Ул яшелчәләр, мәсәлән, помидор һәм кыяр ярата. Иртә белән ботка, бал яки эремчек ашарга каршы түгел, ә балык белән ит арасында балыкны сайлап алачак.

“Татлы ризыкка, гомумән, битараф, әлбәттә, туңдырмадан тыш. Яшел чәй генә эчәм”, – диде Президент.

Шуңа карамастан, Путин өчен ризыкны аерым кухняда әзерлиләр, бу хакта Кремль пешекчесе Анатолий Галкин искә алды. Русия парламентының калган хезмәткәрләренә “Кремль” туклану комбинаты хезмәт күрсәтә.

“Владимир Владимирович яхшы котлетлар, сарык, бозау ите ярата”, – ди ул.

Соңгы вакыйгалар нәтиҗәсендә сирәкләнгән күчмә конференцияләр вакытында Путин урындагы аш-суны да татып карый. Мәсәлән, Таиландка визиты вакытында ул кыздырылган креветкалар һәм карри соусындагы үрдәктән авыз иткән. 2006 елда Көньяк Африка Республикасына сәфәр барышында 200 метрлы биеклектә урнашкан ресторанда Русия лидерына тәвә кошы ите һәм диңгез ризыклары биргәннәр.

Галкин сөйләгәнчә, алкогольдән Путин шәраб һәм сырага өстенлек бирә. Рәсми очрашулар вакытында бер рюмка аракы да эчеп куя ала, тик моны бик сирәк эшли һәм, әйләнә-тирәдәгеләр ышандырганча, бөтенләй исерми. Кайбер тантаналы чараларда шампан шәрабы эчәргә туры килә, әмма Путин сирәк кенә бер бокалдан артык эчә.

Чыганак: https://kiziltan.ru/articles/raznoe/2021-11-07/prezident-tu-dyrma-yarata-2573394

Запись Нәрсә ярата Президент? впервые появилась Tatar Today - татар яңалыклары..