Русия халкының паспортларында «милләт» графасы кире кайтырга мөмкин. Мондый идея белән Дәүләт Думасы депутаты Виталий Милонов чыгыш ясаган.⠀

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Ул Минюст башлыгына да мөрәҗәгать иткән.
– Конституциядә без күпмилләтле халык, дип язылган. Күпмилләтле халык, ә беребезнең дә милләте юк, – дигән ул. – Һәм кайбер халык юкка чыкмасын һәм телләре саклансын өчен бу яхшы этәргеч булырга мөмкин.
⠀
Депутат, үзенең тәкъдиме аркасында, милләтләр арасында бернинди дошманлык та башланмаячагына ышана һәм бу яңалыктан беркем дә курыкмаячак, дип уйлый.

Чыганак: "Өмет" гәҗите сайты

Запись Халыкны шаулатып паспортка үзгәреш кертмәкчеләр впервые появилась Tatar Today - татар яңалыклары..

Авыл хуҗалыгы һәм азык-төлек министры урынбасары Ленар Гарипов аңлатуынча, бозауларның бер колагына бердәм мәгълүмати системага теркәлгән уникаль сан һәм qr-код белән тамгалар урнаштырыла. Шуннан соң районның ветеринария хезмәте терлекләргә ветеринария паспортын булдыра. Анда исә барлык мәгълүматлар да тупланып барачак.  Әлеге паспорт белән теләге булган һәркем таныша алачак. Моның өчен телефонны терлеккә беркетелгән qr-код ка якын китерү дә җитә.

– Чиплаштыруны теләсә кайсы вакытта эшләргә мөмкин. Махсус тамганы бозауларга да, зур малларга да салалар. Әлеге процедураның терлекләргә зыяны юк. Алар тамга куйганда авыртуны да сизми, – диде ул.

Министр урынбасары чиплаштыру белән Кукмара һәм Әтнә районы терлекчеләре дә кызыксына башлавын җиткерде.

Республика мәгълүмат һәм исәпләү үзәге җитәкчесе Нияз Хәлиуллин әйтүенчә, бүген системада 200ләп терлек бар.

– Әлегә бозаулар гына кертелә. Хуҗалыклар уникаль номерлы биркалар сатып ала, чиплаштыру икешәр – күзгә күренеп торган һәм электрон бирка белән бара. Тамгалар тагылгач, терлек турындагы бөтен мәгълүмат системага кертелә һәм аның паспорты булдырыла, – диде Нияз Хәлиуллин.

Ике бирканың бәясе – 117 сум. Әлеге вакытта республика мәгълүмат һәм исәпләү үзәге аша 5 мең тирәсе бирка сатып алынган.

– Хуҗалыклар моңа кадәр дә биркаларны сатып ала иде инде. Бу алар өчен артык чыгым һәм мәшәкать тудырмас. Күпләп алган очракта, ташлама да каралган, – диде ул.

Татарстанда өч ел эчендә бөтен терлекне бердәм идентификация системасына кертеп бетерергә ниятлиләр.

– Бу процесс тиз генә бара алмый. Закон кергәч, уникаль номерсыз, QR-кодсыз терлекне каядыр башка урынга күчерергә һәм сатарга ярамаячак. Шуңа күрә өч ел эчендә бөтен терлек идентификацияләнергә тиеш булачак, – ди Нияз Хәлиулллин.

Гади халыкка туры килердәй механизм әлегә уйланылмаган булуын да әйтте.

-Сөт тапшырганда билгеле бер проблемалар бар, алдаулар да күп була. Шуңа күрә сөт җыючылар, кооперативлар белән бу мәсьәләне карыйбыз, – диде ул.

Татарстан Министрлар Кабинетының Баш ветеринария идарәсе җитәкчесе урынбасары вазифасын башкаручы Елена Ильина әйтүенчә, бердәм идентификацияләү эпизоотик вазгыятькә дә уңай йогынты ясаячак.

– Безнең өчен чиплаштыру терлекләрдәге зарарлы авыруларны булдырмый калу максатыннан кирәк. Моннан тыш, ул аларның таралу юллары һәм авыруның каян килеп чыкканын билгеләргә дә ярдәм итәчәк. Шулай ук терлекләрне алыштырып та булмаячак. Моннан тыш, махсус вакцина ясалмаган малларны бер урыннан икенче урынга күчерү дә мөмкин булмаячак, – диде ул.

Җитәкче сүзләренә караганда, киләчәктә кошлар, хәтта умарта кортлары гаиләләре дә идентификацияләнәчәк. Тик бал кортларын ничек чиплаштырачаклары гына аңлашылып бетмәде…

Зөһрә  Садыйкова

Чыганак: Ватаным Татарстан

Запись Барлык малларга да паспорт бирәләрме? впервые появилась Tatar Today - татар яңалыклары..

Электрон документта яшәү урыны, машина йөртү хокукы, СНИЛС һәм ИНН белешмәләре булачак.

Акимов паспортларның яңа формасы РФ бюджеты өчен өстәмә чыгымнарга китермәячәк, дип ышандырды. “Без биргәндә бирелә торган пошлина кысаларында калырбыз дип уйлыйбыз”, – диде ул.

Яңа документның уңайлыгы сыйфатында Акимов машина йөртү хокукларына пошлина бәясен китерде, ул бүгенге көндә 2 мең сум тәшкил итә, ә электрон паспортта бәясе 300 сумга кадәр кимиячәк.

РФ премьер-министры Дмитрий Медведев уздырган киңәшмә нәтиҗәләре буенча, Акимов, техник яктан ил яңалыкка әзер, дип ачыклык кертте. Ул белдергәнчә, криптоалгоритм күзлегеннән дә, программа белән тәэмин итү күзлегеннән дә, чип күзлегеннән дә, бернинди чит ил компонентлары җәлеп ителмәячәк.

Традицион кәгазь паспортларга килгәндә, 2022 елда аларны бирү тукталачак.

Медведев киңәшмә барышында электрон паспортның чиплы пластик карта, шулай ук смартфондагы мобиль кушымтаны үз эченә ала алуын әйтте. Хөкүмәт ике вариантны да исәпкә ала: физик носитель, аны үзең белән йөртергə мөмкин, һәм өстәмә опция сыйфатында мобиль кушымта.

Беренче этапта документлар яңа форматта электрон чит ил паспортларын бирү пунктларында биреләчәк, ә аннан соң бу мөмкинлекне күпфункцияле үзәккә дə кертү планлаштырыла.

Мәгълүмат Интерфакс

Запись Вице-премьер Максим Акимов: “Традицион кәгазь паспортлар булмаячак” впервые появилась Tatar Today - татар яңалыклары..