4 май көнне Габделфәт Сафин концертында рәхәтләнеп җырлады әле Рәфинә.

Машиналарында бала табу йортына бара торган сумкалары үзләре белән булган анысы. Хәтта Сөмбел Билалованы да җырларга дәшкәннәр. Нәтиҗәдә кызларның икесен дә тыңладык.

Габделфәт Габдрахманович та: “Рәхмәт сиңа, Айтуган, договорны бозмадың”, – дип язды Инстаграмына.

Рузилә Хасимовна да үзенең аккаунтында: “Әнисен тәки эшләтеп бетерде бит”, – дип Рәфинәгә һәм улына соклануларын белдергән.

Бәби туар вакыты җиткән булуга карамастан, сезонның актык концертына кадәр эшләп бетерделәр шул. Гастрольләргә, районнарга да чыктылар.

Иркәләнеп ята торганнардан түгеллеген кабат менә шулай раславыдыр Рәфинәнең…

Беренче уллары Сөләйманга дүрт яшь.

“Монысы темпераментныйрак булып туарга тиеш, олысы бу кадәр сиздермәде”, – дип сөйләп алган иде Рәфинә, бер күрешкәндә.

Иң мөһиме – сау-сәламәт булсыннар, әйдә, тигез гаиләдә пар канатлы булып үссеннәр дигән теләктә калабыз.

Сүз уңаеннан, Габделфәт Сафинның төркемендә тагын бер бәби туарга тора әле.

Концертларга йөргәннәр кемнеке икәнен белә инде…

Акчарлак

Запись Рәфинә Ганиуллина бәбиләде, Габделфәт Сафин төркемендә тагын бер бәби туарга тора впервые появилась Tatar Today - татар яңалыклары..