәгънәле һәм татар эстрадасындагы башка җырларга охшамаган. Рухи яктан бай кеше генә аңлап, кабул итә ала торган җырларның берседер. Бу юнәлештә иҗаты, дини җырлар, турында без Вәли Фазлыйәхмәтовның үзе белән аралаштык.

– Вәли әфәнде, ни өчен дини юнәлештә җырларга, иҗат итәргә булдыгыз? Җырларыгыз ничек туа?

– Бу минем тормыш белән бәйле. Үзем диндә булгач, күберәк шундый җырлар ошый, шундый стильдә эшлисем килә. Дини җырларны Аллаһ, Пәйгамбәребез (с.г.в.), Рамазан, Ураза турында гына булырга тиеш димим. Мәсәлән, мәхәббәт темасын алсак та, ул хәләл әйбер, аның турында җырларга ярый, ләкин аны төрлечә күрсәтеп була бит: җенси һәм башка якларын. Ә без ихлас, саф мәхәббәтне күрсәтергә тырышабыз, җырның сүзләренә аеруча игътибар итәбез.

Пәйгамбәребез (с.г.в.) безгә юл күрсәткән, без аны яратабыз, Салаватлар әйтәбез. Шуның өчен мин аның турында җырларга булдым. Бәлки, икенче җырым башка темага булыр.

Күбесе дини җырны ислам турында гына булырга тиеш дип аңлый. Юк! Табигать, балалар, әти-әни… Татар эстрадасында булган бөтен җырлар, халык җырларын алыйкмы, алар барысы да дини җырлар, яхшы фикердән туган.

Җырларым тормыштан алына. Мәсәлән, мөселман кызы турында җырым бар. Без аларның матурлыгын, тыйнаклыгын, сөйкемлеген күрәбез, Сөбханаллаһ, дип карыйбыз. Бөтен темалар да якын тирәдә. Кая барсаң да, дини темага җыр табарга була.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

– Сами Йосыф кебек дөньяга танылган дини җырлар башкаручы булу теләге бармы Сездә?

– Сами Йосыфны чыннан да дөньякүләм җырчы дип әйтергә була. Ул гарәп телендә дә, башка телләрдә дә җырлый. Бәлки берәр мин дә төрле телләрдә җырлармын. Әлегә саф татар телендә җырлыйсым килә. Хәзер гарәп телен бераз өйрәндем. Бу телдә җырларга да теләгем бар. Чөнки ислам безгә гарәп теле белән килгән, безнең икенче телебез. Аны да өйрәнергә, белегә кирәк.

– Ислам динендә җыр юк, диючеләргә җавабыгыз нинди?

– Аны төрле белгечләр төрлечә аңлата. Кемдер ярый, кемдер ярамый ди. Тик шуны әйтәсем килә, кеше Коръәнне көйгә салмаса да, аны укыганда үзенең нинди тавыш мөмкинлекләреннән файдаланса, җырлаганда да шул ук мөмкинлекләрне кулланыла: тавыш, борын, ишетү сәләте һәм башкалар. Җыр – музыка белән бәйле һәм уен кораллары ярдәмендә башкарыла.

Ә уен кораллары хәлләме соң, дигән сорау туа. Бәлки, ярамый торган уен кораллары да бардыр. Монда бик озак һәм тирән өйрәнергә кирәк, бәхәсле мәсьәлә. Кем нинди фикерне ала инде. Нишләтәсең, без бит кешеләр, кайбер урыннарын аңлап та бетермибездер.

Мин ислам динендә җыр юк димәс идем, ул һәрвакыт булган. Пәйгамбәребез (с.г.в.) вакытында да кешеләр җырлаган. Минемчә, начар темаларга, яманлыкка өндәп җырлау – хәрәмгә керә. Иң мөһиме – без күңелебездә яхшы уйлар, макстлар йөртәбез. Шушы җырларым аша кешеләргә динне, исламны матур, яхшы яктан күрсәтергә телим.

Запись Вәли Фазлыйәхмәтов: “Мәхәббәт – хәләл әйбер, аның турында җырларга ярый, ләкин…” [әңгәмә] впервые появилась Tatar Today - татар яңалыклары..

“Никах көне”, “Уйла мине” җырлары белән халык күңелен яулаган “Мәхәббәт” дуэты” Гөлназ-Вәли эстрададан югалып торганнан соң, яңадан чыгыш ясый, татар телеканалларында күренә башлады. Бу хәлнең сәбәбен, имеш-мимешләрнең ни дәрәҗәдә хаклылыгын аңлар өчен, без Гөлназ Гафурова белән аралаштык. Иҗади планнарын, максатларын белештек.

 – Гөлназ, эстрададан югалып торуыгызның сәбәбе нидә?

– Алай югалып та тормаган кебек. Безне “югалдылар”, дип әйтәләр икән, димәк югалганбыз инде. Дөресен әйткәндә, мин декрет ялында булдым. Башта улым Мөхәммәтне, аннан кызым Җәннәтне таптым. Кечкенә чакта бөтен мәхәббәтемне, җылымны, назымны бирү өчен, үземне аларга багышладым. Шуңа күрә дә Вәли белән без дуэт буларак эшләүне кичектереп тордык. Артистларга гел гастрольдә, концертларда йөрергә кирәк бит. Без аны мөһим әйбер итеп күрмәдек.

Хәзер тамашачы безне сагынган, көтә икән. Социаль челтәрләрдә теркәлгәннән соң, интернетта яза башладылар, кызыксыналар, чыгыш ясарга чакыралар. Элек тә чакыра иделәр, ләкин без баш тарта идек, чөнки балаларны да калдырып булмый, андый теләк тә юк иде.

– Сезне Вәли белән аерылышкан икән, дигән сүзләр йөрде бит. Ничек кабул иттегез аларны? Үзегезгә ишетелдеме?

– Имеш-мимешләр күп йөргәндер инде, без аларның яртысын да белмибез. Шулай да кайберләренең кайтавазлары ишетелә иде. Без инде нишлик? Көлешеп кенә ала идек. Читтән генә күзәттек, исебез китмәде, кысылмадык.

Сүзләр күп булды ул. Бер хәл исемдә калган. Җәннәт кызыма 1 яшь булгандыр, кибеттә йөргән чагым иде, минем яныма берәү килеп, исәнләшеп: “Бу балагыз Сезнең икенче ирегездәнме инде?”, дип сорады. Ник шулай уйлыйлар икән дип, мин аптырап кала идем.

Имеш-мимешләр булганда, кеше кызыксына, сөйли дигән сүз бит инде. Күп артистлар югалудан курка, чөнки концертлар, чакырулар да туктала, кеше дә оныта кебек. Ул вакытта Вәлинең дә, минем дә күңел халәте шундый иде. Рәхәт иде, оядан чыгасы да килмәде.

Хәзер балалар бераз үстеләр, мөстәкыйль була башладылар. Улыбызга 10 яшь, кызыбызга 5 тула. Үз теләкләре белән аларны төрле түгәрәкләргә йөртәбез. Мөхәммәт бокска, хоккейга, бассейнга, музыка мәктәбенә йөри. Әтисе белән алар иртәнге 5тә тренеровкага чыгып китәләр. Кичкә кадәр көн тәртибе бар. Җәннәт балалар бакчасына барыр алдыннан, фигуралы шууга йөри, балалар бакчасында да төрле түгәрәкләрдә: вокал, бию, рәсем белән шөгыльләнә. Кич белән гимнастикага барабыз. Шулай мәш киләбез.

 – Вәли белән дуэт өстендә күбрәк эшлисезме яки шәхси иҗатыгызны үстерәсезме?

– Бертигез алып барабыз. Чакырсалар, Вәли белән дуэт буларак барып кайтабыз. Күбрәк никахларга чакыралар. Мин Филармониядә эшләгәч, анда да чыгышлар бик күп. Яңа җырлар, клиплар өстендә дә эш алып барабыз.

View this post on Instagram

A post shared by Гульназ Гафурова🌹Гөлназ ханым (@gulnazgafur)

Без ял иттек, күп кенә материал тупланды. Бер урында гына утырмадык, җырлар яздырдык. Шуларны экрен генә күрсәтәчәкбез.

– Хәзерге сәхнә образыгыз эчке халәтегезне чагылдырамы? Күлмәкләрне махсус тектерәсезме?

– Әйе, сәхнә образым эчке халәтемне чагылдыра. Мин бит инде ана кеше, ике бала анасы, балалар өчен үрнәк булырга, татар мәдәниятына мәхәббәт уятырга тиешмен. Чөнки алар мәктәптә, бакчада чит ил музыкасын тыңлыйлар, урысча аралашалар. Шуңа күрә, татарлыклары белән горурланып йөрер дәрҗәдә мәхәббәт тәрбияләргә тырышабыз. Алар безнең киләчәк буын, варисларыбыз һәм без бөтен тәҗрибә, мирас тупланган сандыкны тапшырырга тиешбез. Мин тәрбияне шулай итеп күз алдына китерәм. Йоклар алдыннан, халык иҗаты, татар фольклоры белән таныштырам, тарихны сөйлим.

Күлмәкләремне махсус тектерәм. Татарстанда да талантлы дизайнерларыбыз барлыгына сөенәм. Үзем дә дизайнер буларак, күптән хыялым бар иде бергә уйлап, тукымалар сайлап, хезмәттәшлек итәргә. Чаллы кызы Гүзәл Валишина, Пермьнан Гөлфия Билаловалар белән эшлибез.

– Хәзерге вакытта нинди планнар корасыз, нинди уйлар белән яшисез? Эстраданы кабаттан яуларга дигән максатыгыз бармы?

– Без бүгенге көн белән яшибез. Күңел җырлый икән, җырлыйбыз. Клиплар, җырлар әзерлибез, бәлки концертлар да булыр. Тырышып, тырышып, максат куябыз дигән уй-фикер белән дә йөрмибез. Ләкин уңышларыбыз белән уртаклашасыбыз килә. Иҗатыбызны сөючеләр булу, безне икеләтә сөендерә.

Ә эстраданы ничек яулыйсың? Бүгенге көндә модада ул реклама биреп, клипларны әйләндереп, радиода, телевидениедә яңгырап тору.  Нәрсәгә ул? Халык яратса, үзе дә таба.

Запись “Мәхәббәт дуэты” Гөлназ-Вәли гаилә тормышы, имеш-мимешләр, иҗади максатлары хакында [эксклюзив] впервые появилась Tatar Today - татар яңалыклары..