View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Аларны Бәшәров 3 ел элек Сүрия качаклары лагеренда булганнан соң опекага алган. Актер Ливанга гуманитар ярдәм итү максатыннан очып килгән, әлеге балаларның нинди коточкыч шартларда үсүен күргән, һәм күз яшьләрен тыя алмаган.

Марат сүзләренә караганда, Әсма белән Әхмәднең үз әниләре, абыйлары һәм апалары бар, әмма ул аларга матди ярдәм итә, кием-салым һәм уенчыклар даими җибәреп тора. Балалар ярты ел Сүрияда яшиләр һәм ярты ел – Мәскәүдә, монда яшәгәндә алар актерның өендә булалар, инглизчә укыйлар, ә менә рус теле аларга авыр бирелә икән.

– Быел кыш көне балалар бирегә килде. Яңадан кар күрделәр, бу карга бик шатландылар, алар яңадан килер дип өметләнәм, – дип сөйли актер НТВ каналында баручы “Ты не поверишь!” программасы алып баручысына.

Исегезгә төшерәбез, 2018 елда олы җәнҗал купкан иде – Марат Бәшәров хатыны Елизавета Шевыркованы каты кыйный, аның хәтта борынын да сындыра. Соңрак билгеле булганча, хатын-кыз аерылышуга 5 елдан соң гариза биргән булган. Актер гаебен кире какты, ләкин Елизавета ачыктан-ачык интервью бирде, анда ире аңа бер генә тапкыр кулын күтәрмәвен белдерде. Беренче тапкыр хатын белән ир-ат арасында низаг, Елизавета 3 айлык авыр белән булган вакытта була – Марат эчеп, хатынын буа башлый. Икенче көнне иртән актер бернәрсә дә хәтерләми. Елизавета сөйләгәнчә, ул тиран иреннән иртәрәк китмәгәненә һәм кыйнауларга түзгәнлегенә үкенгән.

Кызганычка, Шевыркова актер кулыннан бердәнбер зыян күрүче түгел. 2014 елда ул элеккеге хатынын, Екатеринаны каты кыйный. Хатын-кыз баш җәрәхәте ала. Әмма актерның беренче никахтан кечкенә кызы булу сәбәпле, Бәшәров белән судлашып тормаган.

Хәзер Марат Бәшәров төзәтү юлына баскан – алкогольдән баш тарткан, 5 килограммга ябыккан һәм өлкән кызы белән кулинар программалар төшерә икән.

Запись Марат Бәшәров күпбалалы әти?! [видео] впервые появилась Tatar Today - татар яңалыклары..

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Шушы көннәрдә МакSим YouTube каналында баручы «Сак булыгыз: Собчак» тапшыруының яңа кунагы булды һәм беренче тапкыр кома вакытында кичергән хис-тойгылары, күргән төшләре, үзенең халәте һәм дәвалануы турында сөйләде.

– Табут капкачын япканнан соң берни дә тәмамланмый. Комада булганда мин башка чынбарлыкта идем. Бу төш кенә түгел! Мин очуда кебек хис иттем үземне. Мин руханиемның тавышын ишеттем дә: «Атакаем, мин үләм», – дидем, һәм рәхәтлек кичердем. Үлем куркынычы, гомумән юк иде, – дип сөйли җырчы.

МакSим, комада булганда, төрле чынга аша торган төшләр дә күргән. Мәсәлән, аның җирдән кояшка кадәр сәяхәт итүе – йөрәк туктау вакытына туры килгән.

– Мин түбәнгә ниндидер кабинага төштем, анда кыш иде, һәм ниндидер кешеләр салкын су белән коендылар. Алар миңа су сибә башладылар, ә миңа салкын булмады. Мин көлдем һәм шунда алардан минем өчен дога кылганнарын ишеттем. Аннары минем арттан кемдер килде һәм хушлашырга теләвен әйтте. Без тагын өскә күтәрелдек һәм кинәт түбән төшә башладык. Шул вакытта атакайның “Күктә сиңа юл ябык” дип әйткән тавышын ишеттем. Үз аңыма килгәч, миңа ике тапкыр йөрәгең туктап калды дип хәбәр иттеләр, – дип искә төшерә артистка.

Шулай ук МакSим йөрәге тибүдән туктаган вакытта, гомерен йөрәк эшен алыштыра торган ЭКМО аппараты саклап калды, дип ассызыклый. Шул ук вакытта җырчы бу аппаратка Мәскәүгә ашыгыч рәвештә очып килгән әнисе ярдәме белән кушылганын да әйтте.

Белгечләр ышандырганча, җырчыга “санаулы минутлар” гына калган булган.

МакSимның савыгуын чын мәгънәсендә могҗиза дип әйтеп була.

Запись МакSим: “Табут капкачын япканнан соң берни дә тәмамланмый” [видео] впервые появилась Tatar Today - татар яңалыклары..