Архивы поиск - Tatar Today - татар яңалыклары.

Чаллыда югалган 17 яшьлек кызны эзлиләр [фото]

Лэйсирэ — Thu, 24 Jan 2019 11:50:05 +0000

Чаллыда 11 гыйнварда өеннән чыгып киткән 17 яшьлек Шиһапова Эльвира Марат кызын эзлиләр. Бүгенге көнгә кадәр аның кайдалыгы билгеле түгел, дип яза “Челнинские известия”.

Кыз 160 сантиметр буйлы, уртача гәүдәле, иңнәренә кадәр төшеп торган туры чәчле, чәч очлары акка буялган, күзләре яшел. Кызыл куртка, кара джинсы чалбар, кара кофта, чия төсендәге кроссовкалардан киенгән. Үзе белән Iphone 4 маркалы телефоны бар.

Шиһапова Эльвираның кайда булуы турында мәгълүмат булган очракта 02 яки 8-917-915-86-85 (волонтерлар) телефоннары буенча хәбәр итүегезне сорыйбыз.

Төп фото: https://pixabay.com/

Запись Чаллыда югалган 17 яшьлек кызны эзлиләр [фото] впервые появилась Tatar Today - татар яңалыклары..

Татарстанда өеннән сәер рәвештә чыгып киткән ир-атны эзлиләр [фото]

Лэйсирэ — Fri, 04 Jan 2019 05:48:16 +0000

Чаллыда 31 яшьлек ир-атны эзлиләр. Ул декабрь ахырында өеннән җәйге кроссовкалар киеп чыгып киткән һәм юкка чыккан, дип яза “Челнинские известия“.

Соңгы тапкыр Александрны 24 декабрьдә 49нчы комплекста күргәннәр. Шул вакыттан бирле аның кайда икәнлеге турында бернинди мәгълүмат та юк. Якыннары белән элемтәгә чыкмый.

Ир-атның буе 175 сантиметр, чәчләре ачык коңгырт төстә, яшькелт-көрән күзле. Өстенә куртка, куе зәңгәр төстәге чалбар һәм җәйге кроссовкалар кигән.

Запись Татарстанда өеннән сәер рәвештә чыгып киткән ир-атны эзлиләр [фото] впервые появилась Tatar Today - татар яңалыклары..

Түбән Камада серле рәвештә 34 яшьлек ир югала [видео]

Лэйсирэ — Wed, 05 Sep 2018 11:54:06 +0000

4 сентябрь Түбән Камада Булат Нигъмәтуллин югалган. NTR-24 сайты язуынча, 34 яшьлек ир-атның эшләп торучы, ишекләре ачык калган машинасын Лесная урамындагы стоянкадан хезмәттәшләре табып ала. Ә Булат үзе суга төшкәндәй серле рәвештә юкка чыга.

Дүртесеннән бирле элемтәгә чыкмаган ир-атны туганнары, дуслары, төзелеш оешмасында бергә эшләгән хезмәттәшләре һәм полиция эзли.

Өйдә дә, эштә дә күренмәгән гаилә башлыгының хатыны, балалары бар. Дуслары сүзләренчә, ир-ат эчеп йөрүчеләрдән түгел. Югалган көнне Булат Нигъмәтуллинның машинада телефон һәм документлары да калган. Эзләү дәвам итә.

Фото: ntr-24.ru

Запись Түбән Камада серле рәвештә 34 яшьлек ир югала [видео] впервые появилась Tatar Today - татар яңалыклары..