Архивы Радий Хәбиров - Tatar Today - татар яңалыклары.

Куштауны нинди язмыш көтә?

Лейла — Fri, 21 Aug 2020 18:30:23 +0000

Уфада республика Башлыгы Радий Хәбиров Куштауны яклаучылар белән очрашты.

Очрашу вакытында төбәк җитәкчесе алга таба эшләр турында карар кимендә ике атнадан, 4 сентябрьгә кадәр кабул ителергә тиеш, дип белдерде.

Мондый срокны Радий Хәбиров координацион совет оештыру һәм кирәкле консультацияләр үткәрүгә бирде. Әгәр шул вакыт эчендә карар кабул ителмәсә һәм компромисс табылмаса, шихан махсус сакланучы территория статусын алачак, диде ул.

“Ике атна вакыт бирәм. Әгәр карар табылмаса, тауга махсус сакланучы территория статусын бирү өчен документларны җибәрәчәкмен. Минем аңлавымча, Куштауның эше шуның белән тәмам, аны эшкәртү мөмкин түгел “, – дип белдерде Башлык.

Чыганак: Кызыл Таң

Запись Куштауны нинди язмыш көтә? впервые появилась Tatar Today - татар яңалыклары..

Радий Хәбиров: “1нче сентябрь өчен борчылам”

kadria — Mon, 20 Jul 2020 09:33:00 +0000

Бүген үткән оператив киңәшмәдә, гадәттәгечә, республикада коронавирус инфекциясе таралу турында да чыгыш яңгырады.

Башкортстанның сәламәтлек саклау министры Максим Забелин билгеләвенчә, 20 июль иртәсенә булган мәгълүматлар буенча, республикада барлыгы 6348 кешедә шушы авыру йоктыру очрагы теркәлгән. Узган тәүлектә янә 41 кешедә авыру барлыгы ачыкланган. Шушы көнгә стационарда – 226, амбулаториядә 1460 кеше дәвалана, шуларның 33енең хәле авыр, дип билгеләнә.

– Узган атнада республикага Амур өлкәсеннән табиблар кайтты. Бу атнада 55 белгечне Кыргызстанга җибәрәчәкбез. Без ярдәм күрсәткән төбәк башлыклары шалтыратып, миңа табибларның хезмәте өчен рәхмәт җиткерә. Шул ук вакытта, үзебездә авыру таралу әле һаман дәвам итә. Көн саен берничә дистә кешедә бу чир ачыклана. Шулай булгач, республикада булган режимны йомшарту турында уйларга иртә әле.

Халыкның битлекләрдән баш тартуы борчу тудыра. Безгә бу җәһәттән эшне тагын да ныграк җәелдерергә кирәк. Авыру әле китмәде, димәк, ул һәркем өчен куркыныч тудыра. Халыкка битлекләрдә йөрергә кирәклеген аңлатырга кирәк.

1нче сентябрьгә дә күп калмады. Ярты миллион укучы, шулай ук мәгариф эшчәннәре уку йортларына җыелачак. Менә шушы вакытта авыруның янә котырып китүенә юл куймаска кирәк, – диде республика Башлыгы Радий Хәбиров.

Чыганак: Кызыл Таң

Запись Радий Хәбиров: “1нче сентябрь өчен борчылам” впервые появилась Tatar Today - татар яңалыклары..

Уфада йөзләгән кеше “Туган тел” җырлап, Тукайга һәйкәл ача

Лэйсирэ — Thu, 18 Apr 2019 06:15:52 +0000

Уфада татар әдәбияты классигы Габдулла Тукайга һәйкәл куелды. Аны ачу тантанасында республика Башлыгы вазыйфасын вакытлыча башкаручы Радий Хәбиров һәм Татарстан Президенты Рөстәм Миңнеханов катнашты.

– Габдулла Тукайны республикада бик яраталар, – диде Радий Хәбиров, тантананы ачып. – Республика Хөкүмәте йорты да Уфаның Габдулла Тукай урамында урнашкан, димәк, башкаланың төп урамы Тукай исемен йөртә. Аларның Мәҗит Гафури белән дуслыгы – ике халык арасындагы тирән хөрмәт билгесе. Бүген безгә Тукай кайтты, ул мәңгегә безнең белән булачак. Башкортстанга рәхим ит, бөек Тукай!

– Без үзебезнең башкорт дусларыбызны республиканың 100 еллыгы белән котлыйбыз, – диде Рөстәм Миңнеханов. – Габдулла Тукай – татарлар гына түгел, бөтен төрки халыклар өчен дә күренекле шәхес. Уфаның иң матур урынында аңа һәйкәл куелды. Республика, шәһәр җитәкчеләренә зур рәхмәт. Киләчәктә татар һәм башкорт халкы, Татарстан һәм Башкортстан алга барырга тиеш!

Шагыйрь һәйкәлен ачканда шагыйрьләр дә сүз алды, билгеле. Халык шагыйрьләре Хәсән Назар белән Роберт Миңнуллин Тукайга ихтирамын, аңа һәйкәл куелуның зур әһәмиятен билгеләде.

– Һәйкәлләр үз-үзләреннән генә барлыкка килми. Моннан берничә ел элек, Тукайның Уфага килүенә 100 ел тулган дәвердә, “Кызыл таң” гәзите аша Башкортстанның халык шагыйре Ирек Кинҗәбулатов һәм башка мәртәбәле шәхесләр республика җитәкчелегенә шагыйрьгә һәйкәл кую тәкъдиме белән мөрәҗәгать итте. Минем дә “Уфа Тукайлы булырга тиеш” дигән мәкаләм чыкканы хәтердә, – диде Роберт Миңнуллин. – Һәм бүген Уфның иң матур урынында – “Нур” театры каршындагы калкулыкта Тукаебыз һәйкәл булып басты, ул нинди биеклеккә күтәрелде! Мин бу изге эшне башлап йөрүче җәмәгатьчелеккә, республика җитәкчеләренә олы рәхмәтемне җиткерәм.

Һәйкәл ачу тантанасына йөзләгән кеше җыелган иде. Алар барысы да Тукай һәйкәле алдына басып “Туган тел”не җырлады. Ике республика җитәкчесе һәм кунаклар Уфа “Нур” татар дәүләт театры белән танышып чыкты, дип яза Кызыл таң.

Фото: Динар Кәлимуллин фотосы

Запись Уфада йөзләгән кеше “Туган тел” җырлап, Тукайга һәйкәл ача впервые появилась Tatar Today - татар яңалыклары..

Элвин Грей сәясәтчеләрне яклап мөрәҗәгать итә

Лэйсирэ — Mon, 04 Mar 2019 06:11:56 +0000

Elvin Grey лейблы астында бөтен Татарстанга танылган башкорт җырчысы Радик Юльякшин туган ягының хакимиятен яклап сәясәткә “кереп киткән”. Инстаграмында ул Сибайдагы вәзгыятькә тукталып, ачык мөрәҗәгать урнаштырган:

“Бу авыр көндә мин сезнең белән. Ләкин бу проблема ике ай элек кенә килеп чыккан хәл түгел. Аңа, ким дигәндә 16 ел. Яшермим, бик күп хатлар алдым. Хәзер популистик лозунглар язарга, хакимиятнең гамәлсезлегенә сылтарга мөмкин булыр иде. Әмма минем үз фикерем бар. Бүген сезнең агулануыгыз күп еллар буе шушы байлыклар белән акылсыз куллану нәтиҗәсе. Ә хәзер гаепне хакимият башлыгына аударасыз. Усаллык әлеге хәлдә начар ярдәмче. Чүп-чарны читкә чыгару да иң яхшылардан түгел. Федераль каналлар сөйләүдән ни? Бергә эшләргә кирәк. Шуңа күрә провокаторларга бармаска, ә Башкортстан башлыгы вазыйфаларын вакытлыча башкаручыга иңне куярга. Чынлыкта ни булганын карагыз. Аңлагыз, республика шулкадәр зәгыйфь, тагын бер “тибүгә” түзмәскә мөмкин. Әйдәгез, җитәкчебез тирәсендә берләшик һәм бу проблеманы бергәләп хәл итәрбез. Аңа, аның мөмкинлекләренә ышанабыз. Бу егет безнең өмет һәм таянычыбыз. Барыгызга да игелек, сабырлык, зирәклек телим. Бергә без көч!” дип яза Элвин Грей.

Ләкин гади халык арасында әлеге пост ачу уяткан: мисал өчен, alchinovaaida: «Бу шакшы белән үзең суламаганда читтән фикер йөртү җиңел. Әйе, бергәләп эшләргә кирәк, халык эшли дә инде. Ә хакимият теләгәнчә дәшми утырмыйлар. Безне 2018 елдан бирле алдыйлар һәм көләләр. Видео карап кына үз фикереңне язганчы, монда килеп бу “курорт” һавасын 4 ай буе суларга иде!” дигән.

Посмотреть эту публикацию в Instagram

Открытое обращение к сибайцам!!!! Дорогие друзья. В этот тяжелый для Вас день я с Вами. Что в моих силах я делаю. Но я хочу сказать о другом. Прежде чем начать говорить я пересмотрел много материала по этой проблематике. Не скрою, очень много получал писем с просьбой высказать свое мнение. Можно было бы сейчас написать несколько популистских лозунгов, сослаться на бездействие власти. Однако у меня сложилось свое мнение, иное, которым я и хочу поделиться. Проблема карьера, и выхлопы диоксида серы возникли не два месяца назад. Этой проблеме 16 лет, как минимум. Бездумное использование наших с Вами богатств …… – результат, которым вы отравляетесь сегодня. Если уж кому и предъявлять, то тем, кто стоял у руля в то время, и должным образом не защитил горожан от будущих, предсказуемых проблем. Определенный круг лиц из числа активистов будоражит общественность, перекладывая вину то на главу администрации, то на врио президента РБ, которые были назначены на должности только лишь в прошлом году. Злость и отчаяние плохой помощник в данной ситуации. Да и выносить сор из избы выход не из лучших. Федеральные каналы покудахтали, и что? Действовать нужно сообща. И не идти на поводу у провокаторов, а подставить плечо нашему врио главы РБ. Ребята, смотрите что на самом деле происходит. Здесь испльзовав вас, вашу проблему, какой то “серый кукловод” наносит удар за ударом в поддых нашей республиканской власти ослабляя ее. Вашими же руками все это делает. Неужели вам все равно . Ведь поймите, Республика настолько ослаблена, еще один пинок она может не выдержать. Не ведитесь на “Булшит”. Давайте сплотимся вокруг нашего руководителя, и решим эту проблему сообща. Поверим ему, его возможностям. Этот парень наша с Вами надежда и опора, мы очень давно ждали и надеялись. Думаю никакие силы извне не смогут нас с вами загнать обратно в то стойло, в котором мы находились последние …надцать лет. PS: Поймите, что раскачивают лодку в преддверии выборов главы региона неспроста. Не дадим себя обмануть в очередной раз. Всем добра, терпения, мудрости. Вместе мы сила! #ElvinGrey #ЭлвинГрей #Башкортостан #Сибай

Публикация от Elvin Grey (@elvin_grey_music) 23 Фев 2019 в 12:14 PST

Исегезгә төшерәбез, Башкортстанның Сибай тирәсендә ташландык карьерда руда янып, халык шуның исенә агулана башлаган иде. Бүгенге көндә дә бу хәлне тикшерү, Сибай халкын куркынычсыз урынга күчерү дәвам итә. Сибайда яшәүче балалар Крым шифаханәләренә җибәрелеп, урындагы хакимият зыян күрүче кешеләргә компенсация түләү мәсьәләсен хәл итә.

Запись Элвин Грей сәясәтчеләрне яклап мөрәҗәгать итә впервые появилась Tatar Today - татар яңалыклары..

Рөстәм Исхакый: “Рөстәм Миңнехановның татарча шигырь сөйләвен телим!”

Лэйсирэ — Thu, 21 Feb 2019 14:52:07 +0000

Татар-тудей порталы баш мөхәррире Рөстәм Исхакый 21 февраль Халыкара туган тел көне уңаеннан үзенчәлекле видеомөрәҗәгать белән чыга. Әлеге постның үзенчәлеге: республика җитәкчеләрен, татар телебезне яшьләр арасында популярлаштыру максатыннан, масштаблы чара башлап җибәрүләренә өндәүдә.

“Теле барның – иле бар, ди халык. Мин журналист буларак Халыкара туган тел көнендә Татарстан республикасының төп лидеры Рөстәм Миңнехановның татарча флешмоб, шигырь сөйләп инстаграмга чыгаруын телим! Бу яшьләрдә татар телен популярлаштыруга бик зур адым булачак! Әнә бит күрше Башкортстан республикасы җитәкчесе Радий Хәбиров үз телендә флешмоб башлады, башкалар шул исәптән популяр җырчы Элвин Грей да башкорт телендә туган тел көне белән котлап, шигырь сөйләде! Ә татарлар кайда? Безнең дә бит бөек татар телебез бар!!!” ди Рөстәм Исхакый.

Посмотреть эту публикацию в Instagram

#татартудей Теле барның – иле бар! -ди халык. Мин журналист буларак Халыкара туган тел көнендә Татарстан республикасының төп лидеры Рөстәм Миңнехановның @rusminnikhanov татарча флешмоб, шигырь сөйләп инстаграмга чыгаруын телим! Бу яшьләрдә татар телен популярлаштыруга бик зур адым булачак! Әнә бит күрше Башкортстан республикасы җитәкчесе Радий Хәбиров @khabirovradii үз телендә флешмоб башлады, башкалар шул исәптән популяр җырчы Элвин Грей @elvin_grey_music да башкорт телендә туган тел көне белән котлап, шигырь сөйләде! Ә татарлар кайда? Безнең дә бит бөек татар телебез бар!!! Пост авторы @rustem_iskhaki #тугантел #татартеле #татартеленсаклыйк

Публикация от Tatar today порталы (@tatar_today) 21 Фев 2019 в 5:13 PST

Запись Рөстәм Исхакый: “Рөстәм Миңнехановның татарча шигырь сөйләвен телим!” впервые появилась Tatar Today - татар яңалыклары..