Социаль челтәрләрдә: “Татар эстрадасының “зажигалкасы” Римма Никитина Мәскәү эшмәкәренә кияүгә чыга,” – дигән хәбәр таралды.

Аның тыңлаучылары җырчы Римманың туен рәсми рәвештә игълан иткәнен көтә. Өстәвенә, моңа этәргеч тә бар. Җырчы берничә тапкыр социаль челтәрләрдә шуңа карата “интрига”лы  комментарияләр белән фоторәсемнәр бастыра. Тик Римма кияүгә чыгарга планлаштырганын әлегә кадәр рәсми рәвештә расламый.

Хәзер җырчының туйга әзерләнүе билгеле. Ул сайлаган Мәскәү эшмәкәренең исеме әлегә хәбәр ителми.

Бу хактагы хәбәрне Римманың инстаграм битендә дә күрергә мөмкин. Язылучылары арасында моңа ышанмаучылар һәм битараф булучылар гына түгел, җитди комментарияләр язып калдыручылар да бар. Мәсәлән: “Үзең дә яхшы акча эшлисең, эчми, тартмый торган тыныч кына гади кешене табарга иде сиңа, – дигән эчтәлектәгесен язып калдырган бер тыңлаучысы.

View this post on Instagram

A post shared by 🔥Римма Никитина🔥 (@rimmanikitina)

Фото һәм мәгълүмат Римма Никитинаның инстаграм битеннән

Запись Римма Никитина кемгә кияүгә чыга? впервые появилась Tatar Today - татар яңалыклары..

“Йокы керми күземә, әллә нәрсә шунда күңелдә. Кайтмаганыгызны да аңлыйм, ә күңел нидер көтә, һаман ышанмый… Бүген бер ел булды, кызларым… 16.04.2018.  Вакыт дигәннәре су кебек ага. Йөрәктәге яра гына төзәлми. Күпме генә үземне алдап юатсам да, үз-үземне гаепләп яшим…” ди ул.

Җырчы ул көнне Чүпрәледә концерты булмаган булса, иптәш кызлары шулай ашкынмаган, коточкыч авария дә булмаган булыр иде, дигән фикердә.

“Сабыйлар әнисез калмаган булыр иде… Бер ел инде шушы уйлар җанны телгәли, үзәгемне өзә… Язмыштыр инде курәсең, шулай язгандыр”, ди Римма Никитина.

Запись “Йокы керми күземә”: Римма Никитина үзен кешеләр үлемендә гаепле хис итә [фото] впервые появилась Tatar Today - татар яңалыклары..

“Бу проект тормышымда зур үсеш ясады. Декабрь аенда мин Санкт-Петербург шәһәрендә продюсер белән контракт төзедем. Ул мине “Манзара” проектында чыгыш ясаган вакытта күреп алган. Бу минем өчен “бәхетле билет” булды. Мин әлеге проектка рәхмәтлемен”, – диде Римма Никитина.

Аның сүзләренчә, “Манзара”ның киләчәге зур, чөнки ул кызык, аның үсеше күренә. “Бәлки киләсе елда чара “Татнефть арена”да узар әле”, – диде Римма.

“Манзара” проекты 2019 елның 19 гыйварында Казанның цирк аренасында узачак.
Чарада Салават Фәтхетдинов, Илсаф, Нурзадә, Иван Громов, Динар Шәймәрданов, Римма Никитина кебек танылган һәм күренекле артистлар чыгыш ясаячак.

Фото: https://vk.com/

Запись Римма Никитина үзенә эләккән “бәхетле билет” турында сөйли впервые появилась Tatar Today - татар яңалыклары..

“Ну, Чаллы! Ну, зурладыгыз! Ну, рәхмәт! Матур-матур чәчкәләрегез, бүләкләрегез өчен зур рәхмәт! Хәтта премия дә бирдегез! “TMTV” премиясен бирмәделәр, “Болгар радиосы” премиясен күрсәтмәделәр, ә менә Чаллы шушындый матур премия белән бүләкләде. Тамашачы мәхәббәте премиясеннән дә зуррак бүләк юк”, дигән видео урнаштыра.

“Чаллы, киләсе елга яңа концерт программасы белән 9 октябрьда очрашканчыга кадәр! Сезне яратып, сезнең “зажигалка” Риммагыз!”, дип тә яза ул.

Фото Римма Никитинаның Инстаграмыннан алынды

Запись Римма Никитинага “TMTV”, “Болгар радиосы” премияләре эләкмәгәнгә, Чаллы тамашачысы үзенекен бирә впервые появилась Tatar Today - татар яңалыклары..

Римманың сүзләре буенча, бу башка форматтагы концерт һәм ул яңа җырлардан тора. Программа яшьләр өчен генә түгел, ә олылар өчен дә кызыклы булачак. Концертның төп “фишка”сы – Мәскәүдән махсус кунак килүе!

“Исемен әлегә әйтмим, сер булып калсын. Бик күңелле булачак, барыгызны да көтәм”, – диде Римма.

Зур уңышлар телибез!

Автор: Олеся Дмитриева, Сәхнә

Запись Римма Никитинаның сольный концертының төп “фишка”сы билгеле впервые появилась Tatar Today - татар яңалыклары..

Римма Никитина “Татар-информ” хәбәрчесенә бу постка мондый аңлатма бирде.

– Минем тормышымда булган хәлләр ул. Шактый хыянәт итәләр, өмет өзелә, менә шул. 4,5 ел ярым йөргән егетем белән туй алдыннан аерылыштык. Кияүгә чыгарга тиеш идем, ә ул мине ташлады. Мин бит шушы хәлләрдән соң карьера ясый башладым. 2 ел элек булган хәл инде бу, кияүгә чыгарга тиеш идем шул… Соңгы арада хыянәтчелек бик күп булды.

Римма бу егетнең нинди сүзләр әйтеп ташлап китүен дә сөйләде.

– Шуннан соң 1 елдан соң бу егет кире кайтты. Ул арттан йөри, мин аны кабул итмәдем. Бәлки ул мин күтәрелгәнгә кайтмакчы буладыр, кем белгән. Ул мине “Синең җырларың беркайчан да зур акча китермәячәк”, дип ташлады. Мин аны кире кабул итмим. Мин бер өзәм икән, бүтән кире кайтармыйм.

– Римма, сез хыянәт итүләр күп булды дисез. Кемнәрне әйтәсез сез?

– Соңгы арада кичерешләр бик күп булды. Бик озак еллар дус булып йөргән кешеләр дә хыянәт иттеләр. Шундый сүзләр ишеттем, шулай ук бик авыр булган иде. Аннары кемгәдер синең күтәрелүең бик ошамый. Иң мөһиме, якын кешеләр бит әле ул. Иң якын кешеләр моны күтәрә алмыйлар. Әйтәләр бит әле, дөрес икән ул сүз: шатлыгыңны уртаклашырга кешең булырмы икән дип. Кайгыны уртаклашырга кеше бик күп була. Нәкъ менә иҗади яктан күтәрелгәнне күп кеше кабул итә алмый. Ә бу миңа нинди авырлык белән бирелүен мин үзем генә беләм.

Римма Никитинаның егете әлегә юк. Ул хәзерге вакытта тулысынча эш белән шөгыльләнә.

Обида, боль, переживания, измена, расставания, предательство, зависть…. делают нас сильнее!!!‼️А теперь, смотри и наслаждайся, как маленькая девочка сворачивает горы и как танк идёт к своей цели!?? Всему своё время, бумеранг возвращается.‼️ P.S.‼️ Скоро «Йормэ син»??‍♀️ Нет любви, занимайся творчеством!?‍♀️????? #rimmanikitina #нетлюбвизанимайсятворчеством #ясильная #римманикитина #всегданапозитиве #казань #моихорошиезажжем #скоро #пою

Публикация от Римма Никитина (@rimmanikitina) 1 Авг 2018 в 12:06 PDT

Автор: Динә ЙОСЫПОВА

intertat.tatar

Запись Татарча Бузова: Римма Никитинаны егете кимсетә впервые появилась Tatar Today - татар яңалыклары..

– Бирегез миңа бераз вакыт. Үземнең супер популяр җырчы булачагымны беләм, татар эстрадасы белән генә чикләнергә дә җыенмыйм! – дип сөйләде Римма Никитина Интертатка.

– Римма сиңа күпләр ышанмый, үзеңнән дә, җырларыңнан да көләләр, беләсеңме?

– Беләм, кемнәр көлгәнен дә чамалыйм. Чөнки минем фанатларым барысын да фотога төшереп үземә җибәреп тора. Чәйнәсеннәр, көлсеннәр, миңа барыбер. Минем аларны карап утырырга вакытым юк, вакытлары бар икән, шул вакытларын кызганмыйча мине тикшерәләр икән, рәхмәт. Эстрада бит ул джунгли кебек. Анда артистлар берсен-берсе ашарга гына тора.

– Сине чәйнәүләре эчеңне пошырмыймы?

– Юк, пошырмый, чәйнәсеннәр, сөйләсеннәр. Мине сөйлиләр икән, димәк мин алда, мин популяр.

– Тыйнак кызлар матур күренә, егетләр дә тыйнакларны ярата, син ничек уйлыйсың?

– Шулайдыр, ләкин барысына да тыйнак кызлар кирәк димәс идем, мине яратучылар да аз түгел.

– Яратып йөргән егетең бармы?

– Бар иде. Дүрт ел ярым йөрдек. Узган елны кияүгә чыгарга тиеш идем. Туй алдыннан аралар бозылды. Иҗатымны ошатмады, “Җырлавың сиңа бер вакытта да зур акчалар китермәячәк” диде. Карарбыз. Ул минем кем икәнемне күрәчәк әле!

– Туй көнегез дә билгеле идеме әллә?

– Билгеле иде. Без сентябрьдә Дубайга барып язылышырга тиеш идек.

– Димәк, син дә Бузова кебек үч итергә булдың?

– Мин ун ел Илсөя Бәдретдинова төркемендә эшләдем. Кайчан да булса сольный карьера төзермен дип башыма да китерми идем. Егетем белән аерылышканнан соң бик авыр булды. Депрессиядән чыгу өчен бер туктаусыз җырларым өстендә эшли башладым. Шуннан китте барысы да…

– Егетең гаебен аңлап кире килмәдеме?

– Килде. Бер ел үткәч, декабрь аенда кайтырга теләде. Аралар бозылган иде, кабул итмәдем.

– Ярата идеңме?

– Үлеп ярата идем. Күп җырларым аңа багышлап язылган.

– Ә хәзер яратмыйсыңмы?

– Юк. Ике ел була бит инде. Аерылышкан вакытта авыр булды. Аны беркайчан да оныта алмам дип уйлаган идем.

– Ул егет хәзер кайда?

– Казанда.

– Аңлавымча, син җырларны үзең язасың?

– Әйе, минем репертуардагы җырларның 90%ы үземнеке. Көе дә, сүзләре дә. Җырларны теләсә ничек яза алмыйм, бик шатлыклы, яисә бик авыр вакытта гына язам.

– Музыкаль белемең бармы соң?

– Юк.

– Кайда укыдың?

– КГУКИда иҗтимагый мәдәни эшчәнлек факультетын тәмамладым. Минем вокал дәресем дә, бию дәресем дә булмады. Без тарих укыдык. Музыкаль төшенчәләрне дә белмим, нинди тональностьта җырлыйсың дип сорасалар, нормальный, дип җавап бирәм.

– Син үзеңне яхшы җырчы дип саныйсыңмы?

– Мин үземне профессиональ җырчы дип санамыйм. Белемем юк. Җырлаганда дөрес итеп ничек сулыш алырга икәнен дә белмим һәм мин моны яшермим!

– Белемең юк, супер-пупер талантың юк, арттан этүче кешең дә, продюсерың да, миллионнарың да юк. Нәрсә уйлап чыктың син һәм киләчәктә нәрсә көтәсең?

– Мин беләм, мин үз йолдызымны кабызачакмын. Бирегез миңа бераз вакыт. Үземнең супер популяр җырчы булачагымны беләм һәм мин алга таба барам. Кабатлап әйтәм, мин үз йолдызымны кабызачакмын һәм татар эстрадасы белән генә чикләнергә җыенмыйм!

– Һаман да сәхнәдә чишенәсеңме?

– Әйе. Бу минем фишка. Тамашачы шуны көтә, мин сәхнәгә чыгу белән, бу юлы нәрсәсен салыр икән, дип утыра алар. Әлегә фигурам шәп, рәхәтләнеп күрсәтәм!

Автор: Юлия НАСЫЙБУЛЛИНА, Интертат

Запись Музыкаль белеме, продюсеры, акчасы булмаган Римма Никитина үзенең сәхнәдәге төп фишкасын атый впервые появилась Tatar Today - татар яңалыклары..

– Бик кызыклы тәкъдим булган бу, кабул иттеңме?

– Юк, әлбәттә! Әгәр сезне Римма Никитина проекты кызыксындырса, без сезнең белән күрешеп, сөйләшә алабыз. Кеше кабатлап таныласым килми, дидем. Минем продюсер белән эшлисем килә, яшермим: контракт төзергә дә әзермен. Тик мин беркайчан да Римма Грей булмаячакмын!

– Ә нигә сиңа Грей булырга кушалар?

– Кая барсам да, мине гел Элвин Грей белән чагыштыралар. Безнең икебезне дә яшьләр ярата бит. Күп җирдә мине “итәкле Грей” дип йөртәләр. Дискотекаларда миңа да кеше күп җыела. Тулы залны Радик җыя да, син генә җыясың, диләр.

– Радик Юлъякшин белән нинди мөнәсәбәттә сез, аралашасызмы?

– Әйе, аралашабыз. Радикның “Чык син миңа кияүгә” дигән җыры чыккач, аңа җавап итеп, “Син миңа өйлән давай” дигәнне яздым. Шуннан соң Радик белән безнең турында бик күп сүзләр йөрде. Имеш, Радик Гөлназ Асаевага өйләнми, Риммага өйләнә икән, дип сөйләделәр.

– Ул җырны син тик торганнан гына язмагансың бит инде. Димәк, Радикка карата хисләрең булган, шулаймы?

– Юк, аңа карата бернинди дә хисләрем юк. Минем аның белән бары тик дуэт кына җырлыйсым килә иде. Бер күрешкәч, бу хакта үзенә әйттем, ләкин ул миңа бернинди дә җавап бирмәде. Шуннан соң мин аның концертына бардым. Тагын бер кат үзен күреп сөйләшәсем килде. Концерт алдыннан директоры мине күреп алды да, “Син монда үзеңә пиар ясар өчен килгәнсең” дип, мине бөтенләй кертергә теләмәде. Кулымда билетым булгач, кертми чарасы юк иде. Радик җырлый, барысы да аны котлыйлар, сәхнә кырыеннан бүләкләр бирәләр. Минем дә бүләгем бар иде. Бардым, ләкин мине бүләк бирә торган урынга җибәрмәделәр. Ә мин барыбер үзенекен итә торган, бик үҗәт кеше. Радик “Чык син миңа кияүгә” җырын җырлаганнан соң, уртадан йөгереп килдем дә, туп-туры сәхнәгә менеп киттем. Сакчылары тотарга өлгерми калды. Сәхнәгә менгәч, залдагалар, мине танып алып, бер авыздан “син миңа өйлән давай” дип җырлый башлады. Бүләгемне бирдем дә, үз урыныма төшеп киттем. Шуннан соң ул миңа әлеге җырны җырлауны тыйды…

– Ул җырыңны хәзер җырламыйсың мени?

– Җырлыйм, берникадәр вакыттан соң рөхсәт бирделәр.

– Элвин Грей белән Римма Никитина дуэты булачакмы соң?

– Әлегә әйтә алмыйм, Радиктан җавап юк. “Килер бер көн, син минем яныма үзең килеп дуэт җырлауны сораячаксың әле”, дидем мин Радикка. Ул көлде. Мин беләм, ул көн җитәчәк, менә күрерсез. Ул вакытта инде Радик белән дуэт җырларгамы, әллә юкмы икәнен мин хәл итәчәкмен!

– Син үзеңә шул кадәр ышанасыңмы?

– Әгәр үзеңә ышанмасаң, татар эстрадасында “делать нечего!” Мин үземә 100% ышанам.

– Күптән түгел туган көнең булды бит әле…

– Әйе, 23 июньдә минем һәм игезәгем Тимофейның туган көне иде, безгә быел 30 тулды. Туган көнемдә бер егет 101 кызыл роза белән йөзек бүләк итте һәм кияүгә чыгарга тәкъдим ясады.

Рәмилә Әхмәтҗанова фотосы

– Нәрсә дип җавап бирдең?

– Әлегә әйтми торам, тиздән белерсез! Социаль челтәрләрдә миңа күп язалар, кемгә генә димләмиләр. “Сез Радик белән туры килер идегез, Сездән бик матур пар чыгар иде”, дип тә әйтәләр.

– Бу турыда уйлаганың булмадымы?

– Мин Радикка кияүгә чыга алмас идем, чөнки егет буларак ул мине бөтенләй кызыксындырмый. Тормышны алып бару өчен миңа иҗат кешесе кирәкми!

Юлия НАСЫЙБУЛЛИНА, Интертат

Запись Римма Никитина Элвин Грейга үпкәли: Мин беркайчан да Римма Грей булмаячакмын! впервые появилась Tatar Today - татар яңалыклары..

– Римма, ун ел буе бергә эшләгәннән соң Илсөя Бәдретдинова төркеменнән киткәнсең. Ызгышып-талашып киткәнсең, дип тә сөйлиләр…

– Юк. Ун ел буе эшләгән кеше белән талашмыйлар. Концертка хәтле дисклар да сата идем. Илсөя апа белән минем дисклар бертигез сатыла иде. Илсөя апа аңлаган һәм көннәрдән бер көнне: “Римма, миңа төркемгә яңалык кирәк. Яңа кеше алам”, – диде.

– Кеше әзер булмаса, ул кая бара?

– Илсөя апа көчле икәнемне белә. Елап утырмыйм, еласам да кешегә күрсәтмим.

– Алар төркеменә ничек эләктең?

– Дөресен генә әйткәндә, Илсөя Бәдретдинова дигән җырчыны белми идем. Мине студиядә Илфак абый күреп алды: “Үзенчәлекле тавышлы җырчы кыз син бит ул”, – дип концертка алып китте. Миңа ул вакытта 17 яшь иде. Шуннан Илсөя апа: “Минем бу кыз белән эшлисем килә!” – дигән. Илсөя апа хәзер тулы заллар җыя. Шуның өчен ул 14 ел буе тырышты, ул да 20 кешедән башлады. Аның мәктәбен үткәнгә күрә беләм: 20 кеше килә икән, шуларга да концерт куярга кирәк. Быел – 70, аннары 100 була ул. Үземә ышанам, үз көчемә таянам. Командам бик шәп. Концертымда алып баручым юк. Үзем алып барам, үзем җырлыйм, үзем биим, үзем костюмнар тегәм, үзем җырлар язам.

– Быел сиңа 30 яшь тула. “Кайчан кияүгә чыгасың?” – дип әниең җаныңа төшәме?

– Хәзер тынычланды.

– Ник?

– Барыбер үземнекен эшләгәнгә күрә. Ул миңа әйтә, мин аны тыңлыйм, әмма үземчә эшлим. Яратмаган кешегә кияүгә чыга алмыйм бит инде. Теге елны кияүгә чыгарга тиеш идем, чыкмыйча калдым.

– Ник?

– Дүрт ел йөргән егетем белән ташлаштым. Шуннан соң күп җырлар язылды. Гомумән, җырларны бик авыр яисә бик шатлыклы вакытта гына язам. “Кире килмә” дигән җырдан соң егетем смс язып җибәрде: “Бөтен Татарстанга данымны чыгардың”, – дип. Бер елдан соң кире кайтырга исәбе бар иде. Хәзер инде мин кире кайтмыйм.

– Ник ташлаштыгыз? Бәлки гаеп синдә булгандыр?

– Гаеп ике кешедә дә була.

– Синең нинди гаебең булды?

– Концертлардан кайтып кермәвем. Йөри башлагач аңа әйткән идем: “Карьера минем өчен беренче урында түгел, өйләнешик, бала табыйм”, – дидем. Әмма ул: “Әйдә, әзрәк эшлик, мин дә, син дә эшлик!” – диде. Шулай дүрт елга сузылды. Инде үз кешемне тапсам, озак йөреп тормаячакмын. Хәзер озак йөрергә вакытым юк. 29 яшьтә акыл белән эш итәм, сүзләргә ышанмыйм. Эш белән исбатларга кирәк.

– Сиңа нинди егет кирәк?

– Акыллы, мине аңлый торган. Ул иҗатымны яратмаска да мөмкин. Дүрт ел йөргән егетем мине җырчы буларак кабул итмәде. Җырларымны аңламый иде. Җырларымны яратыгыз, дип әйтмим. Мине аңларга, миңа ышанырга тиеш ул. Бервакытта да ялганламыйм. Йөргән егетем белән ташлашкач та бик озак депрессия булды. Чөнки чын йөрәгем белән яраттым. Аңа багышлап күпме җыр яздым. Яратсам, хыянәт итмим. Җаным-тәнем белән яратам.

– Алай яратырга ярамый…

– Мин шундый. Яшермим, артымнан егетләр күп йөри. Әни: “Әйбәт, акыллы егет, нигә йөрмисең?” – дия иде. “Мин аны яратмыйм”, – дим. Яратмаган кеше белән үбешә дә алмыйм. Ничек инде андый кеше белән кичен йокларга ятасың, иртән уянасың? Кайбер егетләргә карыйсың да: “Бу минем баламның әтисе булса шәп булыр иде”, – дип уйлап куясың. Әмма бит бала ясар өчен дә ярату кирәк.

– Яратам, дип егеткә барып әйтә аласыңмы?

– Ошаган кешегә симпатияңне белдерү начар әйбер түгел. Кызлар, әлбәттә, тыйнак булырга тиеш. Әмма миңа ошый икән, ошыйсың дип әйтәм.

– Әниең Сабадан, татар. Әтиең – керәшен. Мәчеткә дә, чиркәүгә дә сәдака саласың икән.

– Әйе.

– Дөньяда кеше булып калу авырмы?

– Авыр. Кемдер акчага ияреп китә.

– Син ничек тыелып каласың?

– Тәрбиядән килә. Әти белән әни дөрес тәрбияләде, аларга рәхмәтлемен. Кеше рәнҗетүдән, кеше каргышыннан куркам. Ярдәмгә мохтаҗ кешеләргә гел булышам. Махмырдан интеккән мужик басып тора икән, аңа акча биреп китәм, бәлки ул берничә минуттан үләр, ә мин кемнеңдер тормышын саклап калам. Кемнеңдер өе яна, аларга акча йә кием бирәсең, хәйрия концертларында еш булгалыйм.

– Сине киң күңелле булырга кем өйрәтте?

– Әти белән әни, әби. Керәшен әбисе белән үстем: “Кызым, кешенекенә тимә, үзеңнекен бирмә!” – дип өйрәттеләр. Шуңа күрә күпме акча эшләгәнемне дә әйтмим, кешенекен дә санап утырмыйм. Питрәч районы, Керәшен Сәрдәсендә туып-үстем.

– Әтиең башта авариягә эләгә, аннары авырып үлә…

– Әтинең киткәненә җиде ел булды. Сентябрь аенда авариягә эләкте дә, өч айдан соң инсульт белән үлеп китте. Әти колхозда, аннары клубта кочегар булып эшләде. Әни җирле үзидарәдә баш бухгалтер, хәзер пенсиядә инде.

– Әтиеңне сагынасыңмы?

– Әлбәттә. “Юксынам, әтием” дигән җырым да бар.

– Соңгы көне?..

– 2010 елның 28 декабрендә киткән идем, озатып калды. “Әти, мин кайтам”, – дидем. Банкетларны эшләгәч, Яңа елга кайтырга тиеш идем. Әмма бик каты буран чыгып, кайта алмадым. Әти шалтыратты: “Кайтып йөрмә, икесе барыбер эшкә чыгасың. Яңа елны Казанда гына каршы ал. Аннары кайтырсың”, – диде. 2 январь көнне Киров өлкәсендә концертта яланаяк биедем һәм аягымны тоймадым. Күңелем белән нәрсәдер буласын сизендем. 3 январьда иртәнге биштә телефон шалтырады, начар әйбер әйтәселәрен белә идем, сизендем. Әти: “Әй, минем кызым”, – дип Яңа ел төнендә мине сагынып утырган. Кайта алмадым, үкенечкә калды. Һәр яңа елда бу хәл күңелемә бәрә. Шуннан соң бер ай депрессиядә булдым. Әти бөтен эч серләремне белә, дус кызым кебек иде. Әни белән дә мөнәсәбәтләр алай ук түгел. Әти нинди егетләр белән йөргәнемне, миңа нинди егетләр ошаганын белә иде. Киңәшләр бирә иде: “Кызым, егетләр конфет түгел, аларга алданма!” – дия иде.

– Әтиең белән әниең ничек кавышкан?

– Әни Керәшен Сәрдәсе авылына практикага килгән дә әти аны шалт – эләктереп алган. Яратышып өйләнешкәннәр.

– Әтиеңнең нинди әйбәт сыйфатлары бар иде?

– Туры сүзле. Бервакытта да кешене мактап утырмый иде. Ошамаса – ошамый, дип кенә әйтә иде. Әти дөрес тәрбия бирде.

Чыганак: Акчарлак

Запись Римма Никитина: “Кияүгә чыгарга тиеш идем, чыкмыйча калдым” впервые появилась Tatar Today - татар яңалыклары..