Данир Сабиров тормыш иптәше Миләүшә белән Парижда ял иттеләр. Бу сәяхәтләре турында алар Инстаграм битләренә кызыклы язмалар керттеләр.

“Гадәти булмаган сәяхәт булды бу! «Хорошо там, где нас нет», – дип әйтәләр бит. Әйе, өйдә, Казаныбызда бик рәхәт. Кәртинкәләрдә матур булып күренгән Парижда да бик күп ярлылар яши, анда да халыкның үз мәшәкатьләре.
Әмма! Тарихын саклап калган ил! Шаккатыргыч! Әллә ничәнче гасырда төзелгән чиркәүләр әле дә булса Франциянең күрке булып тора”- дип язган Данир.

View this post on Instagram

A post shared by Данир Сабиров (@danir_sabirov87)

Мәгълүмат Данир Сабиров Инстаграм битеннән

Запись Данир Сабиров: “Гадәти булмаган сәяхәт булды бу!” впервые появилась Tatar Today - татар яңалыклары..

Талантлы җырчылар Айгөл Бариева, Айгөл Хәйри, Зарина Вилданова Парижга барып яңа триога нигез салып кайткан. Чит илдә татар җырын яңгыраткан кызлар төркемгә “АйЗарАй” дигән исем дә кушкан.

Запись Айгөл Бариева, Айгөл Хәйри, Зәринә Вилданова – “АйЗарАй” триосы Париждан соң үсеп китә алырмы? [видео] впервые появилась Tatar Today - татар яңалыклары..

23 май иртәсендә Казан һава аланыннан Парижга юл алган очкычта бу төркемнән кала “Казан егетләре”, “Казан” бию ансамбле, “Шарм” шоу-балеты, Чаллыдан “Болгарлар” һәм “Татарстан”, Алабугадан “Кама таңнары” бию төркемнәре, җырчы Айгөл Хәйри, баянчылар Айдар Вәлиев һәм Булат Хисмәтов та бар. Тагын бер җырчы – Айгөл Бариева Парижга Канаданың Монреаль шәһәреннән килә. Ул Монреальгә Сабантуйга барган иде.
Парижга бару куанычы социаль челтәрләрне дә яулап ала башлады. Франция башкаласына юл алучылар арасында дөньяда иң зур очкычларның берсе булган – Боинг-747нең эчен төшереп тизрәк Инстаграмга куючылар да булды. “Россия” һава ширкәтеннән арендага алынган бу очкычка 522 кеше сыя. Мондый очкычның Казаннан күтәрелеп китүе – үзе яңалык, сирәк була торган хәл.

Инстаграмга “Париж татарча шау киләчәк, чөнки Казан зур такым белән килә!” дип язучылар да булды. Сабантуй өч телдә: Татарстанның дәүләт телләрен – татарча һәм русчаны, Франциянең дәүләт теле – французчаны да тигез дәрәҗәдә кулланып үткәрерләрме? Бу ягы билгесез. Соңгы көнгә кадәр Казан хакимияте “тел яшерде”. Азатлык сорауларына җавап бирмәде. Бәйрәмгә кемнәрнең барасын да, бу чараның бюджетка күпмегә төшәсен дә әйтмәде.

Быел февраль аенда Париж мэры Анн Идальго Казанга килгән иде. Казан мэры Илсур Метшин аңа Сабантуй бәйрәмен Парижда да үткәрү тәкъдиме белән чыкты. Идальго бу тәкъдимне хуплады.

Артистларның сүзләренә караганда, Париж Сабантуенда түрә-кара өчен аерым чатыр да корылачак. Кайбер артистлар анда да кереп җырлаячак һәм баянда уйнаячак. Татарстан мулдан кунак итәргә ярата. Чәкчәге, казылыгы, корты һәм башка милли ризыклар, кабымлыклар да Казаннан ук китерелергә мөмкин.

25 май буласы Сабантуйга бер атна кала Казаннан Парижга зур фургон машиналарның юл алганы да билгеле булды. Сәхнәне 3 мең 700 чакрым чамасы ара үтеп ташып йөрмиләр микән дигән шик туа.

22 май Эйфель манарасы янындагы Марс кырында Сабантуй сәхнәсен кора башладылар. Әмма анда татарча бер генә сүз дә юк. Французча “Фольклор бәйрәм Сабантуй” дип язылган.
Парижга килүчеләргә мәгълүмат биреп тора торган сайтта да Сабантуй бәйрәме турында язылган. “Париж һәм Казан (Русиядәге Татарстан башкаласы) бергәләшеп Эйфель манарасы төбендә карарга килүчеләргә чын шоу тәкъдим итәчәк. Бу – Идел буенда яшәүче халыкларның (татарныкы түгел – ред.) уңыш рухларын чакыра торган үзенчәлекле бәйрәме. Сабантуй Татарстандагы барлык шәһәрләрдә дә үтә. Програмда: ярышлар, осталык күрсәтү һәм татар милли ашлары”, дип язылган.
23 май көнне Казаннан Парижга килгән Боинг-747 26 майга каршы төндә кире кайтып китәчәк. Татарстанда банклар кризисы дәвам иткәндә, алданган дольщиклар кайчан фатирлы булабыз инде дип тилмергәндә, кризис сәбәпле халыкның кесәсе такырайганда Париж Сабантуе татарның борынгыдан килгән “юрганга карап аягыңны суз” дигән мәкаленә төсме соң?

AVT ширкәте җитәкчесе Азамат Сабиров әйтүенчә, Казан-Париж-Казан чартер рейсының бәясе 9-11 миллион сумга төшәргә мөмкин.

Моннан тыш әле яшәү өчен чыгымнарны да истә тотарга кирәк. Русия финанс министрлыгы карары нигезендә, бюджет оешмасында эшләүчеләргә Франциядә бер тәүлек яшәү өчен 65 доллар каралган. Әгәр шуны 500 кешегә өч көнгә исәпләсәң 5,5 миллион сум килеп чыга. Отельдә торган өчен бер тәүлеккә 185 евро каралган. Бу бәянең яртысын гына алсаң да 8,5 миллион сум чамасы чыга.

Барысын бергә кушып санаганда Парижда Сабантуй уздыру якынча 23 миллион сумга төшә.

Бу акчаларны татарны, аның тарихын һәм гореф-гадәтләрен дөньяга таныту өчен бик яхшы сыйфатлы кинофильмнар төшерү өчен тоту мөмкинлеге дә бар.

“Зөләйха” фильмы бюджеты 6 миллион сумнан арткан иде, төрле бәйгеләрдә җиңү яулаган “Күктау” фильмын төшерү 6 миллион сум тирәсенә төшкән.

Запись Парижда Сабантуй үткәрү – юрганга карап аяк сузумы? [фото] впервые появилась Tatar Today - татар яңалыклары..

Стилистлар, дөрестән дә, шәп – балалары Камилә һәм Самир Хәкимовлар икән. Камилә килештереп: “Камилла из Парижа”, дип үзен таныштыра. Ә малае кайгыртып кына: “Мама, все в порядке?” ди.

Балалары әле кечкенә булганлыктан, әнисен бизәндергәндә үпкәләшеп тә алалар. Гүзәл генә аларга: “Минем бит ике күзем, икегез дә буйый аласыз”, ди.

Күлмәкне “Свинка Пеппа” мультфильм герое кебек, алсу булсын дип, нәкъ шул төстәгесен сайларга керешәләр. Ләкин гардеробта гына кирәк төс булмый.

Киемен дә сайлашалар, чәчләрен дә карыйлар, махсус кич өчен макияж да ясыйлар.

Әнисе Камиләдән: “Тагын кемгә макияж ясадың?” дип сорагач, кызы: “Мадонна, Бритни Спирс, Алла Пугачевага, ә бүген менә Гүзәл Уразовага ясадым”, ди.

Гүзәлнең: “Ашыйсы килә башлады”, дигәч, Камилә: “Мин стилист, пешекче түгел”, дип җавап кайтара.

Баласы өчен әнисе һәрчак гүзәл була инде, әле матурлаганда үзләре дә катнашкач. Шуңа күрә, әниләренең имиджын яңарткан балалар: “Син бик матур, болай чыгыш ясасаң була”, диләр.

Запись Гүзәл Уразова имиджын үзгәртергә Париждан стилистлар чакыра [шаян видео] впервые появилась Tatar Today - татар яңалыклары..