Архивы Рөстәм Галиев - Tatar Today - татар яңалыклары.

Ләйлә Галиева аерылышканнан соң ире Рөстәм Галиевка нәрсә дип язган?

Р Л — Fri, 02 May 2025 17:44:46 +0000

Күпләрнең Рөстәмнең әлеге яңа җырын ишеткәннәре булмаган икән. Тамашачылары аңа бик матур җыр сайлавы һәм тавышының да искиткеч булуы турында язып калдырганнар. Алар арасында Рөстәмнең элекке хатыны Ләйлә Галиева да бар. Ул Рөстәмгә уңышлар теләп комментарий калдырган – “Уңышлар сиңа!”

Менә шуннан соң халыкның игътибары тулысынча диярлек Ләйләгә юнәлгән. Алар Ләйлә белән Рөстәм Галиевның аерылышканнан соң да яхшы мөнәсәбәтләрдә калуына сокланганнар.

«Сезне хөрмәт итәм. Аерышкач та тавышланып йөрмәдегез»;

«Ләйлә, сокланам сезгә. Сез – нинди зирәк, тәрбияле, игелекле кеше»;

«Сездән башка Рөстәмнең үзен генә тыңлыйсы килми шул. Сез – искиткеч», – дип язалар Ләйләгә.

“Шалкан кебек ирне югалткач кына башы эшли башлый шул хатын-кызның”, дип язучы да бар.

ЧЫГАНАК: https://intertat.tatar/news/laila-galieva-elekke-irena-kommentariilar-yaza-unyslar-sina-5872699

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Ләйлә Галиева аерылышканнан соң ире Рөстәм Галиевка нәрсә дип язган? впервые появилась Tatar Today - татар яңалыклары..

Ләйлә Галиеваның рәхәт яшәгәнен ошатмаганнар: “Менә ничек рәхәт ир булмагач, икенче Нәгыймова булган бу!”

Р Л — Mon, 21 Apr 2025 16:07:27 +0000

Ләйлә Галиева үзен матур итеп күрсәткән видеолар элгән. Әмма ВКонтактедагы дуслары арасында бу матур видеолар бәхәс уяткан.

“Менә ничек рәхәт ир булмагач!”, “Икенче Нәгыймова булган бу!” – дип гаепләп тә, “ирдән аерылдым дип елап йөреп булмый бит инде, һәркемнең стресс төрлечә чыга” дип хуплап та язалар.

Фидалия
Тәнкыйтьләп язмыйм. Ике бала белән ирдән аерылып, үзләрен ничек күрсәтергә белмичә йөри башлыйлар. Пластика ясыйлар. Бик тә ошап бетми бу кыланышлар. Башта Ильмира Нәгыймова шулай ярым шәрә киенеп җырлап йөрде. Чит иллардан үрнәк алып йөри башладылар. Азагын ни буласын уйламыйлар ахры. Алла Пугачева да шулай ирдән аерылып, нәрсәгә барып җитте? Мөселман хатын-кызларына килешеп бетми бу. Аллаһ Тәгалә биргән матурлыкны бетерәләр, үзләрен әллә нинди чирләргә дучар итәләр. Ләйлә дә шулай ук. Гаиләне саклап калу да хатын-кызның үзеннән тора. Борынгылар әйтмешле: “Атта да бар, тартәдә дә бардыр инде”. Икең дә бер уйга килеп, гаиләне бозмыйча хәзерге авыр заманда яшәп буладыр, дип уйлыйм.

Рәмзия
Фидалия, бик дөрес сүзләр! Кулдан кулга күчеп, ир эзләп бозылып бетәләр инде… Балалары елый.

Фларида
Үзегез кулдан кулга йөри башламагыз, тәртипле апалар!

Вәсилә
Кеше турында ялган сүзләр, гайбәтләр сөйләп утырмагыз, зинһар. Әйбәт, нормаль ирдән хатын-кыз беркайчан да китми. Рәхәт тормыштан кемнең китәсе килсен? Сүзләрегезне уйлап языгыз.

Рима
Ире исәбенә аягына басты, тавышы да юк иде, хәзер җырларга, сәхнәдә тотарга өйрәнде, хәзер инде аңа бай ир кирәк.

Расиха

Әйбәт ир белән яши алмыйлар шул хәзерге яшьләр. Ә исерек, булдыксыз ир белән, бүген айнык диеп шатланып, түзеп яшиләр. Түзәм балалар өчен диеп тә әйтәләр әле. Акыл белән хатын- кызны аңлап булмый.

Фаина
“Унга чык унганчы чык” дигән мәкаль бар. Ул яшь һәм матур, җырлый да матур. Көелмәгез!

Фидалия
Ләйләгә бәхет телим! Ул үзенә юл ачты. Кемгә булса да шундый язмыш яшәмәсен.

Рәмзия:
“Ирен бик әйбәт дип сөйли иде… Аерылгач, начарга әйләнгән. Чыдап булмый инде бу мактанчыкларга.”

Айгөл:
“Хатын-кыз аерылганнан соң гына чәчәк ата башлый!”

Эльмира:
“Молодец! Елап утырсынмыни!”

Луиза:
“Ләйлә, матур булдың! Бизәнгән, яшәргән. Булдырасыз! Бөтен кешенең дә моңа көче җитмәс. Кайберләр ирләре белән интегеп яши. Һәркемгә бер генә гомер бирелгән…”

Арзуда:
“Икенче Ильмира…”

Гүзәл Нуруллина:
“Менә ничек рәхәт ир булмагач!”

Диләрә:
“Кеше тормышы — кара урман. Үзләре генә белә нәрсә булганын. Безнең беркемне дә гаепләргә хакыбыз юк. Алдагы гомерләре икесенә дә бәхетле булсын!”

Наилә:
“Ләйлә — молодец! Нәгыймова кебек ир чәйнәп йөрми.”

Райфа:
“Ун ел торганнар, ике бала. Характерлары туры килмәгән икән. Яши-яши бер-беренә яраклашырга була инде…”

Алсу:
“Райфа, характер туры килмәү түгел инде. Бер-берсен гаепләмәс өчен шулай диләр. Араларына өченче кеше кергәндер…”

Ләйлә:
“Хәзерге заман хатыннары – үз юлларын үзләре сайлыйлар. Милләтебезнең көчле хатын-кызлары бездә күп. Ләйлә дә шуларның бересе. Бәхетле булсын!

ЧЫГАНАК: https://intertat.tatar/news/golzada-safiullina-cukyim-disan-cukyrga-keselar-bar-iat-kesesena-katy-kagylyrga-yaramyi-5872094 
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Ләйлә Галиеваның рәхәт яшәгәнен ошатмаганнар: “Менә ничек рәхәт ир булмагач, икенче Нәгыймова булган бу!” впервые появилась Tatar Today - татар яңалыклары..

Ләйлә Галиева ире белән аерылышу сәбәбен әйтте

Р Л — Thu, 17 Apr 2025 05:32:50 +0000

Җырчы Ләйлә Галиеваның шәхси тормышы күп язылучыларын кызыксындыра. Ул Рөстәм Галиев белән 15 ел бергә яшәгәннән соң быел февраль аенда аерылды. Аларның ике балалары бар.

“Нигә ирегез белән аерылыштыгыз? Эчми, тартмый, әммә саран дип әйтәләр”, – дип сораганнар җырчыдан.

“Характерлар белән туры килмәдек. Мин гаиләне саклап калырга тырыштым”, – дип җавап кайтарган Ләйлә.

“Рөстәмне сагынасыңмы?” – дип тә сораганнар. Ләйлә Галиева моңа кыска гына итеп: “Юк”, – дип җавап кайтарган.

Аерылышканнан соң Ләйлә имиджын үзгәртте һәм актив рәвештә иҗат итә башлады.

“Интертат” сайтына интервьюсында Рөстәм Галиев үзара мөнәсәбәтләре турында сөйләгәндә, Ләйләгә акча эшли башларга кушуы турында әйткән иде.

“- Сезнең гаиләдә акча сезнең кулда булып чыга.

Әйе, әлбәттә. Икеңнең берең акча саный белергә тиеш. Берең эшләп, икенчең туздырып кына яшәү дә дөрес түгел. Шуңа Ләйләнең үзенә: «Әйдә, эшли башла», — дип әйттем.

– Челтәрле бизнес турында сүз барамы?

– Әйе.

– Гаиләгездә тавыш нәрсә өчен чыга?

– Без икебез дә кызып китүчән. Сабыр гына берең түзеп, икенчең дәшми калу юк. Ләкин еллар буе тәҗрибә туплана икән. Хәзер кайвакыт дәшми калырга өйрәндем. Алай эшләү иң дөресе — әйткәне дә үз хатасын аңлый, әйтмәгәне дә. Икебезнең дә җитешсезлек шушы.

– Үпкәләшкән вакытта кайсыгыз беренче булып килә?

– Мин инде. Ләйлә йөри шунда кылтаеп”.

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Ләйлә Галиева ире белән аерылышу сәбәбен әйтте впервые появилась Tatar Today - татар яңалыклары..

“Аерылышкач, хатын-кыз матурланып китә…” – Ләйлә Галиеваның яңа клибы бәхәс чыгарган

Р Л — Sun, 13 Apr 2025 08:09:28 +0000

Ләйлә Галиева күптән түгел ире Рөстәм белән аерылышуы турында хәбәр иткән иде. Ул «Бәхетле булу өчен без башкалар турында артык борчылырга тиеш түгел», дип яңа җырын тәкъдим иткән.

Җырда шундый юллар бар, ул – аерылышу турында:

“Бер-беребезгә инде без бит яп-ят, Яшәмичә үткәннәрне таплап,

Яхшырактыр шулай, кем белә?

Онытырга чараларын тап-тап, калалмадык сөюләрне аклап –

Гаепле тик син һәм мин генә…

Күңелемнең бакчаларын тап-тап,

Йөрмә әле артларымнан саклап…

Үпкән-кочкан – очкан җилләргә…

Хисләремне телем-телем ваклап,

Өзгәләмә йөрәгемне кат-кат,

Үткәннәргә нигә тияргә?”

Укучылары исә бу сүзләрне үзләренчә кабул иткән.

Ләйлә Галиеваны мактап язучылар бик күп:

«Ләйлә кызым, үзең бик матур да, җырың да бик матур, тырыш та үзең, бәхетле бул. Шундый матур пар идегез бит, күз тигәндер инде”.

«Ләйлә, кеше сүзен укымагыз, алар көнләшеп яза. Кулларыннан бер эш килми. Кемнәр гайбәт яза, алар көнләшеп яши».

Ләйлә Галиеваның кара күзлекле яңа образын яратмаучылар да бар: “Ирләргә охшаган”, “Картаеп киткән” дип гаеплиләр. Берсе киресенчә, Ләйлә Галиева матурайган дигән фикердә: «Матуркай, син матурланып киттең», – дип язган ул хатынга каршы җавап язучылар да бар:

“Ул ире булганда да матуркай иде. Хәзер ясалма, күңелдән бармый, кешегә күрсәтергә дип яши, элек матур иде”.

“Аерылышкач, хатын-кыз матурланып китә”, дип бирешмәгән ул ханым.

“Матурланыр өчен аерылышырга гына кирәкме әллә?”

“Алай яктырып киткәч, бөтен кешегә аерылырга инде. Әйдәгез, кемнәр кушыла, аерылыша башларга!” – дип гаепләп язалар аерылышуны яклаучыны.

Төрле фикер язучылар бар:

«Мин бу парны күреп яраткан идем. Бик бәхетле шикелле иде интервьюларын укыганда. Ләкин тормыш булгач, төрле хәлләр була. Балалар хакы бар, ике җимешләре. Бәлки аңлашырлар…»

«Нинди матур парлар дип яратып карый идем, парлар бергэ булганда гына матур була, шул,тормышның бөтен матурлыгы балаларың, семьяң белән парлы яшәгез. Тормыш без уйлаганча түгел шул, Ләйлә матур чәчәк кебек, бер дә ялгыз күрергә теләмим».

«Кешеләр тик торганда гына аерылышмый».

«Рәхәткә чыдамый адәм баласы…»

«Рөстәм белән килешегез, сез бит матур пар идегез!»

Ләйлә Галиева үзе турында язучыларга Салисә Гәрәеваның шигырь юллары белән җавап биргән:

«Кире кайтмый берни:
әйткән сүз дә
Кабат кайтмый, үкен-үкенмә!
Йөрәкләрдә рәнҗү төере кала –
Кирәк түгел, гафу үтенмә!

Кире кайтмый гомер, үткән еллар,
Куанычлар, юллар – үтелгән!
Язмыш кушып, җанга чит-ят затлар,
Ятлар белән гомер ителгән…

Шулай була кайчак: үткәннәрдән
Ишетелә таныш бер тавыш.
Юк, кайтарып булмый сөйгәннәрне –
Үзәкләрне өзә тик сагыш!..

Һәр кешенең җирдә үз сукмагы,
Гел үзгәреп тора фасыллар.
…Фанилыгын раслап бу дөньяның,
Соңгы көннең мөһере басылган…»

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись “Аерылышкач, хатын-кыз матурланып китә…” – Ләйлә Галиеваның яңа клибы бәхәс чыгарган впервые появилась Tatar Today - татар яңалыклары..