СПбДУ доценты Олег Соколов, җинаять кылганнан соң, бер атнага эш графигы төзегән. Бу хакта үзенең Facebook-аккаунтында тарихчы Егор Яковлев язган.

Аның сүзләренә караганда, Соколов аның белән 8 ноябрь кичендә, студент кыз инде исән булмаган  чакта телефон аша сөйләшкән. Аралашу барышында Яковлев галим белән аның фестиваль лекциясенең анонсын 13 ноябрьдә язу турында килешергә теләгән.

Олег Валерьевич операторның үз фатирына китерергә теләмәвен катгый рәвештә әйтә, янәсе, күптән түгел аны  талаганнар һәм ул чит кешеләрдән курка”, – дип сөйли Яковлев.

Соколовның мондый реакциясе тарихчыны гаҗәпләндергән, чөнки ул операторны җибәрергә җыенмый. Яковлев фикеренчә, кыска комментарийны университетта лекцияләр арасындагы тәнәфестә төшереп калдыру күпкә уңайлырак.

“Бу сөйләшүне искә алгач, мине бераз калтырата. Мин ул вакытта булган хәлләр турында уйламаска тырышам”, – дип ассызыклый Яковлев.

Олег Соколов 9 ноябрьдә, Санкт-Петербург дәүләт университеты аспиранты Анастасия Ещенконың киселгән кулларын  суда батырырга  маташканда тоткарлана. Соколовны адекват булмаган һәм өшегән хәлдә  Петербург хастаханәләренең берсенә урнаштыралар. Күпмедер вакыт узгач, ул тәүбә итә һәм үзенең эск-студенткасы белән мөнәсәбәтләрдә торуын һәм көнчелек фонында кабынып киткән ызгыштан соң үтерүен таный. СПбДУ доценты кызның мәетен кискәләп, аннан котылырга карар кылган. 11 ноябрьдә суд Соколовны 2 ай вакытка кулга алган.

Чыганак “МК”

Фото: Михаил Кальницкий.

Запись Соколовның аспиранткасын үтергәннән соң киләчәккә корган планнары ачыла впервые появилась Tatar Today - татар яңалыклары..