Чыганак: Идел журналы сайты

Запись Рамил Шарапов: “Ялгышсам да, абынсам да, җиңүгә ирешсәм дә — үзем гаепле” впервые появилась Tatar Today - татар яңалыклары..

Рамил Шәрәпов кредит-ипотека, өй-фатир түләүләренә дә карантин игълан итү мәсьәләсен күтәрә. Ул бу хакта инстаграмда видео урнаштырды. “Кредитларга карантин юкмы?” – дип яза ул.

Запись Рамил Шәрәпов карантинга каршы сүз әйтә [видео] впервые появилась Tatar Today - татар яңалыклары..

Татар эстрадасының гаҗәеп киң күңелле, ихлас, юмор хисле артисты Рифат Зарипов белән очрашкан саен үзеннән-үзе кызыклы әңгәмә корыла. Ул нинди бар – шундый, шуңа күрә аның белән аралашу рәхәт. Бу юлы да уйламаган җирдән аралашып алдык. Әлбәттә, Рифатның төпле җавапларын сезгә дә җиткерергә теләдем.

– Рифат, иҗат юлыңны башлаганда: “Татарстан авылларына йөрисе килә, һәр татарның күңеленә кереп каласы килә”,— дигән идең. Бу хыялың тормышка аштымы?

– Әйе, алты ел элек Татарстан Республикасы авыллары буйлап концертлар куя башладык. Кайбер районнарның берничә, ә кайбер районнарның барлык авылларында йөреп чыктык. Беренче елны Татарстанның 168 авылында булдык. Бу хыялым чынга ашты, Аллага шөкер! Авыллардан соң районнарда концертлар куя башладык. Анда да тулы заллар белән җылы кабул иттеләр. Камиллекнең чиге юк, диләр. Хәзер тагын да зуррак төбәкләргә барабыз. Күбесе минем хакта “йолдыз” булды, авылларга килми”, ди. Килми түгел, вакыт җитми. Россия буйлап география киңәйгәннән киңәя бара. Ләкин вакыт калганда, авылларда да чыгыш ясыйбыз. Әйтик, Яңа ел бәйрәмнәрендә авылларга бардык. Аның бер ояты да юк. Казанда да, авылда да бер үк тамашачы.

– Моннан берничә ел элек син, “остазларым булып сөйләшәм, җырлыйм, үз йөземне генә табасым калды”, дип сөйләдең. Бүген бармы синең үз йөзең, таптыңмы аны?

– Үз йөземне табып киләм сыман. Мине юморист дип тә, дәртле җырлар башкаручы буларак та кабул итәләр. Утыздан артып киткәч, мәгънәлерәк җырлар да җырлый башладым. Эчтәлекле клиплар да төшерәсе килә.

– Син Салават Фәтхетдинов, Илсөя Бәдретдинова төркемнәрендә чыгыш ясап, халыкка танылдың. Бүгенге көндә синең төркемеңдә эшләп танылырга теләүче яшь җырчыларны кабул итәр идеңме?

– Әлбәттә, теләге булган талантлы егет-кызларны мин һәрвакыт төркемемдә күрергә әзер! Җәй буе Инстаграмда да: “Төркемемә музыкантлар, биючеләр, юморга бай егет-кызлар эзлим”, дип язган идем. Җавап язучылар күп булды. Төрлесе бар, араларында артык талантлылар да очрады.

– “Татарстанның атказанган артисты” исемен алу “мода”га керде, диләр. Синең өчен бу исемне алу мөһимме?

– Теләсә нинди өлкә хезмәткәрен, әйтик, сварщикны алыйк. Ул еллар дәвамында тырышып эшләгән саен аның разрядлары арта бара. Әгәр сине, чынлап та, бәяли беләләр икән, бу эшләргә тагын да зуррак этәргеч бирә. Ә инде бер районда да, бер авылда да концерт куя алмыйсың, тамашачы җыя алмыйсың, тамашачы сиңа үз теләге белән килми икән, “минем атказанган артист буласым килә”, дип, фәлән суммалар түләп, артист булып булмый. Хәер, мин аның юлларын белмим, ул хакта уйлаганым да юк. Тамашачы яратып, зал тутырып килсә, “атказанган” исеме дә, башкасы да булыр, Алла теләсә. Ул исемне халык бирәдер инде…

– Рифат, соңгы вакытта татар эстрадасында артистлар арасында бәхәсләр еш күзәтелә башлады. Ничек уйлыйсың, бу пиар өчен махсус шулай эшләнәме?

– Чит ил, рус эстрадасыннан күреп пиар уйлап чыгару бар. Ләкин татар халкының менталитеты чит илнекенә дә, русныкына да туры килми. Бездә “матурлык”, “мәгънә”, “оят”, дигән төшенчәләр бар. “Кара” пиарны бездә кабул итмиләр. Русларда эчү, сугышу, талашу кебек хәлләр пиар булып санала. Ләкин бездә мәгънәле булырга, урынлы гына шаярырга, матур итеп киенергә кирәк. Үзебезнең йолалар, гореф-гадәтләр, үзебезнең моң, үзебезнең тәрбия бар. Без – әхлаклы халык һәм башка милләтләргә дә шулай булып күренергә, үрнәк булырга тиеш. Талашып, сугышып йөрү татар халкын бизәми дип уйлыйм.

– Әгәр сиңа Президент тарафыннан татар эстрадасын “чүп-чар”дан чистарту бурычы куелса, нәрсә тәкъдим итәр идең?

– Кайсыбызны чүп дип әйтеп була? Һәркемнең үз тамашачысы бар. Мин яратмыйм икән, башкалар ярата. Болында ромашка да, кыр чәчәге дә, кычыткан да, шайтан таягы, корыган ботаклар да бар. Алар барысы да табигать өчен кирәк. Барысы да булырга тиеш… Кемгә нәрсә ошый, шуңа соклана.

– Данир Сабиров: “- Тел өчен көрәшергә тугел, сөйләшергә кирәк”, – дигән иде. Син татар теле хакында ни уйлыйсың? Чит
төбәкләрдә татарларга нинди мөнәсәбәт?

– Мин үзем чит төбәктә – Оренбург өлкәсендәге авылда туып – үскән малай. 17 яшьтә авылдан Казанга чыгып киттем. Безнең авылда барысы да саф татар телендә сөйләшә иде. Хәтта, мәктәптә рус теле дә татарчалы-русчалы булды. “Апа, можномы?” – дип сорый идек. Хәзер авылда балаларга, “Исәнме!” дисәң, алар сине аңламаска да мөмкин. Барысының кулында телефон, интернет… Ике яшьлеге дә, биш яшьлеге дә, ун яшьлеге дә русча сөйләшә. Әби-бабайлары да, “оныкка ярарга тырышам”, дип, белер-белмәс, вата-җимерә русча эндәшә. Күңелне сыкраткан әйберләрнең берсе – шул. Үз балам белән дә тел өчен көрәшергә туры килә. Балалар бакчасында русча сөйләшеп кайта да, өйдә дә рус сүзләрен кыстырып аралаша. Ә без әнисе белән аңламаска тырышкан булып, татарча сөйләшәбез.

– Театрга йөрүеңне беләбез, премьераларда еш күрәбез. Син , үзенә күрә, театр белгеченә әверелгәнсеңдер инде. Бүгенге спектакльләргә нәрсә җитми, синеңчә? Теләк-тәкъдимнәрең?

– Ююк, нинди белгеч булыйм ди?! Мин тәнкыйтьче дә, белгеч тә түгел. Әле үземне дә белеп бетермим. Үземне аңлый, өйрәнә торган вакыт. Театрда мин ял итәм, онытылам. Нинди чорны карасам да – “41нең арбалы хатыннары”, “Гөргөри кияүләре” яки башка спектакльме, шул чорда яшәп, өйгә кайткач та, айный алмыйча йөрим. Бүгенге көндә спектакльләргә барысы да җитә , дип саныйм. Теләк-тәкъдимем: безнең театрлар татарлар яшәгән барлык илләргә гастрольләргә йөрсен иде. Үзебезнең спектакльләрне анда яшәүче татарларга да күрсәтәсе килә.

Төп фото: җырчының шәхси аккаунтыннан

View this post on Instagram

Вооот булды Дуртойледэ буген концер.!!!💣👍🏻Рэхмэээтемнен олысын белгертеп киттек без Буздэккэ.#рифатзарипов #супершоу6 #дюртюли #башкортостан

A post shared by Рифат Зарипов (@rifat_zaripov_official) on Feb 11, 2019 at 9:38am PST

Запись Рифат Зариповка президент эстраданы чистартырга кушса: “Кайсыбызны чүп дип әйтеп була?”[әңгәмә] впервые появилась Tatar Today - татар яңалыклары..

– Рамил абый, үзегез белән таныштырып китегез әле.

– Мин зур колаклы, куе кашлы Рамил Шарапов. 1990 елның 13 апрелендә Буа районының Адав-Толымбай авылында тудым. 9 сыйныфны тәмамлап, Казан театр училищесына укырга кердем. Ул вакытта буй бәләкәй, колаклар зур, кап-кара куе каш, шуңа күрә укырга алырга теләмәделәр. “Артист кеше матур булырга тиеш!” — диделәр. Ләкин аңа карамадым: тырыштым, барыбер дә кердем. Миңа ул вакытта Раил абый Садриев та булышты. Мәктәптә укыганда ук, Раил абый миңа бу юнәлештә этәргеч булып тора иде. Училищены бетергәч, Буа дәүләт сатира театрына кайттым. Театрда 5 ел эшләдем. Зур тәҗрибә тупладым. Аннан мин әкрен генә эстрадага кереп киттем. “Елмай”, “Җомга кичләре” проектларында эшләдем. Күпмедер популярлык шушы проектлардан килде миңа. 2009 елдан бирле эстрадада, сәхнәдә.

– Ни өчен театр юнәлешен сайладыгыз?

– Минем ике юл бар иде: хирург булырга яки артист. Мин инде чын-чынлап хирург булам дип уйлаган идем: каннан да курыкмадым, 9 нчы сыйныфны тәмамалап, биология фәненнән экзаменнар да биреп йөрдем, ләкин театр училищесының имтиханнары беренче булу сәбәпле, мин театр училищесына укырга кердем. Башка җиргә документлар да биреп тормадым.

– Бүгенге әңгәмәбездә дә “Театр” сүзе берничә тапкыр кабатланды. Бу сүзне ишеткәч, сез нинди хисләр кичерәсез?

– Дөресен генә әйткәндә, театр – ул чир, аңа аяк бастың икән, ул инде сине җибәрми. Ул — аерым бер дөнья, аерым бер гаилә. Ялганламыйм: бүгенге көндә дә театрны сагынам. Шуңа күрә күңелемдә театр белән бары тик якты һәм җылы хисләр генә.

– Театрда эшли башлаганда уйнаган беренче рольләрегезне хәтерлисезме?

– Театр булгач, төрле рольләрдә уйнарга туры килә. Беренче роль – дурак роле иде. Ул вакытта без дублер белән уйный идек, бер-беребезне алыштырып. Кем яхшы уйный, шул Себергә гастрольләргә барачак. Мин яңа училищены укып бетереп кайткан, миңа бар да кызык булып тоела. Себергә гастрольләргә барырга шул кадәр теләк зур … Авылга кайтып, йомшак кына итеп әйткәндә, табигать ягыннан бераз гына чикләшкән кешеләр белән сөйләшеп, аларга сценарияне укытып, аларның кыланмышларын кабатлый идем. Шулай сеңдереп барып, тырышып уйнап, Себер якларын урап кайттык. Халык бик җылы кабул итте.

– Театрдан китүегезнең сәбәбе нидә?

– Садикны бетереп, мәктәпкә барабыз, мәктәпне тәмамлап, оядан чыгып китәбез бит. Бу да шулай булды. Өйләнгәч, улым тугач, фикерләр үзгәрде. Артист кеше үсәргә тиеш. Ялгышсам да, абынсам да, җиңүгә ирешсәм дә — үзем гаепле.

– Бүгенге көнгә килсәк, сез сольный концертлар белән гострольдә йөрисез. Телевидениедә төрле проектлар алып барасыз. Эстрадага ничек кереп киттегез?

– Театрда эшләгән чакта ук, мин эстрадага кереп киттем. Иң беренче булып, “Елмай” проектында эшли башладым. Күпмедер популярлык миңа шушы проект аша килде дисәм, ялгышмам. Аннан Рифат Зарипов белән “Җомга киче” тапшыруын алып бара башладык. “Татарча солянка” проектларында катнаштым. Шулай әкертен генә эстрадага кереп киттем инде. Сольный карьерама килгәндә, әле бу төпләп чыгып барыш кына дип уйлыйм. Барысы да алда.

– Рамил абый, гастрольләрдән тыш сез әле тамада да булып йөрисез, вакытыгыз ничек җитә?

– Тамада булу – бу бер хобби кебек. Шалтыратып, тамада булырга чакырсалар, вакыт булса, мин бик теләп барам. Шуны әйтәсем килә: вакыт бит ул — ипи. Тырышасың инде, өлгергәненә барасың, өлгермәгәненә “Булдыра алмыйм” дип җавап бирәсең.

– Нәтиҗә ясап әйтсәк, күңелегезгә кайсы өлкә якынрак: театырмы, эстрадамы яки телевидениемы? Беренче урынга кайсын куяр идегез?

– Һәр жанр минем өчен бик якын. Һәр кайсы күңелемдә үз урынын алып тора. Бәлкем, хәзер эстрада дип әйтсәм дә, барыбер күңел күбрәк театрга беренче урынны бирә. Чөнки мин барысын да театрдан башладым. Театр белән бергә үстем.

– Киләчәккә нинди планнар кырасыз? Нәрсә белән янып-көеп йөрисез?

– Киләчәк нигәдер куркыта, уйландыра. Киләчәкне алдан уйлап куеп булмый, чөнки бүген бар, иртәгә булмаска мөмкин. Тик шушы юлны башлаганмын икән иде, Аллага тапшырып, шушы юлдан барып, үсәсе, халык мәхәббәтен югалтмыйсы иде. Сәхнә күңелемә бик якын. Планнарым да сәхнә белән бәйләнгән, шуңа күрә күңелем теләгән, яраткан эшем белән шөгыльләнергә телим. Гаиләмә килгәндә, балаларымны аякка бастырып, тормыш иптәшем белән исән-сау, бәхетле картлыкта оныкларны тәрбиялисе иде. Һәм әлбәттә халыкка хезмәт итәргә.

– Рамил абый, җылы әңгәмәгез өчен бик зур рәхмәт. Иҗади уңышлар сезгә!

Илүзә Ибәтуллина, Идел журналы

Фото: https://vk.com

Запись «Минем ике юл бар иде»: Рамил Шарапов үзен нидә гаепли впервые появилась Tatar Today - татар яңалыклары..

Бабасы гомере буе тракторда эшләгәнгә күрә Рамил аны “Трактор бабай” дип йөртә торган була. “Шундый авыр… Шушы минутларда арабыздан бабаебыз бакый дөньяга күчте! Тыныч йокла бабаем. 79 яшь иде”, дип Шәрәпов үзенең инстаграм битенә язып куйган.
Рамил Шәрәповның кайгысын уртаклашабыз!

Запись Рамил Шәрәповның гаиләсендә зур югалту впервые появилась Tatar Today - татар яңалыклары..