Россия төбәк Тикшерү комитетының Турин районара тикшерү бүлеге ике кешене үтерү һәм өченче зыян күрүчене үтерергә омтылу турында җинаять эше кузгатты, – дип хәбәр итәләр Свердловск өлкәсе буенча Тикшерү идарәсендә.

Бу вакыйга турында хокук саклау органнарына 2 августта хәбәр ителә.

“Тимофеево авылындагы Черемушка урамы буенча урнашкан шәхси торак йортта ир белән хатынны үтерәләр. Аларның 1998 елгы кызлары хастаханәдә, хәзерге вакытта аңа кирәкле медицина ярдәме күрсәтелә,”—  дип ачыклап үтә Тикшерү комитеты. Хәзерге вакытта җинаять эше буенча Россия Тикшерү комитетының районара бүлеге тикшерүчеләре, криминалистика бүлеге һәм өлкә Тикшерү комитетының аеруча мөһим эшләрне тикшерү бүлеге хезмәткәрләре белән берлектә көчәйтелгән тикшерү – оператив төркем эшли.

Әлеге коточкыч җинаятьне ачу Свердловск өлкәсе буенча Эчке эшләр министрлыгы Баш идарәсе тарафыннан контрольгә алынган.

Мәгълүмат: e1.ru

Запись Коточкыч җинаять: Уралда ир белән хатынны үз өйләрендә атып үтерәләр впервые появилась Tatar Today - татар яңалыклары..