Архивы Самара - Tatar Today - татар яңалыклары.

Укытучы биергә дә тиеш түгелме?

Alina — Sat, 25 Jan 2020 08:34:42 +0000

Самара өлкәсенең Шигон районындагы авылда информатика укыткан Ксения кичен шәһәрдәге төнге клубларның берсендә шәрык биюен башкарган. Бу видеоны кемдер челтәргә сала, укытучы турында мәгълүмат тарала.

«Шәрык биюен биесәң, шуның белән шөгыльлән. Син бит Укытучы!» дип гаеплиләр аны. «Моны укучылар күрергә мөмкин бит!» — дип язалар. Бу видео чыкканнан соң җитәкчелектә укытучы белән сөйләшкәннәр һәм ул эшеннән китеп барган.

“Интертат” язуынча, җитәкчелек укытучының бу адымын педагог эшенә туры килми торган дип бәяләгән. Ксения клубта Джавхара псевдонимы белән чыгыш ясаган. Шәрык биюе белән ун ел шөгыльләнә икән. Ә мәктәптә ярты ел гына эшләгән. Әти-әниләр дә, мәктәп җитәкчелеге дә бу шөгылемне беләләр, дигән ул. «Ксения мәктәпсез яшәр, ә менә кем балаларга информатика укытыр. Авыл мәктәбенә килергә теләүчеләр бармы әллә. Видеоны Ксениядән көнләшкән кешеләр салган», — дигән авылда яшәүче Татьяна. Ксения эшеннән киткәч, аны яклап язучылар арткан.

Мәгълүмат Кызыл таң

Запись Укытучы биергә дә тиеш түгелме? впервые появилась Tatar Today - татар яңалыклары..

Җир убылу нәтиҗәсендә, машина кайнар сулы чокырга төшеп китә[видео]

Алина — Tue, 23 Oct 2018 07:36:14 +0000

Самарада 21 октябрьгә каршы төндә машина кайнар сулы чокырга төшеп китә. Бу хакта “Россия24” телеканалы хәбәр итте. Вакыйга булган урыннан видеолар социаль- челтәрләрдә тарала.

Гадәттән тыш хәл урам чатында булган. Светофорның яшел төсе янгач, машина хәрәкәт итә башлаган. Башта аның бер тәгәрмәче җир астына төшеп киткән. Ир-ат артка таба хәрәкәт итмәкче булган, тик машина астында асфальт убылган. Барлыкка килгән чокыр кайнар су белән тулган. Машина шунда чумган.

Машинадан чыгу өчен ир-атка тәрәзәсен ватырга туры килә. Ә машинаны исә чокырдан тартып чыгару өчен махсус техника килә. Социаль-челтәр кулланучылары әйтүенчә, мондый гадәттән тыш хәлләр Самара өчен табигый. Имгәнүчеләр турында хәбәр ителми.

Запись Җир убылу нәтиҗәсендә, машина кайнар сулы чокырга төшеп китә[видео] впервые появилась Tatar Today - татар яңалыклары..

Салават Фәтхетдинов диңгезгә барып тормыйча да, су эчендә калган [видео]

Редактор1 editor1 — Mon, 27 Feb 2017 09:47:27 +0000

Яз һәр җирдә дә үзенчә килә. Казанда, мәсәлән, катырып куеп, бозлавык хасил булса, Самарада чын диңгез булган. Җырчы Салават Фәтхетдинов шунда төшерелгән видеосы белән уртаклаша. //Tatar Today//

View this post on Instagram

A post shared by Салават Закиевич Фатхутдинов (@salavat_fatkhutdinov_official)

Самара буйлап машинада барганда Салават әфәнде видео да төшерә, җырлый да. Машина су ерып бара диярлек. Менә шулай җылытып, эрегән кар суга әйләнгән. “Кешеләр Сочида, диңгездә, Гарәп Әмирлекләрендә ял итсеннәр, ә без Самарада йөзәбез”, дип “Море, море – мир бездонный” җырын суза җырчы. Машинада янында баручылар көлешәләр.

Запись Салават Фәтхетдинов диңгезгә барып тормыйча да, су эчендә калган [видео] впервые появилась Tatar Today - татар яңалыклары..