Җырчы һәм телетапшырулар алып баручы Ольга Бузова, блокадница хакындагы шаяртулардан соң, Instagram челтәрендәге битенә керүне чикләгән.
Хәзер җырчының язмаларын күрү өчен, аңа язылган булу шарт.

Җырчыга язылучыларның саны хәзерге вакытта 16, 2 миллионны тәшкил итә. Алдагы көннәрдә Виталий Бородин Бузованың блокадница турындагы язмасына шелтә белдереп, Генпрокурор Юрий Чайкага мөрәҗәгать иткән иде. Аның фикеренчә, Генпрокуратура Роскомнадзорга Ольганың битен ябу тәгъдиме белән чыгарга тиеш.

Берничә көн элек Бузова түбәндәге видеоны үзенең битенә урнаштырды: җырчы купальниктан гына аш өстәле каршында утыра, тәлинкә ялый һәм көлеп, үзен Ленинград блокадасы кешеләре белән чагыштыра. Ул әлеге адымын “безнең өйдә һәрвакыт ашны ашап бетерү каралган иде”,-дип аңлатты.

Бузованың әлеге видеосы киң массада зур ризасызлык уятты, продюссер Иосиф Пригожин, актер һәм җырчы Михаил Боярский, язучы Илья Резник, Госдума депутаты Дмитрий Свищев та Ольгага каршы тәнкыйть белән чыкты.

Соңрак җырчы “әгәр минем язмам кемне дә булса үпкәләткән булса, гафу үтенәм, ләкин мин бары тик үземнән генә көлдем”,-дип белдерде. Шуңа да карамастан, Бузова шау-шу кузгаткан язмасын интернет челтәреннән алып атырга ашыкмады. Шул исәптән, әнисе Ирина да кызы Ольганы якларга ашыкты. Аның бу кыланмышын ул “җырчының әбисе блокада кичерде, ә тәлинкәләр ялау нәселдән килә торган гадәт,”-дип аңлатты.

Чыганак: РИА-Новости 

Запись Ольга Бузова Instagram-битен япкан! впервые появилась Tatar Today - татар яңалыклары..