13 август халык артисты Салават Фәтхетдинов сәхнәгә менмәгәнгә 156 көн булган! Аның фикеренчә, зур концертлар февраль аенда гына башланачак.

-Минем ишеткәннәрем буенча, бу гайбәт булып яңгырамасын инде, безнең кебек 500-1000 урыны зур залларда чыгыш ясаучы артистлар, февраль аеннан да иртәрәк чыга алмыячаклар, ди Салават абый.

Пандемия вакытында Салават Фәтхетдинов үзең инстаграм битен бик актив алып бара башлады, ләкин “Комментарийларны укымыйм” , ди ул. Аның сүзләре буенча, бар кешегә дә ошап булмый, ул үзен яраткан, аның белән кызыксынган кешеләр өчен генә тормышында булган вакыйгалар белән бүлешеп бара.

Чыганак: ТНВ каналы

Запись Салават Фәтхетдинов зур концертлар кайчан башланачагын әйтә [видео] впервые появилась Tatar Today - татар яңалыклары..

Салават Фәтхетдинов кәҗәләрен яратып каравын дәвам итә. Күп итеп әрем җыеп кайткан, яхшылап эшкәртеп, бәйләп, җыеп куйган. Бик файдалы, кирәк булса рецепты белән бүлешәм ди.

Чыганак: Салават Фәтхетдинов инстаграмыннан 

Запись Салават абый әремне ни өчен җыйган? Файдалы, тиздән рецепты белән бүлешәм ди, кирәкме? [видео] впервые появилась Tatar Today - татар яңалыклары..

Халык артисты Салават Фәтхетдиновның Казанда августта 31 сезон концертлары башланып, ул анда муллалар турында мәзәк сөйләгәч, интернетта бик каты бәхәс купты, хәттә берәүләр халык артистыннан гафу үтенү таләп итеп ачык хат та юллады. Без бу турыда Салават әфәнденең үзеннән сорарга булдык.

– Кайбер муллалар концертыгызда яңгыраган үзләре турындагы мәзәктән соң “елап алдылар”, ачык хат та юлладылар. Ә халык аны аңлады, ошатты. Ул мәзәкнең сезнең концертка керү тарихи ничегрәк булган иде?

– Ул мәзәккә йөз ел. Һәр кеше үзен идеаль дип уйлый. Һәрбер мәзәктән проблема эзли башласаң, бу дөньяда яшисе дә юк, шул проблеманы сүтеп кенә утырасы була. Юморны аңламаган кешеләр белән мин бәхәсләшмим дә. Кайбер халык бит үзләре турында анекдотны үзләре чыгара. Үзеннән үзе көлә белмәгән, үзенә критика ясый алмаган милләт милләт булып үсә алмый.

– Бу муллалар үзләрен идель итеп күрергә телиләрдер бәлки, мулла образын идеальләштермәкчеләр…

– Мин Аллаһка шул чаклы ышанам… Минем йортымда аерым бүлмә дә бар намаз укый торган, килгән кешеләр рәхәтләнеп кереп укыйлар. Мулла килә дә китә ул, ә Аллаһ Тәгалә бер генә.

Шуңа күрә моны аңламаган муллага мөрәҗәгать итәм: килсен миңа. Килсен, минем белән сөйләшеп утырсын, мин аңа җавапны бирермен.

Минем менә дигән укый торган хәзрәтләрем бар, егермешәр ел йөрим бер урынга: Мәрҗәнигә барам мин, эчем пошканда, шалтыратып укытам. Рөстәм белән китәбез икән ярышларга, мәчеткә кереп, хәерләрне биреп, укытып чыгып китәбез: күңелгә бит тынычлык кирәк. Бөтен ышаныч кайвакыт бер Аллаһ тәгаләдә генә кала. Кеше кемгә дә булса, нәрсәгә дә булса ышанырга тиеш бит. Менә бу ышаныч.

– Яшегез үскән саен, Аллаһ белән элемтә булгач, тоемлаулар сизәсезме? Бер әнгәмәдә сез концертның ничек барачагын фаразлавыгызны әйтәсез. Биш минутта шулай булса, аннан шулай булачак дисез.

–  Беренчедән, ул хорафат инде. Ходайга ышанган кеше андый булырга тиеш түгел. Нишлисең, без шундый тәрбиядә үскән. 60-70-80 ел яшәдек Алласыз да, мулласыз да. Кирегә кайтыр өчен бит берничә чор үтәргә тиеш. Мин ул чорда туган бала, без мәчетсез үстек авылларда. Минем балалар башка төрле инде. Минем Җәннәт…

– Исемен кем бирде?

– Үзләре таптылар аны. Ничә яшь икәнен дә белмим, өч яшьме икән аңа, ике ярыммы, бисмилләсез авызына ризык капмый.

– Кем өйрәтте?

– Әти-әниседер инде. Бер кызык хәл сөйлим әле, мин аны кызык итеп сөйлим, ләкин ул кызганыч. Килгән дә бер дустымның оныгы ашаган инде бездә. Пешекче ападан сорый икән: “Шулчаклы тәмле пешергәнсез, нәрсә белән пешердегез”, – дип. “Бисмилл” белән пешердем”, – дигән пешекче. Өйләренә кайтып, дәү әнисенең башын катырган, Салават абыйлардан бисмиллә сорап торыгыз әле, тәмле була икән бисмиллә кушып пешерсәң дип. Ул аны ингредиент дип аңлаган. Көлке, ләкин кызганыч. 4-5 яшьлек бала әле дә бисмиллә әйтә белми. Татар баласы. Бу кызганыч кына да түгел, бу куркыныч.

Запись САЛАВАТ ФӘТХЕТДИНОВ Tatar Today АША МУЛЛА МӘЗӘГЕНӘ САЛЛЫ ҖАВАБЫН ӘЙТТЕ [ВИДЕО] впервые появилась Tatar Today - татар яңалыклары..

Арча интернатыннан Салават Зәкиевич янына кунакка килгән бала артист белән сөйләшеп утырган, чәй эчкәннәр. Аннары спорт машиналарында узышканнар. Рульдә Салаватның улы Рөстәм Фәтхетдинов һәм Россия чемпионы Айдар Нуриев булган.

Әйтергә кирәк, Рөстәм дә әтисе кебек хәйрия белән кызыксына икән. Шундый бер хәйрия концертында җырчы улы турында: “Минем улым да хәзер хәйрия белән кызыксына башлады. Монысы инде сезгә кирәкле әйбер түгел. Бөтен изгелекне дә кеше белеп торырга тиеш түгел. Кеше үзе белеп эшләргә тиеш”, дигән иде.

“Бүген күңелем тыныч, бер изгелек кылдык улым белән. Арча интернатыннан миңа кунакка килгән баланың хыялын тормышка ашырдык. Минем девиз ,,Ни дня без доброго дела‘’ бүген тормышка ашты” дип уртаклаша Салават Фәтхетдинов.

 

Посмотреть эту публикацию в Instagram

 

Буген кунелем тыныч, бер изгелек кылдык улым белэн. Арча интернатыннан мина кунакка килгэн бала белэн очраштык. Сойлэштек чэй эчтек. Аннан анын хыялын тормышка ашырдык. Спортивный машинада узыштык. Рульдэ улым Ростэм хэм Россия чемпионы Айдар Нуриев булды. Минем девиз ,,Ни дня без доброго дела ‘’ буген тормышка ашты э сезнеке? Спасибо за поддержку директору Казань ринга @adel_mullahmetov @kznring @aydar_nuriev @rustamfat18

Публикация от Салават Закиевич Фатхутдинов (@salavat_fatkhutdinov_official) 20 Ноя 2018 в 2:48 PST

Запись Салават Фәтхетдинов тагын бер баланың хыялын тормышка ашыра [фото-видео] впервые появилась Tatar Today - татар яңалыклары..

“Илһам Шакиров әйтмешли, җырлаучылар күбәйде, җырлый белүчеләр азайды. Эстрада казанында кемнәр генә кайнамый. Бәйгенең максаты – талантларны барлау, аларга киләчәк тормышларында юл күрсәтү. Мин бу бәйгегә зур өметләр баглыйм, катнашучыларга бик таләпчән карыйм”, – дип башлады сүзен Салават.

– Салават әфәнде, “Татар моңы”ның да 10 еллык тарихы бар! Беренче еллар белән чагыштырганда үзгәреш сизеләме?

– Үзгәреш җир белән күк арасы. Беренчедән, бәйгенең географиясе елдан-ел киңәя. Соңгы елларда чит илләрдә яшәүче милләттәшләребез дә бик теләп катнаша башлады. Төрле төбәкләрдән килгән яшь башкаручыларның саны ишәйде, чыгышлары да сыйфатлырак, көчле тавышлар килә.

Икенчедән, репертуар төрлелегенә аерым басым ясар идем. Элегерәк бәйгегә бары бер халык җыры белән килүчеләр дә булгалады.

Өченчедән, катнашучыларның милли киеменә аерым басым ясала.

Соңгы 5 елда бәйгенең телевизион форматта эшли башлавын да яңа үзенчәлек дип атар идем. “Татар моңы” бик тәртипле, тыйнак конкурс. Шуңа күрә сәхнә киемнәренә аеруча зур игътибар бирәбез, соңгы елларда бигрәк тә. Җырчыларны киендерү – бәйгенең тагын бер үзенчәлекле ягы. Безнең халык элек-электән матурлыкка омтылган. Өстендә бизәкләп ясалган озын күлмәк, аякта читек булган. Ирләр башларына чигелгән түбәтәй, хатын-кызлар калфак кигәннәр. Менә шуларның барысын да истә тотып эш итәбез. Узган елгы гала-концертка гына сиксәнгә якын костюм тегелгән иде. Алар барысы да ябык, берсе икенчесен кабатламый. Сәхнә бит ул ярымшәрә чыгу урыны түгел. Һәр катнашучыдан халкыбызның тутыкмас моңнарына зур ихтирам таләп итәбез.

– Татар эстрадасында меңгә якын җырчы бар. Чит җирләрдән нәрсә эзлисез?

– Үзләрен җырчы, йолдыз дип йөртүчеләрнең саны мең генә түгел, артык. Французның бөек җырчысы: “Җырлавын һәркем җырлый, миңа шәхесне бирегез” дигән. Шәхес булырдайлары бармы соң? Күп җырчыларның кыяфәтләре дә, кыланышлары да бертөсле, җырлары такмак, моңнары юк. Кем җырлаганын отып калып булмый, кызганыч. “Татар моңы” дөнья буйлап сибелеп яшәүче татарларны берләштерә, затлы тавышлы яшьләрне табып алып таныта, үстерә. Шундый бәйгеләр күбрәк булсын иде. Милләтне милләт итеп моң, дин һәм киемебез саклаган. Милләт яшәгән вакытта шәхес булырдай җырчылар да үсәчәк, иманым камил!

– Татар жырчларын башкаручы башка милләт вәкилләренә ничек бәя бирәсез?

– Бервакытта да тәнкыйтьләмим. Аларга сөенеп карыйм. Ләкин татар җырларын җиренә җиткереп бары тик татар кешесе үзе генә җырлый ала, дип саныйм.

– Татар теленең, татар җырларының киләчәге бармы?

– “Бар” – дип өздереп әйтәм. Мин һәрвакыт бер сүзне кабатлыйм: мари, удмурт, чуваш халкы исән булганда, татар теле мәңге яшәячәк! Иң беренче эшне үзеңнән башларга кирәк. Гаиләдә урысча сөйләшеп татар телен, татар моңын саклап калып булмый. Шуңа күрә һәрбер йортта татарча сөйләшсеннәр, татар җырларын тыңласыннар. Авылларыбызда гармун моңнары беркайчан да тынмасын. Без татар дип горурланып яшик. Безнең мактанырлык әйберебез бар: ул – моң! Аны бездән берәү дә тартып ала алмый!

Автор: Юлия НАСЫЙБУЛЛИНА

intertat.tatar

Запись Салават Фәтхетдинов сәхнәгә шәрә чыгучылар турында фикерен әйтә впервые появилась Tatar Today - татар яңалыклары..

Татарстан башкаласында 30нчы сезон концертлары башланганчы Салават Фәтхетдинов журналистлар белән матбугат очрашуында Азатлык сорауларына да җавап бирде. Ул вакытта татар мәктәпләреннән татар теленең кысрыклап чыгарылуы, пенсия яше турында җырчы төгәл фикерен әйтмичә, “30нчы сезон концертыма килегез, җавапны шунда ишетерсез”, дигән иде. Халык артисты сүзендә торды, “Күңел көзгесе” програмында татар теле, милләткә бәйле фикерләр сәхнәдә укытучы һәм укучы, җен һәм фәрештә образлары аша юмор белән халыкка җиткерелде, кайбер урыннарда үзе дә җөпләп куйды.

“Кызганыч, безнең халыкка ай-вай, кычкырырга, сикерергә, сальто ясарга, куллар-куллар, аяклар-ботлар кирәк. Мин бераз гына борчылам, зәвык үзгәрде. Ләкин без үзебезнең юлыбызга тугры калып, акрын гына эшләп барырга тиешбез. Ныклы нигез булу мөһим, кеше буларак та, татар буларак та, милләт буларак та. Кешенең үзәге нык булырга тиеш, мин-минлеге, үз-үзлеге түгел, үзәге”, диде Азатлыкка Салават әфәнде.

22 август безгә Камал театрында Салават абый Фәтхетдиновның @salavat_fatkhutdinov_official 30нче сезонны ябу концертында булу бәхете тәтеде. Гаҗәеп мәгънәле, үрнәк, милли тамаша күрсәтелде. Салават абый татарларның бөек шәхесе булуын дәлилләп тора! Сәламәтлек, озын гомерләр телибез аңа! #татартудей #татарлар #салават30сезон #салаватфәтхетдинов #татарстан #казан #рөстәмисхакый Кемнәр 30нчы сезонны карады?

Публикация от Tatar-today (@tatar.today) 23 Авг 2018 в 9:25 PDT

Тамаша башында ук ул “Күңел көзгесе” концертының нигезен тәшкил иткән таяну нокталары әйтелде. Төпле ныклы, мәхәббәтле гаилә, иман, Әлифба – үз телеңне белү һәм үз телеңне онытмау, татар моңы – бездәге моң бер милләттә дә юк дип халык артисты гамле, ямьле, мәгънәле концерт булачагына басым ясады.

“Дәүләт БДИны бетермичә мин мәктәптән китмим”, ди мәктәп тәмамлый алмаган укучы образындагы Таһир Гайнуллин. “Минем дә бит пенсиягә чыгасым килә, тизрәк укып бетер инде”, дип сыкрана укытучы Ядкәр Хәбибуллин. Аңа җавап итеп укучы укытучысына, “Бөтен илнең пенсиягә чыгасы килә!” димәсенме. Зал шаркылдап көлә башлады.

“Ниләр генә укытмыйбыз мәктәптә, татар теле генә юк!” ди укытучы Ядкәр әфәнде залга карап.

Бу сүзләр Салават әфәнденең пенсия яшен арттыруга, татар телен укуны ихтыярига калдыруга карата җавабы буларак яңгырады. Өч сәгатьтән артык барган концерт буе җырлар арасында тамашачы юмор, бәйләгеч җөмләләр аша илдәге, республикадагы вакыйгаларга карата җырчының фикерләрен ишетә алды.

Халык та уяу утыра икән, Азатлык сораштырган тамашачылар Салават Фәтхетдиновның фикерләренә соклануын белдерде.

“Милли мәсьәләләрне күтәрә, дөрес сөйли, шаяртып мәгънәле фикерләрен әйтә белә. Телне бетерүгә нык кагылды, курыкмый, безгә шундый Салават кебек Татарстан өчен ватанпәрвәр булган батыр ир-егетләр кирәк”, ди җырчының концертына 30нчы тапкыр Зәйдән килүче Рәзинә Ахунова. Казаннан Гөмәр Хәбибуллин да рәттән 30нчы сезонны карый икән.

“Без Салават абыйның җырлары белән үстек, әти-әниләр дә аның җырларын тыңлады. XX-XXI гасырның легендасы ул, зирәк фикерле чын халык җырчысы”, диде аның турында сораштыруда катнашкан яшь буын вәкилләре.

Күбесе 90нчы еллардагы җырларын яратып тыңлауларын, популяр яңа буын җырчылары күп булса да, Салават – Салават инде дип, аның алыштыргысыз булуын әйттеләр.

Кичәнең төп каһарманы 30нчы сезон концертында яшь җырчыларга сабак күрсәткәндәй, халык җырын заманча ритмда башкарды, җен: “Куллар-куллар, кайда сез, алкышларыгыз кайда!?” дип акырып сәхнә каршында сикеренде. Бу мизгелдә тамашачы күз алдына, арлы бирле йөрегән, алкышлар даулаган башкаручылар күз алдына килде.

“Миңа калса, менә болай җырлауның бер авырлыгы да юк. Ләкин аның татарга кирәге дә юк”, дип Салават Фәтхетдинов фәрештәгә әйтүгә тамашачылар килешкәндәй көлешеп куйды.

Җырчы бу тамашасында, үзе әйткәнчә, алдан куелган маякларга тугры калып, кырыйга тайпылмыйча, туры барды, залда танылган дус-танышлары, Лаеш районы башлыгы кебек түрәләр булса да, берсен дә телгә алмады диярлек, концерт карарга килгән Казан футбочылары да гади тамашачы кебек, бүләкләрен азактан бирде.

Футболчылар үзләре имзалаган туп бүләк итте

Халык артисты Камалдагы 30нчы сезонын “Татарстанны республика дип әйтергә телем әйләнми, ул кечкенә генә булса да дәүләт, аның халкы, теле бар, моңы бар. Татарстан кебек ил беркайда да юк”, дип “Мин яратам сине Татарстан!” җыры белән йомгаклады.

Декабрьдә әлеге програмны Салават Фәтхетдинов Мәскәүдә куярга ниятли.

Азатлык радиосы язмасы (чит ил агентлыгы)

Запись Салават яшьләргә ничек җырламаска кирәклеген күрсәтә [фото-видео] впервые появилась Tatar Today - татар яңалыклары..

Фирзәр Мортазинны сәхнә артында үзенең чыгышын көтеп йөргән вакытта тотып алдым. “Беренче бүлектән соң гына җырларга чыгам, шуңа күрә матур итеп киенеп куймаган идем. Фотосурәткә төшермәссез инде”, – диде ул. Ләкин сорауларыма җавап бирүдән баш тартмады.

“Салаватның да, минем дә көндәшләр җитәрлек”

– Фирзәр абый, Салават Зәкиевич белән озак еллар бергә эшлисез. Җырчы белән сезнең арадагы дуслыкның сере нәрсәдә?

– Салават белән дуслыгыбыз озак еллар дәвам итә. Безнең дуслык, барлык киртәләр белән сыналган. Танышуыбызны бик яхшы хәтерлим, 1990 еллар иде ул. Беренче күрешүдә үк дуслаштык, тиз арада уртак тел таптык. Мин аңа мең рәхмәтле, чөнки утыз ел дәвамында халыкка минем җырларымны танытты. Ул мине, мин аны бөеклеккә күтәрдем. Без аның белән бер үк чор кешеләре, иҗатташ дуслар. Бер үк авырлыклар, бер үк төрле шатлыклы вакыйгалар аша үттек. Дөресен генә әйткәндә, охшаш якларыбыз да бик күп. Әллә тора-бара шулай бер-беребезгә охшап беттек микән?

Холыкларыбыз бертөрле, икебез дә кызу канлы кешеләр. Ләкин ачу тиз кабына һәм тиз сүнә. Берәүгә дә сер түгел, безне яратмаучылар бик күп. Салаватның да, минем дә көндәшләр җитәрлек. Ни өчен шулай? Җавабы бик гади: дөреслекне яратабыз. Бервакытта да кеше артыннан хата-кимчелеген, гайбәтен чәчеп йөрмибез. Нәрсәдер ошамый икән, күзенә карап әйтәбез. Менә шундый охшашлыклар безне якын итә торгандыр. Аллага мең шөкер, гаиләләребез белән дә аралашып яшибез. Фәтхетдиновлар гаиләсе киң күңелле, кунакчыл. Кем генә килмәсен, һәрвакыт колач җәеп каршы алалар.

– Сез танышкан вакыттагы Салават белән хәзергесе нык аерыламы?

– Әйе, аерыла. Ләкин яхшы кешенең күңелен еллар бөтенләй үзгәртә алмый. Утыз ел буе җыйган тәҗрибәсен Салават уңышлы куллана белә. Аның фикерләве, эш-гамәлләре генә үзгәрде. Ләкин ничәмә-ничә еллар ул татар сәхнәсен тота, тугры тамашачысы белән бергә атлый. Минемчә, ул – герой. Ирешкән уңышлары, казанышлары, эшләп тапкан маллары – барысы да үз көче белән табылган. Салаватны яратмаучылар, уңышыннан көнләшүчеләр бар. Тик хөрмәт итүчеләр күбрәк, дип уйлыйм. Аның шәкертләре бүген зур сәхнәләрдә чыгыш ясый, эстрада да үз урыннарын таптылар. Салават – режиссер. Фантазиясе һәм фикерләү сәләте көчле аның. Тамашачыга нәрсә кирәген төгәл белә, һәркемнең күңеленә хуш килерлек тамаша әзерли.

– Уртак фикергә килә алмыйча талашкан чакларыгыз булдымы?

– Юк, алай ныклап ачуланышканыбыз юк безнең. Талашып, ямьсез сүзләр әйтеп йөри торган кешеләр түгел без. Дөнья булгач, төрле хәлләр була. Бөтен кеше дә талаша анысы, аеруча кәефсез чак булса. Ләкин безгә талашыр өчен җитди сәбәпләр очрамады, озак еллар бергә эшлибез бит инде. Салават мине, мин аны ярты сүздән һәм күз карашыннан аңларга өйрәнеп беттек. Бер дә булмаганнан, юктан гына әрләшеп китәргә мөмкин без. Мәсәлән, карта уйнаган вакытта. Ул җиңсә минем, мин җиңсәм аның ачуы чыга. Футбол һәм волейбол уйнаган вакытта кызып китә алабыз. Без бит юморны аңлый торган кешеләр, шуңа күрә шаярып кына талашабыз. Иҗади эш вакытында талашкан вакытларны хәтерләмим, бер-беребезгә авыр сүзләр әйткән булмады. Ул үз өлкәсендә, мин үз өлкәмдә профессиональ. Тәҗрибәле кешеләр талашу өчен вакыт әрәм итми, тыныч кына үз эшләрен эшли.

“Шигыре яхшы булса, көен бер минутта иҗат итәм”

– Салават Зәкиевичка туры килгән җырларны ничек сайлыйсыз?

– Бу вакыт узу белән үзеннән-үзе килә, тәҗрибә туплагач. Әлбәттә, иҗат иткән җырларымның барысын да Салаватка тәкъдим итә алмыйм. Иң беренче чиратта мин аның тавышына туры килгән җырны сайлап алам. Мөмкинлеге нинди, нинди җырлар, нинди стиль ярата – барысын да исәпкә алам. Бик нечкә эш, алтын урталыкны таба белергә кирәк. Аз гына хата китсә дә, җыр инде хит була алмаячак. Мин җырларны сүзенә карап иҗат итәм, аның өчен уңышлы шигырь кирәк. Шигырь ошаса, шунда ук күңелдә көе дә туа. Шигыре яхшы булса, көен бер минутта иҗат итәм. Күп җыр яза алам дип тә әйтә алмый, шул айга бер була инде. Күп көй иҗат итсәң, тәме бетә.

Хәзерге вакытта Рифат Зарипов, Рәсим Низамов, Раяз Фасыйхов, Фирдүс Тямаев, Резеда Шәрәфиева, Алсу Әбелханова, Айгөл Бариева, Фәридә – Алсу дуэты кызлары белән эшлибез. Барысының да стильләре бер-берсеннән нык аерыла, шуңа күрә барысын да исәпкә алырга кирәк.

Өметле яшь җырчылар бик күп, алар белән дә эшлибез. Зөлфирә Шәйдуллинаны сәхнәгә алып чыгарга телим, аның белән тулы бер альбом эшләдек. Үзе тырыш кеше булса, халыкка күрсәтергә була.

“Җыр сатып баеп булмый”

– Күп очракта җыр авторлары читтә кала. Бик сирәк җырчылар гына концертта шагыйрь һәм композиторны искә ала. Бу хакта ни уйлыйсыз?

– Элек телевидениедә көй авторы белән шагыйрь исеме күрсәтелми иде. Хәзер Алланың рәхмәте, җыр барышында авторларның исеме языла. Сәхнәдә популярлык казанган җырчыларны таный халык, исемнәрен яхшы белә. Дөрес фикерлисез, җырны иҗат иткән шагыйрь белән композитор ничектер онытылып кала кебек. Ә бит җырчыны халыкка, шул кешеләр иҗат иткән хит таныта. Җырдан башка берсе дә бөеккә күтәрелә алмый. Хәтер кала инде, әйтеп узсалар рәхәт булып китә. Ул бит зур хезмәт, үзеннән-үзе җыр туа алмый. Җырчылар моңа игътибар бирми, бу проблеманы зуррак дәрәҗәдә хәл итәргә кирәктер. Алар аны җиңел дип уйлыйлар, үзләре язып карасын. Бәлки шуннан соң аңларлар. Әлбәттә, җырны теләсә ничек язып була. Тик халык аны яратып кабул итсен өчен тырышырга кирәк. Җырны акча эшләү өчен язмыйм, әлеге шөгыль күңелемә рәхәтлек бүләк итә. Танышларга бушка бирәм, читләрдән дә каерып акча алмыйм. Җыр сатып баеп булмый. Үземнең концертларда һәр җырымның авторын әйтеп узам, кешенең хезмәтен олыларга тырышам.

“Башларына тавык йомыркасы ыргытасым килә”

– Фирзәр абый, бүгенге татар эстрадасына нинди карашта сез?

– Татар эстрадасы замана белән алга атлый, ләкин төзәтәсе әйберләр дә бик күп. Сәер заман, чөнки артистлар халыкының нәрсә теләгәнен тулысынча аңлап җиткерә алмый. Татар халкы бик кызык бит ул. Моңлы һәм талантлы җырчыга караганда, җырлый белмәүчене өстен күрә. Шигырь укыган шикелле җырлаучыларга, сикерә-сикерә биючеләргә тамашачы мөккибән китеп утыра. Үзебезнең халыкка үпкәләгән, ачу килгән чакларым күп була. Бөтенләй җырлый белмәгән җырчыларның концертларында заллар шыгрым тулы, меңләгән тамашачы. Халыкны бернәрсә эшләтә дә алмыйбыз, ул үзе сайлап килә. Бу тәрбия, моң дигән төшенчәне белмәгәннән килә. Тамашачы кемнең яхшы җырлый, кемнең начар җырламаганың белми. Концертка барып утыра, авызын ачып ике сәгатьтән артык фонограмма тыңлый. Кемнәрнең фонограммага җырлаганың шунда ук сизәм, башларына тавык йомыркасы ыргытасым килә.

– Татар эстрадасы сәхнәсенә җырлый белмәүчеләр күтәрелә диләр…Килешәсезме?

– Татар эстрадасында хәзер кемнәр генә юк бит, җырлый белсә-белмәсәләр дә чыгып акыралар. Алтын таулар вәгъдә итсәләр дә, җырчыларның яртысыннан күбрәгенә үземнең җырларымны мәңге бирәчәгем юк. Күңелемә хуш килмәгән, җырлый белмәгән җырчыларга миңа юл ябык. Җырчылар күп, җырлый белүчеләр аз. Хәзер үзешчән сәгатьтә катнашучыларның барысы да сәхнәгә үрелә. “Ни өчен?” – дип сорагыз, чөнки бездә полный бардак.

“Рөхсәт сорап тору юк, бөтенесе җырлый хәзер”

– Гаеп кемдә соң?

– Иң беренче чиратта, Татарстан Республикасы Мәдәният министрлыгында бардак. Башкортстанга концерт белән килеп карагыз әле, болай җайлы гына кереп китә алмыйсыз.

Ә бездә нәрсә, бер-ике җыр яздыралар да икенче көнгә концерт куялар. Рөхсәт сорап тору юк, бөтенесе җырлый хәзер. Менә шуңа күрә шундый буталчык бездә. Әле бит ул җырчыларның күбесе үзе җырламый, фонограммага авыз ача. “Интертат”та басылган мәкаләдә күпме җырчы моң кирәкми дип әйткән бит. Нәкъ җырлый белмәүчеләр шундый сүз әйтә, сәхнәгә үрелә. “Син плюска җырлыйсың мени?” – дип сорап карагыз алардан. “Ә тагын ничек җырлап була соң?” – дип чәчрәп чыгалар. Мәдәният Министрлыгында үзгәртү эшләре алып барырга, тәртип урнаштырырга кирәк. Элек Филормониядә худсоветлар бар иде. Алар җырчыларның җырын, көен, сүзләрен тикшереп, бергә киңәшләшеп, бу җырны сәхнәгә чыгарыргамы-юкмы икән дип тикшерәләр иде. Талантлы җырчыларга сәхнәгә чыгарга авыр, ә теге “калын кесәлеләр” концерт куеп йөри. Кемнең акчасы һәм бай абзые бар, шул чыга. Шундый бер оешма булсын иде ул. “Барс Медиа” кебек. Хәер, хәзер ул да җырчыларны һәм үзен бетерде бугай инде.

– Фирзәр абый, сез бик аралашучан кеше. Эстрададагы җырчылардан тыш, чын дусларыгыз күпме?

– Аралашучан булсам да, күңелемә якын булмаган кешеләр белән аралашуны чикләргә тырышам. Танышларым күп, чын дусларым бик аз. Ике генә чын дустым бар.

– Нигә шулай аз?

– Дуслар күп булмый ул, сеңлем. Тора-бара тормыш кемнең дус, кемнең дошман булуын күрсәтә. Дус дип йөргән кешеләр этлек эшли, дошман дип йөргәне, киресенчә, әйбәт булып чыгарга мөмкин. Дуслык төшенчәсен күпләр аңлап җиткерми. Кочаклашып, күрешеп, әллә нигә бер кунакка йөргән кешене дус дип атаучылар бик күп. Ләкин бу чын дуслык түгел. Андый кешеләрне дуслар дип түгел, бары тик яхшы танышлар дип кенә атарга мөмкин.

– Көй язудан тыш, буш вакытыгызда тагын нәрсәләр белән шөгыльләнәсез?

– Хатын белән шөгыльләнәм (көлә). Элек спорт белән дус идем, хәзер картайдым. 60 яшь үзен сиздерә. Волейбол, футбол уйнарга тырышам үзе. Йөрәк картаерга ашыкмый. Буш вакытларымда балык тотырга яратам. Җәй көне җир эше күп, бакчада казынабыз инде. Җиләк-җимеш, яшелчәләр үстерәбез. Үзебез өчен генә каз, үрдәк асрыйбыз. Бәрәңге алырга, печән чабырга яратам. Барлык эшләрне дә үзем башкарырга тырышам, чөнки күңелемә рәхәтлек бирә. Авыл тормышын үз итәм, шәһәр минем өчен түгел икән. Сигез ел Казанда торганнан соң авылга кайттым. Буа районының Кайбыч авылында гомер итәбез. Табигате искиткеч матур, су буе янында торабыз.

– Хатыныгыз Наилә ханым белән тормыш итә башлавыгызга ничә ел?

– Безнең юбилей елы. 24 августа хатын белән торганга 40 ел була. Бер хатын белән торганга (көлә). Мине аңлый торган кеше, шуңа күрә тормыш иткәндә Наилә белән яшәргә бик җайлы булды. Бер-беребездән башка тора алмыйбыз. Тора-бара шулай була икән ул.

“Чулпанга үзем эстрададан китәргә куштым”

– Белүебезчә, кызыгыз Чулпан да сәхнәгә зур адымнар ясый башлаган иде. Җырчы булып китәргә нәрсә комачаулады?

– Чулпан үзе өчен генә җырлады, хобби буларак кына. Без аның белән ике альбом эшләдек, 18 җыры бар. Хәзер ул Мәскәүдә тора, юрист булып эшли. Күптән түгел генә оныклар белән кунакка кайттылар, ике кызы бар. Шушы көннәрдә Салаватның концертын карарга киләчәкләр. Салават Чулпанны үз баласыдай якын күреп ярата, аңа кызым дип эндәшә. Дөресен генә әйткәндә, Чулпанга үзем эстрададан китәргә куштым. Каршы килмәде, җырлау теләге көчле булмагандыр. Әлеге һөнәр русча әйткәндә, “неблагодарное дело”. Хәзерге заманда әлеге хезмәт бик күп чыгымныр тәлап итә. Тавышын була торып та, акчан булмаса син җырчы була алмыйсың. Хатын-кыз өчен гаилә беренче урында булырга тиеш. Артист тормышы белән яшәгән кеше ирен, балаларын тәрбияли алмый. Көн саен гастроль, концертлар куярга кирәк. Чулпанны Мәскәүдә узачак юбилей, туйларга җырларга чакыралар. Ул каршы килә, бармый. Аңа гаиләсе кадерлерәк.

Автор: Ләйлә ХӘКИМОВА
Фото: Рамил Гали
intertat.tatar

Запись Фирзәр Мортазин Татарстанның Мәдәният министрлыгына гаепләү белдерә: “Бардак!” впервые появилась Tatar Today - татар яңалыклары..

БЫЕЛГЫ КОНЦЕРТТАН НИНДИ ЯҢАЛЫК КӨТӘРГӘ?

«Бер караганда, бу иң җиңел концерт булырга тиеш. Утыз ел буена җырлаган һәр репертуардан бер генә җыр алсаң да, утыз җырың инде әзер дигән сүз. Шуңа күрә, мин моннан иң җиңел вә күңелле бер әйбер килеп чыгарга тиеш дип уйлыйм.

Бу вакыт эчендә 600дән артык җыр башкарылган. Шулар арасыннан 20 җырны сайлап алырбыз, моңарчы яңгырамаган берничә яңа җыр да җырланачак.

Иң авыры – репертуар сайлау. Ничек кенә әзерләнсәң дә, халык канәгать булмаячак, һәм дөрес эшли. Бер дустым әйтә: «Салкын чәй буламы?» – ди. Минәйтәм: «Булыр, мөгаен. Җырлармын». Икенчесе әйтә: «Салкын чәйне җырласаң, чыгам да китәм концертыңнан. Туйдым», – ди. Ничек җавап бирәсең бу очракта? Бөтен кешегә дә ошап бетеп булмый, тырышырга ярамый, мөмкин дә түгел.

Концертта 30 ел буе эшләгән авторларның исемнәрен яңгыратасым килә. «Бу кешенең исеме төшеп калмасын иде, бу кеше белән эшләдек бит инде», – дигән уйлар килә. Әмма моның кыен ягы да бар. Мәсәлән, Альфред Якшәмбетов белән безне 37 еллык дуслык бәйли. Бергә эшләгән, бергә укыган дустымның бу сезонга бер җырын да ала алмыйм! Ярты картайдым. Тапкан кебек идем – «Озын толымлы бер гүзәлгә» дигән җыры бар. Чәч проблемасын күтәрим, дидем. Элек бит хатын-кызда чәч ике төрле генә була иде – озын яки кыска. Ә хәзер: кызыл, яшел, җирән, сары, ямьсез… «Юк инде, кирәкми, Салават, бу – җыр түгел», – диде. Әлегә концертка кертерлек җырын таба алмадык.

Минем репертуарга иң күп җырны Фирзәр Мортазин. язды. Ләкин Фирзәр беркайчан да «кесә композиторым» булмады. Башкаларга сатадыр җырларын, миңа – юк. Шалтырата ул: «Әзи, өч җырым бар, тыңлап кара әле, ошамаса – сатам», – ди. Мин тыңлап карыйм да: «Бу минеке түгел, Фирзәр – сат», – дим. Ә ошаса, болай гына бирә. Сатып түгел.

ЖУРНАЛИСТ НИНДИ БУЛЫРГА ТИЕШ?

«Минем белән әңгәмә корган журналист миңа караганда биш тапкыр акыллырак булырга һәм бөтен өлкәдә дә тирән йөзәргә тиеш. Иң усал кеше –журналист булырга тиеш. «Дурак» усал түгел – кешенең башына сугарга акыл кирәкми. Акыллы усал булсын. Бер сүзе белән үтерерлек итеп әйтә икән – димәк бу көчле журналист».

ГОМЕРНЕҢ ТИЗ УЗУЫ ТУРЫНДА

«Берсендә, Камал театрына Алмаз Хәмзин кергән. «Алтмыш яшь тулды бит, Салават, шаккатарсың!» – ди. Кәефе төшкән. «Ник борчыласың, Алмаз абый, ул алтмыш яшь бит тулмаска да мөмкин иде», – дим. «Кара әле, моның турында уйлаганым юк иде, дөрес әйтәсең бит!» – ди. Мин дә аптырыйм гомернең тиз үтүенә. Хәтта ачу да килә. Әмма бер акыллы кеше болай дип тынычландырды: «Салават, рәхәт яшисең, шуңа тиз үтә ул синең гомер. Авыр яшәгән кеше өчен аның сәгате тәүлеккә тиң», – ди. Шуннан соң мин уйлап куйдым – гомерем, димәк, матур уза, Аллага шөкер! ».

«MATIZ» МАШИНАСЫНДА ЙӨРГӘН ХАТЫН-КЫЗЛАРНЫ ЯРАТМЫЙСЫЗ ДИГӘН СҮЗ ДӨРЕСМЕ?

«Әйе, иң сөймәгәнем – «Matiz»да йөргән хатын-кызлар. Минем концертта да әйткәнем бар ул хакта: хатынын яраткан ир беркайчан да хатынына «Matiz» алып бирми. Бурычка кереп булса да, яхшы машина алып бирә. Ул – консерв банкасы. Аңа утырып, исән чыгулары бик авыр. Иң куркыныч машина шул. Миңа бер акыллы кеше әйтте – хатыныңны, балаларыңны йөртә торган машина үзеңнекенә караганда куркынычсызрак булырга тиеш.

Бер тапкыр шундый «обидный» хәл булды. «Matiz»да ике хатын утыра, минем машинаның алдына чыгып, тәрәзәләреннән урта бармакларын тырпайтып болгый-болгый үтеп киттеләр. Машина йөртүчем миңа карый: «Тимә минәйтәм, җибәр, барып бәрелерләр әле берәр җиргә». Төнлә, караңгыда булса, тотып кыйнар идем, бәлки. Бу ни инде? Олы машинада барган ир кешегә күрсәтә торган әйберме? Йә йодрык болга инде, йә: «Сәлам», – дип, кул селтә. Юк! Икесе дә шул озын бармакларын чыгарып, бер минут бардылар безнең алда. Шуңа күрә – «ненавижу»! Нишләп яратырга тиеш мин аларны?

ЧИТ ИЛЛӘРДӘ САБАНТУЙ ҮТКӘРҮ ТАТАРГА КИРӘКМЕ?

«Без Сабантуйларны бик күп үткәрәбез. Кайсы илгә генә барып үткәрмибез. Моның башы каян башлангандыр. Сабантуй – ул безнең халыкныкы, үзе уйлап чыгарган бәйрәме. Туй ясар өчен, башта сабан белән сөрергә кирәк. Туе булсын өчен сабаны булырга тиеш. Соңгы вакытта сабаны – безнеке, туе – башка халыкныкы. Дөнья бетереп, икешәр-өчәр йөз артист җыеп, чит илдән татар эзләп йөрүне бик дөрес әйбер дип исәпләмим мин. Татар кайда яши, шунда кадерен белсеннәр. Мин болай дип уйлыйм: җүнле кеше булса, ул монда, үз халкы янында яшәр иде. Йә ул качкан, йә киткән. Татарның үз иле бар – Татарстан. Безнең бәйрәмне күрү өчен бөтен дөнья шушында җыелырга тиеш. Ә без нишләптер вакланабыз. Бәлки мин ялгышамдыр, чөнки үземне акыллы кеше, дип исәпләмим. Ләкин бу минем фикерем. Казанда барсын ул, ун көн барсын, ләкин бөтен дөнья татарлары җыелып килсен шунда. Татарын күрер өчен, көрәшен күрү өчен».

«МИНЕМ УЛЫМ»

«Күптән түгел Рөстәм Рязань шәһәрендә узган ралли-кросс ярышларында җиңеп чыкты. Татарстаннан бердәнбер вәкил иде ул, Русияне отты. Мин шатландым, әлбәттә. Әле дә әллә кайларда очып йөрим. Рөстәмгә 15 яшь, ул 18 яшьлекләр арасында җиңде. Сентябрьнең 18ендә Алла боерса аңа 16 яшь тула, сорый инде миннән: зурлар арасына күчим әле, ди. Үзен бик олы дип исәплидер инде. Киләсе елга 20-50 яшьлекләр арасына керәсе килә. Әйтеп куйдым: «Улым, биш-алты ел җиңү күрә алмаячаксың. Трассада бәргәләп, типкәләп йөртәчәкләр сине. Ризасыңмы шуңа?» – дидем. «Ризамын», – диде. Иң беренче таләп куйдык – чак кына укуың начарая икән, «сразы» шахмат уйнауга күчәсең һәм – мәктәпкә. Шуңа күрә ул тырышып укый. Иң начар билгесе – «4,6». Физика, математика, инглиз телләре бар да «5» ле.

Кемдер сорый миннән: «Ник малаегызны шундый куркыныч спортка бирәсез?» – дип. Мин аны әллә ни куркыныч спорт дип әйтмәс идем. Кеше каядыр китеп барган җиреннән дә абынып, әллә нәрсәсен авырттыра ала.

СОВЕТ ЧОРЫНДА ТАТАР ҖЫРЛАРЫНЫҢ БЕР КУШЫМТАСЫН РУСЧА ҖЫРЛАУ ГАДӘТЕ БУЛГАН. САЛАВАТ РУСЧА ҖЫРЛАР ИДЕМЕ?

«Илһам ага Шакиров җырлаганын ишетеп торгач, бер бөек виолончелист аңа әйткән: «Илһам, синең тавышың шул кадәр матур. Русча җырласаң, сине хөрмәтләп туя алмаслар иде. Бәлки бер җыр булса да урысча җырларсың?». Илһам абыйның җавабы: «Кайчан Зыкина татарча җырлый башлый, шунда мин дә урысча җырлармын».

Миннән башка да татар телен оныткан маңкортлар җитәрлек. Русча җырлауның бер авырлыгы юк. Чөнки анда 3 кенә нота. Әмма без аларныкын җиренә җиткереп җырлый алмыйбыз, алар – безнекен. Һәркем үз эшен эшләргә тиеш. Монда җавап бер генә – юк».

Айгөл ЗАКИРОВА, Безнең гәҗит

Запись Салават Фәтхетдинов белән «обидный» хәл була: Тотып кыйнар идем ди впервые появилась Tatar Today - татар яңалыклары..

Күбесе бу фотоларның “постановочный” булуын билгеләп үтте.

Соңрак Данир Сабиров битендә тагын бер фото пәйда булды. Хатыны Миләүшә Данирдан үч алырга уйлаганмы, белмәссең. Фотода Миләүшә белән аранжировкалар остасы Марат Мухин. Ул җырчы Дилә Нигъмәтуллинаның ире дә. “Хотя бы шәрә йөрмәсәгез инде балакайларым…” дип яза фото астына Данир Сабиров.

Тагын бер яңалык: бүген Данир Сабиров белән Илсөя Бәдретдинова ресторанга барганнар. “Бигрәк матур итеп каршы алалар инде монда. Иң кадерле кунакларын көткән кебек… Сыйланып чыгар өчен генә барам бугай инде мин. Ит яратам бит. Ә бу итле ресторан” дип яза фотолар астына Илсөя Бәдретдинова.

Ә Данир Сабиров рестораннан фотолар куймаган, Салават Фәтхетдиновның хатыны Ләйсән ханым белән таганда атынуларын төшереп видео урнаштырган.

Сез укытучыгызның хатыны белән шулай атынганыгыз бармы? Р. S. Ләйсән Расимовна, юбилеегыз белән! ? @leisan_fat2807 #данирсабиров #салаватфатхетдинов #туганкон

Публикация от Данир Сабиров (@danir_sabirov87) 28 Июл 2018 в 2:41 PDT

Запись Данир Сабиров Илсөя Бәдретдинова белән ресторанга бара [фото-видео] впервые появилась Tatar Today - татар яңалыклары..

Салават Фәтхетдиновның 30нчы конерт сезоны һәр елдагыча Камал театрында узачак. Быел сезон 1 август узачак һәм 20 августта “Татар моңы” җыр фестивале белән тәмамланачак.

Матбугат очрашуы барышында Салават Фәтхетдиновтан бик кызыклы фикерләрләр дә яңгырады. Татар-тудей сезгә шуларның иң-иң булган җидесен тәкъдим итә:

1. “Татар моңы” төтен чыгарып биетә торган фестиваль түгел.

2. Татар – мәңге проблемалы халык. Тел, дин, җыр-моңны саклыйбыз дип сугышабыз, ләкин җиңгәнебез генә юк.

3. Журналист миңа караганда акыллырак булырга тиеш.

4. Чит илдә татар эзләп йөрүне дөрес санамыйм. Татарның үз иле бар.

5. “Матиз”дагы хатын-кызларны яратмыйм. Аннары соң, юньле ир хатынына “матиз” машинасы алмый.

6. Хатын-кызлар көрәшендә кызык: гадәттә ирләр көрәшкәндә хатыннары талашса, монда киресенчә.

7. Хатын-кыз – шофер, баянчы була алмый.

Запись Салават Фәтхетдинов ни өчен “Матиз”дагы хатын-кызларны яратмый? впервые появилась Tatar Today - татар яңалыклары..